Arautegia

Inprimatu

AGINDUA, 2006ko uztailaren 20koa, Hezkuntza, Unibertsitate eta Ikerketa sailburuarena, urrutiko oinarrizko hezkuntzako alderdi batzuk arautzen dituena Euskal Autonomia Erkidegoan.

Identifikazioa

Lurralde-eremua: Autonomiko
Arau-maila: Agindua
Organo arau-emailea: Hezkuntza, Unibertsitate eta Ikerketa Saila
Jadanekotasuna-egoera: Indargabetua

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 167
Hurrenkera-zk.: 4387
Xedapen-zk.: ---
Xedapen-data: 2006/07/20
Argitaratze-data: 2006/09/01

Gaikako eremua

Gaia: Hezkuntza
Azpigaia: ---

Deskribapenak

Testu legala

Aurkibidea erakutsiAurkibidea ezkutatu

- XEDATU DUT : I. KAPITULUA XEDEA ETA EZARPEN EREMUA
  - 1. artikulua ¿ Agindu honen xedea da Euskal Autonomia Erkidegoko urrutiko oinarrizko hezkuntzaren zenbait alderdi arautzea.
- II. KAPITULUA MATRIKULAZIO BALDINTZAK
- III. KAPITULUA IRAKASKUNTZA
- IV. KAPITULUA URRUTIKO OINARRIZKO HEZKUNTZARAKO IKASTETXEETAKO AGINTE ORGANOAK
- AZKEN XEDAPENAK
  - Lehenengoa. Ikastetxeen zuzendariari eta Hezkuntza Berriztatzeko zuzendariari baimena ematen zaie Agindu hau interpretatu, aplikatu eta garatzeko behar diren xedapen guztiak eman ditzaten.
  - Bigarrena. Euskal Herriko Agintaritzaren Aldizkarian argitaratu eta biharamunean hartuko du indarra Agindu honek.

Autonomia Estatutuaren 16. artikuluaren arabera, Euskal Autonomia Erkidegoaren eskumenekoa da irakaskuntza bere luze-zabalean, maila eta gradu guztietan, molde eta espezialitate orotan, Konstituzioaren 27. artikuluaren eta bera gara dezaten lege organikoei kalterik egin gabe, Konstituzioaren 149.1.30 artikuluak Estatuari aitortzen dizkion ahalmenei kalterik egin gabe eta hori betearazteko eta bermatzeko beharrezko den goi-ikuskaritzari kalterik egin gabe.

Hainbat xedapenek arautu dute helduen hezkuntzaren zenbait alderdi EAEn. Hain zuzen ere, Hezkuntza, Unibertsitate eta Ikerketa sailburuaren 1998ko uztailaren 10eko Aginduak ezarri zuen Euskal Autonomia Erkidegoan helduentzako oinarrizko irakaskuntza. Urrutiko oinarrizko hezkuntza edo heziketari, haren helburu eta egiturari, dagokienez, berriz, urriaren 27ko 289/1998 Dekretuak arautu ditu.

Agindu honek, beraz, honako hauek arautuko ditu: urrutiko oinarrizko hezkuntzako ikasleen matrikulazio-baldintzak, irakaskuntza horiek emateko modua, baita zentro horien gobernu-organoak ere.

Zentro horietako Ordezkaritza Organo Gorenaren (OOG) osaerarako, gainera, kontuan hartu da Euskal Eskola Publikoaren 1/1993 Legeak, otsailaren 19koak, 32.3 artikuluan Administrazio honi ematen dion eskumena; alegia, ezaugarri bereziak dituzten zentroen OOGren osaera horien berezitasunei egokitzekoa.

Adierazitako guztia horrela, eta aipatu urriaren 27ko 289/1998 Dekretuaren azken xedapenetan bigarrenak emandako baimenaz baliatuz, honako hau

XEDATU DUT : I. KAPITULUA XEDEA ETA EZARPEN EREMUA

1. artikulua ¿ Agindu honen xedea da Euskal Autonomia Erkidegoko urrutiko oinarrizko hezkuntzaren zenbait alderdi arautzea.

II. KAPITULUA MATRIKULAZIO BALDINTZAK

2. artikulua ¿ Honako hauek har ditzakete Helduen Hezkuntzaren curriculumari dagozkion urrutiko irakaskuntzak Urrutiko Oinarrizko Hezkuntzarako Ikastetxe (UOHI) batean:

Zer ikasturterako matrikulatzen diren, ikasturte horretako abenduaren 31rako 16 urte beteta izan eta Bigarren Hezkuntzako Graduatu Titulurik ez dutenek.
Eskola-adinean izanik, behar bezala justifikaturiko arrazoiak direla-eta era arruntean eskolatu ezin direnek.

3. artikulua ¿ Nahitaezko eskolatzerako adina gaindituta izanik, Bigarren Hezkuntzako Graduatu Titulurik ez dutenek honako baldintza hauek bete beharko dituzte UOHI batean matrikulatzeko (baldintza horiek dokumentu bidez egiaztatu beharko dira matrikulatzerakoan):

DBHko zentro arrunt batean matrikulaturik ez egotea, eta matrikula zer ikasturterako egin nahi den, ikasturte horretan halako ikastetxeren batean matrikulatuta egon ez izana. Horri dagokionez, a) atalean adierazitako baldintza betetzen duen ikasle batek ikastetxea utzi eta lan-kontratua hartzen badu edo lantegi-eskola batean edota Lanbide Hastepenerako Ikastegian sartzen bada, aukera izango du UOHIn matrikulatzeko.
Helduen Hezkuntzako beste zentroren batean matrikulatuta ez izatea.
Dagokion eskariarekin batera, eskolatze-liburu itxia aurkeztea, eta, hala bada, DBHko lehen kurtsoari dagozkion kalifikazio partzialak ere, NAN, pasaporte edo antzeko dokumentazioaren fotokopia ahaztu gabe. Aurrekoari dagokionez, eskolatze-liburua galdu duten ikasleek honako hauek aurkeztuko dituzte: ateratako kalifikazioen jatorrizko ziurtagiriak, jatorrizko ikastetxeek emanak, ikastetxe horietan baja hartu izanaren ziurtagiriarekin batera.
Egiaztagiri akademikorik ez duten ikasleek hasierako proba egin beharko dute, matrikulatu behar diren fase eta moduluari buruzko orientazioa jasotzeko modua izan dezaten.

4. artikulua ¿ Hezkuntzako lurralde-ordezkariak bere esku izango du aurreko artikuluan agertzen diren baldintzak betetzen ez dituzten ikasleei UOHIn matrikulatzeko baimena ematea, baldin eta ikasle horiek aparteko edo salbuespenezko inguruabarrak badituzte, ikastetxe horietan matrikulatu daitezen gomendatzen dutenak.

Halakoetan, interesatuak dagokion UOHIn aurkeztuko du matrikulazio-eskaria, eta horrekin batera, aparteko inguruabarrak egiaztatzeko agiriak eta Hezkuntzako lurralde-ordezkariaren baimena.

5. artikulua ¿ Irail-urrietan egingo da UOHIko matrikula, eta ikasturte horretako ekainaren 30era arteko balioa izango du. Salbuespen gisa, azaroaren 30era arte egongo da irekita matrikulazio-aldia, lan-kontratua duten pertsonentzat edota Lanbide Hastapenetarako Ikastegi (LHIK) batera sartzen direnentzat. Data hori igarota, hurrengo lauhilekorako balio duten aurrematrikulazioak egin ahal izango dira.

Otsailean ere irekiko da matrikulaziorako bigarren epea, bigarren lauhilekorako bakarrik matrikulatzen direnentzat. Epe hori bera baliatu ahal izango da bigarren lauhilekorako baja hartzeko zentroan. Salbuespen gisa, apirilaren 30era arte egongo da irekita matrikulazio-aldia, lan-kontratua duten pertsonentzat. Data hori igarota, hurrengo ikasturterako balio duten aurrematrikulazioak egin ahal izango dira.

6. artikulua ¿ Hasierako ebaluazioa egin ondoren ¿alegia, Hezkuntza, Unibertsitate eta Ikerketa sailburuaren 1998ko abenduaren 11ko Aginduak, pertsona helduen oinarrizko prestakuntzako ikasleen ebaluazioari buruzkoak, bere 5. artikuluan aipatzen duena-, ikasleak aukera izango du Hezkuntza, Unibertsitate eta Ikerketa sailburuaren 1998ko maiatzaren 29ko Aginduak ezarritako curriculumeko fase edo modulu bereko edo desberdineko arlo batean, bitan edo hirutan matrikulatzeko, eta, hala bada, baita aukerako modulu batean ere.

III. KAPITULUA IRAKASKUNTZA

7. artikulua ¿ Urrutiko Oinarrizko Hezkuntzarako Ikastetxeek, eta urrutikotasun horren ondorioz, hain zuzen ere, Helduen Hezkuntzako curriculumaren II. faseko 3. eta 4. moduluak eta III. fase osoa emango dituzte.

Aukerako moduluak ere eman ahal izango dituzte, dituzten irakasleak eta horien ordu-aukerak ikusita.

8. artikulua ¿ Taldeko tutoretzen eta banakako tutoretzen bitartez emango da irakaskuntza.

9. artikulua ¿ Taldeko tutoretzak eskola-saioak izango dira, eta honako hauek egingo dituzte irakasleek horietan: programaren gai bakoitzeko funtsezko puntuak adierazi, ikasteko jarraibideak eman, ariketak ebatzi, ikasleek planteatutako zalantza orokorrak argitu eta, oro har, gaiaz jabetzeko egoki iritzitako jarduera guztiak, Didaktika Sail bakoitzak ezarritako irizpideekin bat etorriz, eta lauhileko bakoitzaren hasieran argitaratutako taldeko tutoretzen jarduera-programaren arabera.

10. artikulua ¿ Taldeko tutoretzek asteko saioak izango dituzte, alor bakoitzak duen ordu-zamaren araberakoak, bai goizez, bai arratsaldez. Goizeko saioaren edukia arratsaldekoaren antzekoa izango da, halako moldez non ikasleak batera zein bestera joatea aukeratu ahal izango duen, bere inguruabar pertsonalen arabera.

11. artikulua ¿ Ikasleek bere esku izango dute taldeko tutoretzetara joatea ala ez joatea.

12. artikulua ¿ Bakarkako tutoretzetan, ikasleek irakasleengana jo dezakete, ezagutza-arloekin zerikusia duten banakako kontsultak egitera, irakasleek erantzun diezaieten. Kontsultak egiteko, ikastetxera bertara joatea egongo da; nolanahi ere, telefonoz, faxez, posta arruntaz edo elektronikoz edota ezar daitekeen beste edozein bidez ere egin ahal izango dira, eta ikastetxeak ezarritako ordutegiei lotuko zaizkie.

13. artikulua ¿ Taldeko tutoretzetara joateko, eta, era berean, bakarkako kontsultak era eraginkorrean egiteko erraztasunak ematearren ikasleei, jarduera presentzialen ordutegia egiterakoan, modulu bakoitzekoak asteko ahalik eta egun gutxienetan biltzeko ahalegina egingo da.

14. artikulua ¿ Lauhileko bakoitzeko ebaluazio-probak presentzialak (bertaratzekoak) eta idatzizkoak izango dira. Horietako edozeinetara aurkezteko ezinbesteko baldintza izango da ikaslea bere NAN, pasaporte edo antzeko dokumentuaren bitartez identifikatu dadila. Azterketara aurkeztutako pertsonen identitatearekin edozein irregulartasun izanez gero, irregulartasuna gertatu den idatzizko proba presentziala deuseztatu egingo da, eta hala behar izanez gero, dagokion diziplina-espedientea ireki eta dagokion zehapena ezarriko da, apirilaren 19ko 160/1994 Dekretuak, ikasleen eskubide eta betebeharrei buruzkoak, xedatu duena eta ikastetxearen antolakuntza- eta jarduera-araudiak ezarritakoa kontuan hartuta.

15. artikulua ¿ Eskola-egutegiaren datak, taldeko eta banakako tutoretzen ordutegiak eta ebaluazio-probak egiteko datak ikastetxeak ikasturte bakoitzean xedatutakoari egokituko zaizkio, Hezkuntza sailburuordearen dagokion Ebazpenean emandako arauak kontuan hartuta, betiere.

IV. KAPITULUA URRUTIKO OINARRIZKO HEZKUNTZARAKO IKASTETXEETAKO AGINTE ORGANOAK

16. artikulua ¿ Honako aginte-organo hauek izango dituzte Urrutiko Oinarrizko Hezkuntzarako Ikastetxeek:

Kide anitzekoak:
- Ikastetxeko Ordezkaritza Organo Gorena (OOG).
- Zuzendaritza-taldea.
- Irakasleen klaustroa.
Lagun bakarrekoak:
- Zuzendaria.
- Ikasketaburua.
- Idazkaria.

17. artikulua ¿ 1.¿ kontuan hartuta Euskal Eskola Publikoaren 1/1993 Legeak, otsailaren 19koak, 32.3 artikuluan Administrazio honi ematen dion eskumena, alegia, ezaugarri bereziak dituzten zentroen OOGren osaera horien berezitasunei egokitzekoa, honako kide hauek izango ditu Urrutiko Oinarrizko Hezkuntzarako Ikastetxeen OOGk:

Zuzendaria, organoaren lehendakaria izango baita.
Ikasketaburua.
Bi irakasle.
Ikasleen lau ordezkari.
Pertsonal ez irakaslearen ordezkari bat.
Udal-korporazioaren ordezkari bat.
Ikastetxeko idazkaria, OOGko idazkari arituko dena, ahotsarekin baina botorik gabe.
1. ¿ OOGko kideen agintaldiaren iraupenari, kideok hautatzeko prozesuari, OOG hautatu ondoren eratzeari, eta gerta daitezkeen hutsuneak betetzeari dagokienez, men egingo zaio Euskal Autonomia Erkidegoko unibertsitatez besteko ikastetxe publiko guztietarako ezarritakoari.