Kultura Ondarea

Liburutegi Zerbitzua

Kultura eta Hizkuntza Politika Saila

Arautegia

Inprimatu

AGINDUA, 1999ko uztailaren 16koa, Hezkuntza, Unibertsitate eta Ikerketa sailburuarena. Honen bidez, Euskal Autonomia Erkidegoan Urrutiko Batxilergoa arautzen da.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Hezkuntza, Unibertsitate eta Ikerketa Saila
  • Jadanekotasuna-egoera: Indargabetua

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 149
  • Hurrenkera-zk.: 3459
  • Xedapen-zk.: 2
  • Xedapen-data: 1999/07/16
  • Argitaratze-data: 1999/08/06

Gaikako eremua

  • Gaia: Hezkuntza; Administrazioaren antolamendua
  • Azpigaia: Gobernua eta herri administrazioa
Deskribapenak

Testu legala

Aurkibidea erakutsiAurkibidea ezkutatu

Autonomi Estatutuaren 16. artikuluak xedatzen duenaren arabera, irakaskuntza bere zabalera, maila, gradu, era eta espezialitate guztietan Euskal Autonomia Erkidegoaren eskumena da, Konstituzioaren 27. artikuluaren eta berori zehaztuko duten Lege Organikoei, haren 149-1-30. artikuluak Estatuari ematen dizkion ahalmenei eta hori betetzeko eta bermatzeko behar den goi inspekzioari kalterik egiteke.

Urriaren 3ko 1/1990 Lege Organikoak, Hezkuntza-sistemaren Antolamendu Orokorrari buruzkoak, jasotzen dituen irakaskuntzak pixkanaka ezartzearen ondorioz eta Hezkuntza-sistemaren antolamendu berriaren eraginez, Batxilergo Bateratu Balioanitza eta Unibertsitatera Bideratzeko Ikasturtea iraungi egingo dira eta Euskal Autonomia Erkidegoan Urrutiko Batxilergoa berregituratu eta berrantolatu egin beharko da.

Beharrezkoa da Urrutiko Batxilergoa ikasten duten ikasleen matrikulazio-baldintzak eta ikasturtez igarotzeko baldintzak ezartzea eta, halaber, irakaskuntza horiek emateko modua, irakasleen lan-baldintzak nahiz ikastetxe horien aginte-organoak finkatzea.

Institutu horien Ordezkaritza Organo Gorena osatzerakoan, Administrazioak ezaugarri bereziak dituzten ikastetxeetan OOGaren osaera ezaugarri horietara moldatzeko duen ahalmena kontuan hartu da. Ahalmen hori otsailaren 19ko 1/1993 Legeak, euskal eskola publikoari buruzkoak, 32.3 artikuluan ematen dio Administrazioari.

Azkenik, xedapen iragankorrean urrutiko Batxilergo Bateratu Balioanitza eta Unibertsitatera Bideratzeko Ikasturtea behin betiko iraungitzen diren arte jarraituko dutela bermatzen da. Ikasketa horien iraungitzea otsailaren 16ko 173/1998 Errege Dekretuan xedatuta dago.

Azaldutako guztiaren indarrez eta apirilaren 29ko 97/1997 Dekretuaren lehenengo azken xedapenean ematen den baimena erabiliz, honako hau

XEDATU DUT : I. KAPITULUA APLIKATZEKO HELBURUA ETA ESPARRUA
1. artikulua ¿ Agindu honen helburua Euskal Autonomia Erkidegoan Urrutiko Batxilergoa arautzea da.
II. KAPITULUA MATRIKULA-BALDINTZAK ETA IKASTURTEZ IGAROTZEKO BALDINTZAK
2. artikulua ¿ Urrutiko Batxilergoko Institutu batean matrikula egin ahal izateko, Batxilergoa egiteko bete behar diren eskakizun arruntez gain, honako baldintza hauetako batzuk ere bete beharko dira; baldintza hauek matrikula egiteko garaian agirien bidez egiaztatu beharko dira:

  1. 18 urte izatea edo ikasturte horretan zehar betetzea. Horretarako, ikasturtea ekainaren 30ean bukatuko dela hartuko da kontuan.

  2. Espetxean egotea.

  3. Bertaratze-irakaskuntzako ikastetxeetara ezin joatea, hori eragozten duen gaitz edo ezintasun bat dela medio.

  4. Bertaratze-irakaskuntzako ikastetxeetara ezin joatea, hori eragozten duen lan-jarduera egiten delako.

  5. Aldi berean beste ikasketa ofizial batzuk egitea eta, horren ondorioz, bertaratze-irakaskuntzako ikastetxe batera erregulartasunez ezin joan izatea.

  6. Kirol-jarduera bat egitea eta entrenamenduen ordutegiaren ondorioz, bertaratze-irakaskuntzako ikastetxe batera erregulartasunez ezin joan izatea. Kirol-jarduera hori dagokion federazioak egiaztatu beharko du.

3. artikulua ¿ Dagokion Hezkuntzako Lurralde ordezkariak Urrutiko Batxilergoan matrikulatzeko baimena emango die aurreko artikuluan aipatutako baldintzak betetzen ez dituzten ikasleei, baldin eta egoera berezi batean badaude eta ikastetxe horietan matrikulatzea komeni bada.

Horrelakoetan, interesatuak dagokion Urrutiko Batxilergoko Institutuan matrikula-eskaera aurkeztu beharko du, adierazi duen egoera berezia egiaztatzen duten agiriekin batera. UBIak aurkeztutako agiriak eta ikastetxeko zuzendaritzak egindako txostena dagokion lurralde ordezkariari bidaliko dizkio. Lurralde ordezkariak eskatutako matrikulazioa baimendu edo ukatu egingo du.

4. artikulua ¿ Urrutiko Batxilergoko Institutuetan matrikula egiteko ez da beharrezkoa izango aurrez izena ematea. Matrikula egiteko epea irailaren 1etik abenduaren 31 arte izango da. Data horretatik aurrera, Urrutiko Batxilergoko Institutuek kasu berezietan bakarrik onartuko dituzte ikasle gehiago eta, betiere, aurreko bi artikuluetan ezarritakoa betetzen baldin bada.
5. artikulua ¿ Urrutiko Batxilergoko Institutuetako ikasleek matrikula ikasturte osorako edo jakintzagai batzuetarako bakarrik (gehienez ere 12) egin dezakete. Kasu guztietan Hezkuntza, Unibertsitate eta Ikerketa sailburuaren 1997ko ekainaren 27ko aginduak, Euskal Autonomia Erkidegoan Batxilergoaren ezarpen orokorra arautzen duenak, 7. eta 8. artikuluetan jasotzen dituen lehenespen-arauak eta jakintzagaien arteko bateraezintasunak errespetatu beharko dira.
6. artikulua ¿ 1.¿ Urrutiko Batxilergoko Institutuetako ikasleek epe mugatua izango dute Batxilergo-ikasketak burutzeko. Hurrengo ikasturtera igarotzeko ez du jakintzagai-kopuru jakina gainditu beharko, baizik eta jakintzagaiak banan-banan gainditu ahal izango ditu eta gainditu dituenak ez ditu berriro gainditu beharko.

  1. ¿ Dena dela, Urrutiko Batxilergoko Institutu batean jakintzagai bat edo batzuk gainditu ondoren, ikasle bat bertaratze-irakaskuntzako ikastetxe batean sartuko balitz, ikastetxe-mota horri dagokion araudia aplikatuko litzaioke.

7. artikulua ¿ Batxilergoko ikasketak urrutikoa ez den beste hezkuntza-sistema batean hasi dituzten ikasleak Urrutiko Batxilergoko Institutu batean sartzen badira, ez dituzte gaindituta dituzten jakintzagaiak errepikatu beharko. Horretarako, ikaslearen ikasketa-espedientean agertzen den azken kalifikazioa hartuko da kontuan.
8. artikulua ¿ Bertaratze-irakaskuntzako ikastetxe batean Batxilergoan matrikulatutako pertsonaren bat ikasturtean zehar agindu honetako 2. artikuluko b), c), d), e) edo f) idatz-zatietan jasota dauden egoeran suertatuko balitz, bere ikasketa-espedientea Urrutiko Batxilergoko Institutu batera lekualdatzea eska lezake. Institutu horretan beste ikastetxean matrikulatuta zegoen jakintzagai guztietan matrikulatuta egongo da. Ikasle horiek ebaluatzerakoan, lehen ikastetxean lortutako kalifikazio partzialak ¿agiri bidez egiaztatuta egongo direnak¿ kontuan hartuko dira.
III. KAPITULUA IRAKASKUNTZA EMATEA
9. artikulua ¿ Urrutiko Batxilergoko Institutuek Batxilergoko irakaskuntzak Hezkuntza, Unibertsitate eta Ikerketa Sailak zehazten dituen modalitate eta hizkuntza-ereduetan emango dituzte.
10. artikulua ¿ Urrutiko Batxilergoko Institutuek baimena duten guztientzako jakintzagai guztiak eta modalitateko jakintzagai guztiak emango dituzte. Era berean, dituzten irakasleak eta haien ordutegia kontuan hartuz, eman ditzaketen hautazko jakintzagaiak ere emango dituzte. Dena dela, lehen mailan modalitate bakoitzeko gutxienez hautazko jakintzagai bat eman beharko dute kurtso bakoitzean.
11. artikulua ¿ Irakaskuntza talde-tutoretzaren eta banakako tutoretzaren bidez emango da.
12. artikulua ¿ Talde-tutoretzak 60 minutuko klaseak izango dira eta bertan irakasleek programako gai bakoitzaren oinarriak azalduko dituzte, gai horiek ikasteko egin beharreko urratsak adieraziko dituzte, ariketak egingo dituzte, ikasleen zalantza orokorrak argituko dituzte eta, oro har, ikasleek ikasgaia ongi beregana dezaten egoki deritzen jarduera guztiak egingo dituzte, klaustroak ezarritako irizpideei jarraituz.
13. artikulua ¿ Kokaleku duten eraikina osorik erabiltzen duten Urrutiko Batxilergoko Institutuek ikasle-talde bakoitzari astean talde-tutoretzako ordubete emango diete goizez eta beste ordubete arratsaldez, ikastetxean irakasten diren jakintzagai guztiei buruz. Goizeko orduaren edukia arratsaldekoaren antzekoa izango da, ikasleak saio batera edo bestera joatea erabaki ahal izan dezan, bere egoera pertsonalaren arabera. Eraikina beste ikastetxeren batekin erdibana duten Urrutiko Batxilergoko Institutuek goizeko talde-tutoretzak kendu ahal izango dituzte, beste ikastetxearen jarduerarekin bateratu ezin badira.
14. artikulua ¿ Ikasleak talde-tutoretzara joatea borondatezkoa da.
15. artikulua ¿ Banakako tutoretzetan, irakasleek ikasleek jakintzagai horri buruz dituzten zalantzak eta banakako kontsultak erantzun behar dituzte. Kontsultak ikastetxean bertaratuz egin ahal izango dira edo, bestela, telefonoz, faxez, postaz edo bestelako sistema baten bidez ere egin ahal izango dira.
16. artikulua ¿ Ikasleei talde-tutoretzara joatea errazteko eta, halaber, banakako kontsultak modu eraginkorrean egiteko aukera izan dezaten, bertaratze-jardueren ordutegia eratzerakoan maila bakoitzekoak ahalik eta aste gutxienetan taldekatzen ahalegindu behar da. Era berean, hizkuntza-eredu bakoitzeko irakasle guztiak aldi berean Institutuan egongo dira, talde-tutoretzak nahiz banakako tutoretzak emanez.
17. artikulua ¿ Ikasturtean zehar, gutxienez bi ebaluazio-aldi arrunt antolatuko dira; horrez gain, 1997ko ekainaren 27ko aginduak, Euskal Autonomia Erkidegoko ikastetxeetan Batxilergoaren ezarpena arautzen duenak, 24.1 artikuluan aipatzen duen proba osagarriari dagokion ebaluazio-aldia ere egingo da. Era berean, agindu horren 24.4 artikuluan arautzen den aparteko deialdia ere antolatuko da.
18. artikulua ¿ Ebaluazioko proba guztiak bertaratuta eta idatziz egin beharko dira. Proba horietako batera aurkezteko, ikasleak derrigorrez NAN, pasaportea edo baliokidea den beste agiriren bat erakutsi beharko du. Azterketara aurkezten diren pertsonen identitatearekin loturiko irregulartasunak badaude, diziplina-espedientea irekiko zaie eta dagokion zigorra ezarriko zaie, apirilaren 19ko 160/1994 Dekretuan, ikasleen eskubide eta betebeharrei buruzkoan, xedaturikoaren arabera eta ikastetxeko Antolamendu eta Jarduera Araudiari jarraiki.
19. artikulua ¿ Eskola-ordutegiko datak, bai eta proba osagarria eta aparteko deialdiko probak egiten diren datak ere, urtero Ikastetxeen zuzendariaren zirkularrak xedatzen duenari jarraiki ezarriko dira.
IV. KAPITULUA URRUTIKO BATXILERGOKO INSTITUTUETAKO IRAKASLEAK
20. artikulua ¿ Urrutiko Batxilergoko Institutuen Klaustroa Bigarren Hezkuntzako Irakasleen Kidegoko irakasleek osatuko dute. Bakanterik balego, lekualdatze-lehiaketaren bidez beteko litzateke.
21. artikulua ¿ Klaustroan jakintzagai bat emateko gaitasuna duen irakaslerik egongo ez balitz, dagokion Hezkuntzako Lurralde Ordezkaritzak jakintzagai hori beste Batxilergoko ikastetxe bateko irakasleren batek emango duela zehaztu dezake. Irakasle horrek asteko orduen zati bat zeregin horretan emango luke.
22. artikulua ¿ 1.¿ Urrutiko Batxilergoko Institutuetako irakasleen asteko ordutegia funtzionario publiko guztientzat ezarriko da orokorrean, abuztuaren 2ko 30/1984 Legeak, funtzio publikoa berritzeko neurriei buruzkoak, xedatzen duenarekin bat etorriz.

  1. ¿ Lanaldi horretatik, astean 30 ordu zuzenean ikastetxeari dedikatuko zaizkio. Asteko gainerako orduak ez zaizkio zuzenean ikastetxeari dedikatuko, baizik eta irakas-jarduerak prestatzera, azterketak prestatu eta zuzentzera, irakaslearen hobekuntza pertsonalera eta irakaskuntzarekin lotutako beste eginkizun batzuetara zuzenduko dira.

  2. ¿ Astean zuzenean ikastetxeari dedikatuko zaizkion 30 ordu horietatik, 25 banakako eta talde-tutoretzak ematera zuzenduko dira. Geratzen diren beste 5 orduak hilabetero zenbatuko dira eta ekintza hauek egitera zuzenduko dira: didaktika-departamentuetako jarduerak, ikastetxeko zuzendaritza-kargu bakoitzari dagozkion zereginak, taldeko organoen bilerak, ebaluazio-batzordeak, ikastetxearen plangintza eta antolamenduko tresnen eraketa, beste irakasleekin koordinazio-bilerak eta bestelako jarduera osagarriak.

  3. ¿ Banakako eta talde-tutoretzara astean zuzentzen diren 25 orduetatik, gehienez ere 12 ordu erabiliko dira talde-tutoretzak emateko. 25 ordu horiek hizkuntza-eredu berean irakasten duten klaustrokide guztiek aldi berean emango dituzte. Talde-tutoretzak ematen ez dituzten irakasleak beraien bulegoetan egongo dira ikasleei banakako tutoretza eskaintzeko.

V. KAPITULUA URRUTIKO BATXILERGO INSTITUTUETAKO AGINTE-BATZORDEAK
23. artikulua ¿ Urrutiko Batxilergoko Institutuetan honako aginte-batzordeak egongo dira:

  1. Taldekoak:

    • Ikastetxeko Ordezkaritza Organo Gorena (OOG).

    • Zuzendaritza-taldea.

    • Irakasleen Klaustroa.

  2. Kide bakarrekoak:

    • Zuzendaria.

    • Ikasketa-burua

    • Idazkaria.

24. artikulua ¿ 1.¿ Urrutiko Batxilergoko Institutuen OOGaren osaera honakoa izango da:

  • Zuzendaria (lehendakaria izango da).

  • Ikasketa-burua.

  • Bi irakasle.

  • Ikasleen lau ordezkari.

  • Irakasle ez diren langileen ordezkari bat.

  • Ikastetxeko idazkaria, OOGko idazkari-lanak egingo dituena; hitza izango du, baina botorik ez.

    1. ¿ OOGko kideen agintearen iraupena, kideak hautatzeko prozesua, hautatu ondoren OOG eratzea eta sortzen diren bakanteak betetzea Euskal Autonomia Erkidegoko unibertsitateaz kanpoko ikastetxe publiko guztientzat ezarritakoaren araberakoak izango dira.

25. artikulua ¿ Urrutiko Batxilergoko Institutuetako kide bakarreko aginte-organoak hautatzeko prozesua eta organo horiek agintean emango duten denbora Euskal Autonomia Erkidegoko unibertsitateaz kanpoko ikastetxe publiko guztientzat ezarritakoaren araberakoak izango dira.
26. artikulua ¿ Ikastetxeko zuzendaritza-kargu bat duten irakasleei, kargu horri dagozkion zereginak betetzeagatik ez zaizkie irakasle gisa dituzten betebeharrak murriztuko. Dena dela, bakoitzari dagozkion banakako eta talde-tutoretzak emateak lehentasuna izango dute beti.
XEDAPEN GEHIGARRIA

Urrutiko Batxilergoko Institutuek bere gain hartuko dute beren Lurralde Historikoko espetxeetan dauden ikasleei arreta ematea. Ikasle horiei arreta emateko, araubideak ezartzen duen moduari jarraituko zaio.

XEDAPEN IRAGANKORRAK

Lehena.¿ 1999-2000 ikasturtean zehar, Urrutiko Batxilergoko Institutuek Urrutiko BBBko 3. maila eta UBI emango diete aurreko ikasturtean irakaskuntza-mota horietan matrikulatuta zeuden ikasleei. BBBko 3. mailan matrikula egin ahal izateko, derrigorrez bete beharreko baldintza izango da ikasleak BBBko 1. eta 2. mailako 5 jakintzagai baino gehiago gainditu gabe ez izatea.

Bigarrena. 2000-2001 ikasturtean zehar, Urrutiko Batxilergoko Institutuek Urrutiko UBIko irakaskuntza emango diete aurreko ikasturtean irakaskuntza-mota horietan matrikulatuta zeuden ikasleei. UBIn matrikula egin ahal izateko, derrigorrez bete beharreko baldintza izango da ikasleak BBBko 1., 2. eta 3. mailako 2 jakintzagai baino gehiago gainditu gabe ez izatea.
Hirugarrena. Urrutiko BBBko 3. mailan edo UBIn matrikulatuta egon diren ikasleak 1999-2000, 2000-2001 eta 2001-2002 ikasturteetan Urrutiko Batxilergoko 1. eta 2. mailetan matrikula egiten badute, ez dituzte BBBko 3. mailan eta UBIn gainditu dituzten jakintzagaiak errepikatu beharko. Horretarako, agindu honen eranskinean jasotzen diren baliokidetzak aplikatuko dira.
AZKEN XEDAPENAK

Lehena.¿ Ikastetxeetako zuzendariari eta Hezkuntza Berriztatzeko zuzendariari baimena ematen zaie agindu hau interpretatu, aplikatu eta garatzeko beharrezkoak diren xedapen guztiak egiteko.

Bigarrena. Agindu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.

Vitoria-Gasteiz, 1999ko uztailaren 16a.

Hezkuntza, Unibertsitate eta Ikerketa sailburua,

INAXIO OLIVERI ALBISU.

ERANSKINA.¿ HIRUGARREN XEDAPEN IRAGANKORRAK AIPATZEN DUEN BALIOKIDETZA-TAULA.

BBBko 3. MAILAKO JAKINTZAGAIAK BATXILERGOKO JAKINTZAGAIAK

Atzerriko hizkuntza Atzerriko hizkuntza (1. maila)

Euskal hizkuntza eta literatura Euskal hizkuntza eta literatura (1. maila)

Geografia eta historia Historia (2. maila)

Erlijio-heziketa edo etika Erlijioa edo ordezkoa

Filosofia Filosofia (1. maila)

Gorputz eta kirol-hezkuntza Gorputz-hezkuntza

Latina Latina I

Greziera Greziera

Literatura Gaztelania eta literatura (1. maila)

Matematika Matematika I edo Gizarte-zientziei aplikatutako matematika I (matrikulatzen den modalitatearen arabera)

Fisika eta kimika Fisika eta kimika

Natur zientziak Biologia eta geologia

UBIko JAKINTZAGAIAK BATXILERGOKO JAKINTZAGAIAK

Gaztelania Gaztelania eta literatura (2. maila)

Atzerriko hizkuntza Atzerriko hizkuntza (2. maila)

Filosofia Filosofiaren historia

Euskal hizkuntza eta literatura Euskara eta literatura (2. maila)

Matematika I Matematika II

Fisika Fisika

Kimika Kimika

Biologia Biologia

Geologia Geologia

Marrazketa teknikoa Marrazketa teknikoa

Matematika II Gizarte-zientziei aplikatutako matematika II

Historia garaikidea Historia garaikidea

Literatura Literatura garaikidea

Latina Latina II

Greziera Greziera

Artearen historia Artearen historia

Gaiarekin lotutako edukiak


Arauaren historia (3)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.

Tag-ak