Liburutegi Zerbitzua

Euskal Autonomia Erkidegoko Administrazioaren kontratazio-araubideari buruzko ekainaren 5eko 136/1996 Dekretuaren 9.2 artikuluak kontratazio-espedienteak izapidetzeko eskumenen banaketa ezartzen du Kontratazio Batzorde Nagusiaren eta Administrazio honetako Sailen eta Erakunde Autonomoen kontratazio-organoei laguntzen dieten Kontratazio Mahaien artean, administrazio-kontratu motagatiko zenbatekoen arabera.

Banaketa horren bitartez, kontratazioetan beharrezkoa den arintasuna lortu nahi zen, eta orobat izapidetzearen espezializazioa indartu eta legaltasuna betetzen dela bermatu.

Era berean, delako Dekretuak artikulu horretan bertan ezartzen du a), b), d) eta e) ataletako zenbatekoak Ogasun eta Herri Administrazioko sailburuaren aginduz alda daitezkeela, horren eragina jasango luketen Sailen iritzia entzunda, arrazoi teknikoek edo ekonomikoek kudeaketan berehalakotasunaren eta espezializazioaren printzipioen arteko oreka mantendu dadin halakorik gomendatzen dutenean.

Bestalde, Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen uztailaren 30eko 20/2009 Dekretuak, Lehendakariarenak, Ekonomia eta Ogasun Sailari esleitzen dio kontratazioaren arloko egitekoa, besteak beste.

Denbora igaro da Dekretu hori indarrean sartu zenetik, eta Sektore Publikoko Kontratuei buruzko urriaren 30eko 30/2007 Legeak zenbait aldaketa tekniko ekarri ditu; horren guztiaren ondorioz, hautsi da Ekonomia eta Ogasun Saileko Ondare eta Kontratazio Zuzendaritzari atxikia zaion Kontratazio Batzorde Nagusiaren eta Euskal Autonomia Erkidegoko Administrazioan existitzen diren Kontratazio Mahaien eskumenen arteko oreka.

Beste alde batetik, administrazio-kontrataziorako zerbitzuen Sail eta Erakunde Autonomoen egiturak finkatu izanak, eta orobat ekainaren 5eko 136/1996 Dekretua indarrean sartu ondoren sortutako Kontratazio Mahaiek bereganatu duten esperientziak behar bezala bermatzen dute egin asmo den eguneratzearen ondorioz beraiek izapidetu beharko lituzketen kontratazio-prozedurek legaltasuna beteko dutela.

Agindu honen bitartez burutu nahi den zenbatekoen aldaketa adierazi berri diren arrazoi zehatzei zor zaie eta, beharrezkoa izanik ere, behin-behinekoa izan daiteke; izan ere, Sektore Publikoko Kontratuei buruzko urriaren 30eko 30/2007 Legeak antolamendu juridikoan eragin dituen aldaketa handien ondorioz, Euskal Autonomia Erkidegoko Administrazioko kontratazio-araudiari buruzko Dekretu berri bat egin beharko baita lehenbailehen, gaur egun indarrean dagoen araudia Lege horren xedapenetara egokitzeko.

Horri guztiari jarraiki, beren egituretan Kontratazio Mahai espezializatuak dituzten Sailen, Erakunde Autonomoen eta Zuzenbide Pribatuko Erakunde Publikoen iritzia entzunda, Administrazio Kontratazioko Aholku Batzordearen txostena eta gainerako aginduzko txostenak eginak direlarik, eta Euskal Autonomia Erkidegoko Administrazioaren kontratazioko araubide organikoari buruzko urriaren 30eko 136/2007 Dekretuaren 9.2 artikuluak esleitzen didan ahalmena erabiliz, honako hau