Liburutegi Zerbitzua

Elikagaien kalitate programak sustatzeko eta parte hartzeko ekintzetarako diru-laguntzei buruzko Dekretua (Bikain Programa) bigarren aldiz aldatzen duen azaroaren 9ko 295/2010 Dekretuaren azken xedapenean jaso bezala, dekretu osoa Euskal Herriko Agintaritzaren Aldizkarian argitaratzen den egunaren biharamunean jarriko da indarrean, lehenengo artikulua izan ezik; izan ere, artikulu hori indarrean jarriko da Euskal Herriko Landa Garapenerako 2007-2013 Programa aldatzen duen Batzordearen Erabakia EHAAn argitaratzen den egun berean; erabaki hori Ingurumen, Lurralde Plangintza, Nekazaritza eta Arrantza Saileko pertsona titularraren agindu bidez argitaratuko da.

Lehenengo artikulu horretan, kontrol egoera batzuk aipatzen dira. Batzuetan, «kontrol eta ziurtatze organismoak» dira, eta UNE-EN 45011 araua bete eta berorren arabera ziurtatuta egon behar dira, 2010eko maiatzaren 1etik (510/2006 Arautegiaren 11.3 artikulua). Beste kasu batzuetan, «kontrol agintariak» dira jarduleak eta objektibotasun eta inpartzialtasun bermeak eskaini beharko dituzte, langile kualifikatuak eduki behar dituzte eta eginkizunak betetzeko baliabide nahikoa ere (834/2007 Arautegiaren 27.4 artikulua eta 882/2004 Arautegiaren 4. artikulua).

Batzordeak 2010eko azaroaren 29an hartutako C(2010) 8507 Erabakian Euskal Autonomia Erkidegoko Landa Garapeneko Programaren berraztertzea onartzen da 2007-2013 programazio ekitaldirako eta Landa Garapeneko Programa onartzeko 2008ko otsailaren 15eko C(2008) 704 Erabakia aldatzen da. Aldaketen artean, azaroaren 9ko 295/2010 Dekretuaren lehenengo artikulua sorrarazi duena dago. Erabakiak 2010eko maiatzaren 24tik aurrera izango ditu ondorioak. Ondorioak atzeraeraginezkoa da Batzordearen 2005eko irailaren 20ko 1698/2005 Arautegiaren 71.1 artikuluaren 2. paragrafoan xedatutakoarekin bat etorrita.

Horregatik guztiagatik, honako hau