Arautegia
Inprimatu1985.eko Uztailaren 31ko AGINDUA, guztira sei mila eta bostehun miloi pesetarainoko, ehuneko 12,75-ko urtesari batekin, Euskal Herriko Autonomia-Elkartearen bertarako Herrizor-Agiriak ateratzeko egiterapen-bideak jarriz.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Ekonomia eta Ogasuna
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 173
- Hurrenkera-zk.: 1746
- Xedapen-zk.: ---
- Xedapen-data: 1985/07/31
- Argitaratze-data: 1985/08/24
Gaikako eremua
- Gaia: Ogasun eta Ekonomía
- Azpigaia: Ogasun
Deskribapenak
Testu legala
Uztailaren 30ko 254/ 1985 Dekretoz, 1985garreneko Euskadiko Autonomia-Elkartearen Guztizko Diruetamuekiko Maiatzaren 4/1985 Legeko bigarren ataleko bi zatiko d) hizkiak eta hogeita hemeretzi atalak Eusko Jaurlaritzari Herrizor-Agiria ateratzeko emandako baimenaz baliatuz, guztira sei mila eta bostehun miloi pesetarainoko Euskadiko Autonomia-Elkartearen bertarako Herrizor-Agiriak ateratzea erabaki du, bosgarren, seigarren, zazpigarren eta zortzigarren urteetan kitatzeko, Lege honek horietarako baimena ematen dueneko diruezarketan zati bateko dirubideak egiteko. Aipatutako Dekretoan agintzen dena betez eta horretarako ohartematen dena egiteratzeko, beharrezko diren agintzak eta erabakiak hartzeko Ekonomia eta Herriogasun-Sailari ematen dion baimenaz-baliatuz, honako hau ERABAKITZEN DU:I. HERRIZOR-AGIRIAREN ZENBATEKOA Herrizor-Agiri bakoitza 25.000 pesetakoa izan eta daramanaren agiriz xedatuko da, A,B,C eta D sailetan banaturik, horietako bakoitza jaulkipen-zenbatekoaren laurdena delarik eta ondoko maila hauen arauera diruz ordaindu delako agiritan banaturik: 1 Zenbakia, Zor-Agiri batekoa. 2 Zenbakia, 10 Zor-Agirikoa. 3 Zenbakia, 100 Zor-Agirikoa. 4 Zenbakia, 1.000 Zor-Agirikoa. 2. HERRIZORRA HARTZEKO MODUA 2.1. Uztailaren 30eko 254/ 1985 Dekretoaren ondorioz, ehuneko 12,75-ko urte-sari batekin kitagarri den Euskal Herriko Autonomia-Elkartean egoitza duten Aurrezki-Kutxa eta Mailegu-Kooperatibentzako Herrizorra eskainiko du Ekonomia eta Herriogasun-Sailak. 2.2. Euskal Herriko Autonomia-Elkartean egoitza duten Aurrezki-Kutxa eta Mailegupide-Koperatibek, 1985.eko Abuztuaren 29ko hamabietan baino lehen, Ekonomia eta Herriogasun-Sailean aurkeztuko dituzte beren hartze-eskabideak. 2.3. Eske-egile diren Aurrezki-Kutxa bakoitzari izendatutako diru-zenbatekoa Ekonomia eta HerriogasunSailak erabakiko du, beraiei bidaliko zaieneko Aginduz. 2.4. Bere garaian, hartzaile bakoitzari, hartu duen diru-zenbatekoan dagozkion Herrizor-Agiriak eskuratuko zaizkio, Lanbide-Elkarteko erroldean sartutako Balore-erosketa eta Azoko-Artekariak edo Merkataritza-Artekariak bitartekotza egiten duela; horiek, 1950.eko Abenduaren 15eko Dekretoz onartutako indarreango Sari-Taulak zehazten duen artekari-saria baino ez dute jasoko. Merkataritza-Artekariek eskuhartuta egindako agiriak azkeneko mailako aletan gauzatuko dira. 3. JAULKIPENAREN ZENBATEKOA ETA XAHUPENA 3.1. Ateratzen den Herrizor-Agirien guztizko zenbatekoa Dirusartze-Egitamuan sartuko da, 9garren Atalburua, «Finantziaketarako Dirubidetza-Zorpideen Aldakuntza», 93garren Atala, «aterako diren Herrizorrak». 3.2. Ateratzen den Herrizorraren Hartzaile diren Euskal Herriko Autonomia-Elkartearen egoitza duten Aurrezki-Kutxa eta Mailegupide-Koperatiba bakoitzari dagokion zenbatekoa sartuko dute, Abuztuaren 31ko eguneko balioaz, «Eusko Jaurlaritzaren Diruzaingo Nagusiaren» izenpean. 3.3. Jabetza-agiriak, argitalpen eta, orobat, moeta honetako jesapenak egiteari dagozkion xahupenak, indarreango diruegitasnuak emandako diru-izendapenen pentzutan egingo dira, 90garren Saila, «Herrizor Agiria», 01garren Zerbitzua, «urte batetik gorako Herrizorrak», 2garren Atalburua 291garren Atalaren eretzean. 3.4. Ekonomia eta Herrizaingo-Sail honek Euskal Herriko Autonomia-Elkarteko Jaurlaritzari eta Eusko Legebiltzarreko Ekonomia, Herriogasun eta Diruegitamu-Batzordeari egindako jesapen berri emango die. 4. DIRUSARIA ORDAINTZEKO MODUA 4.1. Jaulkipenarekiko dirusarien ordaintze-zerbitzua, haren hartzaile diren Euskal Herriko Autonomia-Elkartean egoitza duten Aurrezki-Kutxen eta mailegupide-koperatiben bidez egingo da. 4.2. Agiriak, aurreko zatian aipatutako dirubide-artekariek izatekotan, epe-muga bakoitza baino hamar egun lehenago, haiekiko dirusariak eskatuko dizkiote Ekonomia eta Herriogasun-Sailari, doakienei ordaintzeko. 4.3. Halaber, agiriak beste eukitzaileengan daudenean, ordainketa Euskal Herriko Autonomia-Elkartean egoitza duten Aurrezki-Kutxen eta Mailegupide-koperatiben bidez egingo da, eta horien aurrean aurkeztuko dira diruz ordaindu delako agiriak, eskuratze-eskubidea izateko, honi dagokion zuzen-eskeari bide emango diolarik. 4.4. Kasu bietan, epe-mugari dagozkion dirusariak egin direneko bideratze-egiaztapena egingo du ordaintzen duen Erakundeak. 4.5. Ekonomia eta Herriogasun-Sailak ordaintzeko agindua berari eman arte, dirua eskuratzea bertan eska dadineko Aurrezki-Kutxa edo mailegupide-koperatibak berak izango ditu diruz ordaindua delakoari dagozkion agiriak, agiridunak, hari dagokioneantxe epe-mugarekiko zenbatekoaren gaudimena eman ezik. 5. KITAPENA ORDAINTZEKO MODUA 5.1. Bosgarren, seigarren eta zazpigarren urteak igarotzerakoan, kitapenerako Sailaren mugapena ekarriko duen zozketa, Ekonomia eta Herriogasun-Sailak egingo du eta Euskal Herriko Agintaritzaren Aldízkarian Agindu baten bidez, jakinaraziko du aipatu zozketaren ondorioa. 5.2. Hori argitaratuz gero, kitapenen ordainpen-modua 4.2, 4.3. 4.4 eta 4.5 idaz-zatietan agintzen den arauera egingo da, diru-sariak dioenean, kitapenak ulertu behar dela salbu bakarrarekin. Gasteiz, 1985.eko Uztailak 31. Ekonomia eta Herriogasun-Sailburua, FERNANDO SPAGNOLO DE LA TORRE.
Gaiarekin lotutako edukiak
Arauaren historia
- Ikus: Uztailaren 30eko 255/ 1985 DEKRETOA, Bizkaia eta Gipuzkoako Kondaira Lurraldeetan Helduentzako Etengabeko Hezkuntzarako Herri-Ikastegiak sortuz eta beraien iharduketa baimenduz.
- Ikus: Maiatzaren 28ko 4/1985 LEGEA, Euskadiko Autonomia-Elkartearen 1985karrenerako Guztizko Diruegitamuak onartzezkoa