Liburutegi Zerbitzua

Dekretu honen xedea da gizarte-zerbitzuetako erregistroen egitura, antolaketa eta erregistro-prozedura arautzea.

1. Euskal Autonomia Erkidegoan jarduten duten gizarte-zerbitzuetako erakunde publiko eta pribatu guztiak, eta horien mendeko zerbitzu eta zentro guztiak, Gizarte Zerbitzuen Euskal Sistemakoak izan edo ez, erregistratu egin beharko dira.

2. Horretarako, honako kontzeptu hauek zehaztuko ditugu:

   1. Ulertzen da gizarte-zerbitzuetako erakundea dela legez eratuta dagoen pertsona fisiko edo juridiko oro, izaera publiko edo pribatukoa, irabazi-asmoduna edo irabazi-asmorik gabekoa, gizarte-zerbitzuetako zerbitzu edo zentro baten edo batzuen titular dena; bai eta, horrelakorik izan gabe, oro har, informazioa ematera edo kideen elkarrekiko laguntzara bideratutako jarduerak soilik gauzatzen dituena ere.

   2. Gizarte-zerbitzuetako zerbitzutzat jotzen dira honako hauek: teknikoki eta funtzionalki antolatutako jarduerak, orokorrak edo espezializatuak, gizarte-zerbitzuetako erakunde batek erregulartasunez eta etengabe ematen dituenak. Ez daukate derrigorrez zentro batean emandakoak izan beharrik.

   3. Gizarte-zerbitzuetako zentrotzat jotzen dira honako hauek: unitate organiko eta funtzional gisa eratutako higiezinak edo higiezinen zatiak, kokapen autonomoa eta identifikagarria dutenak, gizarte-zerbitzuetako zerbitzuak eskaintzen edo antolatzen badira horietan.

1. Gizarte Zerbitzuen Erregistro Orokorrean inskribatuko dira gobernuaren ekintza zuzenarekin lotutako erakunde, zerbitzu eta zentro guztiak. Zerbitzuen edo zentroen titular ez diren gizarte-zerbitzuetako erakundeak, dekretu honen 2.2.a) artikuluan aipatzen direnak, horien jarduera Eusko Jaurlaritzaren ekintza zuzenarekin lotuta badago, Gizarte Zerbitzuen Erregistro Orokorrean inskribatu ahal izango dira hala eskatzen badute; horrez gainera, gizarte-zerbitzuen foru-erregistroan edo -erregistroetan ere inskribatu ahal izango dira dagokion erregistroaren lurralde-esparruan Eusko Jaurlaritzaren ekintza zuzenarekin lotuta ez dauden jarduerak gauzatzeagatik.

   Horrez gain, Gizarte Zerbitzuen Erregistro Orokorrak foru-erregistroek egiten dituzten inskripzioen idazketa eta eransketa bilduko du, informazio-ondorioetarako; horretarako, foru-erregistroek gizarte-zerbitzuen arloan eskumena duen Eusko Jaurlaritzaren sailari igorri beharko dizkiote inskripzioak.

2. Gizarte Zerbitzuen Erregistro Orokorra gizarte-zerbitzuen arloan eskumena duen Eusko Jaurlaritzaren sailari atxikita dago.

Gizarte-zerbitzuen foru-erregistroetan inskribatuko dira dagokion foru-aldundiaren titulartasuneko erakunde, zerbitzu eta zentro guztiak, bai eta haren titulartasunekoak ez diren beste batzuk ere, titulartasun publikokoak edo pribatukoak, haren eskumeneko lurralde-eremuan jarduten dutenak. Gizarte-zerbitzuen foru-erregistroetan inskribatu ahal izango dira, baita ere, haien titulartasuneko zerbitzurik edo zentrorik ez duten erakundeak, dagokion erregistroko edo erregistroetako lurralde-esparruan jarduten dutenak.

1. Erregistroak tresna publikoak izango dira, eta, haietara irispidea izateko, Herri Administrazioen Araubide Juridikoari eta Administrazio Prozedura Erkideari buruzko 30/1992 Legean, azaroaren 26koan, ezarritako zehaztasun eta baldintzak bete beharko dira.

2. Datuen ezaupidea eta publizitatea ziurtatzeko tresnak dira, eta, hala direnez, honako eginkizun hauek bete beharko dituzte:

   1. Euskal Autonomia Erkidegoan gizarte-zerbitzuen arloan jarduten duten erakunde, zerbitzu eta zentroak zeintzuk diren jakiteko modua ematea, eta, orobat, hala badagokio, horiek Euskal Autonomia Erkidegoko herri-administrazioekin zer harreman duten jakiteko modua; horretarako, 12/2008 Legean, abenduaren 5ekoan, gizarte-zerbitzuei buruzkoan, arautzen diren itun-araubidearen barruan sartzen diren itunen datuak idatziko dira bertan, bai eta Prestazioen eta Zerbitzuen Katalogoan sartzen diren zerbitzuen kudeaketarako hitzarmenak eta kontratuak ere.

   2. Euskal Autonomia Erkidegoko lurralde-eremuan jarduten duten gizarte-zerbitzuen publizitaterako tresna izatea.

3. Gizarte Zerbitzuei buruzko Euskal Informazio Sistema antolatzeko tresna dira gizarte-zerbitzuen erregistroak.

1. Gizarte-zerbitzuen erregistroak publikoak dira; egindako idazpenetan eta dagokion protokoloa osatzen duten dokumentuetan jasotako datuak, erregistro-orrietako edukiarekin lotura zuzena eta berehalakoa dutenak, eskuratzeko eskubidea izango da. Hala eta guztiz ere, erregistroen publizitatea ez da heltzen gordetako dokumentazioan jasotako sexuari, helbideari, nortasun-agiri nazionalari edo atzerritar-txartelari edo izaera pertsonaleko beste datu batzuei buruzko datuetara; horien titularrez gainera, legezko interes zuzena egiaztatzen duten hirugarren pertsonek eskuratu ahal izango dituzte horiek.

2. Gizarte-zerbitzuen arloan eskumena duten administrazio-agintariek gizarte-zerbitzuen erregistroetan jasotako edozein daturi buruzko informazioa eskuratu ahal izango dute haien eskumenak betetzeko, baita haien titulartasunekoak ez diren erregistroetan ere.

3. Datu-pertsonalak babesteko araudian xedatutako baldintzetara egokituko da Publizitatea.

1. Gizarte-zerbitzuetako erregistroetako publizitatea idazpenen edukiaren ziurtagirien bidez, jakinarazpen-ohar soilez edo erregistroko agirien kopia konpultsatuen bidez egingo da, eskatzaileak eskatzen duenaren arabera.

2. Idatziz edo elektronikoki eskatu beharko da informazioa, eta interesdunak dakizkien eta eskatutako datuak bilatzen lagunduko duten datu guztiak eman beharko ditu. Emandako informazioa nahikoa ez bada, erregistroak bertan behera utzi ahal izango du informazioa emateko prozedura, eta hala jakinaraziko dio pertsona interesdunari.

3. Egiaztagiriak soilik joko dira dokumentu publikotzat. Egiaztagiria izango da gizarte-zerbitzuen erregistroetako idazpenak egiaztatzeko modu eraginkor bakarra.

4. Dagokion erregistroko arduradunak eskabidea egin eta hamar eguneko epean eman beharko ditu erregistro-idazpenen egiaztagiriak edo jakinarazpen-ohar soilak edo artxibatutako edo gordetako dokumentuen kopia konpultsatuak.

1. Hiru ataletan banatuko dira Gizarte Zerbitzuen Erregistro Orokorra eta gizarte-zerbitzuen foru-erregistroak:

   1. Erakundeen atala.

   2. Zerbitzuen eta zentroen atala.

   3. Zehapenen atala.

2. Erakundeen atalean inskribatu beharko dira erregistroaren esparruan jarduten duten gizarte-zerbitzuetako erakunde publiko eta pribatu guztiak, eta haien identifikazioa eta ezaugarriak jaso beharko dira.

3. Zerbitzuen eta zentroen atalean inskribatu beharko dira erregistroaren esparruan jarduten duten zerbitzu eta zentro publiko eta pribatu guztiak.

   Zerbitzuaren edo zentroaren identifikazioa eta ezaugarriak jaso beharko dira, bai eta zer erakunderen mende dagoen adierazi ere.

4. Zehapenen atalean inskribatuko dira era guztietako arau-hausteak direla eta administrazio eskumendunak hartutako ebazpen irmoak.

1. Hiru erregistro-liburu egongo dira, hau da, liburu bana erregistroaren egiturako atal bakoitzeko:

   1. Erakundeen erregistro-liburuan bilduko da inskribatutako erakundeei buruzko informazioa; publikoak eta pribatuak bereiziko dira, eta, azken horien artean, irabazi-asmoa dutenak eta irabazi-asmorik ez dutenak.

   2. Zerbitzuen eta zentroen erregistro-liburuan jasoko da inskribatutako zerbitzuei eta zentroei buruzko informazioa; lehen mailako arretakoak eta bigarren mailakoak bereiziko dira. Zerbitzu edo zentro bat inskribatzerakoan, zer erakunde den horren titular adierazi beharko da.

   3. Zehapenen erregistro-liburuan bilduko da inskribatutako erakundeei ezarritako edozein motatako zehapenei buruzko informazioa.

2. Gizarte Zerbitzuen Erregistro Orokorrak eta foru-erregistroek fitxategi batean gordeko dituzte erregistro-idazpenen oinarri diren edukiari buruzko agiriak, bai eta dokumentazio osagarria ere, baimena emateko eskumena duen administrazioak ziurtatua.

3. Erregistroak behar bezala kudeatzeko komenigarri irizten diren liburu eta fitxategi osagarriak eraman ahal izango dira.

1. Honako idazpen-mota hauek jasoko dituzte erregistro-liburuek:

   1. Inskripzioak.

   2. Oharrak.

   3. Ezeztapenak.

   4. Marjinako oharrak.

2. Erakunde, zerbitzu edo zentro bat lehen aldiz erregistroan sartzen denean sortzen den inskripzioak eratzen du idazpena, eta, une horretan, honako hau egiten da:

   1. Erregistro-zenbaki bat ematen zaio;

   2. erregistroko dagokion atalera atxikitzen da; eta

   3. zerbitzu edo zentro bat bada, Gizarte Zerbitzuetako Euskal Sistemaren Prestazioen eta Zerbitzuen Katalogoari jarraiki sailkatzen da.

3. Oharretan jarraikako moduan jasotzen dira honako hauek, beste erregistro-zenbaki bat eman beharrik gabe:

   1. Inskripzioa egin ondorengo egitateak, baimendu egin beharrekoak edo komunikazio-araubidearen mende jarri beharrekoak.

   2. Erakundeen, zerbitzuen edo zentroen homologazioa.

   3. Dagokion herri-administrazioarekin itunak, hitzarmenak edo kontratuak izenpetu izatea.

   4. Zehapena ezartzeko emandako ebazpen irmoak.

4. Inskripzio bat ezeztatu egiten bada, eraginik gabe utziko da, eta, beraz, erregistro-zenbakia galduko du; ohar bat ere ezezta daiteke.

5. Marjinako oharren bidez, erregistroan jasotako informazioa osatzen da. Bi motatakoak izan daitezke:

   1. Informaziozko marjinako oharrak, interes orokorreko datu berriak biltzen dituztenak.

   2. Erreferentziazko marjinako oharrak, erregistroko hiru atalei edo atal bereko idazpenei koordinazioa eta batasuna emateko xedea dutenak; horretarako, dagozkien datuetara igorriko gaituzte.

1. Dagokion erregistroan idatziko dira honako hauek:

   1. Gizarte-zerbitzuetako erakundeak, publikoak zein pribatuak.

   2. Titulartasun publikoko gizarte-zerbitzuetako zerbitzuak edo zentroak sortu izana.

   3. Gizarte-zerbitzuetako zerbitzuei eta zentroei dagozkien baimenak.

   4. Titulartasun pribatuko gizarte-zerbitzuetako zerbitzuak edo zentroak homologatu izana.

   5. Honakoak jakinarazteko komunikazioak:

      1. Gizarte-zerbitzuetako zerbitzu edo zentro baten titulartasuna aldatu izana.

      2. Gizarte-zerbitzuetako zerbitzu edo zentro batek zerbitzua eten izana edo itxi izana.

   6. Gizarte Zerbitzuetako Euskal Sistemaren Prestazioen eta Zerbitzuen Katalogoan jasotako zerbitzuak emateko, euskal herri-administrazioekin izenpetutako itunak, hitzarmenak eta kontratuak.

   7. 12/2008 Legean, abenduaren 5ekoan, gizarte-zerbitzuei buruzkoan, jasotako arau-hausteek eragindako zehapen irmoak.

1. Makinaz edo prozedura informatikoen bidez emango dira idazpenak, eta, edonola ere, erregistrotik ezabatu ezin direla bermatu beharko da.

2. Dekretu honen eranskinean adierazten da zer datu jasoko diren mota bakoitzeko idazpenetan.

3. Erakundeen eta zerbitzuen eta zentroen inskripzio-idazpenetan, gizarte-zerbitzuen arloan eskumena duen Eusko Jaurlaritzako sailburuaren agindu bidez ezarritako sailkapenak eta kodifikazioak erabiliko dira, Gizarte Zerbitzuen Euskal Sistemaren Prestazioen eta Zerbitzuen Karterari jarraiki.

4. Erregistro-idazpenetan hizkuntza ofizialak erabiltzeari dagokionez, 10/1982 Legearen, azaroaren 24koaren, euskararen erabilera normalizatzeko oinarrizkoaren, 7. artikuluan xedatutakoa beteko da.

5. Idazpenak bata bestearen jarraian egingo dira, eta, marra edo tartekatutako gidoien bidez, baliorik gabe utziko dira guztiz idatzi ez diren lerroetako espazio hutsak.

1. Erregistro-zenbaki bat emango zaio gizarte-zerbitzuen erregistro batean inskribatzen den erakunde, zerbitzu edo zentro bakoitzari, eta zenbaki hori ez da aldatuko gerora egingo diren idazpenetan.

2. Inskripzio bat ezeztatu dela eta, erregistro-zenbaki bat libre geratzen bada ere, ez zaio beste erakunde, zerbitzu edo zentro bati emango; ezeztatutako inskripzioari lotuta geratuko da.

Egindako idazpenetan aurkitzen diren akats materialak, egitatezkoak edo aritmetikoak zuzendu egingo dira, ofizioz edo pertsona interesdunak eskatuta. Aldiz, inskriba daitezkeen egitateetatik edo horien dokumentaziotik sortutako akatsak dagokion administrazio-ebazpena eman ostean zuzendu ahal izango dira.

1. Erakundeak, zerbitzuak eta zentroak eta horiei eragiten dieten egitateen oharrak ofizioz edo alderdi interesdunak eskatuta inskribatuko dira erregistroan. Gizarte-zerbitzuen esparruan eskumena duen Eusko Jaurlaritzako sailak emango du Gizarte Zerbitzuen Erregistro Orokorrean inskripzioak egiteko eredu arautua, eta foru-aldundietako organo eskumendunek, berriz, gizarte-zerbitzuen foru-erregistroetan inskripzioak egitekoa.

2. Ofizioz idatziko dira titulartasun publikokoak diren zentroen eta zerbitzuen inskripzioa eta oharrak, bai eta titulartasun pribatukoenak, aurrez funtzionatzeko administrazio-baimena eskuratu badute, eta horien titular diren erakundeenak ere.

3. Gizarte-zerbitzuetako erakunde pribatuei dagokienez, zerbitzuen edo zentroen titular ez badira (dekretu honen 2.2.a) artikuluan aipatzen dira horiek), interesdunak eskatuta egingo da inskripzioa, eta, horretarako, titularrak edo legezko ordezkariak eskaera egin beharko du aldez aurretik.

1. Dekretu honen 15. artikuluaren 3. paragrafoan aipatzen diren erakundeak, zerbitzuak eta zentroak inskribatzeko, honako dokumentazio hau aurkeztu beharko du horien titularrak edo legezko ordezkariak:

   1. Inskripzio-eskaera, eredu normalizatuan, behar bezala beteta, eta legezko ordezkariak edo titular den pertsonak izenpetuta erakundea pertsona fisikoa bada.

      Pertsona juridikoei dagokienez, erakunde horrek dagokion erregistro publikoan duen erregistro-zenbakia adierazi beharko da.

      Eskabideetan adierazi ahalko da pertsona eskatzaileak berariazko baimena ematen duela gizarte-zerbitzuen arloan eskumena duen Eusko Jaurlaritzako organoak eta foru-aldundiek dokumentazioaren zati bat eskuratzeko edo egiaztatzeko, herri-administrazioak informazioa egiaztatzeko, kontrolatzeko eta ikuskatzeko dituen ahalmenen kaltetan izan gabe.

   2. Eskaera izenpetzen duen pertsona legezko ordezkaria dela egiaztatzen duen agiria.

   3. Erakundea sortzeko aktaren edo akordioaren kopia, estatutuena eta dagokion erregistroan izena emanda dagoela egiaztatzen duen agiriarena.

   4. Inskribatu beharreko erakundea pertsona fisikoa bada, nortasun-agiri nazionalaren edo atzerritar-txartelaren kopia. Pertsona fisikoak bide elektronikotik aurkeztu badu eskaria onartutako ziurtagiri elektroniko baten bidez identifikatuta, ez du dokumentazio hori aurkeztu beharrik izango.

   5. Jardueren memoria.

2. Inskribatu beharreko erakundea Euskal Autonomia Erkidegoko administrazioaren mendeko erregistro publiko batean inskribatuta badago, ez da b), c) eta d) paragrafoetan adierazitako dokumentazioa aurkeztu beharrik izango. Horrela bada, erakundea gizarte-zerbitzuen dagokion erregistroan inskribatzeko eskumena duen administrazioak bilduko du dagokion informazioa Euskal Autonomia Erkidegoko administrazioaren mendeko erregistrotik; erakundea indarrean eta egoera erregularrean dagoela egiaztatu eta horren legezko ordezkaria nor den adieraziko du informazio horrek.

3. Administrazio eskumendunak aurkeztutako dokumentazioa aztertuko du, eta aurkeztu den eskaeran akatsen bat edo zehaztasun eza dagoela edo eskaerarekin batera aurkeztu beharreko dokumenturen bat falta dela ikusten badu, pertsona eskatzaileari jakinaraziko dio, eta hamar eguneko epea emango dio akats hori zuzen dezan edo derrigorrezko dokumentuak aurkez ditzan. Halaber, hala egin ezean ebazpen bidez bere eskaera atzera egintzat hartuko dela adieraziko dio. Ebazpen hori Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 42. artikuluan aurreikusitako baldintzei jarraiki eman beharko da.

4. Administrazio eskumendunak hiru hilabeteko epea izango du, eskabidea aurkezten den egunetik zenbatzen hasita, erakundea inskribatzeko eskaria onartzen edo ukatzen duen ebazpena emateko; epe horretan ez bada espresuki ezer adierazten, onartutzat joko da eskaria.

   Administrazio-bidetik errekurtsoa jarri ahal izango da ebazpen horren kontra, indarrean dagoen legediak horretarako ezarritako baldintza eta epeetan.

Honako arrazoi hauengatik ezeztatuko dira inskripzioak:

1. Erakunde titularraren nortasun juridikoa iraungi edo galdu delako, edo, pertsona fisikoa bada, hil izanagatik edo ezintasuna aitortu izanagatik.

2. Zerbitzuak edo zentroak badira, funtzionatzeko baimena ezeztatu dietelako edo iraungi zaielako.

3. Zentroa behin betiko itxi delako edo inskripzioaren xede zen zerbitzua behin betiko eten delako.

1. Ofizioz edo alderdi interesdunak eskatuta ezeztatuko dira erregistroko inskripzioak. Edonola ere, ezeztatzeko ebazpenaren berri emango zaio erakundearen titular den pertsonari edo legezko ordezkariari, eta ezeztapena ematen den egunean bertan izango ditu ondorioak.

2. Erregistroko inskripzioak ofizioz ezeztatuko dira honako egoera hauetan:

   1. Baimendutako zentroak edo zerbitzuak dituzten erakundeei dagokienez, administrazio-baimena ezeztatu edo iraungi bazaie.

   2. Gizarte-zerbitzuetako erakunde pribatuei dagokienez, zerbitzuen edo zentroen titular ez badira (dekretu honen 2.2.a) artikuluan aipatzen dira horiek), 17. artikuluaren a) idatz-zatian adierazitako arrazoia gertatzen bada.

3. Erregistroko inskripzioak alderdi interesdunak eskatuta ezeztatzeko, erakundearen titular edo legezko ordezkari den pertsonak eskari bat aurkeztu beharko du aurrez.

Pertsona interesdunek bitarteko elektronikoen bidez eskatu, kontsultatu eta egin ahal izango dituzte publizitateko, inskribatzeko eta ezeztatzeko izapideak. Egoitza elektronikoan azalduko da nola izapidetu behar diren eskabideak, bertatik bertara zein bide elektronikotik.

1. Gizarte-zerbitzuen erregistroetan inskribatutako erakundeek urtez urte eguneratu beharko dituzte haien datuak eta haien titulartasuneko zerbitzuei eta zentroei dagozkienak; bereziki aipatu beharko dituzte, hala balegokio, Prestazioen eta Zerbitzuen Katalogoko zerbitzuak emateko Euskal Autonomia Erkidegoko herri-administrazioekin adostutako itunak, kontratuak eta hitzarmenak, erregistroa etengabe eguneratzen dela bermatzearren eta, hala, Gizarte Zerbitzuei buruzko Informazioko Euskal Sisteman dauden datuak eguneratzearren.

2. Euskal Autonomia Erkidegoko administrazioak Gizarte Zerbitzuen Erregistro Orokorrean inskribatutako erakundeekin adostutako itun, kontratu eta hitzarmenen berri emango dio erregistro horri. Lurralde historikoetako foru-aldundiek eta udalek gizarte-zerbitzuen dagokion foru-erregistroan inskribatutako erakundeekin adostutako itun, kontratu eta hitzarmenen berri emango diote erregistro horri.