AGINDUA, 2007ko uztailaren 12koa, Garraio eta Herri Lan sailburuarena, Euskal Autonomia Erkidegoko errepide-sareko bide-zoruak neurtzeko araua onartzen duena.

Identifikazioa

Lurralde-eremua: Autonomiko
Arau-maila: Agindua
Organo arau-emailea: Garraio eta Herri Lan Saila
Jadanekotasuna-egoera: Indargabetua

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 160
Hurrenkera-zk.: 4710
Xedapen-zk.: ---
Xedapen-data: 2007/07/12
Argitaratze-data: 2007/08/21

Gaikako eremua

Gaia: Ekonomi Jarduerak; Administrazioaren antolamendua; Ingurune naturala eta etxebizitza; Garraio eta herri lanak
Azpigaia: Industria; Gobernua eta herri administrazioa; Hirigintza eta etxebizita

Deskribapenak

Testu legala

Aurkibidea erakutsiAurkibidea ezkutatu

- XEDATU DUT :
  - Lehenengoa. Agindu honen eranskin gisa doan Euskal Autonomia Erkidegoko Errepideen Plan Orokorraren aldaketa arrunta, Euskal Autonomia Erkidegoko errepide-sareko bide-zoruak neurtzekoa, onartzea.
  - Bigarrena. Euskal Autonomia Erkidegoko errepide-proiektuetarako bide-zoru eta zoladurei buruzko arau teknikoa aldatzea. Arau hori Euskal Autonomia Erkidegoko Errepideen 1. Plan Orokorra (1987-1998 epekoa) onartzen zuen abenduaren 19ko 283/1989 Dekretuaren III. kapituluan zegoen jasota (EHAA, 42. zk., 1990-02-27), eta oraindik indarrean zegoen Euskal Autonomia Erkidegoko Errepideen 2. Plan Orokorra (1999-2010 epekoa) onartzen zuen ekainaren 8ko 250/1999 Dekretuaren xedapen iragankorrak (EHAA, 118. zk., 1999-06-23) hala ezarri baitzuen.
- AZKEN XEDAPENAK
  - Lehenengoa. Agindu hau Euskal Herriko Agintaritzaren Aldizkarian argitaratu eta biharamunean jarriko da indarrean.
  - Bigarrena. Agindu hau behin betikoa da administrazio bidean. Bere aurka administrazioarekiko auzi-errekurtsoa aurkez daiteke Euskal Herriko Auzitegi Nagusiko jurisdikzio horretako salan, Euskal Herriko Agintaritzaren Aldizkarian argitaratzen den egunaren biharamunean hasi eta bi hilabeteko epearen barruan.

Euskal Autonomia Erkidegoko Administrazioari dagokio Euskadiko Errepideen Plan Orokorra onartzea, Euskal Herrirako Autonomia Estatutuaren 10.34 artikuluak, Autonomia Erkidego Osorako Erakundeen eta bertako Lurralde Historikoetako Foruzko Jardute-Erakundeen arteko harremanei buruzko azaroaren 25eko 27/1983 Legearen 7.a.8 artikuluak eta Euskal Autonomia Erkidegoko Errepideen Egitamu Nagusia araupetzen duen maiatzaren 30eko 2/1989 Legearen 7.1 artikuluak ezartzen dutenari jarraituz; agiri horretan, besteak beste, euskal administrazioek beren errepide-sareetan indarrean jar ditzaketen arau tekniko eta seinaleztapenekoak ezartzen dira.

Euskal Autonomia Erkidegoko Errepideen Plan Orokorrean jasotako arau teknikoen barruan Euskal Autonomia Erkidegoko administrazioen errepideetako obretan nahitaez bete beharreko hainbat arau edo jarraibide daude jasota, errepideen koordinazio teknikoaren bermatzeko (maiatzaren 30eko 2/1989 Legearen 7.1 eta 11.2 artikuluak).

Euskal Autonomia Erkidegoko Errepideen Plan Orokorra idaztea eta aldaketa arruntak egin eta onartzea Garraio eta Herri Lan Sailari dagokio; aldaketa horien artean sartzen dira Euskal Autonomia Erkidegoko edozein errepidetako obretan eraikuntza eta materialei buruz jarraitu beharreko arauak eta jarraibide teknikoak (maiatzaren 30eko 2/1989 Legearen 8.3 artikulua eta indarrean dagoen plana onartu zuen ekainaren 8ko 250/1999 Dekretuaren 5. artikulua).

Errepideen Plan Orokorraren Batzordeak 2007ko maiatzaren 31n egindako bileran planean hainbat aldaketa arrunt egitea erabaki zuen, Euskal Autonomia Erkidegoko errepide-sareko bide-zoruak neurtzeko arauaren gainean.

Bide-zoru malgu eta erdi-zurrunak neurtzeko arau teknikoa da, eta aurrerantzean Euskal Autonomia Erkidegoko errepide-sare osoan aplikatuko da. Arau tekniko hau Eusko Jaurlaritzak, foru aldundiek eta Cedexek, Eusko Jaurlaritzaren eta Cedexen arteko lankidetza-esparruaren barruan osatutako jarraipen-batzordearen lanaren emaitza dugu.

Euskal Autonomia Erkidegoko Errepideen Egitamu Nagusia araupetzen duen maiatzaren 30eko 2/1989 Legearen 14. artikuluak ezartzen du Plan horren aldaketa arruntak arlo horretan eskumena duen sailaren titular den sailburuaren agindu bidez onartu beharko direla.

Garraio eta Herri Lan Sailak eskumena du aldaketa horiek egiteko, hala ezartzen baitu Euskal Autonomia Erkidegoaren Administrazioko sailak sortu, ezabatu eta aldatzen dituen, eta horien egitekoak eta jardun-arloak finkatzen dituen Lehendakariaren ekainaren 27ko 8/2005 Dekretuaren 16.1.b) artikuluak.

Ondorioz, aipatu aurrekariak kontuan izanik eta Euskal Autonomia Erkidegoko Errepideen Egitamu Nagusia araupetzen duen maiatzaren 30eko 2/1989 Legeko 14. artikuluak aurreikusten duenarekin bat,

XEDATU DUT :

Lehenengoa. Agindu honen eranskin gisa doan Euskal Autonomia Erkidegoko Errepideen Plan Orokorraren aldaketa arrunta, Euskal Autonomia Erkidegoko errepide-sareko bide-zoruak neurtzekoa, onartzea.

Bigarrena. Euskal Autonomia Erkidegoko errepide-proiektuetarako bide-zoru eta zoladurei buruzko arau teknikoa aldatzea. Arau hori Euskal Autonomia Erkidegoko Errepideen 1. Plan Orokorra (1987-1998 epekoa) onartzen zuen abenduaren 19ko 283/1989 Dekretuaren III. kapituluan zegoen jasota (EHAA, 42. zk., 1990-02-27), eta oraindik indarrean zegoen Euskal Autonomia Erkidegoko Errepideen 2. Plan Orokorra (1999-2010 epekoa) onartzen zuen ekainaren 8ko 250/1999 Dekretuaren xedapen iragankorrak (EHAA, 118. zk., 1999-06-23) hala ezarri baitzuen.

AZKEN XEDAPENAK

Lehenengoa. Agindu hau Euskal Herriko Agintaritzaren Aldizkarian argitaratu eta biharamunean jarriko da indarrean.

Bigarrena. Agindu hau behin betikoa da administrazio bidean. Bere aurka administrazioarekiko auzi-errekurtsoa aurkez daiteke Euskal Herriko Auzitegi Nagusiko jurisdikzio horretako salan, Euskal Herriko Agintaritzaren Aldizkarian argitaratzen den egunaren biharamunean hasi eta bi hilabeteko epearen barruan.

Vitoria-Gasteiz, 2007ko uztailaren 12a.

Garraio eta Herri Lan sailburua,

NURIA LÓPEZ DE GUEREÑU ANSOLA.

Ale Gehigarri bereizian argitaratzen da

aipaturiko eranskina

(Ikus .PDF)