Nekazaritza, Abeltzaintza eta Basogintza

Dekretu honen xedea nekazaritza- eta elikagaigintza-industrien erantzukizunpeko adierazpenaren araubidea, eta Euskal Autonomia Erkidegoko Nekazaritza eta Elikagaigintza Industrien Erregistroaren antolamendua eta funtzionamendua arautzea da.

1. Dekretu hau aplikatuko zaie II. eranskinean jasota dauden nekazaritza- eta elikagaigintza-industria motei, Euskal Autonomia Erkidegoan garatzen badituzte jarduera hauek: produkzioa, fabrikazioa, elaborazioa, eraldatzea, sailkatzea eta ontziratzea, kontrolpeko tenperaturetan biltegiratzea (positiboa edo negatiboa); bai eta aurreko kategorietan jaso gabeko beste batzuk ere.

2. Dekretu honen aplikaziotik at geratzen dira nekazaritza- eta elikagaigintza-industria hauek: beren produktuen hurbileko salmenta egiten dutenak, zuzeneko salmenta modalitatean, apirilaren 30eko 51/2024 Dekretuaren 4.a) artikuluak emandako definizioarekin bat (hurbileko salmentaren bidez merkaturatutako elikagaien baldintza higieniko-sanitarioei eta trazabilitate-, etiketatze- eta publizitate-baldintzei buruzko dekretu da).

Dekretu honen ondorioetarako, beheko terminoak bertan emandako definizioaren arabera ulertuko dira:

1. Nekazaritza- eta elikagaigintza-industria: nekazaritza-produktuak edo elikagaigintza manipulatuz produktu berriak sortzeko ekipamendu-ondasunen instalazioak behar dituzten instalazio osagarriak barne, enpresa autonomo moduan funtzionatzeko gai dena.

2. Industrien instalazioa: ekipamendu-ondasunen ezarpena behar dituzten azpiegitura eta instalazio osagarriak barne, industria-jarduera independente gisa funtzionatzeko gai den produkzio-prozesu bat sortzeko.

3. Establezimendua: Eraikin-multzoa, eraikina, eraikin zona, industria-erabilerako instalazio edo espazio irekia edo titulartasun berezitu baten pean erabiltzeko biltegia, baldin eta eraikitzeko edo eraberritzeko proiektua, bai eta aurreikusitako jarduera-hasiera, administrazio-kontrolaren xede badira.

4. Ekipamendu-ondasunak: ondasun ukigarriak, manufakturak eta prozesuak egiten dituzten industrien ondarean sartzeko eskuratzen direnak. Zuzenean eta modu iraunkorrean parte hartzen dute produkzio-jardueran, lehengaiak landutako edo erdi-landutako produktu bihurtzeko.

5. Instalatutako industrien aldaketak: aldaketak izango dira honako hauek:

   1. Industriaren titulartasuna edo sozietatearen izena edo titularraren forma juridikoa aldatzea: industriaren titulartasuna aldatzea erregistro-fitxako figurari dagokionez, edo sozietate-izena aldatzea edo industriaren forma juridikoa aldatzea.

   2. Industria-jardueraren titulartasuna aldatzea, aldi baterako aprobetxamendua lagatzearen ondorioz, errentamendu-kontratu bat edo behar bezala egiaztatutako aldi baterako beste lagapen bat formalizatzearen ondorioz.

   3. Industriaren kokalekua aldatzea da (lekualdatzea), prozesuak, ahalmenak edo ekipamendu-ondasunak aldatuta edo aldatu gabe.

   4. Industriaren jarduera aldatzea, landutako edo egindako produktuak funtsean aldatu direlako.

   5. Ekipamendu-ondasunak aldatzearen ondorioz instalazioen ahalmen osoak edo partzialak handitzen badira, edo lehendik dauden instalazioak aldatzen badira eta, horren ondorioz, eraikitako azalerak gehitu edo handitzen badira, edo indarrean dagoen erregistro-inskripzioan agertzen direnez bestelako industria-jarduera berri bat egiten bada.

   6. Instalazioak eta/edo jarduerak handitzea, gutxitzea edo aldatzea, baldin eta industria-establezimenduaren administrazio-baimenetan aldaketak egitea eskatzen ez badute.

6. Industriek jarduerari uztea: Kasu hauek hartzen dira jarduerari uztetzat:

   1. Industriaren produkzio-prozesua aldi baterako etetea, gehienez ere hiru urtez.

   2. Industriaren jarduera egiteari uztea dakarren jarduera bertan behera uztea.

1. Aplikatzekoa izan daitekeen araudi sektorialak agintzen duena betetzeaz gain, dekretu honen ondorioetarako, haren aplikazio-eremuaren mende dauden eta Euskal Autonomia Erkidegoan kokaturik dauden nekazaritza- eta elikagaigintza-industriek, jarduerari ekin ahal izateko, baldintza hauek bete behar dituzte instalazioari dagokionez:

   1. Industriaren titularra pertsona juridikoa baldin bada, eskritura publiko bidez behar bezala eratuta egotea, sozietatearen nahitaezko estatutuak edukitzea, eta, hala badagokio, haien aldaketak edukitzea, eta horiek guztiak behar bezala zigilatuta egotea dagokion erregistroan.

   2. Alta emanda egotea ekonomia-jardueren gaineko zergan, inskribatu nahi den jardueran aritzeko behar diren epigrafe egokietan.

   3. Industria-mota bakoitzari dagokion teknikari eskudunak idatzi eta izenpetutako jarduera-proiektua edukitzea.

   4. Obra eta instalazioen amaierako ziurtagiria edukitzea, eta bertan adieraztea obrak proiektuak adierazitako moduan egin direla eta proiektuak bete egiten dituela betetzekoak dituen arau guztiak. Industriak instalazioen zati bat jartzen badu martxan, teknikari eskudun batek egindako ziurtagiria eduki beharko da, eta ziurtagiri horrek azaldu egin beharko ditu instalazio guztiak edo zati bat martxan jartzearen arrazoiak.

   5. Jarduera sailkatuen kasuan, jarduera-lizentzia eskatzeko beharrezkoa den dokumentazioa establezimendua dagoen herriko udalean entregatu edo erregistratu izanaren egiaztagiria edukitzea.

   6. Jarduerarako behar den ingurumen-baimena edukitzea, Euskadiko Ingurumen Administrazioari buruzko abenduaren 9ko 10/2021 Legean xedatutakoaren arabera.

   7. Euskal Autonomia Erkidegoko Elikagai Establezimenduen Erregistroan inskribatuta egotea, jarduerak hala eskatzen duenean, bai eta Elikagaigintzako Enpresen eta Elikagaien Erregistro Sanitario Orokorrean inskribatuta egotea, jarduerak hala eskatzen duenean.

2. Jatorri-deitura duten industriek, 1. apartatuan ezarritako baldintzak ez ezik, jatorri-deituraren araubide orokorra eta espezifikoa ere bete beharko dute.

3. Nekazaritza ekologikoko, produkzio integratuko, artisau-produkzioko eta kalitate-bereizgarriko jarduerak egin nahi dituzten industriek, 1. apartatuan ezarritako baldintzak ez ezik, nekazaritza ekologikoko, produkzio integratuko, artisau-produkzioko eta kalitate-bereizgarriko jardueren gaineko araubide orokorra eta espezifikoa ere bete beharko dute.

Aldaketek, 3. artikuluko e) apartatuan aurreikusitako kasuen arabera, baldintza hauek bete beharko dituzte:

1. Aldaketa bada industriaren titulartasuna edo sozietatearen izena edo titularraren forma juridikoa aldatzea: industriaren titulartasuna aldatzea erregistro-fitxako figurari dagokionez, edo sozietate-izena aldatzea edo industriaren forma juridikoa aldatzea.

   1. Aldaketa behar bezala erregistratutako eskritura publiko bidez edo dohaintzako, ondare-eskualdaketako, ondorengotzako nahiz titulartasunaren aldaketa ahalbidetzen duen bestelako agiri juridiko pribaturen baten bidez egin izana.

   2. Aldaketa egin izana jarduerarako behar den ingurumen-baimenean: Jarduera sailkatuaren lizentzia, aurretiazko jakinarazpena edo erantzukizunpeko adierazpena edo ingurumen-baimen integratua.

   3. Aldaketa egin izana Euskal Autonomia Erkidegoko Elikagai Establezimenduen Erregistroan eta, hala badagokio, Elikagaigintzako Enpresen eta Elikagaien Erregistro Sanitario Orokorrean ere, inskribatuta badago.

   4. Jarduera ekonomikoaren gaineko zerga aldatu izana.

2. Aldaketaren ondorioz industriaren jardueraren titulartasuna aldatzen bada, industriaren aldi baterako aprobetxamendua errentamendu-kontratu bidez edo aldi baterako lagapen bidez lagatzeagatik:

   1. Errentamendu-kontratu bat edo aldi baterako lagapen-dokumentu bat formalizatu izana.

   2. Industriaren titulartasuna aldatu izana jarduerarako beharrezkoa den ingurumen-baimenean: Jarduera sailkatuaren lizentzia, aurretiazko jakinarazpena edo erantzukizunpeko adierazpena edo ingurumen-baimen integratua.

   3. Industriaren titulartasuna aldatu izana Euskal Autonomia Erkidegoko Elikagai Establezimenduen Erregistroan eta, hala badagokio, Elikagaigintzako Enpresen eta Elikagaien Erregistro Sanitario Orokorrean ere, inskribatuta badago.

   4. Ekonomia-jardueren gaineko zerga aldatu izana.

3. Aldaketaren ondorioz industriaren kokapena aldatzen bada (lekualdatzea), haren prozesuak, ahalmenak edo ekipamendu-ondasunak aldatuta edo aldatu gabe; aldaketa horren ondorioz industriaren jarduera aldatzen bada, landutako edo egindako produktuak funtsean aldatu direlako; ekipamendu-ondasunak aldatzearen ondorioz instalazioen ahalmen osoak edo partzialak handitzen badira, edo lehendik dauden instalazioak aldatzen badira eta, horren ondorioz, eraikitako azalerak gehitu edo handitzen badira, edo indarrean dagoen erregistro-inskripzioan agertzen direnez bestelako industria-jarduera berri bat egiten bada:

   1. Ekonomia-jardueren gaineko zergan beharrezko aldaketak egin izana, horretarako egokiak eta beharrezkoak diren epigrafeetan.

   2. Industria-mota bakoitzari dagokion teknikari eskudunak idatzi eta izenpetutako jarduera-proiektua edukitzea.

   3. Obra eta instalazioen amaierako ziurtagiria edukitzea, eta bertan adieraztea obrak proiektuak adierazitako moduan egin direla eta proiektuak bete egiten dituela betetzekoak dituen arau guztiak. Industriak instalazioen zati bat jartzen badu martxan, teknikari eskudun batek egindako ziurtagiria eduki beharko da, eta ziurtagiri horrek azaldu egin beharko ditu instalazio guztiak edo zati bat martxan jartzearen arrazoiak.

   4. Jarduera-lizentzia eskatzeko beharrezkoa den dokumentazioa establezimendua dagoen herriko udalean entregatu edo erregistratu izanaren egiaztagiria edukitzea.

   5. Jarduerarako behar den ingurumen-baimena edukitzea, Euskadiko Ingurumen Administrazioaren abenduaren 9ko 10/2021 Legean xedatutakoaren arabera.

   6. Industriaren kokalekuaren edo jardueraren aldaketa egin izana Euskal Autonomia Erkidegoko Elikagai Establezimenduen Erregistroan eta, hala badagokio, Elikagaigintzako Enpresen eta Elikagaien Erregistro Sanitario Orokorrean ere, inskribatuta badago.

4. Aldaketaren ondorioz, instalazioak edota jarduera handitu, gutxitu edo aldatzen badira, eta industria-establezimenduaren administrazio-baimenetan aldaketarik egin behar ez bada:

   1. Aldaketak egin izana.

Jarduera uzteak, 3. artikuluko f. apartatuan aurreikusitako kasuetan, baldintza hauek bete beharko ditu:

1. Industriaren produkzio-prozesua aldi baterako (gehienez ere hiru urte) eteten bada:

   1. Aldi baterako jarduerarik gabe deklaratuta egotea ekonomia-jardueren gaineko zergan.

   2. Euskadiko Ingurumen Administrazioaren abenduaren 9ko 10/2021 Legeak 29. artikuluan xedatutakoa aplikatuta, baimena eman duen administrazioari jakinarazi izana jarduerak edo instalazioak aldi baterako eten direla, hartutako edo hartuko diren neurriak eta horien denbora-sekuentzia zehaztuz.

   3. Industriari baja eman izana Euskal Autonomia Erkidegoko Elikagai Establezimenduen Erregistroan eta, hala badagokio, Elikagaigintzako Enpresen eta Elikagaien Erregistro Sanitario Orokorrean ere, inskribatuta badago.

2. Industriaren jarduerari uztea edo jardueraren baja, hau da, jarduera egiteari uztea.

   1. Ekonomia-jardueren gaineko zergan baja emanda egotea.

   2. Euskadiko Ingurumen Administrazioaren abenduaren 9ko 10/2021 Legeak 29. artikuluan xedatutakoa aplikatuta, baimena eman duen administrazioari jakinarazi izana jarduerak edo instalazioen erabilera behin betiko eten direla, hartutako edo hartuko diren neurriak eta horien denbora-sekuentzia zehaztuz.

   3. Industriari baja eman izana Euskal Autonomia Erkidegoko Elikagai Establezimenduen Erregistroan eta, hala badagokio, Elikagaigintzako Enpresen eta Elikagaien Erregistro Sanitario Orokorrean ere, inskribatuta badago.

1. Jarduerari ekiteko erantzukizunpeko adierazpena aurkezten duten nekazaritza- eta elikagaigintza-industrien titularrek, 4. artikuluan zerrendatutako baldintzak betetzeaz gain, baldintza horiek jarduera hasi zenetik eta industriaren garapenari edo funtzionamenduari dagokion denbora-tartean betetzen direla egiaztatzen duten agiriak eduki beharko dituzte, eta nekazaritza- eta elikagaigintza-industrien arloko zuzendaritza eskudunaren esku jarri beharko dituzte.

2. Jarduera aldatzeko erantzukizunpeko adierazpena aurkezten duten nekazaritza- eta elikagaigintza-industrien titularrek, 5. artikuluan zerrendatutako baldintzak betetzeaz gain, baldintza horiek betetzen direla egiaztatzen duten agiriak eduki beharko dituzte, eta nekazaritza- eta elikagaigintza-industrien arloko zuzendaritza eskudunaren esku jarri beharko dituzte.

3. Jarduera uzteko erantzukizunpeko adierazpena aurkezten duten nekazaritza- eta elikagaigintza-industrien titularrek, 6. artikuluan zerrendatutako baldintzak betetzeaz gain, baldintza horiek betetzen direla egiaztatzen duten agiriak eduki beharko dituzte, eta nekazaritza- eta elikagaigintza-industrien arloko zuzendaritza eskudunaren esku jarri beharko dituzte.

4. Administrazio Publikoen Administrazio Prozedura Erkidearen urriaren 1eko 39/2015 Legearen 28. artikuluaren 2. paragrafoan xedatutakoarekin bat etorriz, dokumentazioa administrazio honetan edo beste edozein administraziotan entregatu bada, eta berariaz adierazten bada ez dela inolako aldaketarik izan aipatutako dokumentuetan, edo dagoeneko elikagaien kalitatearen arloan eskumena duen zuzendaritzaren esku badago, edo beste edozein administraziok egin baditu, interesdunek eskubidea dute aipatutako dokumentuak ez aurkezteko. Elikagaien kalitatearen arloan eskumena duen zuzendaritzak dokumentu horiek kontsultatzeko edo eskuratzeko aukera izango du, interesdunak aurka egin ezean.

5. Ontziratze eta botilatze jarduerak egingo dituzten industriek, 4. artikuluan 1. apartatuan ezarritako baldintzak betetzeaz gain, eta betetze hori egiaztatzen duen dokumentazioa izateaz gain, ontziratzeko eta botilatzeko makineria egokia dutela egiaztatzen duen dokumentazioa eduki beharko dute.

6. Kalitate ziurtagiriak izatea nahi duten industriek aplikatzekoa den araudia bete beharko dute eta hori frogatzen duen ziurtagiria eduki.

1. Aplikagarri zaien araudi sektorialean ezar daitezkeen betebeharrak alde batera utzi gabe, egiten duten jardueraren arabera, eta Dekretu honetan xedatutakoaren ondorioetarako, honako hauek dira nekazaritza- eta elikagaigintza-industrien betebehar orokorrak:

   4. artikuluan jarduera hasteko ezarritako baldintzak, 5. artikuluan jarduera aldatzeko ezarritakoak eta 6. artikuluan jarduera aldi baterako edo behin betiko uzteko ezarritakoak betetzea.

   1. Nekazaritza- eta elikagaigintza-industrien arloko zuzendaritza eskudunaren esku uztea 7. artikuluan jasotako dokumentazioa.

   2. Nekazaritza- eta elikagaigintza-industrien arloko zuzendaritza eskudunari aurkeztea 7. artikuluan ezarritako dokumentazioaren artean hark eskatutako dokumentazioa.

2. Betebehar hori betetzeko epea 15 egunekoa da. Epe hori luzatu ahal izango da, ofizioz edo alde batek eskatuta, ezarritako epearen erdia gainditu gabe, inguruabarrek hala eskatzen badute eta hirugarrenen eskubideei kalterik egiten ez bazaie. Luzapen horren baldintzak Administrazio Publikoen Administrazio Prozedura Erkidearen urriaren 1eko 39/2015 Legearen 32. artikuluan xedatutakoarekin bat etorriz ezarriko dira.

1. Dekretu honen aplikazio-eremuan eta Euskal Autonomia Erkidegoan kokatuta dauden nekazaritza- eta elikagaigintza-industria guztiek jarduerari ekiteko erantzukizunpeko adierazpen bat aurkeztu behar dute haien jarduerari ekin baino lehen.

   Jarduerari ekiteko erantzukizunpeko adierazpena nekazaritza- eta elikagaigintza-industriak Euskal Autonomia Erkidegoan duen establezimendu fisiko bakoitzari dagokionez aurkeztuko da.

2. Instalatuta dauden nekazaritza- eta elikagaigintza-industrietan 5. artikuluan aurreikusitako aldaketaren bat ematen bada, edo 6. artikuluan aurreikusitako aldi baterako edo behin betiko etetea, industria horiek erantzukizunpeko adierazpen bat aurkeztu behar dute, gertatu ondorengo sei hileko epean gehienez.

3. Erantzukizunpeko adierazpentzat hartuko da Euskal Autonomia Erkidegoan dagoen nekazaritza- eta elikagaigintza-industriaren titularrak edo haren ordezkari behar bezala egiaztatuak sinatutako agiria, non adierazten baitu, bere erantzukizunpean, betetzen dituela 4., 5. eta 6. artikuluetan eta aplikagarri zaion indarreko gainerako araudian ezarritako baldintzak, nekazaritza- eta elikagaigintza-industriako jarduera hasteko, aldatzeko edo eteteko; baduela hori egiaztatzen duen dokumentazioa; dokumentazio hori nekazaritza- eta elikagaigintza-industrien arloko zuzendaritza eskudunaren esku jarriko duela, eta konpromisoa hartzen duela 8. artikuluan aurreikusitako betebeharrak betetzen jarraitzeko industriaren garapenari edo funtzionamenduari dagokion denbora-tartean.

4. Nekazaritza- eta elikagaigintza-industriak erantzukizunpeko adierazpena aurkezten duen egunetik aurrera gauzatu ahal izango du bere jarduera. Sei hilabeteko epea igaro eta hasi ez bada, erantzukizunpeko adierazpenak indarra galduko du.

5. Erantzukizunpeko adierazpena aurkeztu arren, jardueraren titularra ez dago salbuetsita jarduera hasi ahal izateko erregistro sektorialetan beharrezkoak diren baimen, lizentzia, komunikazio edo inskripzio guztiak izatetik, besteak beste, Euskadiko Ingurumen Administrazioari buruzko abenduaren 9ko 10/2021 Legean jasotakoak.

6. Nekazaritza- eta elikagaigintza-industrien arloko zuzendari eskudunak edozein unetan eskatu ahal izango du, erantzukizunpeko adierazpena aurkeztu eta hurrengo egunetik aurrera, 7. artikuluan jasotako dokumentazioa aurkezteko.

7. Erantzukizunpeko adierazpena aurkezteak ahalmena emango du dagokion jarduera Estatuko lurralde osoan garatzeko.

   Erantzukizunpeko adierazpena Euskal Autonomia Erkidegokoaz bestelako administrazio publiko batean aurkeztu duten interesdunek beren zerbitzuak eman eta askatasunez kokatu ahal izango dira Euskal Autonomia Erkidegoan, artikulu honetan xedatutako baldintzetan.

   Hori horrela izanik ere, Administrazio Publikoen Administrazio Prozedura Erkidearen urriaren 1eko 39/2015 Legearen 28.3 artikuluan xedatutakoa betez, interesdunek nekazaritza- eta elikagaigintza-industrien arloko zuzendaritza eskudunari adierazi beharko diote noiz eta zein administrazio-organotan aurkeztu zituen dokumentu horiek. Salbuespen gisa, nekazaritza- eta elikagaigintza-industrien arloko zuzendaritza eskudunak ezin baditu dokumentu horiek bildu, interesdunei eskatu ahalko dizkie horiei buruzko datuak.

1. Jarduerari ekiteko, jarduera aldatzeko edo eteteko erantzukizunpeko adierazpena nekazaritza- eta elikagaigintza-industrien arloko zuzendaritza eskudunaren titularrari zuzendu beharko zaio.

2. Administrazio Publikoen Administrazio Prozedura Erkidearen urriaren 1eko 39/2015 Legearen 14.3 artikuluan eta Herritarrei arreta integral eta multikanala emateko eta zerbitzu publikoak bitarteko elektronikoz irispidean izateko ekainaren 20ko 91/2023 Dekretuaren 15.1 artikuluan xedatutakoa aplikatuz, banakako enpresariek edo autonomoek, beren lanbide-jardueraren esparruan egiten dituzten izapide eta jarduketetarako, eta pertsona juridikoek, jarduera hasteko edo aldatzeko edo jarduera eteteko erantzukizunpeko adierazpena aurkeztu beharko dute, eta dekretu honetan araututako prozedura guztiei dagokienez, bitarteko elektronikoak erabili beharko dituzte, Euskal Autonomia Erkidegoko Administrazio Publikoaren egoitza elektronikoan sartuta: https://www.euskadi.eus/egoitza-elektronikoa/

3. Jarduera hasteko, aldatzeko edo eteteko erantzukizunpeko adierazpenaren ereduak eta hura betetzeko jarraibideak, prozeduraren fitxa eta espedienterako sarbidea eta ondorengo izapideak Euskal Autonomia Erkidegoko Administrazio Publikoaren egoitza elektronikoaren «Nire karpeta»ren bidez egingo dira (https://www.euskadi.eus/nirekarpeta).

1. Nekazaritza- eta elikagaigintza-industriei industria-jarduera garatzeko aplikagarria zaien legeriak eskatzen dituen funtsezko eskakizunak betetzen ez badira, betiere jarduera motaren arabera, jarduera eteteko prozedura hasiko da dagokion arduradunak ez-betetzearen berri izan bezain laster, ez-betetzea eragin duen arrazoia zuzentzen den arte.

2. Nekazaritza- eta elikagaigintza-industrien arloko zuzendaritza eskudunak bere kontrol- eta ikuskapen-jardunean jarduera garatzeko aplikagarria den legerian eskatzen diren funtsezko eskakizunen ez-betetzea gertatu dela baina jarduera ez dela eten egiaztatzen duenean, berehala aginduko du jarduera geldiarazteko, horretarako emandako ebazpenaren bidez, interesdunari hiru eguneko epean entzun ondoren, eta Euskal Autonomia Erkidegoko Industriari buruzko azaroaren 12ko 8/2004 Legea aplikatuz ezar daitezkeen zehapenei kalterik egin gabe.

3. Jarduera geldiaraziko da, halaber, nekazaritza- eta elikagaigintza-industrien arloko zuzendaritza eskudunak ikusten badu 9. artikuluan aurreikusitako erantzukizunpeko adierazpeneko datuetan, adierazitakoan edo erantsitako agirietan, funtsezkoa den zerbait zehatza ez dela, faltsua dela edo falta dela, edo ikusten badu adierazpena ez dela aurkeztu.

4. Jarduera geldiarazteko ebazpenak beste ondorio bat ere ekar dezake: interesduna behartzea egoera juridikoa dena delako jarduera hasi baino lehenagora itzularaztera, eta urtebetez behintzat gauza berbererako beste prozedurarik eskatzen ez uztea. Jarduerari ezingo zaio berriz ekin jarduera geldiaraztea edo etetea eragin zuen egoera zuzendu arte eta prozeduran jarduten duen nekazaritza- eta elikagaigintza-industrien arloko zuzendaritza eskudunak horrela egin dela egiaztatu arte, betiere Euskal Autonomia Erkidegoko Industriari buruzko azaroaren 12ko 8/2004 Legean ezarritakoari jarraituta.

1. Erantzukizunpeko adierazpeneko edozein datu, adierazpen edo dokumentutan funtsezkoa ez den zer edo zer ez baldin bada zehatza, faltsua baldin bada edo faltan baldin badago eta horiek aurkeztea ezinbestekoa baldin bada, nekazaritza- eta elikagaigintza-industrien arloko zuzendaritza eskudunak egoera horren berri emango dio interesdunari, 2 hilabeteko epean zuzendu dezan aipatutako zehaztasun eza, faltsua dena edo falta dena.

2. Interesdunak ez badu eskatutako zuzenketa egiten emandako epean, jarduera geldiaraziko da, nekazaritza- eta elikagaigintza-industrien arloan eskumena duen zuzendaritzak horretarako emandako ebazpenaren bidez, interesdunari hiru eguneko epean entzun ondoren, eta Euskal Autonomia Erkidegoko Industriari buruzko azaroaren 12ko 8/2004 Legea aplikatuz ezar daitezkeen zehapenei kalterik egin gabe.

3. Jarduera eteteko ebazpenak beste ondorio bat ere ekar dezake: interesduna behartzea egoera juridikoa dena delako jarduera hasi baino lehenagora itzularaztera, eta urtebetez behintzat gauza berbererako beste prozedurarik eskatzen ez uztea. Jarduerari ezingo zaio berriz ekin jarduera geldiaraztea edo etetea eragin zuen egoera zuzendu arte eta nekazaritza eta prozeduran jarduten duen nekazaritza- eta elikagaigintza-industrien arloko zuzendaritza eskudunak horrela egin dela egiaztatu arte, betiere uztailaren 16ko Industriari buruzko 21/1992 Legean ezarritakoari jarraituta.

Euskal Autonomia Erkidegoko Nekazaritza eta Elikagaigintzako Industrien Erregistroak helburu hauek ditu:

1. Eranskinean jasotako industrien jarduerei buruzko beharrezko informazioa izatea.

2. Aurretik adierazi diren industria-jarduerei buruzko informazio-tresna izatea, zerbitzu bat eman diezaien Administrazio Publikoei, herritarrei, eta, bereziki, enpresen sektoreari, alde batera utzi gabe dekretu honetan eta Datu Pertsonalak Babestekoa eta Eskubide Digitalak Bermatzeko abenduaren 5eko 3/2018 Lege Organikoan eta aplikatzekoak diren gainerako xedapenetan ezarritako konfidentzialtasun-arauak.

3. Euskal Estatistika Planetan eta Urteko Estatistika Programetan zehazten diren estatistika-eragiketak egiteko behar diren datuak ematea Euskal Autonomia Erkidegoko Estatistika Erakundearen maila operatiboa eratzen duten erakundeei. Apirilaren 23ko 4/1986 Legeak, Euskal Autonomia Erkidegoko Estatistikari buruzkoa eta Estatistikaren Euskal Planari dagokion legeak arautzen dituzte haiek, estatistika-jarduerak antolatzen dituzten aldetik.

1. Euskal Autonomia Erkidegoko Nekazaritza eta Elikagaigintzako Industrien Erregistroak izaera administratiboa du, nekazaritza- eta elikagaigintza-industrien arloan eskudun den Sailari atxikita dago, eta bakarra da Euskal Autonomia Erkidego osorako.

2. Nekazaritza- eta elikagaigintza-industrien arloko zuzendaritza eskuduna izango da Euskal Autonomia Erkidegoko Nekazaritza eta Elikagaigintzako Industrien Erregistroaren arduraduna, eta aipatu administrazio-organoko langileek jardungo dute hartan; izan ere, zuzendaritza horrek kudeatuko du erregistroa prozedura informatikoak erabiliz.

3. Nekazaritza- eta elikagaigintza-industrien arloko zuzendaritza eskuduna izango da NEIE erregistroan datuak sartu, aldatu eta baliogabetzearen erantzule bakarra. Zuzendaritza horrek zainduko du bertan jasotako datuak une oro eguneratuta egon daitezela eta bat etor daitezela bere eremuko instalazio guztiekin.

1. Euskal Autonomia Erkidegoko Nekazaritza eta Elikagaigintzako Industrien Erregistroak dekretu honen 2. artikuluan ezarritako aplikazio-eremuan dauden nekazaritza- eta elikagaigintza-industrien establezimendu eta jardueren datuak jasoko ditu, industria horien sozietate-izena edo instalazioren bat Euskal Autonomia Erkidegoan badaude.

2. Dekretu honen aplikazio-eremuan dauden nekazaritza- eta elikagaigintza-industria eta nekazaritza- eta elikagaigintza-establezimenduei aplikatuko zaizkie kapitulu honetan adierazten diren arauak, bai eta ardoa eta edari alkoholdunak ontziratzen eta botilatzen dituztenei ere.

1. Euskal Autonomia Erkidegoko Nekazaritza eta Elikagaigintzako Industrien Erregistroan inskribatzea ez da eratzailea izango, eta Erregistroko arduradunak ofizioz egingo du, nekazaritza- eta elikagaigintza-industriek aurkezten dituzten erantzukizunpeko adierazpenetan adierazten diren datu oinarrizkoak, osagarriak eta berariazkoak aintzat hartuta.

2. Euskal Autonomia Erkidegoan kokatzen den establezimendu bakoitzak, erregistro-zenbaki bat izango du.

3. Era berean, 9. artikuluan adierazten diren erantzukizunpeko adierazpenak aintzat hartuta, Erregistroko arduradunak ofizioz egingo ditu jardueren amaierari eta artikulu horretan adierazten diren gainerako aldaketei dagozkien idatzoharrak.

4. Inskripzioa baliabide elektronikoen bidez egingo da, betiere bizkortasunaren, arintasun administratiboaren eta efikaziaren printzipioei jarraiki.

1. Euskal Autonomia Erkidegoko Nekazaritza eta Elikagaigintzako Industrien Erregistroak datu hauek bilduko ditu:

   1. Enpresei buruzkoak:

      1. Identifikazio fiskaleko zenbakia edo Nortasun Agiria Nazionala.

      2. Autonomia Erkidegoak esleitutako identifikazio-zenbakia.

      3. Titularra (izen-abizenak, sozietate-izena, eta, pertsona fisikoa bada: sexua).

      4. Sozietate-helbidea (helbidea, herria, udalerria, posta-kodea, lurralde historikoa).

      5. Telefonoa, faxa, posta elektronikoa, web-orria eta URLa.

      6. Jarduera ekonomiko nagusia (indarrean dagoen Ekonomia Jardueren Sailkapen Nazionalaren kodea).

   2. Establezimenduari buruzkoak:

      1. Autonomia Erkidegoak esleitutako identifikazio-zenbakia.

      2. Izena edo errotulua.

      3. Kokalekua (helbidea, herria, udalerria, posta-kodea, lurralde historikoa).

      4. Telefonoa, faxa, posta elektronikoa, web-orria eta URLa.

      5. Jarduera ekonomiko nagusia (indarrean dagoen Ekonomia Jardueren Sailkapen Nazionaleko kodea) eta, hala badagokio, garatutako bestelako jarduerak.

      6. Industria-mota, eranskinean xedatutakoaren arabera.

2. Euskal Autonomia Erkidegoko Nekazaritza eta Elikagaigintzako Industrien Erregistroak datu osagarri hauek bilduko ditu:

   1. Industriaren titularra pertsona juridikoa bada, bazkideen identifikazioa, sexua, eta sozietate-banaketa eta kapital sozial eguneratua zehaztuz.

   2. Lehengai nagusien eta amaitutako produktuen urteko kantitateak. Jarduerari ekiten dioten establezimenduen kasuan, urteko zenbateko horiek jardueraren lehen urteko salmenta-/ekoizpen-planaren arabera aitortuko dituzte.

   3. Enplegatuei dagokien dimentsio-adierazlea.

   4. Kalitate-bereizgarriak.

   5. Azalera eta orubeak (metro koadroak).

   6. Kontratatutako potentzia elektrikoa.

   7. Erabilitako marka propioak.

   8. Erregistratutako izen komertzialak.

   9. Hala badagokio, establezimendua erregistratuta egotea nahitaezkoa den erregistroen izena eta inskripzio-zenbakia, hala nola, Euskal Autonomia Erkidegoko Elikagai Establezimenduen Erregistroa eta, hala badagokio, Elikagaigintzako Enpresen eta Elikagaien Erregistro Sanitario Orokorra, edo establezimenduak izan beharreko osasun-baimenak edo Animalien Elikaduraren Sektoreko Operadoreen Erregistroa.

   10. Establezimendua borondatez inskribatuta dagoen erregistroetako inskripzio-zenbakiak; hala nola, Euskadiko Ekoizpen Integratuko Operadoreen Erregistroa, Euskadiko Eskulangintza Ekoizleen Erregistroa, Euskadiko Nekazaritza Ekologikoko Ekoizpeneko Operadoreen Erregistroa, eta beste erregistro batzuk.

   11. Kalitate-bereizgarrien sistemen ziurtagiriak eta bestelako kalitate-ziurtagiriak.

   12. Erantzukizunpeko adierazpenaren aurkezpen-data eta zer organo eskuduni aurkeztu zaion. Aldaketei edo jardueraren eteteari buruzko jakinarazpenen kasuan, jakinarazpenaren aurkezpen-data eta zer organo eskuduni aurkeztu zaion.

   13. Baldintzak, ikuskapenak eta zehapenak betetzearen egiaztapenei buruzko informazioa.

   14. Eraikinei buruzko datuak, eta, bereziki, haien azalera eta erabiltzen diren ustiatze-sistemak.

   16. Instalazioen eta makinen deskribapena eta haien ezaugarriak, unitateak, eta fabrikazio-urtea.

   17. Nekazaritzako eta Abeltzaintzako Ustiategiei eta Nekazaritza Ekoizpenari buruzko Informazio Sistemaren (SIEX) inskripzio-zenbakia.

1. Nekazaritza eta Elikagaigintza Politikari buruzko abenduaren 23ko 17/2008 Legearen 60.1 artikuluarekin bat etorrita, Euskal Autonomia Erkidegoko Ardoen eta Edari Alkoholdunen Botilatzaileen eta Ontziratzaileen Erregistroa hartuko du Euskal Autonomia Erkidegoko Nekazaritza eta Elikagaigintza Industrien Erregistroak.

   Ardoa eta edariak botilaratzen eta ontziratzen dituzten industriak egongo dira sartuta erregistro horretan.

2. Ardoa eta edariak botilaratzen eta ontziratzen dituzten industriek, 4. artikuluan ezarritako baldintzak betetzeaz gain, ontziratze- eta botilatze-jarduera horretarako makineria egokia dutela egiaztatzen duen dokumentazioa eduki beharko dute.

1. Jarduerari ekiteko erantzukizunpeko adierazpena jaso ondoren, identifikazio-zenbaki bat esleituko zaio establezimenduari Euskal Autonomia Erkidegoko Nekazaritza eta Elikagaigintza Industrien Erregistroko inskripzioarekin batera.

2. Enpresak dituen establezimenduak beste zenbaki esleituko dira, 3. artikuluko establezimenduaren definizioaren arabera.

3. Establezimenduari esleitutako zenbakiaz gain, nekazaritza- eta elikagaigintza-industrien arloko zuzendaritza eskudunak identifikazio-zenbaki espezifiko bat emango die ardoa edo edari alkoholdunak ontziratzen edo botilaratzen dituzten establezimenduei jarduera horretarako.

4. Erantzukizunpeko adierazpena aurkeztu eta gehienez ere sei hilabeteko epean, Euskal Autonomia Erkidegoko Nekazaritza eta Elikagaigintzako Industrien Erregistroko arduradunak enpresari jakinaraziko dio bere inskripzioa eta esleitu zaion identifikazio-zenbakia.

1. Datu hauek jakinaraziko dira:

   17. artikuluko 1. apartatuan adierazitako oinarrizko datuak publikoak dira. Hala ere, titularrek eta interes zilegi eta zuzena egiaztatzen duten hirugarrenek soilik izango dute datu pertsonaletarako sarbidea, Datu Pertsonalak Babesteko eta eskubide digitalak bermatzeko abenduaren 5eko 3/2018 Lege Organikoan xedatutakoarekin bat etorrita.

   1. Konfidentzialak izango dira Euskal Autonomia Erkidegoko Nekazaritza eta Elikagaigintzako Industrien Erregistroan jasotzen diren gainerako datuak eta espedientean azaltzen diren bestelako datu teknikoak, eta haien tratamendu informatikoa edo estatistikoa egin ondoren soilik zabaldu ahalko dira, agregatuta.

      17. artikuluaren 1. apartatuko a) paragrafoaren 1 eta 2 azpiapartatuetan adierazitako oinarrizko datuen kontsultarako irispidea publikoa da, eta Euskal Autonomia Erkidegoko Administrazio Publikoaren egoitza elektronikoan egin ahal izango da, helbide honetan: https://www.euskadi.eus/nirekarpeta

      Herritarrei arreta integral eta multikanala emateko eta zerbitzu publikoak bitarteko elektronikoz irispidean izateko ekainaren 20ko 91/2023 Dekretuan xedatutakoaren arabera, oinarrizko datu horiek Open Data Euskadi datu irekien katalogoan sartuko dira (URL: https://opendata.euskadi.eus/inicio/), eta URL horren bidez eskuratu ahal izango da informazioa.

      17. artikuluko 2. apartatuan adierazten diren datu osagarriak kontsultatzeko, aurretik kontsulta-eskaera bat egin beharko dute datu horiek jakiteko interes legitimoa egiaztatzen duten pertsona fisiko eta juridikoek. Eskaera idatziz egingo da, baldin eta erregistroaren antolamenduak horretarako aukera ematen badu, baita bitarteko elektronikoen bidez ere. Edozein modutan, eskaera zehatzak egin behar dira, eta ondo mugatu behar da zer informazio eskatzen den.

      3. Aurreko apartatuetan jasotako Euskal Autonomia Erkidegoko Nekazaritza eta Elikagaigintzako Industrien Erregistroko datuetarako irispidea eta publikotasunaren mugak ez dira aplikatuko sekretu estatistikoak bermatutako estatistika-informazioarekiko, Euskal Autonomia Erkidegoko Estatistikaren apirilaren 23ko 4/1986 Legearen arabera.

1. Euskal Autonomia Erkidegoko Nekazaritza eta Elikagaigintzako Industrien Erregistroa, Industria Erregistroa eta Euskal Autonomia Erkidegoko Elikagai Establezimenduen Erregistroa (ELESE) elkarreragileak izango dira elkarren artean.

2. Euskal Autonomia Erkidegoko Nekazaritza eta Elikagaigintzako Industrien Erregistroa elkarreragingarria izango da Nekazaritza eta Abeltzaintza Ustiategien eta Nekazaritza Ekoizpenaren Informazio Sistemarekin (SIEX), abenduaren 27ko 1054/2022 Errege Dekretuan eta hura garatzen duten arauetan xedatutakoaren arabera. Errege Dekretu horrek nekazaritzako eta abeltzaintzako ustiategien eta nekazaritzako ekoizpenaren informazio-sistema, nekazaritzako ustiategien erregistro autonomikoa eta nekazaritzako ustiapen-koaderno digitala ezarri eta arautzen ditu.

   Euskal Autonomia Erkidegoko Nekazaritza eta Elikagaigintzako Industrien Erregistroaren eta Nekazaritza eta Abeltzaintza Ustiategien eta Nekazaritza Ekoizpenaren Informazio Sistemaren (SIEX) arteko komunikazioa ahalbidetzeko beharrezkoak diren interfazeak eta zerbitzuak garatuko dira.

3. Sistema informatikoak elkarreragileak izango direla bermatzeko aplikazio informatikoak eta teknologiak eskuratuko dituzte eta hori egin ahal izateko neurriak hartuko dituzte osasunaren gai-alorrean, industriaren gai-alorrean eta nekazaritza eta elikagaigintzako gai-alorretan eskudun diren sailek.

4. Erregistroetan jasota dauden datu komunetan izaten diren aldaketak hautemateko aukera eman behar du ezartzen den sistema informatikoak. Aldaketak hautematen direnean, erregistroetan sartuko dituzte organo eskudunek beharrezkoak izan daitezkeen eguneratzeak eta aldaketak, eta behar bezala jakinaraziko dira horiek guztiak.

5. Nekazaritza eta Elikagaigintza Industrien Erregistroaren, Industria Erregistroaren eta Euskal Autonomia Erkidegoko Elikagai Establezimenduen Erregistroaren (ELESE) arteko elkarreragingarritasuna nekazaritza- eta abeltzaintza-arloko organo eskudunek kudeatutako erregistroetara ere hedatu ahal izango da, lehenengoan inskribatuta egon behar duten ekoizpen primarioarekin lotutako jarduerei dagokienez.

1. Zehapenak ezarriko dira Dekretu honetan arautzen diren betebeharrak betetzen ez badira, Nekazaritza eta Elikagaigintzako Politikari buruzko abenduaren 23ko 17/2008 Legeak arautzen duen arau-hausteen eta zehapenen araubidearekin eta Euskal Autonomia Erkidegoko Industriari buruzko azaroaren 12ko 8/2004 Legeak xedatutakoarekin bat etorrita.

2. Nekazaritza- eta elikagaigintza-industrien arloko zuzendaritza eskudunak egoki irizten dituen ikuskapenak, egiaztapenak eta dokumentazio-eskaerak egin ditzake, baldin eta beharrezkoak irizten baditu jasotako datuen egiazkotasuna eta erregelamendu-baldintzak betetzen direla egiaztatzeko.

3. Aplikatu beharreko zehapen-prozedura Euskal Administrazio Publikoen zehatzeko ahalari buruzko martxoaren 16ko 1/2023 Legean eta Administrazio Publikoen Administrazio Prozedura Erkidearen urriaren 1eko 39/2015 Legean ezarritakoa izango da.

   LEHENENGO XEDAPEN IRAGANKORRA. Aurretiko inskripzioen indarraldia.

   Euskal Autonomia Erkidegoko Nekazaritza eta Elikagaigintzako Industrien Erregistroan gaur egun dauden enpresa eta establezimenduen inskripzioek balio osoa izaten jarraituko dute. Hala ere, agintari eskudunek, beharrezkoa bada, ofizioz egin beharko dituzte zuzenketak, dekretu honetan xedatutakora egokitzeko, eta, hala badagokio, bertan jaso behar ez direnak bertan behera utzi beharko dituzte, dekretua indarrean sartzen denetik aurrera.

   BIGARREN XEDAPEN IRAGANKORRA. Ardoa eta edari alkoholdunak ontziratu eta botilaratzeko jardueraren inskripzio-zenbakien indarraldia.

   Beren tipologiari eta adierazpenari eutsiz jarraituko dute indarrean Dekretu hau indarrean jarri aurretik ardoa eta edari alkoholdunak ontziratu eta botilaratzeko jarduerak egiten dituzten establezimenduei esleitu zitzaizkien inskripzio-zenbakiak.

   HIRUGARREN XEDAPEN IRAGANKORRA. Izapidetzen ari diren espedienteak.

   Dekretu honek araututako moduan izapidetuko dira Dekretu hau indarren sartu aurretik hasitako espedienteak. Hori horrela, dagokion erantzukizunpeko adierazpena aurkeztu behar dute egoera horretan dauden industriek Dekretu hau indarrean jarri ondorengo hiru hileko epean. Nekazaritzako eta elikagaigintzako alorreko organo eskudunak betebehar horren berri emango die aurretiaz industria horiei.