Liburutegi Zerbitzua

1. ¿ Euskal Autonomia Erkidegoko joko-makinen, makina laguntzaileen eta beste sistema eta instalazio batzuen gaineko araudiko 8 k) artikuluan xedatzen denaren arabera, Joko Aretoetan "B" motako makinak elkarrekin konektatuta egon daitezke, Joko eta Ikuskizun Zuzendaritzaren baimena izan ezkero eta aipatu dekretuan ezarritako baldintzak bete ezkero beti ere.

2. ¿ Joko eta Ikuskizun Zuzendaritzak aldez aurretik homologaturako sistemen bitartez bakarrik interkonektatu daitezke makinak

3. ¿ Interkonexio-sistema homologatzeko, baimendutako laborategi batek egindako saiakuntzen bitartez, honako hauek egiaztatu behar dira: delako sistemak eta berak dituen makinek ondoko zehaztapenak konplitzen dituztela:

   1. Interkonexio-sistemak ezin ditu aldatu: makinaren homologazioan ezarritako betekizun eta baldintzak.

   2. Metatutako sarientzako kopuruak honelaxe lortuko dira: jokoa dela-eta, interkonektatutako makina bakoitzetik kentzen den portzentaiaren bitartez (halaxe bakarrik). Portzentai aldatu egin daiteke, baina, berdina izango da interkonektatutako sistemaren barruko makina guztientzako.

   3. Baimendutako sistema interkonektatu guztietako sarien guztizkoa, joko areto bakoitzari dagokionez, ezin daiteke izan 450.000 pezetatik gorakoa (2.7000 euro).

   4. Sistema bakoitzerako baimendutako goreneko sariaren baliotik gora egiten duten sariei dagokienez (batuta), euren artean ezin daiteke izan erlazio sistematikorik ez eta aldez aurretik pentsaturikorik ere.

   5. Interkonektaturiko makinak: gutxienez 5.

   6. Metatutako saria emateko ziklo maximoa hauxe izango da: 30.000 eta interkonektaturiko makia kopurua biderkatzetik lortutako emaitzarena.

   7. Sariak sistemaren bitartez esleitzen badira, lehiatzen diren erabiltzaile guztientzako aukera berdintasunean eta ausaz esleitu beharko dira.

   8. Diruzko erreserba bat eduki daiteke, interkonektaturiko makinetako jokoaren bitartez bakarrik sortutakoa. Eta metatutako saria ordaindu ostean, erreserba horren guztizkoarekin edo zati batekin hasi ahalko da jokoa. Sari bat ordaindu ostean, sistema abiatzeko erabiliko den kopurua ezin daiteke izan sari hori baino handiagoa.

   9. Metatutako saria bistarazteko paneleko datuak denbora errealean ikusi beharko dira.

   10. Metatutako saria lortu delakoa honelaxe jakinarazi beharko zaio erabiltzaileari: makina blokeatuaz, argizko edo soinuzko abisuak konbinatuaz edo beste seinale batzuk erabiliaz ¿denak ere aski argiak¿. Eta, bestalde, metatutako saria bistaraztekoa geldirik eduki beharko da, harik eta sari hori baieztatu arte.

   11. Interkonektaturiko sistemako joko-programa biltzeko memoria, baimenik gabeko aldakuntzetarik behar den beste babestu beharko da.

   12. Interkonektaturiko sistema orok izan beharko du informazio-panel bat, erabiltzaileek zailtasunik gabe irakurtzeko modukoa, zeinak gutxienez honako informazioa izan beharko duen: interkonektaturiko makina-kopurua eta baimendutako sariaren kopuru maximoa.

   13. Interkonektaturiko sistemako makina guztietan zehaztu beharko dira ondoko hauek: apustua edo metatutako kopururako aukera izatea ahalbidetzen duen baldintza.

Ondorio administratiboetarako, interkonektaturiko sistema guztietan erakutsi beharko dira ondoko zehaztasun hauek:

1. Fabrikatzailearen erregistro-zenbakia eta izena. sistema.

2. Sistemaren homologazioaren erregistro-zenbakia eta izena.

3. Sistemaren fabrikazio seriea, zenbakia eta urtea.

1. Interkonektaturiko sisteman aldaketaren bat egiteko, Joko eta Ikuskizun zuzendariaren baimen berria beharko da, ondoko kasu hauetan izan ezik:

   1. Baimendutakoari dagokionez, interkonektaturiko sistemako sari maximoa eta interkonektaturiko makina kopurua ez badira aldatzen.

   2. Ordeztutako makinei dagozkien gehienezko sarien batuketa eta ordeztu direnei dagozkien gehienezko sarien batuketa berdinak badira edo hura handiagoa bada.

   3. Eta aipatu batuketa txikiagoa izanik ere, interkonektaturiko sisteman baimendurako sari maximoa txikitzerik ez badakar.

Homologatzeko ebazpenean ondoko datu hauek jaso beharko dira:

1. Fabrikatzailearen erregistro zenbakia eta izena.

2. Sistemaren erregistro zenbakia eta izena.

3. Sistemaren fabrikazio-seriearen zenbakia eta izena.

4. Joko-programa biltzen duten elementuen identifikazioa. Elementu horiek aldatzeko, Joko eta Ikuskizun Zuzendaritzaren baimena beharko da.

Agindu honen eranskinean aipatzen den informazioa bildu beharko dute sistema interkonektatuek, eta Joko eta Ikuskizun Zuzendaritzak helmenean izan beharko du informazio hori.