Arautegia

Inprimatu

AGINDUA, 2012ko irailaren 14koa, Herrizaingo, Justizia eta Herri Administrazioko sailburuarena, Herrizaingo, Justizia eta Herri Administrazio Sailaren antolamenduari eta funtzionamenduari buruzkoa.

Identifikazioa

Lurralde-eremua: Autonomiko
Arau-maila: Agindua
Organo arau-emailea: Herrizaingo, Justizia eta Herri Administrazio Saila
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 185
Hurrenkera-zk.: 4221
Xedapen-zk.: ---
Xedapen-data: 2012/09/14
Argitaratze-data: 2012/09/21

Gaikako eremua

Gaia: Administrazioaren antolamendua
Azpigaia: Sailak; Gobernua eta herri administrazioa

Deskribapenak

Testu legala

Aurkibidea erakutsiAurkibidea ezkutatu

- XEDATZEN DUT :
  - Artikulu bakarra Ezabatu berri diren Herrizaingo Saila eta Justizia eta Herri Administrazio Saila osatzen duten organoek, Herrizaingo Sailaren egitura organikoa eta funtzionalari buruzko abuztuaren 28ko 471/2009 Dekretuan eta Justizia eta Herri Administrazio Sailaren egitura organikoa eta funtzionalari buruzko abuztuaren 28ko 479/2009 Dekretuan aurreikusitako eginkizunak burutzen jarraituko dute, dekretu horietan ezarritakoaren arabera.
- XEDAPEN IRAGANKORRA
- AZKEN XEDAPENA

Lehendakariaren abuztuaren 2ko 13/2012 Dekretuaren bidez, Herrizaingo, Justizia eta Herri Administrazio sail berria sortu da. Aipatu dekretuak, Euskal Autonomia Erkidegoko Administrazioko sailak, sortu, ezabatu eta aldatzen eta horien egitekoak eta jardun-arloak finkatzen dituen dekretua laugarren aldiz aldatu du.

Dekretu horrek xedatutakoaren arabera, Herrizaingo, Justizia eta Herri Administrazio Sailak Lehendakariaren maiatzaren 8ko 4/2009 Dekretuko 6. eta 9. artikuluetan jasotako Herrizaingo Sailaren eta Justizia eta Herri Administrazio Sailaren egitekoak eta jardun-arloak bideratuko ditu.

Dekretu horretan esaten denez, hauteskundeak hurbil daudela kontuan hartuta, egokia da sailen berrantolaketak Jaurlaritzaren eginkizun politiko-administratiboen jarraipena berma dezan, etenik eragin gabe, eta aurreko administrazio-antolaketatik dekretuan onartzen den administrazio-antolaketarako bidea zuzen dezan.

Halaber, Herrizaingo, Justizia eta Herri Administrazio Saileko egitura organikoa onartzen ez den bitartean, eragindako sailen eguneko egiturak mantenduko dira aipatu dekretuari kalterik egiten ez dion heinean.

Dena den, araua argi gera dadin, komeni da, irizpide trantsizio-aldi honetan, bi funtzionamendu-alor horietako kudeaketaren eta administrazio-izapidetzaren inguruko hainbat alderdi are gehiago argituko dituzten antolakuntza-irizpideak ezartzea.

Horregatik guztiagatik, Lehendakariaren irailaren 2ko 16/2012 Dekretuak ematen dizkidan ahalmenez baliatuz, honako hau

XEDATZEN DUT :

Artikulu bakarra Ezabatu berri diren Herrizaingo Saila eta Justizia eta Herri Administrazio Saila osatzen duten organoek, Herrizaingo Sailaren egitura organikoa eta funtzionalari buruzko abuztuaren 28ko 471/2009 Dekretuan eta Justizia eta Herri Administrazio Sailaren egitura organikoa eta funtzionalari buruzko abuztuaren 28ko 479/2009 Dekretuan aurreikusitako eginkizunak burutzen jarraituko dute, dekretu horietan ezarritakoaren arabera.

XEDAPEN IRAGANKORRA

Herrizaingo, Justizia eta Herri Administrazio Saileko egitura organikoa onartzen ez den bitartean, Herrizaingo eta Justizia eta Herri Administrazio sailei dagozkien eremuetan ezarritako eskumen-eskuordetzeak, eginkizun-eskuordetzeak eta kudeatzeko gomendioak bere horretan mantenduko dira.

AZKEN XEDAPENA

Agindu hau Euskal Herriko Agintaritzaren Aldizkarian argitaratu eta biharamunean jarriko da indarrean.

Vitoria-Gasteiz, 2012ko irailaren 14a.

Herrizaingo, Justizia eta Herri Administrazioko sailburua,

IDOIA MENDIA CUEVA.

Gaiarekin lotutako edukiak

Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa