Kultura Ondarea

Liburutegi Zerbitzua

Kultura eta Hizkuntza Politika Saila

Arautegia

Inprimatu

612/2009 DEKRETUA, abenduaren 1ekoa, Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen Dekretua aldatzekoa.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Ekonomia eta Ogasun Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 237
  • Hurrenkera-zk.: 6525
  • Xedapen-zk.: 612
  • Xedapen-data: 2009/12/01
  • Argitaratze-data: 2009/12/10

Gaikako eremua

  • Gaia: Administrazioaren antolamendua; Ogasun eta Ekonomía
  • Azpigaia: Gobernua eta herri administrazioa; Ekonomia
Deskribapenak

Testu legala

Aurkibidea erakutsiAurkibidea ezkutatu

Euskal Autonomia Erkidegoko Administrazioaren Tasa eta Prezio Publikoei buruzko Legearen testu bategina onartzeko den irailaren 11ko 1/2007 Legegintzako Dekretuaren bitartez, tasa eta prezio publikoei buruzko arau aplikagarriak berrikusi eta eguneratu ziren, lege-testua araupetuz, argituz eta bateratuz.

Bestalde, tasa eta prezio publikoen araupetzeak arauzko garapena izan zuen, Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren bitartez. Horrela garatu egin zen autokitapenekin eta honako hauekin lotutako zenbait alderdiri buruzko araudia: batetik, animaliak eta produktu eratorriak ikuskatu eta kontrolatzeagatik ordaindu beharreko tasa, bereziki, zama pasatzearen figura; eta, bestetik, Euskal Autonomia Erkidegoaren portuetan ematen diren zerbitzu orokor eta bereziengatik ordaindu beharreko tasa.

Dekretu honetan, Tasa eta Prezio Publikoei buruzko Legearen testu bateginera egokitzen da arauzko garapena, eta, aldi berean, kitapenari eta autokitapenari buruzko araupetzeari dagozkion zenbait alderdi zehazten dira, Administrazioaren Ordainketa eta Kobrantzen Sistema Integralaren eta Ordainketa-Pasabidea garatzearekin batera.

Horrenbestez, Euskadiko Aholku Batzorde Juridikoarekin bat etorriz, Ekonomia eta Ogasuneko sailburuak proposatuta, Jaurlaritzaren Kontseiluak 2009ko abenduaren 1ean egindako bilkuran eztabaidatu eta onetsi ondoren, hauxe

XEDATU DUT :
Lehenengo artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 1. artikulua aldatu egingo da, eta era honetan idatzita geratuko da:
1. artikulua Helburua.

Dekretu honen helburua da tasen eta prezio publikoen kudeaketaren alderdi batzuk arautzea, oro har, bai eta animaliak eta produktu eratorriak ikuskatu eta kontrolatzeagatik ordaindu beharreko tasari dagokion kudeaketa ere, bereziki, zama pasatzearen figura, eta Euskal Autonomia Erkidegoaren portuetan ematen diren zerbitzu orokor eta bereziengatik ordaindu beharreko tasari dagokiona.

Bigarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 2. artikuluko 2. paragrafoa aldatu egingo da, eta era honetan idatzita geratuko da.

  1. Prezio publikoen kitapena.

    Euskal Autonomia Erkidegoko Administrazioaren Tasa eta Prezio Publikoei buruzko Legearen testu bategina onartzeko den irailaren 11ko 1/2007 Legegintzako Dekretuaren 34. artikuluko 5. paragrafoari uko egin barik, eta, betiere, prezio publikoen zenbateko osoaren edo partzialaren aurretiazko ordainketa galdatzen ez bada, arestikoen kitapenetatik sortutako ordainagiriek jakinarazpenen ondorio berak izango dituzte; horretarako, gainera, honako ohar hauek ekarri beharko dituzte:

    1. Nolako aurkarapen-bitartekoak erabil daitezkeen, zein organoren aurrean, eta zer epe egongo den haiek jartzeko.

    2. Zorra zer toki, epe eta eratan ordaindu behar den.

Hirugarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 3. artikulua aldatu egingo da, eta era honetan idatzita geratuko da:
3. artikulua Autokitapenak.

  1. Subjektu pasiboak autokitapena egingo du, eta ordainketa zerbitzua eman aurretik galdatuko da, honako tasa hauetan:

    1. Euskal Autonomia Erkidegoko Administrazio Orokorreko eta haren erakunde autonomoetako langileak hautatzeko deialdietan izena emateko tasa.

    2. Administrazio-zerbitzuengatik ordaindu beharreko tasa.

    3. Euskal Herriko Agintaritzaren Aldizkariaren ondasun eta zerbitzuengatik ordaindu beharreko tasa.

    4. Kirol-elkarteen eta -federazioen erregistroaren jardunarengatik ordaindu beharreko tasa.

    5. Titulu akademikoak emateagatik ordaindu beharreko tasa.

    6. Euskararen ezagutza egiaztatzeko agiriak emateagatik ordaindu beharreko tasa.

    7. Laketontziak erabiltzeko tituluengatik ordaindu beharreko tasa.

    8. Gazte Txartela emateagatik ordaindu beharreko tasa.

    9. Euskal Autonomia Erkidegoan nazioarteko ezagutza duten aterpekide-txartelak emateagatik ordaindu beharreko tasa.

    10. International Student Travel Confederation (ISTC) elkartearen nazioarteko abantailen txartela emateagatik ordaindu beharreko tasa.

    11. Trafikoaren inguruko jarduera eta zerbitzuengatik ordaindu beharreko tasa.

    12. Segurtasun pribatuaren arloko jarduerak eta zerbitzuak emateagatik ordaindu beharreko tasa.

    1. Industria, industria-segurtasun, energia eta meategien arloko zerbitzuak emateagatik ordaindu beharreko tasa, honako hauei dagokienez: lanbide-egiaztagiriak eta enpresa baimenduaren ziurtagiriak, abian jartzeko administrazioaren baimena behar duten jarduerak, eta beste tarifetan jasota ez dauden ziurtagiriak ematea.

    2. Industriaren eta industria-segurtasunaren arloko zerbitzuak emateagatik ordaindu beharreko tasa, honako hauei dagokienez: ibilgailuen aldizkako azterketak, eta osasun-diagnostikoak egiteko X izpien instalazioak erregistroan inskribatzea.

    3. Meatzeen arloko zerbitzuak emateagatik ordaindu beharreko tasa, honako honi dagokionez: meategiekin lotutako beste zerbitzu batzuk.

    4. Nekazaritza-, basogintza- eta abere-industriak antolatu eta defendatzeagatik ordaindu beharreko tasa.

    5. Mahastizaintza- eta ardogintza-arloko erregistro-liburuak emateagatik ordaindu beharreko tasa.

    6. Jolaseko itsas arrantzarako baimena emateagatik ordaindu beharreko tasa.

    7. Angularen arrantzarako lizentzia emateagatik ordaindu beharreko tasa.

    8. Osasun publikoko laborategien zerbitzuengatik ordaindu beharreko tasa.

    9. Farmazia-arloko establezimendu eta zerbitzuei buruzko espedienteengatik ordaindu beharreko tasa.

    10. Osasun-zentro, -zerbitzu eta -establezimenduei buruzko espedienteengatik ordaindu beharreko tasa.

    11. Osasun-arloko publizitateari buruzko espedienteengatik ordaindu beharreko tasa.

    12. Osasun-produktuak neurrira fabrikatzeko lizentzia lortzeagatik ordaindu beharreko tasa.

    13. Hondakin toxiko eta arriskutsuei buruzko informatika-materiala eta kontrol eta zainketarako agiriak jasotzeagatik ordaindu beharreko tasa.

    14. Euskal Autonomia Erkidegoko zerbitzuen erabiltzaile eta kontsumitzaileentzako erreklamazio-orriak eskuratzeagatik ordaindu beharreko tasa.

  2. Kasu horietan, zerbitzu edo jarduera bakoitzari dagokion eskaria ez ezik, tasa ordaindu dela frogatzen duen agiria ere aurkeztu beharko du subjektu pasiboak. Horretarako, kasuan kasuko autokitapen-eredua bete beharko da, eta ateratzen den tributu-zorra finantza-erakunde laguntzaileetan sartuko.

  3. Animaliak eta produktu eratorriak ikuskatu eta kontrolatzeagatik ordaindu beharreko tasaren autokitapena, dekretu honen II. tituluaren I. kapituluan jasotako xedapenen arabera egin beharko da.

  4. Tasen autokitapenak egiaztatutakoan, organo kudeatzaileek -bidezkoa bada- kitapen osagarri egokia burutuko dute.

Laugarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren II. tituluaren I. kapituluaren izenburua aldatu egingo da, eta era honetan idatzita geratuko da: «I. KAPITULUA ANIMALIAK ETA PRODUKTU ERATORRIAK IKUSKATU ETA KONTROLATZEAGATIK ORDAINDU BEHARREKO TASA»
Bosgarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 7. artikulua aldatu egingo da, eta era honetan idatzita geratuko da:
7. artikulua Zama pasatzeko aldi baterako betekizunak.

Faktura edo balio bereko agiria ematen denean, egin beharko da tasaren zama pasatzea, betiere sortzapenaren datatik lau urte bete ez badira.

Seigarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 8. artikuluaren 2. paragrafoa aldatu egingo da, eta era honetan idatzita geratuko da:

  1. Errakuntza atzeman bezain laster edo aurreko paragrafoko gainontzeko inguruabarrak agitu bezain laster, egin beharko da zuzenketa; betiere zamapetutako operazioari dagokion tasaren sortzapenetik lau urte bete ez badira, edo kontraprestazioa aldatzen duten inguruabarrak nahiz zamapetutako operazioaren eraginkortasun-eza eragiten duten inguruabarrak agitu zirenetik lau urte bete ez badira.

Zazpigarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 10. artikuluaren 1. paragrafoa aldatu egingo da, eta era honetan idatzita geratuko da:

  1. Jardunbidea edozein delarik ere, erregistro-liburua honelaxe eraman behar da: argitasunez eta zehaztasunez, daten araberako ordenan, zuriunerik gabe, tartekatze barik, eta urradura eta zirriborro barik. Kuotei eta operazioei buruzko oharretan errakuntzak edo hutsak atzeman bezain laster, zuzendu egin beharko dira.

    Ekonomiari buruzko oharretan baloreak eurotan adierazi beharko dira.

Zortzigarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 13. artikulua aldatu egingo da, eta era honetan idatzita geratuko da:
13. artikulua Tasaren kitapena.

  1. Tasa ordaintzeko obligazioa dutenek eurek zehaztu beharko dute tributu-zorra, hain zuzen ere, hurrengo paragrafoetan agertzen diren arauetara egokitutako autokitapenaren bitartez. Salbuetsita geratzen dira Euskal Autonomia Erkidegoko Administrazioaren Tasa eta Prezio Publikoei buruzko Legearen testu bategina onartzeko den irailaren 11ko 1/2007 Legegintzako Dekretuaren 150. artikuluak aipatzen dituen erantzule subsidiarioak.

  2. Autokitapenak, autokitapen-ereduan adierazten diren finantza-erakundeen bidez aurkeztu beharko dira, edo, bestela, Administrazioaren Ordainketa eta Kobrantzen Sistema Integralean eta Ordainketa-Pasabidean ezarritako eran.

  3. Kitapenaren epea: hilabete naturala.

  4. Tributu arloan eskumenak dituen Sailak onartzen duen eredura egokituko da autokitapena; eta hori, bestalde, hileko kitapen-epearen hilabetean barik hurrengoaren lehenengo hogeita bost egunen barruan aurkeztu beharko da.

    Hala ere, uztaileko kitapen-epeari dagozkion autokitapenak honako aldi hauetan aurkeztu ahal izango dira: abuztuko hilaren barruan zein irailaren lehenengo hogeita bost egun naturalen barruan.

  5. Aurreko 4. paragrafoan aipatzen diren autokitapenez gain, urteko laburpen-aitorpen bat formulatu beharko dute subjektu pasiboek, hain zuzen ere, dekretu honetako I. eranskin gisa agertzen den ereduaren araberakoa.

    Urteko laburpen-aitorpenarekin batera, urte bakoitzeko likidazio-epe guztiei dagozkien autokitapenak ere aurkeztu beharko dira.

    Urteko laburpen-aitorpenaz batera, urte bakoitzeko likidazio-epe guztiei dagozkien autokitapenak aurkeztu beharko dira.

Bederatzigarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 14. artikulua aldatu egingo da, eta era honetan idatzita geratuko da:
14. artikulua Tasa biltzea.

  1. Ordaintzeko obligazioa dutenek, edo haien ordezkariek, ondoren zehazten diren kontuetan sartu beharko dute autokitapenetatik ateratzen diren zerga-zorren zenbatekoa aurkezteko unean, Ekonomia eta Ogasun Sailak baimendutako kontuetan, alegia.

  1. Artikulu honetan aurreikusitako prozeduren bitartez bakarrik lortu daitezke kapitulu honetan aipatzen den tasaren sarrerak».

Hamargarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 15. artikuluaren 1. paragrafoa aldatu egingo da, eta era honetan idatzita geratuko da:

  1. Subjektu pasiboak, alde batetik, autokitatzeko betebeharra dekretu honen 13. artikuluan aurreikusten den moduan betetzen ez badu, eta, bestetik, beherago aipatzen den zuzendaritza modukoak formulatutako autokitapena aurkezteko eskariari kasurik ez badio egiten, Osasun Saileko lurralde-zuzendaritzek ofizioz egingo dituzte behin-behineko kitapenak.

Hamaikagarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 16. artikuluaren 1. paragrafoa aldatu egingo da, eta era honetan idatzita geratuko da:

  1. Dekretu honetan zehaztutako epearen barruan egin ez zuen autokitapena aurkezteko errekerimendua, Osasun Saileko lurralde-ordezkaritzak egindakoa, subjektu pasiboari jakinarazten zaionetik hogeita hamar egun baliodun igarotakoan, ofiziozko behin-behineko kitapena egiteko prozedura hasi ahalko da.

Hamabigarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren 18. artikulua aldatu egingo da, eta era honetan idatzita geratuko da:
18. artikulua Albaitaritza arloko laguntzaileen eta urgazleen diru-aurrerakina kentzea.

Albaitaritza arloko laguntzaileen eta urgazleen diru-aurrerakina kentzearena aurkezten duten establezimenduetan, zehazki, abereak hiltzen dituzten establezimenduetan, Osasun Saileko lurralde-zuzendaritzek aldizka egiaztatuko egingo dute ea albaitaritza arloko laguntzailerik eta urgazlerik den kasuan kasuko autokitapenetan, betiere Euskal Autonomia Erkidegoko Administrazioaren Tasa eta Prezio Publikoei buruzko Legearen testu bategina onartzeko den irailaren 11ko 1/2007 Legegintzako Dekretuaren 156. artikuluan aurreikusitakoaren arabera.

Hamahirugarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren II. tituluaren II. kapituluaren izenburua aldatu egingo da, eta era honetan idatzita geratuko da:
II. KAPITULUA EUSKAL AUTONOMIA ERKIDEGOAREN PORTUETAN EMATEN DIREN ZERBITZU OROKOR ETA BEREZIENGATIK ORDAINDU BEHARREKO TASA
Hamalaugarren artikulua Euskal Autonomia Erkidegoko Administrazioaren eta haren erakunde autonomoen tasa eta prezio publikoen kudeaketaren zenbait alderdi arautzen dituen irailaren 29ko 248/1998 Dekretuaren I. eta II. eranskinak ordezten dira, hurrenez hurren, dekretu honetan eransten diren I. eta II. eranskinengatik.
AZKEN XEDAPENA

Dekretu hau Euskal Herriko Agintaritzaren Aldizkarian argitaratzen den egunaren biharamunetik aurrera jarriko da indarrean.

Vitoria-Gasteizen, 2009ko abenduaren 1ean.

Lehendakaria,

FRANCISCO JAVIER LÓPEZ ÁLVAREZ.

Ekonomia eta Ogasuneko sailburua,

CARLOS AGUIRRE ARANA.

ABENDUAREN 1EKO 612/2009 DekretuaREN I. ERANSKINA

ANEXO I AL DECRETO 612/2009, DE 1 DE DICIEMBRE

EUSKO JAURLARITZA / GOBIERNO VASCO

OSASUN ETA KONTSUMO SAILA / DEPARTAMENTO DE SANIDAD Y CONSUMO

Tasa: animalien eta euren produktuen ikuskapen eta sanitate-kontrolarengatik

Tasa por inspección y control sanitario de animales y sus productos

Urteko Laburpen-Kitapena / Declaración-Resumen Anual

Ekitaldia/Ejecicio 20........

OSASUN PUBLIKORAKO ZUZENDARITZA / DIRECCIÓN DE SALUD PÚBLICA

ZERGADUNA / OBLIGADO TRIBUTARIO

NAN edo IFZ

DNI o CIF Deiturak eta izena edo baltzu-izena

Apellidos y nombre o razón social

Helbidea

Domicilio

KITAPENA/LIQUIDACIÓN

Gaia

Concepto Abere-mota

Clase de ganado Unitate kop.

  1. º de unidades Kuotak guztira

    Total cuotas

    Abereak hiltzea

    Sacrificio de animales

    Kanalak zatitzea

    Operaciones de despiece

    Biltegiratzea kontrolatzea

    Control de almacenamiento

    Zenbait sunbstantzia, animali bizi eta animalikien osasen aztertzea

    Controles sanitarios de determinadas sustancias, residuos de animales vivos y sus productos

    Tasak guztira

    Total tasas 1

    Kenketak, albaitari-laguntzaileen kostuengatik

    Deducciones por costes de auxiliares veterinarios y ayudantes

    Kenketak, autokontrolerako sitemaren funtzionamendu kostuengatik

    Deducciones por costes de funcionamiento de sistemas de autocontrol

    Kenketak guztira

    7 2

    Eguna / Fecha:

    Sinadura / Firma: Emaitza

    Resultado 1 - 2

    Berandutza korrituak

    Intereses de demora

    Ordaindutakoa guztira

    Total ingresado

    ABENDUAREN 1EKO 612/2009 DekretuaREN II. ERANSKINA

    ANEXO II AL DECRETO 612/2009, DE 1 DE DICIEMBRE

    Hiltzeko, zatitzeko eta biltegiratzeko Kuoten Kitapenen Erregistro-Liburua

    Libro Registro de Liquidación de Cuotas por la actividad de sacrificio, despiece y almacenamiento

    Izena edo baltzu-izena / Nombre o razón social:

    NAN edo IFZ / NIF o CIF:

    Helbidea/Domicilio:

    Eguna

    Fecha Sarrerako agiriaren zenbakia

    Número doc. entrada Abere mota gakoa

    Clase de ganado clave Unitate kop.

  1. º unid. Pisua

    Peso Hiltzeko, zatitzeko eta biltegiratzeko tasak

    Tasas sacrificio, despiece y almacenamiento Zenbait sunbstantzia, animali bizi eta animalikien osasun aztertzeagatik tasak

    Tasas por control sanitario de determinadas sustancias y residuos de animales vivos y sus productos Kenketak, albaitari-laguntzaileen kostuengatik

    Deducciones por costes de Auxiliares veterinarios y ayudantes Kenketak, autokontrole-rako sistemaren funtziona-mendu kostuengatik

    Deducciones por costes de funcionamiento de sistemas de autocontrol

    Unitateko edo tm-ko kuota

    Cuota por unid. o tm Euroak guztira

    Total euros Unitateko edo tm-ko kuota

    Cuota por unid. Euroak guztira

    Total euros Unitateko kuota

    Cuota por unid. Euroak guztira

    Total euros Unita-teko kuota

    Cuota Por unid. Euroak guztira

    Total euros

    Guztiak

    Totales

Gaiarekin lotutako edukiak


Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.