Joko eta Ikuskizunak

Batetik, Carlos Agirre Arana jauna, Eusko Jaurlaritzako Ekonomia eta Ogasun sailburua eta Iñaki Arriola López jauna, Eusko Jaurlaritzako Etxebizitza, Herri Lan eta Garraioetako sailburua, Euskal Autonomia Erkidegoko Administrazioaren izenean eta haren ordez jardunez, eta

Bestetik, ondoko kreditu-erakunde hauetako ordezkariak: &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Horretarako eskuetsita daudela, eta hitzarmenkideen arteko adostasunez, hauxe,

ADOSTU DUTE:

LEHENENGO KLAUSULA

Hitzarmenaren xedea:

Hona hemen zein den Hitzarmen honen xedea: erakunde sinatzaileen arteko lankidetzaren baldintzak finkatzea, Euskal Autonomia Erkidegoan 2009. urterako etxebizitza eta lurzoru arloan jardun babesgarrien finantzaketa-ildoak ebaztekotan.

Euskal Autonomia Erkidegoan arlo honetan ezar daitekeen legezko eta arauzko arautegia honako hauek definitzen dute:

39/2008 Dekretua, martxoaren 4koa, babes publikoko etxebizitzen araubide juridikoari eta etxebizitzaren eta lurzoruaren inguruko finantza-neurriei buruzkoa.

Agindua, 2006ko apirilaren 16koa, Etxebizitza eta Gizarte Gaietako sailburuarena, Etxebizitza Eskatzaileen Erregistroa arautzen duena.

Agindua, 2008ko irailaren 8koa, Etxebizitza eta Gizarte Gaietako sailburuarena, babes ofizialeko etxebizitza eskuratzeko eskatu beharreko urteko diru-sarrera haztatuak eguneratzeko dena.

Abenduaren 30eko 317/2002 Dekretua, ondare urbanizatu eta eraikia birgaitzeko jarduketa babestuei buruzkoa.

&/20 Dekretua, .....................aren .......(e)koa, kreditu-erakundeen eta Euskadiko Autonomia Erkidegoaren arteko finantza-lankidetzakoa etxebizitzaren eta lurzoruaren arloan.

Agindua, 2006ko abenduaren 29koa, Etxebizitza eta Gizarte Gaietako sailburuarena, etxebizitza erosteko finantza-neurriei buruzkoa.

Agindua, 2007ko martxoaren 8koa, Etxebizitza eta Gizarte Gaietako sailburuarena, etxebizitza erosteko finantza-neurriei buruzko 2006ko abenduaren 29ko Aginduko akatsak zuzentzen dituena.

Agindua, 2006ko abenduaren 29koa, Etxebizitza eta Gizarte Gaietako sailbururena, etxebizitza birgaitzeko finantza-neurriei buruzkoa.

Agindua, 2007ko martxoaren 8koa, Etxebizitza eta Gizarte Gaietako sailburuarena, etxebizitza birgaitzeko finantza-neurriei buruzko 2006ko abenduaren 29ko Aginduko akatsak zuzentzen dituena.

Agindu, 2009ko uztailaren 22koa, Etxebizitza, Herri Lan eta Garraioetako sailburuarena, 2009ko abenduaren 31ra arte etxebizitza birgaitzeko ezohiko finantza-neurriei buruzkoa.

Agindua, 2008ko apirilaren 16koa, Etxebizitza eta Gizarte Gaietako sailburuarena, babes ofizialeko etxebizitzen esleipen-prozedurei buruzkoa.

Agindua, 2008ko apirilaren 16koa, Etxebizitza eta Gizarte Gaietako sailburuarena, etxebizitza-premiaren inguruko egoerei buruzkoa.

Agindua, 2008ko maiatzaren 15ekoa, Etxebizitza eta Gizarte Gaietako sailburuarena, babes ofizialeko etxebizitzen gehienezko prezioak zehazteari buruzkoa.

Agindua, 2002ko abenduaren 30ekoa, Etxebizitza eta Gizarte Gaietako sailburuarena, babes ofizialeko etxebizitzen diseinurako ordenantzak onartzen dituena, eta 2004ko abuztuaren 4ko Agindua, aurreko Agindua aldatzen duena.

Agindua, 2006ko abenduaren 29koa, Etxebizitza eta Gizarte Gaietako sailburuarena, lehentasunez erregimen orokorreko zein erregimen bereziko babes ofizialeko etxebizitzak sustatzera bideratutako lurzoru-ondare publikoak osatzeko lurzorua kostu bidez eskuratzeari dagozkion lurzoruaren inguruko finantza-neurriei buruzkoa.

Agindua, 2008ko azaroaren 7koa, Etxebizitza eta Gizarte Gaietako sailburuarena, babes publikoko etxebizitzak sustatzeko laguntzei eta alokairua bultzatzeko neurriei buruzkoa.

Agindua, 2008ko abenduaren 9koa, Etxebizitza eta Gizarte Gaietako sailburuarena, babes publikoko etxebizitzak sustatzeko laguntzei eta alokairua bultzatzeko neurriei buruzko Etxebizitza eta Gizarte Gaietako sailburuaren 2008ko azaroaren 7ko Aginduaren akatsak zuzentzen dituena.

Agindua, 20 ko ren koa, Etxebizitza, Herri Lan eta Garraioetako sailburuarena, lurzoru- eta urbanizazioaren arloko finantza-neurriei buruzkoa.

2/2006 Legea, ekainaren 30ekoa, Lurzoruari eta Hirigintzari buruzkoa.

Adierazitako araudiari jarraiki, Hitzarmen honetan bildutako itun bakoitzaren erregulazio juridiko berezia zerrendatutako xedapen bakoitza indarrean noiz sartzen den arabera egingo da, betiere indarrean badago. Hitzarmena indarrean dagoen bitartean araudi-aldaketak gertatu eta aldaketa horiek dokumentu honetan ezarritakoa eraginpean hartzen badute, dagozkion neurriak hartuko dira eraginpeko klausulak aldaketa horietara egokitzeko, 5.3. klausulan ezarritakoa izan ezik, aldez aurretik alderdien arteko negoziazioa beharko baita kasu horretan.

BIGARREN KLAUSULA

Kreditu-erakundeen konpromisoa

2. 1. Kreditu-erakundeek gehienez ere eman dezaketen kreditua, dauden aurrekontu baliabideen arabera eta Euskal Autonomia Erkidegoko Administrazio Orokorrak eta 2006-2009ko Etxebizitza Bideratzeko Planak xedatuaren arabera zehaztuko da. Hasieran 336 milioi euro inguru kalkulatu da.

Erakunde horien zerrenda I. eranskinean zehazten da.

2. 2. Kreditu-erakundeen esku geratzen da eskaera nahikorik eza ote dagoen erabakitzea. Erakunde horiek hilero Etxebizitza, Herri Lan eta Garraio Sailari helaraziko diote eskatutako maileguak ukatu zaizkien pertsona fisiko eta juridikoen zerrenda zehatza eta bana-banakoa.

Sailak berariaz hala eskatuta, jakinaraziko da zehazki zein arrazoirengatik ukatu zaien mailegua.

3. Kreditu-erakundeek, honako konpromiso hau hartu dute: hitzarmen honen gai diren jardun babesgarrietarako maileguak ematekoa, kasu bakoitzean aplika daitekeen legeriak, lehenengo klausulan adierazitakoak, ezarritako baldintzen arabera.

   Maileguen gehieneko zenbatekoa eta gainerako ezaugarriak, aurreko idatz-zatian adierazitakoaren arabera xedatutakoak, berariazko administrazio-ebazpenaren bidez onartuko dira.

   HIRUGARREN KLAUSULA

   Aplikazio-eremua

   1. Hitzarmen honen xedapenek arautuko dituzte kreditu-erakunde sinatzaileek honako arlo hauetan ematen dituzten maileguak:

   1. Babes ofizialeko etxebizitza gisa kalifikaturiko eraikuntza berriko etxebizitzak errentan lagatzeko, saltzeko eta norberak erabiltzeko sustapena, eta baita etxebizitza librearen sustapena ere hura babespeko errentan jartzeko.

   2. Babes publikoko etxebizitzak eta eskuratzailearen bizitoki ohiko eta iraunkor izatera bideratutako bestelako etxebizitzak (erabilitako etxebizitza libreak) eskuratzea. Eta erabilitako etxebizitzak alokatzea (maizterrarentzako laguntzak).

   3. Etxebizitzaren babespeko errentamendua, etxebizitzak erostea haien babespeko errentamendurako eta etxebizitzaren lagapena babespeko errentan jartzeko.

   4. Ondare urbanizatua eta eraikia birgaitzea, eta birgaitze-jarduketak, betiere haien helburua etxebizitzak sustatzea bada, ondoren jabetzapean edo errentamendupean lagatzeko.

   5. Lurzorua urbanizatzea berehala eraikitzeko, hala dagokionean, hura kostubidez eskuratzea barne hartuta, eta orobat lurzorua kostubidez eskuratzea edozein Herri Administrazioren menpeko lurzoruaren ondare publikoak eratzeko, betiere babes ofizialeko etxebizitzak sustatzeari lehentasuna emanez.

   6. Zuzkidura-alojamenduak sustatzea eta eraikitzea.

      2. Aplikazio-esparruan hauek sartuko dira: lehenengo eskualdaketan babes ofizialeko edo bestelako jarduera babestuko etxebizitzak erosteko subrogatu gabeko zuzeneko maileguak, hitzarmen honen lehenengo klausulako araudiaren arabera araututakoak, baldin eta horien administrazio-baimena hitzarmen honek indarrean dirauen bitartean gertatzen den. Hitzarmen honen klausulek arautuko dute zuzeneko diru-laguntzen aurkakoa ez den guztia. Zuzeneko diru-laguntzak beren araudiaren arabera onartuko dira.

         LAUGARREN KLAUSULA

         Etxebizitza, Herri Lan eta Garraio Sailaren aurretiazko baimena

         1. Hitzarmen honi lotutako mailegu bat eskuratu ahal izateko, Etxebizitza, Herri Lan eta Garraio Sailak aurretik bana-banako baimena eman behar du.

         Horretarako, kreditu-erakundeek Etxebizitza, Herri Lan eta Garraio Saileko Etxebizitza Plangintzaren eta Prozesu Eragileen Zuzendaritzari igorri beharko dizkiote eskaerak, aipatu mailegua eskritura publikoan edo kontu-hartutako polizan gauzatu baino lehen igorri ere. Aurretik baimenik ez izateak kasuan kasuko mailegua Hitzarmen honen aplikazio-esparruan ez sartzea ekarriko du.

         Onarpen-eskabideak bitarteko elektroniko, informatiko edo telematiko bidez egingo dira, II. eranskinean (Maileguak eta subsidioak onesteko informatika-formatua) azaldutako xehetasunen arabera. Dena dela, paperean ere (D-23; maileguak eta subsidioak onesteko oinarri-dokumentua) egin ahal izango dira, Hitzarmen honetako II. eranskinean ezarritakoaren arabera, baldin eta onartzen diren eskarien kopurua hilabetean 25 baino gutxiago izanez gero.

         Lurzoru-arloko jardun babesgarrietako maileguetan, mailegua onartzeko eskabideei Etxebizitza, Herri Lan eta Garraio Sailarekin berariaz izenpetutako Lankidetza Hitzarmenaren edo laguntzak ematen dituen administrazio-ebazpenaren fotokopia erantsiko zaie

         Bestelakoetarako ez da agiri gehigarririk igorri behar izango.

         2. Eusko Jaurlaritzaren Etxebizitza, Herri Lan eta Garraio Sailak honako konpromiso hau hartu du bere gain: kreditu-erakundeari maileguaren baimen edo ukapen arrazoitua jakinaraztea, eskaera osoa jasotzen duenetik hamabost laneguneko epearen barruan.

         Aurreko idatz-zatian ezarritakoa aparte utzi gabe, epe hori igarota Etxebizitza, Herri Lan eta Garraio Sailak berariaz ezer adierazi ezean, jakinarazitako mailegua Sail honek ukatu egin duela joko da.

         3. Eusko Jaurlaritzaren Etxebizitza, Herri Lan eta Garraio Sailak baimendu duen mailegu bakoitzaren jakinarazpenean, espediente-zenbakia adierazi beharko da, gerora egingo diren jakinarazpenetan nahitaez azaldu behar baitu (maileguaren formalizazioa, erabilerak, amortizazioak, likidazioak).

         4. Maileguen esanbidezko baimena ezinbesteko baldintza izango da Eusko Jaurlaritzaren Etxebizitza, Herri Lan eta Garraio Sailak subsidioa ordain dezan.

      5. Subsidiatuta ez dauden maileguetan ez da klausula honetan jasotzen den aurretiko baimena eman behar. Dena den, kreditu-erakunde sinatzaileek Eusko Jaurlaritzaren Etxebizitza, Herri Lan eta Garraio Sailari onetsitako maileguen hileko eragiketa formalizatuen berri eman behar diote hilaren lehenengo hamar lanegunen barruan, baita aurreko hilean formalizatu eta prestatutakoenen berri ere, Hitzarmen honen zazpigarren eta zortzigarren klausuletan ezarritakoaren arabera. Beraz, administrazio-baimena ematen denean edo, hala ez balitz, kreditu-entitateak mailegua formalizatzen duenean zehaztuko da hasierako interes-tasa nominala.

         Deskontu-lineetan eta sustatzaileei egindako maileguetan beren subrogazioak dituztela, mugimenduen jakinarazpenak eta izapideak osorik egingo dira.

         BOSGARREN KLAUSULA

         Maileguen ezaugarriak

         1. Amortizazio-epea.

         1. Etxebizitzak sustatzeko maileguak, zuzenean errentamendu babestura destinatzeko edota ondoren hirugarren bati besterentzeko, azken horrek etxebizitzak errentamendu babestura destinatuz:

            20 urte, 4 urte gehiagoko aukerako gabealdiarekin, gutxienez 15 urteko errentamendurako sustapen-eragiketetan, seihileko osotan.

            30 urte, 4 urte gehiagoko aukerako gabealdiarekin, gutxienez 50 urteko errentamendurako sustapen-eragiketetan, seihileko osotan. Hala ere, adierazitako epeak ezin izango du gainditu kudeaketarako ezarritako urte kopurua, hautatutako kontratu-bidea obra publikorako emakida edo, hala badagokio, gauzatutako lankidetza publiko pribatuko beste mekanismo bat bada.

         2. Saltzeko edo norberak erabiltzeko babes ofizialeko etxebizitzak, hala erregimen orokorrekoak nola sozialekoak, sustatzeko maileguetan, etxebizitza berrien sustapena birgaitze-jardueren bidezko sustapena barne:

            20 urte, gehi hautazko 4 urteko gehieneko gabealdia, seihileko osoko.

         3. Erregimen orokorreko eta erregimen bereziko edo sozialeko babes ofizialeko etxebizitzak erosteko maileguak. 20, 25, 30 edo 35 urte. Aukeran, maileguaren kontratuak hiru urteko gabealdia izan dezake; hura bukatuta, tronkoaren amortizazioa 17, 22, 27 edo 32 urteko epearen barruan egin beharko da.

         4. Birgaitze babesturako maileguetan:

            15 urte. Aukeran, maileguaren kontratuak hiru urteko hautazko gabealdia izan dezake; hura bukatuta, tronkoaren amortizazioa 12 urteko epearen barruan egin beharko da.

            5 urte, gehi hiru urteko gehieneko gabealdia mailegu pertsonalerako, seihileko osoko.

         5. Babespeko alokairuan jartzeko etxebizitzak eskuratzeko maileguetan:

            15 urte, 8 urte gehiagoko aukerako gabealdiarekin, gutxienez 15 urteko errentamendurako erosketa-eragiketetan, seihileko osotan.

            25 urte, 8 urte gehiagoko aukerako gabealdiarekin, gutxienez 50 urteko errentamendurako erosketa-eragiketetan, seihileko osotan.

         6. Zuzkidura-alojamenduen sustapena:

            30 urte eta aukerako 3 urteko gabealdia. Hala ere, adierazitako epeak ezin izango du gainditu kudeaketarako ezarritako urte kopurua, hautatutako kontratu-bidea obra publikorako emakida edo, hala badagokio, gauzatutako lankidetza publiko pribatuko beste mekanismo bat bada.

         7. Lehentasunez babes ofizialeko etxebizitzak (erregimen orokorrekoak zein erregimen berezi edo sozialekoak) sustatzera bideratutako lurzoru-ondare publikoak osatzeko lurzorua kostu bidez eskuratzearen kasuan: 12 urte, aukerako gabealdiarekin, epean barne hartua.

         8. Lurzoruaren arloko jardun babesgarrien finantzaziorako maileguetan eta urbanizazioa, 12 urte, aukerako gehienezko gabealdiarekin, 6 urtekoa, epean barne hartua.

            2. Amortizazio-epea.

            Amortizazio-termino konstanteak (sistema frantsesa), kasu bakoitzean interes-tasa subsidiatuaren arabera kalkulatuak, hilabeteko epemugekin.

            3. Interes-tasak, komisioak eta bermeak

            Hitzarmen honen aplikazio-eremuan sartuta dauden jardun babesgarrietarako mailegu kualifikatuen interes-tasa, etxebizitzaren eta lurzoruaren arloan Euskal Autonomia Erkidegoko administrazioaren eta kreditu-erakundeen arteko finantza-lankidetzari buruzko &&&&&&&ren &&(e)ko &&/2009 Dekretuaren arabera, honako hau izango da:

         1. . Hitzarmen honen B idatz-zatian adierazitako jardun babesgarriak finantzatzeko kreditu-erakundeek eta Euskal Autonomia Erkidegoko administrazioak sinatutako Finantza Lankidetzarako Hitzarmenaren esparruan kreditu-erakundeek ematen dituzten mailegu kualifikatuen hasierako urteko interes-tasa jarraian aurreikusitakoaren arabera zehaztuko da:

            Etxebizitzaren eta lurzoruaren arloan kreditu-erakundeen eta Euskal Autonomia Erkidegoko administrazioaren arteko finantziazio-lankidetzari buruzko &&&&&&ren &&(e)ko &../20 Dekretua indarrean jartzen denetik 2009ko abenduaren 31ra bitarte onartutako maileguak: hitzartutako mailegu bakoitzarentzako interes-tasa efektiboa 12 hilabeteko Euriborra izango da, Espainiako Bankuak Estatuko Aldizkari Ofizialean argitaratua, 2009ko abuztukoa, gehi bi dezimaleko diferentzial bat, klausula honen B idatz-zatian jardun babesgarri bakoitzarentzat ezarritako tartean bildua.

            2010eko urtarrilaren 1etik martxoaren 31ra bitarte onarturiko maileguak, eta ondoz ondoko ekitaldietakoak hitzarmena luzatuz gero: hitzartutako mailegu bakoitzarentzako interes-tasa efektiboa 12 hilabeteko Euriborra izango da, Espainiako Bankuak Estatuko Aldizkari Ofizialean argitaratua, aurreko urteko azarokoa, gehi bi dezimaleko diferentzial bat, klausula honen B idatz-zatian jardun babesgarri bakoitzarentzat ezarritako tartean bildua.

            2010eko apirilaren 1etik ekainaren 30era bitarte onarturiko maileguak, eta ondoz ondoko ekitaldietakoak hitzarmena luzatuz gero: hitzartutako mailegu bakoitzarentzako interes-tasa efektiboa 12 hilabeteko Euriborra izango da, Espainiako Bankuak Estatuko Aldizkari Ofizialean argitaratua, urte horretako otsailekoa, gehi bi dezimaleko diferentzial bat, klausula honen B idatz-zatian jardun babesgarri bakoitzarentzat ezarritako tartean bildua.

            2010eko uztailaren 1etik irailaren 30era bitarte onartutako maileguak, eta ondoz ondoko urteetakoak, Hitzarmena luzatzen bada: hitzartutako mailegu bakoitzarentzako interes-tasa efektiboa 12 hilabeteko Euriborra izango da, Espainiako Bankuak Estatuko Aldizkari Ofizialean argitaratua, urte horretako maiatzekoa, gehi bi dezimaleko diferentzial bat, klausula honen B idatz-zatian jardun babesgarri bakoitzarentzat ezarritako tartean bildua.

            2010eko urriaren 1etik abenduaren 31ra bitarte onarturiko maileguak, eta ondoz ondoko ekitaldietakoak hitzarmena luzatuz gero: hitzartutako mailegu bakoitzarentzako interes-tasa efektiboa 12 hilabeteko Euriborra izango da, Espainiako Bankuak Estatuko Aldizkari Ofizialean argitaratua, urte horretako abuztukoa, gehi bi dezimaleko diferentzial bat, klausula honen B idatz-zatian jardun babesgarri bakoitzarentzat ezarritako tartean bildua.

            2. Hileko mugaegunak dituen hasierako interes-tasa nominala eragiketa horien emaitzazko hasierako interes-tasaren baliokidea izango da. Kalkulatutako interes-tasa nominalaren bi hamarren hartuko dira kontuan, hasierako interes-tasa nominal aplikagarria lortzeko.

            3. Ondoz ondoko hamabi mugaegun gainditutakoan, interes-tasa sei hilean behin eguneratzeari ekingo zaio. Aplikagarri den tasaren berrikuspen hori maileguaren iraupenaren seihileko bakoitzean egingo da, ondorioak izaten hasita hurrengo hileko lehenengo likidazioan, mailegua formalizatzen denetik.

               Berrikuspenaren aurreko hilean Estatuaren Aldizkari Ofizialean Espainiako Bankuak argitaraturiko 12 hilabeterako Euriborra hartuko da erreferentzia gisa, mailegua onartu zen unean aplikaturiko diferentzialarekin.

               Hileko mugaegunak dituen berrikusitako interes-tasa nominala eragiketa horien emaitzazko berrikusitako interes-tasaren baliokidea izango da. Ondoriozko interesaren lehenengo lau hamarrenak hartuko dira kontuan, berrikusitako interes-tasa aplikagarria lortzeko.

            4. Finantza-lankidetzako hitzarmen honen esparruan, izenpetzen duten erakundeek konpromisoa hartzen dute hitzarmenaren babesean emandako maileguetan ez dutela itunduko %0,20tik gorako inolako komisiorik edo zehapenik, indarreko legeriak horrela eskatzen ez badu.

            5. Euriborrari eginiko aipamen guztiak jotzen dira Espainiako Bankuaren Estatistika Buletinean argitaratzen den Altxor eta Finantza Politikarako Zuzendaritza Nagusiaren 1991ko otsailaren 4ko Ebazpenean definitutako indizeari eginak.

               Kreditu-erakundeek honako konpromiso hau hartu dute bere gain: Hitzarmen honen esparruan, Etxebizitza, Herri Lan eta Garraio Sailak baimendutako mailegu kualifikatuak jaso dituzten mailegariei jakinaraztea beren maileguetan interes-tasek izan ditzaketen aldaketak, maileguaren kontratuan jasotako zehaztapenen arabera.

               Bermeak finantza-erakundeak ezarriko ditu.

         2. Aurreko idatz-zatiak eraginpean hartzen dituen etxebizitzaren eta lurzoruaren arloko jardun babesgarriak eta jardun bakoitzean aplikagarriak diren interes-tasak honako hauek dira:

            Babes publikoko etxebizitza eskuratzea, dagozkion loturiko eranskinekin batera, betiere etxebizitzaren finantzaketak erosketa-prezioaren % 80 gainditzen ez badu: diferentzial aplikagarria gutxienez 25eko eta gehienez 100 oinarrizko puntuko urkila batean bildurikoa izango da.

            Babes publikoko etxebizitza eskuratzea, dagozkion loturiko eranskinekin batera, betiere etxebizitzaren finantzaketak erosketa-prezioaren % 80 gainditzen badu: diferentzial aplikagarria gutxienez 50eko eta gehienez 125 oinarrizko puntuko urkila batean bildurikoa izango da.

            Ondare urbanizatua eta eraikia birgaitzea: diferentzial aplikagarria gutxienez 25eko eta gehienez 100 oinarrizko puntuko urkila batean bildurikoa izango da.

            Babes publikoko etxebizitza gisa kalifikaturiko eraikuntza berriko etxebizitzak errentan lagatzeko, saltzeko eta norberak erabiltzeko sustapena, eta baita etxebizitza librearen sustapena ere hura babespeko errentan jartzeko, betiere etxebizitzaren finantzaketak balio babesgarriaren % 80 gainditzen ez badu. diferentzial aplikagarria gutxienez 70eko eta gehienez 150 oinarrizko puntuko urkila batean bildurikoa izango da.

            Ondoren errentamendurako lagatzeko etxebizitzak sustatzeko birgaitze-jarduerak, betiere etxebizitzaren finantzaketak balio babesgarriaren % 80 gainditzen ez badu: diferentzial aplikagarria gutxienez 70eko eta gehienez 150 oinarrizko puntuko urkila batean bildurikoa izango da.

            Etxebizitzak erostea babespeko errentamenduan jartzeko, baita etxebizitzak lagatzea ere babespeko errentamenduan jartzeko: diferentzial aplikagarria gutxienez 100eko eta gehienez 180 oinarrizko puntuko urkila batean bildurikoa izango da.

            Zuzkidura-alojamenduak sustatzea eta eraikitzea: diferentzial aplikagarria gutxienez 100eko eta gehienez 180 oinarrizko puntuko urkila batean bildurikoa izango da.

            Lurzorua urbanizatzea berehala eraikitzeko, kasuak kasu, hura kostu-bidez eskuratzea barnean hartuta, eta baita lurzorua kostu-bidez eskuratzea ere edozein herri-administrazioren menpeko lurzoru-ondare publikoak eratzeko, betiere lehentasunez babes ofizialeko etxebizitzak sustatzera bideratuta: diferentzial aplikagarria gutxienez 120ko eta gehienez 180 oinarrizko puntuko urkila batean bildurikoa izango da.

            SEIGARREN KLAUSULA

            Interes-tasen subsidiazioa

            1. Eusko Jaurlaritzaren Etxebizitza, Herri Lan eta Garraio Sailak, finantzazioa onartzeari buruzko administrazio-ebazpenean ezarritakoa betez eta kasu bakoitzean ezar daitekeen araudiaren arabera, honako hau subsidiatzeko konpromisoa hartu du bere gain: sei hileko likidazioaldi bakoitzean, hitzarmenaren tasan (lehenengo urteko hasierako tasan edo sei hiletik sei hilera berrikus daitekeen tasa aldakorrean) amortizatu gabe dagoen kapitalak sortutako interesen eta Kreditu Erakundeek emandako maileguen onuradunari subsidiatutako benetako tasan kitatutako interesen arteko aldea.

            Subsidioa benetan erabilitako zenbatekoen arabera kalkulatuko da.

            2. Subsidioa izateko eskubidedunak, eta subsidiatutako baldintzak eta tasak honako hauek izango dira:

         1. Errentamendu babesturako etxebizitzen sustapena

            1. Ondoren hirugarren bati besterentzeko etxebizitzak sustatzen badira non eta hark etxebizitza horiek errentamendu babestura bideratzen dituen, betiere erregimen bereziko babes ofizialeko etxebizitzen errentarekin, subsidiatutako interes-tasa mailegariarentzat % 0 izango da mailegu kualifikatuaren iraunaldi osoan, gehienez 20 urteko epearekin.

            2. Etxebizitzak sustatzen badira gutxienez 15 urterako errentamendurako, erregimen bereziko babes ofizialeko etxebizitzen errentekin edo erregimen bereziko babes ofizialeko etxebizitzetarako aurreikusitakoen % 75 gainditzen ez dituztenekin (azken aukera hori gainerakoa baztertuta gauzatu beharko da), interes-tasa subsidiatua mailegariarentzat urteko efektiboaren % 1 izango da (% 0,99 nominala hileroko mugaegunekin) mailegu kualifikatuaren iraunaldi osoan, 20 urteko gehieneko mugarekin.

         2. Etxebizitza erosteko eragiketak, errentamendu babestuan jartzeko.

            Etxebizitzak eskuratzen badira gutxienez 15 urterako errentamendurako, erregimen bereziko babes ofizialeko etxebizitzen errentekin edo erregimen bereziko babes ofizialeko etxebizitzetarako aurreikusitakoen % 75 gainditzen ez dituztenekin (azken aukera hori gainerakoa baztertuta gauzatu beharko da), interes-tasa subsidiatua mailegariarentzat urteko efektiboaren % 1 izango da (% 0,99 nominala hileroko mugaegunekin) mailegu kualifikatuaren iraunaldi osoan, 20 urteko gehieneko mugarekin.

         3. Zuzkidura-alojamenduen sustapena.

            B motako zuzkidura-alojamenduak sustatzen diren kasuetan, interes-tasa subsidiatua mailegariarentzat % 0 izango da mailegu kualifikatuaren iraunaldiaren lehenengo hamar urteetan eta urteko efektiboaren % 1 (% 0,99 nominala hileroko mugaegunekin) 11. urtetik 20. urtera bitarte.

         4. Lurzorua kostu bidez eskuratzeko eragiketak edozein Administrazio Publikoren mende dauden lurzoru-ondare publikoak eratzeko, eta lehentasunez babes publikoko etxebizitzak sustatzeko,

            Kasu horretan, subsidiatutako interes-tasa, urteko interes-tasa efektiboaren % 0 izango da eragiketaren onuradunarentzat, maileguaren iraunaldi osoan.

            3. Klausula honetan ezarritako subsidiazioak honako ezaugarri hauek izango ditu, interes-tasa aldakorrei dagozkienez:

            Sei hileko gaurkotzea dela-eta, gaurkotutako tasa maileguaren lehenengo urterako hasieran kontratatua baino txikiagoa bada, Etxebizitza, Herri Lan eta Garraio Sailak subsidiatutako tasari zegoen-zegoenean eutsiko dio, aipatutako gaurkotzeak mailegariarengan inolako eraginik izan gabe. Subsidiazioa eten egingo da eguneratutako tasa subsidiatuaren parekoa edo txikiagoa den aldian.

            4. Hitzarmen hau indarrean dagoen bitartean eta mailegu kualifikatuen administrazio-baimenarekin batera, horien interes-tasa administrazio-ebazpenaren bidez onartu den subsidiatutako tasaren parekoa edo txikiagoa bada, aipatutako subsidiazioa eten egingo da eta baimena ematean indarrean dagoen interes-tasan amortizatuko da.

            ZAZPIGARREN KLAUSULA

            Formalizatutako maileguen jakinarazpena

            1. Hilabeteko bakoitzaren lehen hamar lanegunen barruan, kreditu-erakundeek Eusko Jaurlaritzaren Etxebizitza, Herri Lan eta Garraio Sailari aurreko hilabetean formalizatutako maileguen berri emango diote.

            Jakinarazpen hori bitarteko elektroniko, informatiko edo telematiko bidez edo euskarri egingo da, Hitzarmen honen III. eranskinean (Maileguak formalizatzeko diskete-formatua) azaldutako betekizunen arabera. Dena dela, jakinarazpena paperean ere egin ahal izango da, aipatutako III. eranskinean agertzen den ereduaren arabera (Maileguen formalizazio-jakinarazpena), baldin eta aurreko hilabetean egindako mailegu-kopurua 25 baino gutxiago izanez gero.

            2. Kreditu-erakundeek maileguaren eskritura publikoetan eta polizetan honako hauek sartuko dituzte: Etxebizitza, Herri Lan eta Garraio Sailak hitzarmen honen VI. eranskinean agertzen diren zuzeneko laguntza ekonomikoei dagozkien zenbatekoen bermeari buruzko klausulak.

            3. Sustatzaileentzako mailegu kualifikatuen kontratuetan, eta dagozkien eskritura publikoetan eta polizetan, etxebizitza bakoitzari dagokion mailegu-atalaren baldintza suntsitzailetzat hauxe joko da: eroslearen elkarbizitza-unitateak kasu bakoitzeko legezko gehiengoa baino urteko diru-sarrera ponderatu handiagoak izatea. Horrek eskuratutako kopurua eta dagozkion legezko interesak itzultzea eragingo du.

4. Formalizazioak jakinaraztea beharrezko baldintza izango da Eusko Jaurlaritzaren Etxebizitza, Herri Lan eta Garraio Sailak subsidioa ordain dezan.

   ZORTZIGARREN KLAUSULA

   Eskuratzeak eta amortizazioak

   1. Honela eskuratuko dira maileguei dagozkien zenbatekoak:

   1. Sustatzeko maileguetan, obrak ziurtatu ahala eta ziurtatutako obren kopuruaren arabera, aurkeztutako obren egiaztapenen zenbateko osoa ordainduz, kasuan-kasuan aplikagarri den legerian ezarritakoa betez, eta kreditu-erakundearen bermea behin gordez gero.

   2. Erosteko maileguetan, mailegua formalizatu bezain laster eta kreditu-erakundearen bermea behin gordez gero.

   3. Birgaitzeko maileguetan, formalizatzearekin batera, maileguaren % 50 jaso ahal izango da gehienez. Zenbateko gehigarriak eskuratu ahal izango dira obraren %50 egiaztatu ondoren eta obraren egikaritze erritmora egokituko dira. Horretarako, kreditu-erakundeari aurkeztu behar izango zaizkio obren egiaztagiriak, dagokion Lurralde Ordezkaritzak aldez aurretik onartuta (IV. eranskinean dago eredua) eta kreditu-erakundeen bermea behin gordez gero.

      Obrak burutu ondoren obra-amaierako ziurtagiria aurkeztu beharko da dagokion Lurralde Ordezkaritzan. Ziurtagiri horren edukiaren arabera mailegua aldatu egin ahal izango da edo obrak egin ez direla egiaztatzen bada mailegua kendu egingo da.

      Obrak egiten ez badira, edo laguntzak baliogabetzea eragiten duen betebeharrak ez betetzea gertatzen bada, mailegua onartu zenean hitzarmenaren arabera ezarritako hasierako interes-tasa efektiboa ez da aplikagarria izango eta kreditu-erakundeek tasa hori aldatzeko eskubidea izango dute.

      Maileguak gabealdia izaten badu, epe horretan era jarraituan eskura liteke eta 5 egiaztapenetaraino gehienez ere. Maileguak ez badu gabealdirik, eskuraketa bakarra egingo da, mailegua formalizatu eta berehala, egiaztapen-kopurua kontuan hartu gabe.

   4. Lurzoru- eta urbanizazio-arloko jardun babesgarrietarako maileguetan, eskuraketa inbertsioaren garapenaren arabera egingo da, lurzoruaren erosketaren eta egindako obraren ziurtagiriak aurkeztuta.

      2. Hitzarmen honen eraginpean emandako mailegu guztiei dagokienez, kreditu-erakundeek honako konpromiso hau hartu dute: aurretiazko amortizazioak, hala guztizkoak nola partzialak, hau da, amortizazio-epea bukatu baino lehenago egiten direnak, onartzea, mailegariak hala eskatzen badu; aurreko horrengatik ezin izango da inolako komisio edo zigorrik ezarri, legez ezarritakoak salbu.

      Aurretiazko amortizazioak bateraezinak diren honako bi era hauetan bakarrik egin daitezke:

   1. Amortizatzeko zenbatekoak oso-osorik erabiliko dira oraindik geratzen den tronkoa murrizteko, kasu honetan hasiera batean jarritako epe bera gordez eta kuota berria kalkulatuz.

      Kuota berri hau kalkulatzea hurrengo hileko likidazioan gauzatuko da, aurretiazko amortizazioa gertatu den aldiaren amaieran geratu den saldoa kontuan hartuta.

   2. Amortizatzeko zenbatekoak oso-osorik erabiliko dira zorretako amortizazio-epea murrizteko, kasu honetan hasiera batean jarritako kuota bera gordez; murrizketa itundutako hilekoetako azkenetik hasiko da.

   3. Hileko likidazioaldi batean behin baino ezin daiteke egin aurretiazko amortizazioa.

      3. Hilabetearen lehen hamar lanegunen barruan, kreditu-erakundeek Eusko Jaurlaritzaren Etxebizitza, Herri Lan eta Garraio Sailari aurreko hilabetean formalizatutako maileguen saldo bizian izandako aldaketen berri emango diote.

      Aldaketa hauen barne hauexek egongo dira:

   1. Kreditu-eskuraketak.

   2. Aurretiazko amortizazioak, saldo bizian zein amortizazio-epean murrizketa eraginez gero.

      Jakinarazpen hori bitarteko elektroniko, informatiko edo telematiko bidez egingo da, Hitzarmen honen III. eranskinean (Subsidioak kitatzeko eta mailegu-mugimenduetarako diskete-formatua) azaldutako betekizunen arabera. Halere, aldaketok paperean ere jakinarazi ahal izango dira, aipatutako V. eranskinean agertzen den ereduaren arabera (Maileguen saldo bizian izandako aldaketak), baldin eta aldaketa horiek eraginik ez duten 25 mailegutan baino gehiagotan.

      Interes-tasak subsidiatzeko likidazioen berri emateko, Etxebizitza Plangintzaren eta Prozesu Eragileen Zuzendaritzara bidalitako jakinarazpenetan, kreditu-erakundearentzako interes-tasa onuradunarentzako interes-tasa baino txikiagoa denean, bi balioak adierazi beharko dira nahitaez.

      Hitzarmenaren interes-tasa berrikusia subsidiatutako interes-tasa baino txikiagoa denean, subsidioen hileko likidazioa zero zenbatekoa duela bidali beharko da.

      Mailegua ez dagoenean subsidiatuta ez dira hileroko likidazio-mugimenduen komunikazioak bidali beharko, Erabilera eta Kitapenerako mugimenduak salbu, horien berri beti eman behar baita.

      Dena dela, egiaztatu denez, sustatzaileari emandako maileguen kasuan, non erabilerak eta amortizazioak obra-exekuzioaren erritmoaren arabera egiten diren, gabealdian hileroko likidazioak baliozkotu behar direla, aldi bakoitzean iristen diren sustatzailearen erabilerak onartzeko, baita sustatzailearen amortizazioak baliozkotzeko ere, hori guztia, subrogatutako maileguek bere maileguak formalizatu eta erabili ahal izan ditzaten.

      Hori guztia kontuan izanik, azken kasu horietan finantza-erakundeek sustatzaileari emandako maileguen hileroko likidazio guztien berri eman beharko diote Sail honi, baita sustatzaileari emandako subsidiatu gabeko maileguen berri ere (000 amaierako digituak dituzten administrazio-espedienteak), eta horien mugimenduak, subrogatutako maileguak erabili ahal izan daitezen.

      Kreditu-erakundeek hainbat maileguren komunikaziorik ez dute bidaltzen, eta ezin da izan bertan gertatu diren aldaketen berri, mailegu horiek subsidiatuta ez daudelako; kasu horietan, Sail honek aldizka eta kreditu-erakundeak diskrezionalki, Hitzarmenak sinatu dituzten kreditu-erakundeei mailegu jakin batzuek izan dituzten mugimenduen eskaera egingo die, eta mugimendu-eskaera horiek maileguen saldo bizian izandako aldaketa guztiak bilduko dituzte.

      Jakinarazpen hori bitarteko elektroniko, informatiko edo telematiko bidez egingo da, Hitzarmen honen III. eranskinean (Subsidioak kitatzeko eta mailegu-mugimenduetarako diskete-formatua) azaldutako betekizunen arabera. Hala ere, jakinarazpena paperean ere egin ahal izango da, V. eranskinean agertzen den ereduaren arabera (Subsidioen likidazioa), baldin eta kasu horretan dauden maileguen kopurua 25 baino txikiagoa izanez gero.

      4. Maileguen saldo bizian egon daitezkeen aldaketak jakinaraztea ezinbesteko betekizuna izango da Eusko Jaurlaritzaren Etxebizitza, Herri Lan eta Garraio Sailak subsidiazioa ordain dezan.

      BEDERATZIGARREN KLAUSULA

      Subrogazioak

      1. Sustatzaileari emandako maileguan eroslearen subrogazioa egin aurretik, kreditu-erakundeek Eusko Jaurlaritzaren Etxebizitza, Herri Lan eta Garraio Sailari subrogazio-baimena eskatuko diote, laugarren klausulan ezarritakoaren arabera.

      2. Eusko Jaurlaritzaren Etxebizitza, Herri Lan eta Garraio Sailak subrogazioa baimenduko du eraketa berrikoak diren maileguen era eta epe berberetan.

      3. Sustatzaileari emandako maileguetan etxebizitzen erosleen subrogazioa hasierako maileguaren finantza-ezaugarriekin erabat ados etorriko da. Hala ere, etxebizitzaren eroslearen mailegua baimendu denean indarrean dagoen interes-tasa izango da subrogatutako maileguen interes-tasa.

      HAMARGARREN KLAUSULA

      Eusko Jaurlaritzako Etxebizitza, Herri Lan eta Garraio Sailak emandako zuzeneko laguntzen tramitazioa

      1. Hitzarmen honen aplikazio-esparruaren barruan jasotzen diren jardun babesgarriak laguntzeko titularrei administrazio-ebazpenenaren bidez zuzeneko laguntza ekonomikoak emanez gero, subsidioak baimentzeko eta fondo galdura emandako diru-laguntzak eskuratu ahal izateko, Etxebizitza, Herri Lan eta Garraio Sailaren adostasuna behar izango da, aurretik kreditu-erakundeek eskatuta.

      Diru-laguntzak baimentzeko eskabidea bitarteko elektroniko, informatiko edo telematiko bidez egingo da, II. eranskinean (diru-laguntzak onesteko diskete-formatua) azaldutako zehaztapenen arabera. Hala ere, paperean ere (D-24; diru-laguntzak baimentzeko oinarrizko agiria) eskatu ahal izango da, aipatutako II. eranskinean azaldutako ereduaren arabera, baldin eta diru-laguntzen 25 baino handiagoa izan ezean.

      Diru-laguntzak baimentzeko oinarrizko agiriarekin batera, honako agiri hauek erantsiko dira:

      Higiezinak eta etxebizitzak birgaitzeko diru-laguntzen kasuan, obren egiaztapen partzialaren edo azken egiaztapenaren fotokopia.

      Etxebizitza libre erabilia erosteko diru-laguntzen kasuan: etxebizitzaren eskritura publikoaren fotokopia, dagokion Lurralde Ordezkaritzan aurkeztuz.

      Erosteko edo birgaitzeko zuzeneko laguntza ekonomikoak jaso dituzten etxebizitzak edo merkataritza-lokalak ezin izango dira ez osorik ez partez inter vivos laga inolako tituluren bidez salerosketako eskritura publikoa ematen denetik zenbatzen hasi eta 10 urteko epearen barruan, ez eta obra-amaierako ziurtagiria ematen denetik zenbatzen hasi eta 5 urteko epearen barruan ere, ez bada aldez aurretik jasotako laguntzen itzulketa egiaztatzen, itzultzerakoan eguneratuta eta dagokion legezko interesarekin. Erabiltzeko mugatze horretatik salbu geratzen dira higiezinetako elementu komunak ukitzen dituzten birgaitzeak.

      Zuzeneko laguntza ekonomikoen onuradunak horiek ematen dituen administrazio-ebazpena aurkeztu beharko du dagokion Jabetza Erregistroan, eta bertan, administrazio-dokumentu hori ikusi ondoren, hipoteka-legeriaren arabera bidezkoa den jabariaren erabilera-mugapenaren erregistroko inskripzioa praktikatuko da.

      Laguntza eman duen Administrazioak laguntzak ematearen ebazpena Jabetzaren Erregistroan aurkeztu dela frogatzen duen dokumentua jasotzen duenean, itzuli beharrik gabeko diru-laguntzaren ordainketa egitea aginduko du.

      Elementu pribatiboetan erregistro-inskripzioa egiteko ezarritako gutxieneko zenbatekoa 1.500,00 ¬ izango da.

      2. Eusko Jaurlaritzaren Etxebizitza, Herri Lan eta Garraio Sailak, dokumentazio osoa jasotzen duenetik hamabost laneguneko epearen barruan, honako konpromiso hau hartu du bere gain: kreditu-erakundeari arrazoiz jakinaraztea zuzeneko laguntza ekonomikoak baimendu edo ukatu dizkion eta fondo galdurako diru-laguntzei dagozkien ordainketa-aginduak egitea. Epe hori bukatuz gero berariazko jakinarazpenik jaso ezik, Etxebizitza, Herri Lan eta Garraio Sailak laguntza ekonomikoak ukatu egin dituela joko da.

      Eskabidean adierazitako kontuan ahalik eta lasterren sartuko dituzte jasotako diru-laguntzak kreditu-erakundeek, eskura dituzten baliabide teknikoen arabera.

      Automatizatu egingo da diru-laguntzen ordainketa, baliabide telematiko bidez igorriko baitzaizkie banku-zerbitzu zentralei ordainketen zerrenda. Onuradunen izenen zerrenda, zenbatekoak eta bankuko kontu-zenbakiak zehaztuko dira bidalitako ordainketa orokorrak berehala identifikatu ahal izateko.

      HAMAIKAGARREN KLAUSULA

      Subsidioa kitatzea eta ordaintzea

      1. Mailegu berrien onarpenetarako, lehenengo likidazioa mailegua formalizatzen denetik zenbatzen hasi eta hurrengo hilabetean gauzatuko da, erabilerak noiz egiten diren kontutan hartu gabe. Aurreko onarpenak gaiari lotutako araudiari jarraiki egingo dira, eta sehi hilean behin edo hilero egin ahal izango dira.

      Maileguen saldo bizietan izandako aldaketak komunikatzea beharrezkoa izango da interes-puntuen subsidiazioa duten hileko likidazioetan bakarrik, sustatzaileei emandako maileguen kasuan salbu, non obraren exekuzio-erritmoan egiten diren erabilera eta amortizazio guztiak komunikatu beharko diren, gabealdian. Beraz, hileroko likidazioak baliozkotzerakoan, aldi desberdinetan iristen diren sustatzailearen erabilerak onartzeko xedez, eta sustatzailearen amortizazioak ere baliozkotzerakoan, hori guztia, subrogatutako maileguek beren maileguak formalizatu eta erabili ahal izateko xedez, sustatzaileari emandako maileguen hileroko likidazio guztiak komunikatu beharko dira, sustatzaileari emandako subsidiatu gabeko maileguak barne (000 amaierako digituak dituzten administrazio-espedienteak), subrogatutako maileguak erabili ahal izan daitezen.

      Aurreko Hitzarmenen barnean hartuta dauden maileguen seihileko likidazioei dagokienez, mailegua subsiadiatuta egon ala ez, horietan egindako aldaketa guztiak komunikatuko dira.

      Mailegua ez dagoenean subsidiatuta ez dira hileroko likidazio-mugimenduen komunikazioak bidali beharko, Erabilera eta Kitapenerako mugimenduak salbu, horien berri beti eman behar baita.

      Hilean-hilean, lehen hamar lanegunen barruan eta saldoen formalizazio eta aldaketen jakinarazpenekin batera, kreditu-erakundeek Eusko Jaurlaritzaren Etxebizitza, Herri Lan eta Garraio Sailari ondokoa jakinaraziko diote: aurreko hilean mugaeguna izan duten maileguei dagozkien sei hileko edo hilabeteko interesen subsidioen likidazioa.

      Salbuespenez, mailegua ezereztea eragiten duten aurretiazko amortizazioetan, ezereztea egin den hilabetearen hurrengoan jakinaraziko da subsidioen likidazioa.

      Jakinarazpen hori bitarteko elektroniko, informatiko edo telematiko bidez egingo da, Hitzarmen honen III. eranskinean (Subsidioak kitatzeko eta mailegu-mugimenduetarako diskete-formatua) azaldutako betekizunen arabera. Hala ere, jakinarazpena paperean ere egin ahal izango da, V. eranskinean agertzen den ereduaren arabera (Subsidioen likidazioa), baldin eta kasu horretan dauden maileguen kopurua 25 baino txikiagoa izanez gero.

      2. Kreditu-erakundeei honela ordainduko zaizkio likidazioak: interesen obligazioaren mugaegunaren hurrengo hilaren 10eko balio-dataz, baldin eta subsidio horren erreklamazioa Eusko Jaurlaritzaren Etxebizitza, Herri Lan eta Garraio Sailean egonez gero, klausula honen 1 zenbakian ezarritakoaren arabera.

      Salbuespenez, kreditu-erakundeek eskatutako likidazioak zuzenak ez badira, likidazioak zuzendu diren hilaren hurrengoaren 10eko balio-dataz ordainduko dira, maileguaren sei hilekoa edo hilekoa kontutan hartu gabe.

      Era berean, maileguak aurretiaz ezereztatuz gero, mailegua ezereztatu den aldiari dagokion likidazioa ezereztatu den hilabetearen hurrengoaren 10eko balio-dataz ordainduko da, maileguaren sei hilekoa edo hilekoa kontuan hartu gabe.

      3. Klausula honen lehenengo idatz-zatian adierazten den data berean, kreditu-erakundeek Eusko Jaurlaritzaren Etxebizitza, Herri Lan eta Garraio Sailari honako hauek jakinaraziko dizkiote: onuradunaren betebeharrak ez betetzetik aurreko hilabetean deuseztatutako maileguak, subsidioen ordainketa etetekotan. Kasu horretan, onuradunak Euskal Autonomia Erkidegoaren Diruzaintza Nagusiari interes-tasaren subsidiazio modura ordura arte jasotako zenbatekoak ordainduko dizkio. Betebehar hori bermatzeko, maileguaren bermeak ezarritako betebeharren artean jasoko da, eta kreditu-erakundeek konpromiso hau hartuko dute bere gain: mailegariaren zorren gaineko bermea egiteagatik jasotako gaindikina subsidioa itzultzeko erabiltzea, jasotako subsidioen zenbatekora heldu arte.

      4. Kreditu-erakundeek igorritako likidazioa onetsi ondoren, likidatutako aldian saldo bizian izandako aldaketarik ez da konputatuko, kasu horietan aldaketaren balio-data likidatutako azken mugaeguna izango da.

      HAMABIGARREN KLAUSULA

      Banku-deskonturako eragiketak

      Kreditu-erakundeek honako konpromiso hau hartu dute: obraren esleipendun diren eraikitzaileei banku-deskonturako eragiketak ematea, eraikitzaile horiek dagokien deskonturako obra-egiaztapenak aurkezten badituzte, betiere ondoren zehazten diren jardun babesgarrietarako eta kasuan-kasuan ezar daitekeen legeriaren arabera.

      Honako hauek izango dira jardun babesgarriak:

   1. Salmentarako erregimen orokorreko babes ofizialeko etxebizitzen sustapena, etxebizitza berriaren sustapena zein birgaitzea bidezko sustapena bilduta:

      Banku-deskonturako eragiketek sortutako interesak sustatzaileak ordainduko ditu.

      Banku-deskonturako eragiketa hauei, hitzarmen honetan sustatzaileentzako maileguei buruz xedatutako guztia ezar dakieke, honako berezitasun hauek kontuan hartua:

      Obra amaitutakoan, hipoteka-maileguak gauzatuko dituzte sustatzaileak eta kreditu-erakundeak. Sustatzaileari egindako gainerako maileguek dituzten betekizun eta muga berberak bete beharko dituzte hipoteka-mailegu horiek, honakoak salbuetsita:

      Gehieneko epea: 24 urtekoa, eraikitzaileari egiten zaion lehenengo finantzazio-eragiketa formalizatzen denetik.

      Gehieneko gabealdia: 4 urtekoa, eraikitzaileari egiten zaion lehenengo finantzazio-eragiketa formalizatzen denetik.

      Mailegu kualifikatuaren interes-tasa: mailegua baimentzen denean indarrean dagoena, eraikitzailearen eragiketan ezarritako mugaegun eta gainerako aldagaiak mantenduta.

   2. Babestutako errentamendurako etxebizitzen sustapena eta babestutako errentamendurako hirugarren bati besterentzeko etxebizitzen sustapena, 15 edo 50 urtez gutxienez.

      Banku-deskonturako eragiketek sortutako interesak sustatzaileak ordainduko ditu.

      Banku-deskonturako eragiketa hauei, hitzarmen honetan sustatzaileentzako maileguei buruz xedatutako guztia ezar dakieke, honako berezitasun hauek kontuan hartua:

      Etxebizitza, Herri Lan eta Garraio Sailak deskonturako eragiketek sortutako interesak besterik ez du subsidiatuko.

      Obra amaitutakoan, hipoteka-maileguak gauzatuko dituzte sustatzaileak eta kreditu-erakundeak. Sustatzaileari egindako gainerako maileguek dituzten betekizun eta muga berberak bete beharko dituzte hipoteka-mailegu horiek, honakoak salbuetsita:

      Gehieneko epea: 24 urte, eraikitzaileari egiten zaion lehenengo finantzazio-eragiketa formalizatzen denetik, gutxienez 15 urteko babespeko errentamendurako sustapen-eragiketetan.

      Gehieneko gabealdia: 4 urtekoa, eraikitzaileari egiten zaion lehenengo finantzazio-eragiketa formalizatzen denetik.

      Mailegu kualifikatuaren interes-tasa: mailegua baimentzen denean indarrean dagoena, eraikitzailearen eragiketan ezarritako mugaegun eta gainerako aldagaiak mantenduta.

      Gehieneko epea: 34 urte, eraikitzaileari egiten zaion lehenengo finantzazio-eragiketa formalizatzen denetik, gutxienez 50 urteko babespeko errentamendurako sustapen-eragiketetan.

      Gehieneko gabealdia: 4 urtekoa, eraikitzaileari egiten zaion lehenengo finantzazio-eragiketa formalizatzen denetik.

      Mailegu kualifikatuaren interes-tasa: mailegua baimentzen denean indarrean dagoena, eraikitzailearen eragiketan ezarritako mugaegun eta gainerako aldagaiak mantenduta.

   3. Lurzorua erosi eta urbanizatzea, lehentasunez babes publikoko etxebizitzak sustatzeko.

      Banku-deskonturako eragiketek sortutako interesak sustatzaileak ordainduko ditu.

      Banku-deskonturako eragiketa hauei, hitzarmen honetan sustatzaileentzako maileguei buruz xedatutako guztia ezar dakieke, honako berezitasun hauek kontuan hartua:

      Obra amaitutakoan, hipoteka-maileguak gauzatuko dituzte sustatzaileak eta kreditu-erakundeak. Sustatzaileari egindako gainerako maileguek dituzten betekizun eta muga berberak bete beharko dituzte hipoteka-mailegu horiek, honakoak salbuetsita:

      Gehieneko epea: 12 urtekoa, sustatzaileari egiten zaion lehenengo finantzazio-eragiketa formalizatzen denetik.

      Gehieneko gabealdia: 6 urtekoa, sustatzaileari egiten zaion lehenengo finantzazio-eragiketa formalizatzen denetik.

      Mailegu kualifikatuaren interes-tasa: mailegua baimentzen denean indarrean dagoena, eraikitzailearen eragiketan ezarritako mugaegun eta gainerako aldagaiak mantenduta.

      Deskonturako eragiketak obrak bukatu arte luzatuko dira eta gehienez ere lau urteko epea izango dute, jarduketa babestuaren arabera, formalizatzen direnetik.

      Eraikitzailearentzako finantzazio-eragiketa eta sustatzailearentzako mailegua denboran bat etorriz gero, bietan eskuratutako zenbatekoen batuketa ken sustatzailearentzako maileguan egindako amortizazioak, ez da legez ezarritako finantzazioaren gehieneko zenbatekoa baino handiagoa izango.

      Sustatzaileak edozein unetan eraikitzaileari finantzatzeko eragiketa bere diruzaintzaren kargura guztiz edo partez amortizatu ahal izango du, inolako komisiorik gabe, betiere finantzaketa-kontratuan aurreikusita badago edo eraikitzaileak formalki onartzen badu.

      Eragiketak onartzeko eskabideak, horien formalizazioen eta saldoen aldaketen jakinarazpenak, subsidioen onarpenak eta likidazioak, baita diru-laguntzen onespenak ere, hitzarmen honen eranskinetan ezarritakoaren arabera gauzatuko dira.

      HAMAHIRUGARREN KLAUSULA

      Kaudimengabezia egoeretan Etxebizitza, Herri Lan eta Garraio Sailak etxebizitzak erosteko bermea

      1. Etxebizitza, Herri Lan eta Garraio Sailak kreditu-erakundeen eta Euskal Autonomia Erkidegoko administrazioaren artean sinatutako Finantza Lankidetzarako Hitzarmen honen esparruan kreditu-erakundeek emandako hipoteka-maileguaren bermearen barruan bildutako babes publikoko etxebizitzak erostea erabakiko du, etxebizitzaren erosleak maileguari aurre egin ezin dionean, eta hurrengo idatz-zatietan aurreikusitako termino eta baldintzen arabera.

      2. Aurreko atalean ezarritako berrerosteko bermea bakarrik geratuko da salbuetsita babes ofizialeko etxebizitzen erregimen juridikoari eta etxebizitzaren eta lurzoruaren inguruko finantza-neurriei buruzko martxoaren 4ko 39/2008 Dekretuak 27.3 artikuluan aurreikusitako kasuetan.

      3. Sailak ez-ordainketako egoeran dagoen maileguaren bermea osatzen duen etxebizitza eskuratzea erabaki ahalko du, dela etxebizitza jabeari zuzenean erosita, zenbatekoa mailegua osorik edo partzialki kitatzera bideratuta, dela etxebizitza finantza-erakundeari erosita hipoteka-betearazpeneko prozeduran.

      4. Klausula honen lehenengo atalean aipatzen den babes publikoko etxebizitzen eta horiei atxikitako eranskinen erosketak babes publikoko etxebizitza mota guztiak biltzen ditu, hau da, erregimen orokorrekoak, erregimen berezikoak edo sozialak, eta prezio tasatukoak, betiere horien erabilera- eta edukitze-erregimena erabateko jabetza edo azalera eskubideko jabetza bada.

      5. Kreditu-erakundeek emandako maileguekin guztiz edo partzialki finantzaturiko babes publikoko etxebizitzen erosketa bakarrik erabakiko du Etxebizitza, Herri Lan eta Garraio Sailak, 2009ko finantza-hitzarmena sinatzen den egunetik 2009ko abenduaren 31ra bitarte (edo hitzarmenaren indarraldi-luzapenetan, luzatzen den egunera arte), edo etxebizitzaren eta lurzoruaren arloan kreditu-erakundeen eta Euskal Autonomia Erkidegoko administrazioaren arteko finantza-lankidetzari buruzko &&..........ren &&(e)ko &&&/2009 Dekretuaren babespean sinatzen diren urteko Finantza Hitzarmen berrientzat.

      6. Finantza-erakundeak atzerapenaren berri eman beharko dio Etxebizitza, Herri Lan eta Garraio Sailari, hipotekaren egikaritze-prozedura hasi aurretik. Jakinarazpen hori izan zenetik 30 eguneko epea igarotakoan Etxebizitza, Herri Lan eta Garraio Sailak ez badio finantza-erakundeari jakinarazten eskuratzeko asmorik, erakundeak hipoteka-betearazpeneko prozedura eskatu ahalko du, eta hori ere Sailari jakinarazi beharko dio data berean.

         7. Etxebizitza eta horri atxikitako eranskinak, Etxebizitza, Herri Lan eta Garraio Sailak erabakita, jabeari zuzenean erosita eskuratzen direnean, erosketa-prezioa babes publikoko etxebizitza izateagatik dagokiona izango da, erosketaren unean behar bezala eguneratua.

         8. Etxebizitza eta horri atxikitako eranskinak, Etxebizitza, Herri Lan eta Garraio Sailak erabakita, jabeari zuzenean erosita eskuratzen direnean, erosketa-prezioa babes publikoko etxebizitza izateagatik dagokiona izango da, erosketaren unean behar bezala eguneratua. Etxebizitza eta eranskinak kargarik gabe eskuratuko dira eta erosketa-prezioaren zenbatekoa mailegua osorik edo partzialki kitatzera bideratuko da eta jabeak jasoko du emaitzazko zenbatekoa, hala dagokionean.

         9. Etxebizitza eta haren loturiko eranskinak hipoteka-betearazpeneko prozesuan eskuratzen direnean, erremate-eskubidea lagatzearen zenbatekoaren arabera finkatuko da erosketa-prezioa, hipoteka-betearazpeneko prozeduran erreklamatutako kontzeptu guztiengatiko zorra bestekoa izango dena, gutxienez. Nolanahi ere, erosketa-prezioak ezingo du gainditu babes publikoko etxebizitza izateagatik dagokiona, eskuratzen denean behar bezala egokituta betiere.

      10. Kreditu-erakundeak ez du kobratuko mailegua aldez aurretik kitatzeagatiko komisiorik nahiz hipoteka-mailegu horri atxikitako atzerapen-interesik.

      11. Etxebizitza, Herri Lan eta Garraio Sailak erabakitako erosketaren xede den etxebizitza, Etxebizitza Alokairuetarako Sozietate Publikoa, SAk erosiko du, dagokion babes publikoko etxebizitza baldintzan. Etxebizitza Alokairuetarako Sozietate Publikoak errentamendu- edo erosketa-erregimenean esleituko ditu etxebizitza eta loturiko eranskinak, indarrean dagoen araudiari jarraiki.

          12. Etxebizitza, Herri Lan eta Garraio Sailak ordaindu gabeko egoeran dauden etxebizitzen erosketa erabakiko du, kreditu-erakunde bakoitzeko ordaindu gabeko guztizko zenbatekoa erakundeak finantzaturiko guztizko zenbatekoaren gutxienez % 0,5 denean eta % 2,5 gainditzen ez duenean.

          13. Ordaindu gabeko egoeran dauden etxebizitzen erosketa maileguaren lehen bederatzi urteen barruan gauzatu ahal izango da, mailegua sinatzen denetik zenbatzen hasita.

          14. Finantza Lankidetzarako Hitzarmena sinatu duten kreditu-erakundeek etxebizitza babestuak erosteko konpromisoa hartu dute, eskatzaileak honako hauek betetzen baditu: babes publikoko etxebizitza modalitate bakoitzaren araudi erregulatzailean aurreikusitako baldintzak eta betekizunak, eta kreditu-erakundeek horretarako maileguak emateko ezarritako irizpideak eta baldintzak.

          HAMALAUGARREN KLAUSULA

          Etxebizitzaren eta lurzoruaren alorrean kreditu-erakundeekin sinatutako finantza-hitzarmenaren jarraipen-batzordea.

          1. Kreditu-erakundeekin etxebizitzaren eta lurzoruaren alorrean sinatutako finantza-lankidetzarako jarraipen-batzordea eratu da, emandako maileguak, horien ezaugarriak eta horiek ematerakoan sor daitezkeen gorabeherak edo erreklamazioak aztertzeko.

          Honako hauek osatu dute, gutxienez, batzordea: mailegu-emate kuota altuena duten finantza-erakundeen lau ordezkari; Finantza Zuzendaritzako bi ordezkari eta Etxebizitza, Herri Lan eta Garraio Saileko Etxebizitzako Plangintzaren eta Prozesu Eragileen Zuzendaritzako bi ordezkari.

          Batzordea behar den guztietan bilduko da, bilera edozein kidek eskatzen duenean.

          HAMABOSGARREN KLAUSULA

          Lurralde-esparrua eta iraupen-epea

          1. Hitzarmen honen lurralde-esparrua Euskal Autonomia Erkidegoa izango da, eta izenpetzen denetik 20 (e)ko aren ra arte egongo da indarrean.

          2. Aurreko idatz-zatian adierazitako epe hori bukatuta, eta sinatzaileek hitzarmen honen amaieraren iragarpena idatzirik aurkeztu ezean, hitzarmena luzatu egingo da, eta horretarako dagokion protokoloa sinatuko da. Protokolo hau izenpetzen ari den bitartean, hitzarmen hau ondorio guztietarako luzatutzat joko da.

          Luzapena egiteko protokoloa indarrean egongo da beste lankidetza-hitzarmen bat izenpetu arte, baina ezin izango du 20 ko ren (e)ko epemuga gainditu.

          3. Hitzarmen hau izenpetu dutenetatik edonork eska dezake hitzarmena berrikusteko testuinguruaren egoeran aldaketa garrantzitsuak egonez gero.

          HAMASEIGARREN KLAUSULA

          Informazioa

          1. Kreditu-erakundeek, Hitzarmen honetan jasotzen diren gainerako informazio-beharkizunak betetzeaz gain, honako konpromiso hau hartu dute: Etxebizitza, Herri Lan eta Garraio Sailari ematea finantzazio-programen garapenaren segimendurako eta kontrolerako sailak eskatzen dion informazioa.

          2. Kreditu-erakundeek honako konpromiso hau ere hartu dute: Eusko Jaurlaritzaren Etxebizitza, Herri Lan eta Garraio Sailari igortzea sailak eska diezazkiekeen formalizazio-eskrituren fotokopiak, baita maileguei buruz eska daitezkeen beste edonolako agiri eta datuak ere.

          3. Kreditu-erakunde sinatzaileek Etxebizitza, Herri Lan eta Garraio Sailari pisuen tasazioei buruzko informazioa igortzeko borondatea agertu dute; tasazio horiek Lege Hipotekarioa betez egingo dira, hitzarmenaren alderdiek adostutako baldintzen arabera.

          Aipatutako informazioak, (konfidentzialtasuna gordetzeko inolaz ere datu pertsonalik jasoko ez duena), etxebizitzen kokapen geografikoa eta balioespen ekonomikoa jakin ahal izateko behar beste datu izan beharko du beti.

          4. Azkenik, hitzarmen hau izenpetu duten kreditu-erakundeek giza baliabideak eta baliabide teknikoak izango dituzte interesdunei informazioa emateko, bai Eusko Jaurlaritzaren Etxebizitza, Herri Lan eta Garraio Sailak etxebizitza eta lurzoru arloan araututako jardun babesgarriei buruz, baita hitzarmen honen esparruan aipatutako jarduketek izan dezaketen finantzazioaren ezaugarriei buruz ere; horretarako sail horrek informazioa zabaltzeko igortzen dizkien materialez balia daitezke.

          HAMAZAZPIGARREN KLAUSULA

          Aldeek hartutako beste konpromiso batzuk

          1. VISESA, Euskadiko Etxebizitza eta Lurra, SA sozietate publikoaren eta Etxebizitza Alokairuetarako Sozietate Publikoa, SA sozietate publikoaren jarduerak finantzatzeko bideak Hitzarmen honek jasotzen duen kopuru orokorraren barne daude.

          2. Etxebizitza, Herri Lan eta Garraio Sailak hitzarmen honen babespean guztira emandako maileguen kopurua jakinaraziko die hilero erakunde sinatzaile guztiei.

          HAMAZORTZIGARREN KLAUSULA

          Maileguak sindikatzea

          1. Hitzarmen honen babespean mailegua sindikatzeko eragiketak egin ahal izango dira, eta horretarako itundutako akordio baten arabera, kreditu-erakunde batzuen artean banatuko da emandako maileguaren zenbateko osoa.

          Kreditu-erakunde eragilea izango da onuradun izan daitekeenaren eskaeraren gordailuzain gertatzen den kreditu-erakundea, eta hitzarmen honen Erakunde sinatzaileen artean maileguaren zatiketa eta Sindikatuari dagozkion partaidetzak negoziatuko ditu. Kreditu-erakunde eragileak mailegariaren agindu-eskutitza jaso behar du, horren bidez sindikatua eratzeko berrespena jasoko baitu. Mailegua eta laguntzak izateko eskubidea onartzeko administrazio-ebazpena, eta onuradunak eskubide hori izateko duen nahia erantsi behar zaizkio eskutitzari.

          Mailegu sindikatuen finantza baldintza eta ezaugarriak hitzarmen honi dagozkionak izango dira.

          2. Zuzentza-komisioak ezarri ahal izango dira, kreditu-erakunde eragileak baino jasoko ez dituenak, baita partaidetza-komisioa ere, kreditu-erakunde mailegu-emaile guztiek jaso ahal izango dutena. Kasu horretan zenbatekoa zehazteko merkataritza-arloan egin ohi den bezala egingo da: mailegu-emaileek behin baino ez dute jasoko bakoitzaren kasuan mailegutzat itundutako zenbatekoa.

          HEMERETZIGARREN KLAUSULA

          Amaiera iragarri

          1. Hitzarmen honen amaiera iragartzeko nahikoa izango da hitzarmenkideetako batek edozein klausula ez betetzea.

          HOGEIGARREN KLAUSULA

          Publizitatea

          1. Hitzarmen honen sinatzaileek hitzarmenari behar besteko publizitatea egiteko konpromisoa hartu dute bere gain.

          HOGEITABATGARREN KLAUSULA

          Izaera eta jurisdikzioa

          1. Hitzarmen honek administrazio-izaera du, eta honetatik sortutako auziak ebazteko eskumena administrazioarekiko auzien jurisdikzioari dagokio.

          Eta adostasuna adierazteko, agiri hau izenpetu dut Vitoria-Gasteizen, 20 ko ren (e)an, Eusko Jaurlaritzaren Ekonomia eta Ogasun Sailaren esku geratuko den ale bakarrean. Etxebizitza, Herri Lan eta Garraio Sailak erkatutako kopia bana eman zaie erakunde sinatzaileei.