Liburutegi Zerbitzua

1. Agindu honen xedea Euskal Autonomia Erkidegoan (EAE) garapen eta aplikazio arauak ezartzea da, ardiak eta ahuntzak identifikatu, erregistratu eta garraiatzeari dagokionez. Edu bertsuan, agindu honen bidez ezartzen dira lurralde berean ardi edota ahuntz ustiategietako erregistro liburuaren edukiak.

2. Agindu honen ondoreetarako, ondokoetan ezarritako definizioak aplikatuko dira: Kontseiluaren 92/102/EEE Zuzentaraua, 1316/1992 Errege Dekretua, 21/2004 Erregelamendua, 479/2004 Dekretua, 947/2005 Errege Dekretua eta 1486/2009 Errege Dekretua.

3. Euskal Autonomia Erkidegoan Eusko Jaurlaritzari solaskidetza eta ordezkaritza dagozkio eta lurralde historikoetako foru aldundiei, berriz, araudia garatu eta betearaztea, eta agintaritza eskudunak izango dira kasuan kasuko geografia eremuetan.

1. Euskal Autonomia Erkidegoko nekazaritzako ardi eta ahuntz ustiategiak erregistratuta egon behar dira Euskal Autonomia Erkidegoko Nekazaritzako Ustiategien Erregistro Orokorrean, zeina irailaren 27ko 203/2011 Dekretuak arautzen baitu Agindu honen 9. eta 10. artikuluetan jasotako erregistroak eta baseak Euskal Autonomia Erkidegoko Nekazaritzako Ustiategien Erregistro Orokorrean integratuko dira eta horren zati osagarriak eta bananduak izango dira.

2. Irailaren 27ko 203/2011 Dekretuan jasotakoarekin bat etorrita, foru aldundiek euren lurraldeetako ardi eta ahuntz ustiategien datuak kudeatu eta mantenduko dituzte, baita ardi eta ahuntz espezien abereen identifikazio eta erregistro datuak eta agindu honen 9. eta 10. artikuluetan jasotako abereen mugimenduen erregistroa ere. Agindu honen ondoreetarako, foru aldundiak izango dira erregistroaren arduradunak.

3. Foru aldundiek irailaren 27ko 203/2011 Dekretuaren 7.1. artikuluan xedatutako datu basea hornituko dute etengabe lehengo atalean jasotako informazioaz, eta erregistroa beti eguneratuta egongo dela bermatuko dute.

1. Euskal Autonomia Erkidegoko Nekazaritzako Ustiategien Erregistro Orokorrean erregistratzeari dagokionez, ardi edota ahuntz espezietako abereak dituzten ustieategiak, hau da, ardi edo ahuntz azpiustiategiak ustiategi motaren arabera sailkatuko dira, 479/2004 Errege Dekretuaren III. eranskinean jasotako xedapenekin bat eginda.

2. Ardi edo ahuntz azpiustiategiaren produkzio orientazioaren arabera, sailkapen zootekniko hauetako bat esleituko da:

   1. Ugaltze ustiategiak: esnea edo arkumeak edo antxumeak emateko eme ugaltzaileak dituztenak. Produkzio orientazioaren arabera, ondokoak izan daitezke:

      1. Esnea produzitzeko ustiategia: Esnea edo esnekiak ekoitzi eta, hala badagokio, merkaturatzeko helburua dutenak, beraz, ardiak edo ahuntzak jetziko dira horretarako.

      2. Okela produzitzeko ustiategia: ardiak edo ahunzkumeak ekoizteko helburua dutenak, beraz, ardiak edo ahuntzak ez dira jetziko, esnea edo esnekiak merkaturatzeko.

      3. Mistoa: Produkzio orientazio batzuk dituztenak.

   2. Beita edo zebadera ustiategiak: ugaltzerako abereak ez dituzten ustietegiak eta hiltzeko abereak gizentzekoak direnak.

   3. Autokontsumorako ustiategia: Famili kontsumorako produzitzen duen azpiustiategia, baina ezin da inola ere ezer merkaturatu. Autokontsumorako usteategiak dira ondoko irizpideetako bat betetzen dutenak:

      30 ugaltze arrak edo emeak baino ardi edo ahuntz gutxiago dutenak, ustiategi erregistroaren eta 13. artikuluan aipatutako derrigorrezko urteko adierazpenen arabera.

      Aurreko urtean abereak beste ustiategi batzuetara garraiatu izanaren agiririk ez izatea, hiltegietara barne.

      Aurreko urtean esne enpresetako esne entregen adierazpenik ez izatea.

Identifikazio eta erregistro sistemak ondoko osagaiak ditu:

1. Abere bakoitza identifikatzeko markatze gailuak.

2. Datu base informatizatuak.

3. Lekualdaketa agiriak.

4. Erregistro liburu eguneratuak, ustiategi bakoitzeko.

1. EAEn jaiotako ardi eta ahuntz guztiak gailu elektronikoaren eta marka aurikularraren bidez identifikatu behar dira.

2. Gailu elektronikoak ondokoka izan daitezke:

   Txirlo erruminala, eta 947/2005 Errege Dekretuko I. eta III. eranskinean eta ondorengo aldaketetan jasotako ezaugarriak eduki behar ditu.

   Marka aurikular elektronikoa, eta 947/2005 Errege Dekretuan eta ondorengo aldaketetan ezarritako ezaugarriak eduki behar ditu.

3. Txirlo erruminalaren eta marka aurikularraren identifikazio kode elektronikoaren egiturak ondoko ezaugarriak ditu:

   Herriaren kodea UNE-ISO 3166 arauaren arabera, eta arrakadan ES letrak edo 724 kodea identifikatzaile elektronikoan.

   EAEko identifikazio digitu bi (2), 15 kodearen bidez.

   Geroko beharrizanetarako erreserbatutako digitu bi (2), 00 kodearekin.

   Lurralde historikoari dagokion digitu bat (1): 1 Araba, 2 Bizkaia eta 3 Gipuzkoa.

   Animalia banaka identifikatzeko zazpi (7) digitu

1. Animaliak jaio eta sei hilabetera gehienez identifikatu behar dira eta edozein kasutan ere, animalia jaiotze ustiategitik joan baino lehen.

   1. zenbakian adierazitakoa kontuan hartu arren, identifikazioa jartzeko epea bederatzi hilabetera luzatzen da eta edozein kasutan ere, jaiotze ustiategia utzi baino lehen, bederatzi hilabete igaro ez badira, abeltzaintza estentsiboko sistemetan hazitako animalien kasuan. Agindu honen ondoreetarako, abeltzaintza estentsiboa da okela eta esnea produzitzeko sailkapen zooteknikoa duen abeltzaintzako ustiategia, baldin eta abereak artzaintzan ustiatzen badira. Eusko Jaurlaritzako Nekazaritza Zuzendaritzak identifikatzeko epea luzatzearen inguruko jakinarazpena egingo dio Ingurumen, Landa Ingurune eta Itsas Ingurune Ministerioari.

1. Estatuan jaio eta hamabi hilabetera baino lehenago hiltzeko abereak marka aurikular bakar baten bidez identifika daitezke. Marka horrek 947/2005 Errege Dekretuaren I. eranskineko B) letran jasotako ezaugarriak bete behar ditu.

1. 5. artikuluan deskribatutako identifikazio markak ardiak eta ahuntzak dituzten pertsona titularrei edo edukitzaileei honelaxe esleitu eta banatuko dira: zuzenean edo lurralde historikoetako bakoitzaren foru aldundiaren kasuan kasuko zerbitzuek baimendutako erakundearen bidez.

2. Lurralde historikoetako bakoitzaren foru aldundietako kasuan kasuko zerbitzuei dagokie eskuratutako, esleitutako eta banatutako marken inguruko datu basea mantentzea. Halaber, 9. artikuluan xedatutako Ardiak eta Ahuntzak Identifikatzeko EAEko Erregistroari helaraziko diote ondoko informazioa:

   erreserbatutako gailu elektronikoen kodeak, eskuratu baino lehen,

   eskuratutako gailuen kodeak, urtean behin.

   Informazio horri esker, Nekazaritza eta Abeltzaintza Zuzendaritzak EAEn erreserbatu eta erabilitako gailu elektronikoen erregistroa sendotu beharko du, bikoiztasuna saihesteko, eta 947/2005 Errege Dekretuaren 14. artikuluan xedatutako identifikazio elektronikoko kodeak datu basera igorri beharko ditu.

3. Ustiategiaren titularra edo abereen jabea izango da bere kargupeko abereak behar bezala identifikatuta egotearen arduraduna.

4. Identifikazio molde bat galdu edo suntsitzen bada, beste bat jarriko da, eta antzeko ezaugarriak izango ditu, galdu edo suntsitu den kode bera izanda. Horretarako, ustiategiaren pertsona titularrak, animalien arduradunak, kopia eskatu beharko du, behin identifikazioa galdu dela egiaztatuta.

5. Foru aldundietako agintaritza eskudunek baimena eman ahal izango diete enpresei, elkarteei edo bestelako organismoei, estatuan kontsumitzeko hamabi hilabete baino gutxiagoko ardiak eta ahuntzak identifikatzeko markak banatzeko. Kasu horretan, baimendutako enpresek erregistroa kudeatu beharko lukete eta agintaritza eskudunaren esku egon beharko litzateke une oro, eta hiru urtez mantendu beharko da azken idaztoarretik. Erregistroaren gutxieneko datuak ondokoak izango dira:

   Marken xede ustiategien REGA kodea.

   Marka zenbakia eta banaketa data.

   Fabrikatzailearen izena edo sozietate izena, helbidea eta NAN/IFZ.

   Ustiategien titularrak edo abereen arduradunak estatuan kontsumitzeko hamabi urte baiino gutxiagoko animaliak identifikatzeko markak eskuratzen duenean foru aldundietako agintaritza eskudunek baimendu ez duten establezimenduetan, puntu honetan jasotako informazioaz hornitutako erregistroa eduki beharko du.

1. Ardi eta ahuntz espezietako animalia guztiak, agindu honetan jasotakoaren arabera identifikatutakoak, ardiak identifikatzeko autonomia erkidegoko erregistro batera batuko dira. Nekazaritza eta Abeltzaintza Zuzendaritzak kudeatuko du erregistro hori, foru aldundietako agintaritza eskudunek emandako datuak kontuan izanda eta abere bakoitzeko, I. eranskinean jasotako datuak izango ditu gutxienez.

   Ardiak identifikatzeko autonomia erkidegoko erregistroa informatizatuta egongo da eta kudeaketa sistemari esker, lurralde historiko bakoitzeko erregistroetan egindako bajak eta aldaketak berehala agertuko dira bertan. Halaber, erregistro horren ardura izango da datuak 479/2004 Errege Dekretuan eta 947/2005 Errege Dekretuan ezarritako nazio erregistroetara eta ezarritako gainerako organismoetara bideratzea.

   Abereen jaiotze urtea esleitzeko, eta kontuan izanda ardien eta fisiologia eta produkzio ezaugarriak kontuan izanda, nekazaritza urtea kontuan hartuko da, hots, urte bateko urriaren 1etik (1. urtea) hurrengo urteko (2. urtea) irailaren 30era. Epe horretan jaiotako animalia guztiei 2. urtea esleituko zaie jaiotze urte gisa.

2. Ardiak identifikatzeko autonomia erkidegoko erregistroa lantzeko beharrezko informazioa xedatzeko, ustiategiaren pertsona titularrak abereen inguruko I. eranskinean jasotako datuak helaraziko dizkio foru aldundietako agintaritza eskudunei.

   Ustiategian banan-banan identifikatzea, eta

   Banan-banan identifikatuetakoetatik ustiategian hil direnen eta hil dituztenen datuak.

   Foru aldundietako agintaritza eskudunek zehaztuko dute mugimendu horiek jakinarazteko epea. Foru aldundiek xedatzen ez badute jakinarazpenerako epea, zazpi egunekoa izango da identifikaziotik, edo animalia hil dela egiaztatzen denetik.

   1. zenbakian definitutako erregistro informatikoa erkidegoaren barruko eta beste autonomia erkidegoekin trukatutako abereen datuekin osatuko da, baita foru aldundietako agintaritza eskudunek 947/2005 Errege Dekretua indarrean jarri baino lehenagoko arauen arabera banaka identifikatutako animalien inguruan dituzten datuekin ere.

1. Ardi eta ahuntz espezietako abereen mugimendu guztiak ganaduaren mugimenduen erkidegoko erregistro informatizatuta batuko dira, Ganaduaren mugimenduaren eta erregistro orokorra eta animaliak identifikatzeko banakako erregistroa ezarri eta arautzeko ekainaren 13ko 728/2007 Errege Dekretuan ezarritakoarekin bat etorrita. Eusko Jaurlaritzako Nekazaritza eta Abeltzaintza Zuzendaritzak kudeatuko du erregistro hori eta foru aldundietako agintaritza eskudunek emandako eta erregistratutako datuekin osatuko da eta II. eranskineko informazioa agertu beharko da gutxienez.

2. Animalien pertsona titularrek edo edukitzaileek, garraiolariak izan ezik, agintaritza eskudunei emango diete zazpi eguneko gehieneko epean animaliak sartu edo irtetetan direnetik, ustiatetgitik eta ustiategirantz animaliak lekualdatzeari buruzko informazioa, II. eranskinean agertzen dena.

3. Jakinarazpena EAEko eremuan egingo da, foru aldundietako agintaritza eskudunek ezarritako lekualdaketa agiri ofizialeko ereduak erabilita, V. eranskinean jasotako informazioa oinarri izaki, eta informazio hori lekualdatzen diren animalia guztiekin batera joan behar da.

   Banaka identifikatutako animalien kasuan, lekualdaketa agirian, lekualdatzen diren animalien banakako identifikazio kodea agertu beharko da, baldin eta larrerako lekualdaketa ez bada eta animalien titulartasuna aldatzen ez bada.

1. Animalien pertsona titularrek edo edukitzaileek, garraiolariak izan ezik, ustiategiko erregistro liburua, ustiategiko liburua, eduki behar du eguneratuta uztailaren 29ko 947/2005 Errege Dekretuan ezarritakoarekin bat eginda.

2. Ustiategiko liburua ustiategian egon behar da eta foru aldundietako agintaritza eskudunek eskura eduki behar dute halaxe eskatuz gero, hiru urteko epean azken idaztoarretik edo ustiategiari baja eman zitzaionetik.

3. Ustiategiko liburuak gutxienez III. eranskinean jasotako informazioa eduki behar du.

4. Ustategiko liburuak egitura fisiko edo elektronikoa eduki dezake, gutxieneko informazioa, artikulu honetako 3. zenbakikoa, bermatzen bada.

5. Ustiategiko liburuan, animalien pertsona titularrek eta edukitzaileek kasuan kasuko foru aldundiak emandako animalien errolda eduki behar dute eskura, eta bertan, ondokoak batu behar da: urteko zenbaketa ofiziala egitean (ganadu saneamenduko kanpainarekin bat etorrita ala ez) ustiategian zeuden animalien banakako identifikazioa, hilotzak batzearen albaranak eta ustiategitik edo ustiategira animaliak garraiatzeko agirien kopia.

1. Ardi eta ahuntz ustiategien pertsona titularrek urtero jakinarazi beharko diete agintaritza eskudunei urte bakoitzeko martxoaren 1a baino lehen urte bereko urtarrilaren 1ean ustietagian dauden animalien errolda osoa, espezieka. Jakinarazpena animalia kategoria hauen arabera egin beharko da:

   1. Lau hilabete baino gutxiagoko ugaltzaile kopurua.

   2. Lau eta hamabi hilabete bitarteko ugaltzaile kopurua.

   3. Urtebete baino gehiagoko ar ugaltzaileak.

   4. Urtebete baino gehiagoko eme ugaltzaileak.

      9. eta 10. artikuluetan ezarri legez, ardi ustiategietako pertsona titularrek datuak eman behar dizkiete foru aldundietako agintaritza eskudunei, eta ustiategiko titularrek eska dezakete jakinarazi beharreko errolda bat etortzeko, agintaritza eskudunek euren erregistroetan dutenarekin. Erregistaratutako datuen eta ustiategian dauden animalien kopuruaren arteko balizko kontraesanaren eta horren ondorioen arduraduna ustiategiko titularrarena izango da.

         Errolda jakinarazteko ereduarekin bat egiteko, ustiategiaren titularrak eskaera aurkeztu beharko dio ustiategia dagoen lurralde historikoko foru aldundiko organo eskudunari V. eranskinean jasotako ereduaren arabera, eta bertan azaldu behar du interesa duela berak jakinarazi behar duen errolda agintaritza eskudunaren erregistroetan dauden datuetatik lortuko dela. Foru aldundiek kasuan kasuko arauen bidez baldintza osagarriak jarri ahal izango dituzte errolda adierazpenaren formula horrekin bat egiteko.

2. Halaber, ardi eta ahuntz ustiategien pertsona titularrek agintaritza eskudunei jakinatrzi behar diete urtean behin gutxienez ustiategian identifikatutako animalien errolda, I. eranskinean jasotako informazioa gutxienez adierazita. Informazio hori emateko beharra urteroko batuketa ofiziala egiten denean egongo da beteta.

3. Ardi eta ahuntz ustiategien pertsona titularrek agintaritza eskudunei jakinarazi beharko diete zazpi eguneko gehieneko epean animaliak sartu edo irteten direnetik, ustiatetgitik eta ustiategirantz ardiak eta ahuntzak lekualdatzeari buruzko informazioa II. eranskinean jasotakoa, 10.2. artikuluan xedatu bezala.

4. foru aldundietan nekazaritza eskumenak dituen sailetako abeltzaintza zerbitzuak, animalien pertsona titularrek eta edukitzaileek emandako jakinarazpenak artikulu honetan eta 9. eta 10. artikuluetan jasotakoa oinarri izaki, ugaltzeen balantzea duen erregistroa egin ahal izango dute kategoriaka, eta ustiategien titularrek kontsultatu ahal izango dute. Foru aldundietan nekazaritza eskumenak dituen sailetako bakoitzak, arau garapen propioen bidez, ugaltzaileen balantzeak sortzeko metodologia eta abeltzainek balantzeak eskuratu ahal izateko sistematika ezarriko ditu.

Batzordearen 1505/2006 Erregelamenduan ezarritakoa kontuan izaki, foru aldundietako agintaritza eskudunek ustiategiak ikuskatuko dituzte, eta horretarako, kasuan kasuko prozedura dokumentatuak ezarriko dituzte.

Agindu honetan eta abereen identifikazioari eta erregistroari buruzko estatu eta EBko arauetan ezarritako betekizunak betetzen direnetz egiaztatzea da kontrol horien xedea, eta beste kontrol jarduera batzuekin batera egin ahal izango dira.

Ikuskapenak eta ondorioak agintaritza eskudunei jakinaraziko zaizkie Euskal Autonomia Erkidegoko Nekazaritza Ustiategien Erregistro Orokorrari, ezarriko diren prozedurekin bat eginda.