Euskadiko Ekonomia-Arduralaritzako Epaitegia

1. Dekretuaren xedea da Euskal Autonomia Erkidegoko landa-eremuetan sustatu eta garatzeko jardueren eta inbertsioen finantzaketara zuzendutako dirulaguntzen emakida jasotzea eta arautzea. Laguntzak «Erein Programa» izenarekin ezagutzen dira.

2. Dekretu honen aplikazioaren esparru geografikoa Euskal Autonomia Erkidegoko landa-eremu guztiak izango dira.

   Hala ere, landa-eremuak ez diren eremuetan egindako inbertsioak, hurbileko landa-eremuetako herritarrei zerbitzuak ematen badizkie, horiek ere kontuan hartuko dira. Kasu horietan, hitzarmenen bidez, landa-biztanleek laguntzak eskuratzeko aukera berdinak dituztela bermatuko da

   1. eranskinean argi eta garbi aipatzen dira dekretu honen aplikaziotik kanpo geratzen diren biztanlegune kontzentratuetako hiri-eremuak. Hiri-eremutzat joko dira 2.000 biztanle baino gehiagoko udalerrien menpeko edozein biztanleguneren hiriguneak, edota % 45 baino gehiagoko lurzoru artifiziala eta hektarea eta biztanle bakoitzeko 5.000 euro baino gutxiagoko nekazal marjina gordin estandarra duten hiriguneak.

3. Dekretu hau «Euskal Autonomia Erkidegoko Landa Garapen Iraunkorreko Plana» (PDRS) (2007-2013) indarrean dagoenean aplikatuko da, oso-osorik gauzatu arte.

1. Dekretu hau dela bide ematen diren kopuruak itzuli behar ez diren dirulaguntzak izango dira.

2. Dekretuak ondorengo laguntza-modalitateak jasotzen ditu:

   1. LGENFren eta Euskal Autonomia Erkidegoko Aurrekontu Orokorren artean batera finantzatu ahal daitezkeen edo Euskal Autonomia Erkidegoko fondoekin bakarrik finantzatu ahal daitezkeen laguntzak (II. kapitulua).

   2. Enpresak sortzera, handitzera eta modernizatzera eta laguntza emateko azpiegituretara zuzendutako laguntzak (III. kapitulua).

   3. Landa-guneetan lanpostuak sortzeko laguntzak (IV. kapitulua).

   4. Etxebizitzari zuzendutako laguntzak (V. kapitulua)

1. II. kapituluan aurreikusitako laguntzak finantzatzeko bi aukera daude: batetik, Landa Garapenerako Europako Nekazaritza Funtsak (LGENF) eta Euskal Autonomia Erkidegoko Aurrekontu Orokorrek batera finantzatzea eta, horretarako, 1698/2005 Erregelamenduan eta Euskal Autonomia Erkidegoko Landa Garapen Iraunkorreko 2007-2013ko Programan ezarritako baldintzetara egokitzea; eta, bestetik, Euskal Autonomia Erkidegoko fondoekin bakarrik finantzatzea, Estatuko laguntza gisa, nekazaritza eta basogintzaren alorrerako Estatuko 2007-2013ko laguntzei buruzko Europako Erkidegoko jarraibideekin bat etorriz.

2. III., IV. eta V. kapituluetan araututako laguntzak osorik Euskal Autonomia Erkidegoaren Aurrekontu Orokorren kargura finantzatuko dira.

3. Aurrekontu-ekitaldi bakoitzaren barruan emango diren laguntza-kopuru guztiak ez du deialdiaren aginduan urtero ezartzen den haren finantzaketara zuzendutako gehienezko zuzkidura gaindituko, ezta haren eguneratzetik lortzen den kopurua ere, indarrean dagoen legedian aurreikusitako kredituen edo aurrekontu-aldaketen arabera.

   Eskatutako laguntzen zenbateko osoa kontuan harturik, zenbateko hori aldatu ahal izango da, Nekazaritza, Arrantza eta Elikadura Sailaren beste laguntza-egitarau batzuk gauzatzean agortu ez den aurrekonturik izanez gero, laguntzei buruzko ebazpena eman baino lehen. Hala gertatuz gero, Landaren eta Itsasertzaren Garapeneko zuzendariaren ebazpen baten bidez Euskal Herriko Agintaritzaren Aldizkarian jakinaraziko da.

4. Hemen ezarritako laguntzak lehiaketa-prozeduraren bidez emango dira, dekretu honen 9. artikuluan xedatutakoaren arabera.

1. Behar bezala balioztatzeko, eskatzaileek proiektua gauzatzeko aurreikusten diren alderdien gaineko informazioa zehaztuko dute eskaeran, batez ere kostuei buruzkoa, aurrekontu eta proformako fakturak erantsita, eta, halaber, proiektua gauzatzeko aldiak zehaztuko dituzte.

2. Inbertsioak Euskal Autonomia Erkidegoko landa-guneetan kokatu behar dira, dekretu honen 1.2. artikuluan ezarritakoaren arabera.

3. Laguntza jaso dezaketen inbertsio eta jarduerak laguntza emateko ebazpenean ezartzen diren epeetan burutu beharko dira. Epe horiek finantzaketarako kredituen izaerari egokituko zaizkie. Hala ere, proiektuen iraupena ez da bi aurrekontu-ekitaldi baino gehiagokoa izango, laguntza eskatzen den ekitalditik aurrera.

   Justifikaturiko arrazoirik bada, eta horretarako onuradunak eskaera arrazoitua aurkeztu ondoren, Landaren eta Itsasertzaren Garapeneko zuzendariak luzapena eman dezake ebazpen baten bitartez, eta luzapen hori ez da bi urte baino gehiagokoa izango.

4. Diruz laguntzen diren inbertsio eta jardueren helburuari eutsi beharko zaio, gutxienez, jarduerak gauzatu eta hurrengo bost urteetan.

5. Eskaera egiten duen pertsonak edo erakundeak neurriak hartuko ditu eskuratutako ekipo eta materialak egokienak izan daitezen, kalitate, kostu eta mantentze-lanari dagokionez.

1. Dekretu honetan araututako laguntzen onuradunak izango dira pertsona fisikoak, irabazteko asmoarekin edo asmorik gabeko pertsona juridiko-pribatuak, toki-erakundeak, toki-erakunde publikoak, zuzenbide publikoko korporazioak eta indarrean jasota dagoen beste edozein forma juridiko. Horiek guztiek, laguntzen modalitatean adierazitako baldintzak betetzeaz gain, honako hauek ere bete behar dituzte:

   1.2. artikuluan aurreikusitako eremuren batean egin behar da laguntza jaso dezakeen ekintzaren bat.

   1. Zerga-betebeharrak eta Gizarte Segurantzarekikoak egunean edukitzea.

2. Enpresa bat martxan jartzeko eskatzen diren laguntzen kasuan (pertsonifikaturiko entitatearen mota edozein delarik), enpresaren kudeaketarako eratzen den entitatea izango da onuraduna. Horrela, eskatzailea enpresaren legezko ordezkaria izango da eskaera behar bezala justifikatuz, 6.1.d) artikuluan ezarritakoari jarraiki.

1. Dekretu honetan aurreikusitako laguntzak jasotzeko eskaerak, originala eta kopia, erakunde laguntzailean edo Eusko Jaurlaritzako Nekazaritza, Arrantza eta Elikadura Saileko Landaren eta Itsasertzaren Garapeneko Zuzendaritzan aurkeztuko dira, bai zuzenean edo landa-garapenerako elkarteen bidez. Eskaeretan ondorengo dokumentazioa erantsi behar da, dekretuari dagokion kapituluan berariaz zehaztuko denarekin batera:

   1. Eskaera-orria, behar den moduan beteta.

   2. Ordainketa egiteko agiriak («Hirugarrengoen alta»).

   3. Eskatzailea pertsona fisikoa bada, NANaren fotokopia.

   4. Eskatzailea eratzeko bidean dagoen pertsona juridikoa bada, legezko ordezkariaren NANaren fotokopia.

   5. Eskatzailea pertsona juridikoa bada, IFZren fotokopia, erakundearen estatutuak eta behar diren erregistro publikoetan eginiko inskripzioen egiaztagiriak.

   6. Egin beharreko jardueraren azalpen-memoria. Honako hauek jasoko ditu: aurrekontu zehatzak eta/edo proformako fakturak, eta horiek betetzeko aurreikuspen zehaztua eta urteko ordainketa, bai eta horien finantzaketa, kokapena, enplegu-sorrera eta bideragarritasunari buruzko datuak ere. Hala badagokio, proiektatutako ekintzaren kudeaketa-eredua, eta, bereziki, pertsona juridikoen sorrera ere adieraziko dira.

   7. Obra-proiektua, udalaren lizentzia eta/edo baimena edo, halakorik ezean, aldeko hirigintza-txostena.

   8. Eskatzaileak zerga-betebeharrak eta Gizarte Segurantzari egin beharreko ordainketak eguneratuta dituela egiaztatzen duten agiriak.

   9. Zinpeko aitorpena aurkeztu beharko da. Horren bidez, helburu berbereko beste laguntzarik edo beste de minimis laguntzarik eskatu den egiaztatuko da eta, hala bada, eskabide horien egoera (ukatua, erantzunaren zain edo onartua) eta eskatutako diru-kopurua zehaztu beharko da; bestela, beste laguntzarik ez dela eskatu adieraziko da.

2. Nekazaritza, Arrantza eta Elikadura sailburuaren agindu bidez, honako dekretu honetan araututako laguntzen deialdia egingo da urtero, laguntza-eskaerak aurkezteko epeak zabalduko dira, aurrekontuko kreditu erabilgarriaren berri emango da eta laguntzen diren proiektuen iraupena zehaztuko da. Alderdi horiek guztiek ezin izango dituzte inola ere dekretu honetan ezarritakoak urratu.

Eskabidean akatsen bat badago edo zehaztasunez bete ez bada, eskatzaileari jakinaraziko zaio. Eskatzaileak 10 eguneko epea izango du akatsak konpontzeko; aipatutako epean akatsak konpontzen ez baditu, eskatzaileak atzera egin duela ulertuko da, Landaren eta Itsasertzaren Garapeneko zuzendariak ebazpena eman ondoren.

1. Dekretu honetan aurreikusitako laguntzen kudeaketa-lana Landaren eta Itsasertzaren Garapeneko Zuzendaritzari eta erakunde laguntzaileari dagokie, dagokion hitzarmenean ezarritakoaren arabera.

   Diruz lagundutako jardueren kontrola eta artapena Landaren eta Itsasertzaren Garapeneko Zuzendaritzari dagokio. Zuzendaritzak egoki derizkion ikuskapenak egin ahal izango ditu dirulaguntza lortu duten proiektuak modu egokian gauzatzen direla ziurtatzeko; horretarako, onuradunak eskatzen zaien dokumentazioa eta informazioa aurkeztera behartuta daude.

2. Dirulaguntza eman aurretiko baldintza gisa, Eusko Jaurlaritzako Nekazaritza, Arrantza eta Elikadura Sailari dagokio ikuskapenak egin eta dirulaguntza jaso duten proiektuak behar bezala burutzen ari direla ziurtatzea. Horrez gain, Eusko Jaurlaritzako Nekazaritza, Arrantza eta Elikadura Saila arduratzen da dirulaguntza eta indarrean dagoen araudiari dagozkion gainontzeko jarduerak ordaintzeaz.

1. Laguntza arau honetan ezarritako betekizunak eta baldintzak betetzen dituzten eskatzaile guztiek lortuko dute eta, horrela, onuradunak izango dira.

2. Onuradun bakoitzari emandako laguntza zehatza dekretu honen hurrengo artikuluan ezarritako laguntzen zenbatekoaren irizpenak aplikatuz lortuko da.

3. Dekretuan araututako laguntzak emateko prozedura, lehiaketa izango da.

4. Urtero eskabideak aurkezteko epea zabaltzen duen aginduan ezartzen den gehienezko zuzkidura ez bada nahikoa dirulaguntza jaso ahal izateko ezarritako baldintzak betetzen dituzten eskabide guztiei erantzuteko, zuzkidura banatzeko modua urteko deialdian zehaztuko da.

1. Aurkezten diren eskaerak aztertu eta baloratuko dituen balorazio batzordea eratuko da. Bertan Arrantza eta Nekazaritza Garapeneko Sailburuordetzako hiru teknikari ariko dira, Landaren eta Itsasertzaren Garapeneko zuzendariak izendatuak. Batzordean, gainera, gizonen eta emakumeen presentzia orekatua bermatuko da.

2. Erakunde laguntzailearen ezagutza bereziak kontuan hartuta, eta eskaeren balorazio hobea ahalbidetze aldera, balorazio batzordean haren teknikari maila bereko pertsona batek edo gehiagok parte hartuko du.

   Era berean, zenbait proiektuk beste sail edo administrazio publiko batzuetako jarduketa-arloei eragin diezaioketela uste bada, horiek balorazio batzordean parte hartuko dute.

3. Proiektuak baloratzeko, irizpide hauek hartuko dira kontuan:

   1. Gunean oinarrituta:

      Proiektua kokatuko den guneko landatartasun-maila.

      Gunearen garapena, proiektu-motari dagokionez.

      Irizpidearen betetze-mailaren arabera lor daitekeen puntuazio maximoa 30 puntu da.

   2. Eskualdeko Landa Garapenaren 2007-2013ko Planean oinarrituta:

      Dagokion Eskualdeko Landa Garapenaren 2007-2013ko Planera egokitzea.

      Bigarren irizpidearen betetze-mailaren arabera lor daitekeen puntuazio maximoa 30 puntu da.

   3. Proiektuan eta sustatzailean oinarrituta:

      Proiektua bideragarria izatea teknikaren, ekonomiaren eta finantzaketaren aldetik.

      Sustatzailearen bermea izatea teknikaren, ekonomiaren eta finantzaketaren aldetik.

      Ekoizpen-inbertsioak:

      • Lanpostuak sortzea. Bereziki kontuan hartuko dira gizonentzako eta emakumeentzako lanpostuak sortzea sustatzen duten proiektuak eta, proportzio berean, proiektu horiek garatuko diren eremu geografikoan gizon eta emakumeen langabezia-tasa sustatzen duten proiektuak. Horrez gain, kontuan hartuko dira baita ere ordezkaritza gutxien duen sexua jarduera-sektore batean nagusia den beste sexuaren artean sartzea sustatzen duten proiektuak. Horrela, entitateek berdintasuna lortzeko planak edo aukera-berdintasuneko erakunde laguntzailea izatea baloratuko da.

      • Jarduera endogenoa-Gunean mantentzeko sustatzailearen eta jardueraren ahalmena.

      • Sinergia-Eragindako ondorio onak sortzeko proiektuaren gaitasuna.

        Inbertsio ez-produktiboak:

      • Erakundeen partaidetza.

      • Biztanleriaren bizi-kalitatea hobetzea, bereziki, egoera ahulenean dauden emakumeen eta kolektiboen egoera hobetuko duena.

      • Proiektuaren proportzionaltasuna eskaerari eta beharretara.

        Hirugarren irizpidearen betetze-mailaren arabera lor daitekeen puntuazio maximoa 30 puntu da.

        Eskatzaileak, laguntza jaso ahal izateko, lehen bi irizpide orokorretan lortu beharreko gutxieneko puntuazioa 35 puntu da, kontuan hartuta puntuazioa maximoa 90 puntu dela.

        Emandako laguntzen zenbateko zehatza, lortutako puntuazioaren arabera, honako baremazio-taulan oinarritzen da:

        2. Kapituluan aurreikusitako proiektuak

           Balorazio-txostenaren puntuazioa Toki-erakundeak eta erakunde publikoak Proiektu ez-produktiboak, beste erakundeak

           80 eta 90 punturen artean

           70 eta 79 punturen artean

           60 eta 69 punturen artean

           50 eta 59 punturen artean

           40 eta 49 punturen artean

           35 eta 39 punturen artean

           35 puntu baino gutxiago % 100era arte

           • 90era arte

           • 80ra arte

           • 65era arte

           • 45era arte

           • 25era arte

           • 0 % 100era arte

           • 85era arte

           • 65era arte

           • 45era arte

           • 25era arte

           • 10era arte

             % 0

        3. eta V. kapituluetan aurreikusitako proiektuak

           Balorazio-txostenaren puntuazioa Toki-erakundeak eta erakunde publikoak Proiektu ez-produktiboak, beste erakundeak Ekoizpen-proiektuak

           80 eta 90 punturen artean

           70 eta 79 punturen artean

           60 eta 69 punturen artean

           50 eta 59 punturen artean

           40 eta 49 punturen artean

           35 eta 39 punturen artean

           35 puntu baino gutxiago % 100era arte

           • 90era arte

           • 80ra arte

           • 65era arte

           • 45era arte

           • 25era arte

           • 0 % 35era arte

           • 30era arte

           • 25era arte

           • 20era arte

           • 15era arte

           • 10era arte

           • 0 % 35era arte

           • 30era arte

           • 25era arte

           • 20ra arte

           • 15era arte

           • 10era arte

             % 0

        4. Kapituluan aurreikusitako proiektuak

           Sortutako lanpostuarengatik

           Iraupen luzeko langabeak

           Familia-zamak dituzten emakumeak

           Elbarriak 5.591,88 euro

           010,12 euro

           010,12 euro

           010,12 euro

4. Balorazio batzordeak, dekretu honetan aurreikusitako laguntzak esleitzeko irizpideen oinarriei buruz, behar den erabaki-proposamena igorriko dio Landaren eta Itsasertzaren Garapeneko zuzendariari.

1. Balorazio batzordearen proposamena ikusirik, Landaren eta Itsasertzaren Garapeneko zuzendariak eskabideak ebatziko ditu. Ebazpen-proposamenarekin bat ez datorren erabakia hartzen badu (proposamen hori ez baita loteslea izango), arrazoiak azaldu beharko ditu.

   LGENFk batera finantzatutako laguntzak direnean, urriaren 3ko 194/2006 Dekretuan adierazi bezala jokatuko da. Horren bidez, Euskal Autonomia Erkidegoko Erakunde Ordaintzailea osatzen da eta haren antolamendua eta funtzionamendua ezartzen da.

2. 6 hilabete igaro ostean, laguntza eskatzeko epea zabaldu zenetik, ebazpen-jakinarazpenik jaso ezean norberaren eskabidea ezetsi egin dela ulertu ahal izango da, Herri Administrazioen Araubide Juridikoari eta Administrazio Prozedura Erkideari buruzko Legearen 44. artikuluan xedatutakoari jarraiki.

3. Dekretu honetan laguntzei buruzko ebazpena banan-banan jakinaraziko da. Horrez gainera, Landaren eta Itsasertzaren Garapeneko zuzendariak ebazpena emango du, Euskal Herriko Agintaritzaren Aldizkarian argitara eman daitezen dekretu honen babesean emandako dirulaguntzak eta erakunde edo pertsona onuradunak.

4. Proiektuak onesteko eta dirulaguntza emateko baldintza hau ezarri ahal izango zaie eskatzaileei: aurkeztutako proiektua dekretu honetan eta, kasu honetan, dagokion planean ezarritako irizpideetara hobeto moldatzeko behar diren aldaketa guztiak egin beharra.

5. Laguntzen emakidari buruzko ebazpenak honakoa ezartzen du:

   1. Onartutako eskaeren zerrendak honakoa adieraziko du: pertsona edo erakunde onuraduna, diruz lagundutako proiektua, emandako dirulaguntzaren inbertsioa eta zenbatekoa eta LGENFren kargura finantzatutako zatia bereizten da, II. kapituluan aurreikusitako laguntzen kasuan.

   2. Ukatutako eskaeren zerrenda, ukatzea azaltzen duten arrazoiekin batera.

   3. Proiektuak egiteko epea.

   4. Onuradunen betebeharrak.

   5. Onuraduna eratzear dagoen pertsona juridikoa bada, laguntza jasotzeko baldintza gisa klausula bat gehituko da: onuraduna erakunde pertsonifikatua izatea.

Onuradunak laguntza onartu duela ulertuko da, dirulaguntza eman zaiola jakinarazten zaion egunetik aurrera 15 eguneko epean, ez badu Landaren eta Itsasertzaren Garapeneko Zuzendaritzan ukatzeko idazkirik aurkezten.

Dekretu honetan araututako laguntzen onuradunek betebehar hauek izango dituzte:

1. Laguntzari eman zaion xede horretan erabiltzea eta emakida-ebazpenean ezarritako baldintzekin bat etorriz.

2. Diruz lagundutako inbertsioak bere xedean irautea hurrengo bost urteetan gutxienez.

3. Erakunde laguntzailearen, Eusko Jaurlaritzako Nekazaritza, Arrantza eta Elikadura Sailaren eta, kasu honetan, Europar Batasuneko erakundeen esku jartzea inbertsioa eta gastuak egin direla egiaztatzeko behar diren agiri guztiak.

4. Onuradunak bere gain hartuko ditu, oro har, Euskadiko Ogasun Nagusiaren Antolarauei buruzko Legearen 50.2. atalean ezartzen diren betebeharrak, eta, bereziki, behartuta egongo da xedapen honen kontura jasotako laguntzei buruz Ekonomi Kontrolerako Bulegoak eta Herri Kontuen Euskal Epaitegiak haien eginkizunak betetzeko eska ditzaketen argibide guztiak ematera.

5. Kasu honetan, beharrezkoa izango litzatekeen publizitatea ematea jasotako fondo publikoen jatorriari buruz.

6. Dirulaguntzaren bat lortuz gero edo beste de minimis laguntzarik jasoz gero, helburu bera betetzeko, horren berri ematea Nekazaritza, Arrantza eta Elikadura Sailari.

1. Jarraian adierazten diren kasuetan, inguruabarrak ez direla bete joko da:

   1. Jasotako laguntzak, osorik zein zatika, dekretu honetan adierazi bezala onartutako jardueretarako erabili beharrean, beste zerbaitetarako erabiltzea.

   2. Dekretu honetan ezarritako betebeharrak edo, kasua bada, dirulaguntza emateko ebazpenean ezarritakoak ez betetzea.

   3. Beste xedapen batzuetan ezarritako betebehar orokorrak ez betetzea.

2. Artikulu honen 1. paragrafoan azaldutako kasuren bat gertatuz gero, azaroaren 11ko 1/1997 Legegintzako Dekretuan aurreikusitakoa bete ondoren, horren bidez, Euskadiko Ogasun Orokorraren Iturburu Ordenatzaileei buruzko Testu Berritua onetsi da eta abenduaren 17ko 698/1991 Dekretuan ezarritakoari jarraiki, jasotako dirua eta hark sortutako interesak itzuli beharko zaizkio Euskal Herriko Diruzaintza Orokorrari.

3. Baldintzak ez betetzeagatik egiten diren espedienteak Landaren eta Itsasertzaren Garapeneko zuzendariak izapidetu eta ebatziko ditu.

4. Dirulaguntza emateko kontuan hartzen diren baldintzak aldatzen badira, onuradunak aldez aurretik jakinarazita, horren ondorioz, Landaren eta Itsasertzaren Garapeneko Zuzendaritzak erabakia hartuko du emandako laguntzaren mantentzearen inguruan. Dena den, beste administrazio nahiz erakunde publiko nahiz pribatu batzuetatik laguntzak edo dirulaguntzak jasotzen badira, edota helburu bererako beste diru-sarrera zein baliabide batzuk eskuratzen badira, dirulaguntza emateko ebazpena aldatu egin ahal izango da; kasu horretan, hala ere, dirulaguntzen onuradun izateko dekretu honetan jarritako oinarrizko baldintzak gorde egingo dira.

1. Emandako laguntza inbertitu dela justifikatzeko, Landaren eta Itsasertzaren Garapeneko Zuzendaritzari inbertsioa edota proiektatutako jarduerak egin direla ziurtatzeko egiaztagiriak, originalak edo kopia konpultsatuak, aurkeztuz egingo da. Honako hauek dira:

   1. Inbertsio produktiboen kasuan (inbertsio produktibotzat joko dira operadore ekonomikoek merkatuan irabazi ekonomikoa lortzeko egiten dituztenak) eta inbertsio ez-produktiboen kasuan (inbertsio ez-produktibotzat joko dira pertsona fisiko edo juridikoek irabazteko asmorik gabe egiten dituztenak), fakturak edo ordainagiriak aurkeztuz egingo da eta, kasu honetan, teknikoak egin duela egiaztatzen duen sinatutako obra-ziurtagiriak aurkeztuz. Toki-erakundeen kasuan, obra esleitzearen egiaztagiria aurkeztu beharko dute, legearekin bat etorriz.

      Era berean, diruz lagun daitekeen inbertsioaren guztizkoaren % 20ko mugarekin, justifikatutzat jo ahalko dira bai onuradunak berak egindako lanak eta bai onuradunaren ingurukoak izanik enpresarioak ez direnek edo hala ez dihardutenek egindako lanak ere. Kasu horretan, hornitzailearen faktura ordainduen bitartez justifikatu beharko dira materialak, eta eskudun teknikariak sinatutako ziurtagiriaren bitartez eskulana; ziurtagiri horretan direlako lanetan inbertitutako ordu guztien kostua zehaztu beharko da. Ezarritako baremo ofizialarekin bat egin beharko da orduen balioespena; eta horrek ez du sekula ere gaindituko merkatuan lan haiek duten balioespena, ez eta urbanizazio- eta eraikuntza-prezioen oinarria ere, zehazki, Euskal Autonomia Erkidegoko Administrazio Orokorrean, arlo honetan, sail eskudunak argitaratutakoa. Edonola ere, onuradunari dokumentazio osagarria eskatu ahalko zaio.

      5. kapituluko laguntzak aipatzen dituzten proiektuen kasuan, gainera, ohiko etxebizitzak izango direla zehazten duen agiria erantsi beharko da.

   2. Lanpostuak sortzeko kasuan:

      Lan-kontratuen kopia, Gizarte Segurantzako altaren egiaztagiria eta kontratatzen den hilabeteko TC 2 dokumentua.

      Autoenpleguaren kasuan, Gizarte Segurantzari dagokion erregimenean eta Jarduera Ekonomikoen gaineko Zergan alta eman delako egiaztagiria.

      Laguntza eskatu aurreko hamabi hiletan enpresak zituen langileen batez besteko kopurua egiaztatzen duten agiriak, TC 2 dokumentuen kopia.

2. Era berean, ordaintzeko eskabideari honako agiriak erantsiko zaizkio:

   1. Zerga-betebeharrak eta Gizarte Segurantzarekiko edota dagokion Aurreikuspen Sozialeko Erakundearekiko dituen zergak ordainduta dituela frogatzen duten agiriak.

   2. Laguntza pertsonifikaturiko erakunde bat eratzeari baldintzatuta badago, eraketa-akta, estatutuak eta dagokion erregistroan izena emanda egotearen ziurtagiria.

3. Agiri horiek laguntzako proiektuaren ordainketa eta exekuzioa burutu eta hurrengo bi hilabeteetan aurkeztuko dira.

1. Aldez aurretik lehenagoko artikuluak aipatzen dituen agirien bidez inbertsioa egin dela egiaztatuta, eta behin Landaren eta Itsasertzaren Garapeneko Zuzendaritzako teknikoek inbertsioak eginda daudela ziurtatuta, ordainketak egingo dira.

2. Bi zati ordaindu ahal izango dira interesdunak hala eskatuta ekitaldi bakoitzeko, aurreko artikuluak aipatzen duten dokumentazioa, alegia, proiektuaren zati bat gauzatu dela egiaztatzekoa, aurkeztu ondoren.

   Honako kasu hauetan ez da ordainketa partzialik egingo:

   1. Hitzartutako lanpostuak behar bezala sortu arte, lanpostuak sortzea dirulaguntza emateko baldintza bada, eta

   2. Onuraduna izango den erakundea behin betiko eratu eta dagokion erregistroan inskribatu arte.

      Hainbat urtetarako proiektuak direnean, urte bakoitzean eginiko inbertsioen ordainketa ekitaldi bakoitzean egingo da, dagokion ekitaldiko aurrekontuen kontura.

3. Onuradunei laguntzak ordaintzeko gehienez ere epea bi hilekoa izango da, dagozkion ordain-aginduak igortzen direnetik.

4. LGENF Erkideko funtsaren arabera emandako laguntzen ordainketa erakunde ordaintzailearen bidez egingo da erakunde ordaintzaileko zuzendariak dagozkion ebazpenak eman ondoren, urriaren 3ko 194/2006 Dekretuan jasotakoaren arabera (dekretu honen bidez Euskal Autonomia Erkidegoko erakunde ordaintzailea osatzen da).

5. Inbertsioa ezarritako epeen barruan egiten ez bada, ezta luzapen-epeen barruan ere, edo ezarritako epean inbertsioa egin dela egiaztatzen duten agiriak aurkezten ez badira, horrek dirulaguntza jasotzeko eskubidea galtzea ekarriko du berekin.

1. Kontseiluaren 1998/2006 zenbakiko Erregelamenduak (EE), abenduaren 15ekoak, minimis laguntzei Ituneko 87. eta 88. artikuluak aplikatzearen ingurukoak, ezartzen du enpresa jakin bati emango zaion laguntza osoa hiru zerga-ekitalditan ez dela 200.000 euro baino gehiago izango.

   Laguntza horiek bateragarriak izango dira beste edozein administrazio publiko, sail, organismo edo erakunde publiko zein pribatuko beste laguntza batzuekin, betiere, salbuespen-araudian edo Batzordeak hartutako erabakian kasu bakoitzeko inguruabar zehatzetarako ezarritako laguntza ez bada laguntzen metatzea baino handiagoa.

   Aurrekoa gorabehera, LGENFk batera finantzatutako laguntzak ez dira bateragarriak izango Erkidegoko beste edozein finantza-tresnek kofinantzatutako beste edozein laguntzarekin.

2. Arau honen bidez laguntzaren onura jasotzen duten pertsonek edo erakundeek, une oro Landaren eta Itsasertzaren Garapeneko Zuzendaritzari jakinarazi beharko diote xede bererako beste dirulaguntza edo laguntza eta beste minimis laguntzarik jasotzen duten, bai ekitaldi fiskalean bai ordura arteko aurreko bietan.

1. Definizioa.

   Laguntza horren helburua da landa-biztanleriaren bizi-kalitatea hobetzeko beharrezkoak diren oinarrizko zerbitzuak eta ekipamendu banakatuak edo kolektiboak ezartzea.

2. Diruz lagun daitezkeen jarduera eta gastuak.

   1. Diruz lagundu daitezkeen jarduerak honakoak izango dira:

      Eraikuntzak eta lokalak eraiki eta egokitzea, eta, era berean, bizi-kalitate hobea ahalbidetzeko beharrezkoak diren ekipamenduak ezartzea. Ikus zentro sozialak, kulturalak, haurtzaindegiak, eguneko egoitzak, liburutegiak, erabilera anitzeko zentroak, kirol-instalazio eta -ekipamenduak, botikategiak, etab.

      Azken batean, helburua da oinarrizko zerbitzuak martxan jartze hori sustatzea. Hala nola, garraioa, gizarte-zerbitzuak, etxeko asistentzia, hezkuntza-zerbitzuak, osasun-zerbitzuak eta anbulantzia medikalizatuak. Horrez gain, mota guztietako ekipamenduez hornitu nahi dira (kulturalak, sozialak, kiroletakoak, asistentziakoak, aisialdikoak), bereziki nekazaritza-eremuko emakumeen ongizatea, menpeko pertsonena eta gazteena azpimarratuz.

      Oinarrizko azpiegiturak hobetzea, energia suministratzeko (elektrifikazioa, gasifikazioa, energia berriztagarriak, etab.), ura hornitzeko eta saneatzeko, telekomunikazioetarako.

      Neurri honetatik, ez zaie laguntzarik emango diru-sarrerak sortzen dituzten proiektu ekonomikoei. Izan ere, jarduera horiek «mikroenpresak sortzeko, handitzeko eta modernizatzeko laguntzako» 312 neurriak bermatuko ditu, LEADER ikuspegitik kudeatzen den neurriak.

   2. Diruz lagun daitezkeen gastuak honakoak izango dira:

      Proiektuak eta lanen zuzendaritza, diruz lagun daitekeen inbertsioaren % 10 gehienez.

      Urbanizazio-lanak burutzea.

      Eraikitze-lanak burutzea.

      Makinak.

      Tresneria.

      Altzariak.

      Informatika eta komunikaziorako ekipamendua, bai hardwarea bai softwarea.

      Bestelako azpiegiturak.

3. Onuradunak.

   Honako hauek izan ahalko dira laguntza horien onuradun: toki-erakundeak (zuzenean edo beren erakunde autonomiadunen bidez, enpresaren erakunde publikoak edo udal-sozietate publikoak), udalez gaindiko erakunde publikoak eta landa-garapeneko elkarteak.

4. Laguntzen zenbatekoa.

   Aurretik adierazitako laguntzak zuzeneko laguntzatzat joko dira, diruz lagun daitekeen inbertsioaren balioa % 100 izatera iristeko aukerarekin.

   Laguntzen aurrerakina ordaindu ahal izango da, ondoren azalduko diren baldintza eta salbuespenak kontuan hartuta:

   1. Onuradun publikoaren kasuan, aurrerakina udalerriei eta udalerrien elkarteei, eta zuzenbide publikoko erakundeei bakarrik ordaindu ahal izango zaie.

   2. Inbertsioaren guztirako kostuaren % 20 gainditzerik ez du izango aurrerakinaren zenbatekoak. Aurrerakina kitatzeko, bestalde, aurreratutako zenbatekoaren % 110aren pareko banku-bermea eratu beharko da.

   3. Onuradun publikoen kasuan, erakunde ordaintzaileak agintari eskudunak idatziz egindako bermea onartu ahal izango du. Bermeak, aurretik aipatutako ehunekoaren parekoa izan behar du, eta agintaritza horrek bermeak estalitako zenbatekoa ordaintzeko konpromisoa hartu beharko du, aurreratutako zenbatekorako eskubidea ezartzen ez bada. Inbertsiotik eratorritako gastu errealen zenbatekoak aurrerakinaren zenbatekoa gainditu duela egiaztatzen denean itzuliko da bermea.

5. Proiektuak hautatzerakoan lehentasuna emango zaie lanpostu gehiago sortuko dituztenei.

   Era berean, diruz lagun daitezkeen proiektu guztiek bat etorri beharko dute dagokien Eskualdeko Landa Garapenaren 2007-2013ko Planarekin.

6. Diruz lagun daitezkeen jarduerek bete egin behar dute, inolako salbuespenik gabe, EAEn indarrean dagoen ingurumen-araudia.

   Dirulaguntzaren xede diren lanak eta jarduerak garatzeko dokumentu teknikoek ingurumen-eragina zuzentzeko behar diren neurriak erantsiko dituzte.

1. Definizioa.

   Laguntza honen helburua da hondatutako biztanleguneak berreskuratzea eta hirigintza aldetik egokitzea.

2. Diruz lagun daitezkeen jarduera eta gastuak.

   1. Diruz lagun daitezkeen jarduerek landa-eremuetan hondatuta dauden guneak hirigintza aldetik egokituko dituzte, eta horretarako zolaketa, seinaleztapena, irisgarritasuna, argiak, lorategiak, hiri-altzariak eta horrelako hainbatez baliatuko dira.

      Neurri honetatik ez zaie laguntzarik emango diru-sarrerak sortzen dituzten proiektu ekonomikoei.

   2. Diruz lagun daitezkeen gastuak honakoak izango dira:

      Proiektuak eta lanen zuzendaritza, diruz lagun daitekeen inbertsioaren % 10 gehienez.

      Urbanizazio-lanak burutzea.

      Eraikitze-lanak burutzea.

      Altzariak.

      Bestelako azpiegiturak.

3. Onuradunak.

   Honako hauek izan ahalko dira laguntza horien onuradun: toki-erakundeak (zuzenean edo beren erakunde autonomiadunen bidez, enpresaren erakunde publikoak edo udal-sozietate publikoak), udalez gaindiko erakunde publikoak eta landa-garapeneko elkarteak.

4. Laguntzen zenbatekoa.

   Aurretik adierazitako laguntzak zuzeneko laguntzatzat joko dira, diruz lagun daitekeen inbertsioaren balioa % 100 izatera iristeko aukerarekin.

   Laguntzen aurrerakina ordaindu ahal izango da, ondoren azalduko diren baldintza eta salbuespenak kontuan hartuta:

   1. Onuradun publikoaren kasuan, aurrerakina udalerriei eta udalerrien elkarteei, eta zuzenbide publikoko erakundeei bakarrik ordaindu ahal izango zaie.

   2. Inbertsioaren guztirako kostuaren % 20 gainditzerik ez du izango aurrerakinaren zenbatekoak. Aurrerakina kitatzeko, bestalde, aurreratutako zenbatekoaren % 110aren pareko banku-bermea eratu beharko da.

   3. Onuradun publikoen kasuan, erakunde ordaintzaileak agintari eskudunak idatziz egindako bermea onartu ahal izango du. Bermeak, aurretik aipatutako ehunekoaren parekoa izan behar du, eta agintaritza horrek bermeak estalitako zenbatekoa ordaintzeko konpromisoa hartu beharko du, aurreratutako zenbatekorako eskubidea ezartzen ez bada. Inbertsiotik eratorritako gastu errealen zenbatekoak aurrerakinaren zenbatekoa gainditu duela egiaztatzen denean itzuliko da bermea.

5. Era berean, diruz lagun daitezkeen proiektu guztiek bat etorri beharko dute dagokien Eskualdeko Landa Garapenaren 2007-2013ko Planarekin.

6. Diruz lagun daitezkeen jarduerek bete egin behar dute, inolako salbuespenik gabe, EAEn indarrean dagoen ingurumen-araudia. Dirulaguntzaren xede diren lanak eta jarduerak garatzeko dokumentu teknikoek ingurumen-eragina zuzentzeko behar diren neurriak erantsiko dituzte.

1. Definizioa.

   Laguntza honen helburua da EAEko ondare historiko-monumentala, kulturala, etnografikoa eta naturala zaharberritzeko, mantentzeko eta hobetzeko jarduerak sustatzea.

2. Diruz lagun daitezkeen jarduera eta gastuak.

   1. Diruz lagundu daitezkeen jarduerak honakoak izango dira:

      Ondare historiko-kulturala mantentzea, zaharberritzea eta hobetzea: elizak, baserriak, monumentuak, idazkiak, frontoiak, bolatokiak, landa-tradizioak, etab.

      Nekazaritza-kulturaren ondarea osatzen duten elementu etnografikoak berreskuratzea.

      Natura-ondarea mantentzea, zaharberritzea eta hobetzea. Gainera, natur balio handiko inguruak garatzea; hala nola, karobiak, ikaztegiak, elementu megalitikoak, elurtegiak, etab.

      Aurreko guztiaren sentsibilizazio-ekintzak.

      Neurri honetatik ez zaie laguntzarik emango diru-sarrerak sortzen dituzten proiektu ekonomikoei.

   2. Diruz lagun daitezkeen gastuak honakoak izango dira:

      Proiektuak eta lanen zuzendaritza, diruz lagun daitekeen inbertsioaren % 10 gehienez.

      Urbanizazio-lanak burutzea.

      Zaharberritze-lanak burutzea.

      Altzariak.

      Bestelako azpiegiturak.

      Sustapen- eta hedapen-gastuak.

      Ikerketak.

3. Onuradunak.

   Laguntza horien onuradunak honakoak izan daitezke: bai erakunde publikoak (zuzenean edo beren autonomia-erakundeen, enpresaren erakunde publikoen edo udal-sozietate publikoen bidez), bai irabazi-asmorik gabeko erakunde pribatuak.

4. Laguntzen zenbatekoa.

   Aurretik adierazitako laguntzak zuzeneko laguntzatzat joko dira, diruz lagun daitekeen inbertsioaren balioa % 100 izatera iristeko aukerarekin.

   Laguntzen aurrerakina ordaindu ahal izango da, ondoren azalduko diren baldintza eta salbuespenak kontuan hartuta:

   1. Onuradun publikoaren kasuan, aurrerakina udalerriei eta udalerrien elkarteei, eta zuzenbide publikoko erakundeei bakarrik ordaindu ahal izango zaie.

   2. Inbertsioaren guztirako kostuaren % 20 gainditzerik ez du izango aurrerakinaren zenbatekoak. Aurrerakina kitatzeko, bestalde, aurreratutako zenbatekoaren % 110aren pareko banku-bermea eratu beharko da.

   3. Onuradun publikoen kasuan, erakunde ordaintzaileak agintari eskudunak idatziz egindako bermea onartu ahal izango du. Bermeak, aurretik aipatutako ehunekoaren parekoa izan behar du, eta agintaritza horrek bermeak estalitako zenbatekoa ordaintzeko konpromisoa hartu beharko du, aurreratutako zenbatekorako eskubidea ezartzen ez bada. Inbertsiotik eratorritako gastu errealen zenbatekoak aurrerakinaren zenbatekoa gainditu duela egiaztatzen denean itzuliko da bermea.

5. Lehentasunezko jarduerak dira lanpostu gehiago sortzen dituztenak, bereziki emakumeentzako lanpostuak.

   Era berean, diruz lagun daitezkeen proiektu guztiek bat etorri beharko dute dagokien Eskualdeko Landa Garapenaren 2007-2013ko Planarekin.

6. Diruz lagun daitezkeen jarduerek bete egin behar dute, inolako salbuespenik gabe, EAEn indarrean dagoen ingurumen-araudia.

   Dirulaguntzaren xede diren lanak eta jarduerak garatzeko dokumentu teknikoek ingurumen-eragina zuzentzeko behar diren neurriak erantsiko dituzte.

1. Diruz lagun daitezkeen jarduerek enpresak sortu, handitu eta modernizatuko dituzte. Horrez gain, jarduera ekonomikoetarako lurzorua eta instalaziorako lokalak prestatuko dituzte.

2. Diruz lagun daitezkeen gastuak honakoak izango dira:

   Proiektuak eta lanen zuzendaritza, diruz lagun daitekeen inbertsioaren % 10 gehienez.

   Urbanizazio-lanak burutzea.

   Eraikitze-lanak burutzea.

   Makinak.

   Tresneria.

   Altzariak.

   Informatika eta komunikaziorako ekipamendua, bai hardwarea bai softwarea.

   Bestelako azpiegiturak.

Laguntza horien onuradunak honakoak izan daitezke: bai erakunde publikoak (zuzenean edo beren autonomia-erakundeen, enpresaren erakunde publikoen edo udal-sozietate publikoen bidez), edota pribatuak, zein pertsona fisiko nahiz juridikoak.

1. Enpresetako inbertsio produktiboen kasuan, laguntzaren gehieneko zenbatekoa diruz lagundutako kostuaren % 35era irits daiteke. Laguntza horrek, betiere, 2006ko abenduaren 15eko 1998/2006 zenbakiko (EE) Erregelamenduan ezartzen dena errespetatu beharko du; minimis laguntzen Ituneko 87. eta 88. artikuluetan jasotzen den gehieneko muga, alegia.

2. Jarduera hori toki-erakunde edo tokiko ente publikoek eramaten badute aurrera, irabazi-asmorik gabe, laguntza diruz lagundutako kostuaren % 100era irits daiteke.

3. Kapitulu honen artikulazioan aurrerakinak emango dira egindako inbertsioek izaera ez-produktiboa dutenean soilik. Kasu horietan, aurretik azaldutako neurriei dagozkien baldintzak eta salbuespenak errespetatuko dira.

4. Era berean, diruz lagun daitezkeen proiektu guztiek bat etorri beharko dute dagokien Eskualdeko Landa Garapenaren 2007-2013ko Planarekin.

1. Kapitulu honen edukia ulertzeari begira, «lanpostuak sortzea» honela ulertuko da: establezimenduko lanpostu-kopuru garbia handitzea aurreko urteko batez besteko kopuruaren aldean. Beraz, aztertutako aldian itxuraz sortutako lanpostuei aldi horretan bertan ezabatutako lanpostuak kendu beharko zaizkie.

2. Lanposturako laguntza gisa hartuko dira soilik enpresa eskatzaileak azken hiru urteetan egindako inbertsioekin lotuta ez daudenak.

1. Inbertsioari lotuta ez dauden lanpostuak sortzea lortu nahiko da, eta hurrengoak izango dituzte helburu:

   1. besteen konturako langileak kontratatzea, aurretik lanik izan ez dutenak edo aurretik zeukatena galdu dutenak.

   2. beren kabuzko jarduerak sortzea, hau da, langile autonomoak jartzea edo gizarte ekonomiako araubide juridikoaren pean dauden enpresak sartzea sustatzen dutenak.

2. Emandako laguntza behin-behinekoa izango da, hau da, behin emango da sortutako lanpostu berri bakoitzeko.

1. Lanposturako laguntzak enpresek eta langabeek lortu ahalko dituzte. Enpresak lanpostu garbia sortzeko bideratuko dira laguntzak.

2. Ekintzen hartzaileak hurrengoak izango dira:

   1. Lan-merkatuan sartzeko zailtasunak dituzten kolektiboak.

   2. Langabezian dauden pertsonak.

Langile-gastuei dagokienez, ez da kontuan hartuko Euskal Autonomia Erkidegoko Aurrekontuek gehienez onartzen duten Euskal Administrazio Publikoaren zerbitzupeko langileentzat finkatutakoa baino handiagoa den ordainsari-igoerarik.

1. Enpresak sortuko duen lanpostu bakoitzeko emango den gehienezko dirulaguntza 5.591,88 eurokoa izango da, eta 6.010,12 euro artekoa denbora luzean langabezian egondakoak, familia-zama dituzten emakumeak edo elbarriak kontratatuz gero, beti ere gutxienez bost urteko kontratua egiten zaien bitartean.

   Nolanahi ere, laguntza horiek ezingo dute kontratatutako pertsonaren ordainsari gordinaren % 35 gainditu. Hau da, zergak eta Gizarte Segurantzari ordaindu beharrekoaren aurretik, errespetatu beharko dute Erregelamenduan (EE) jasotako gehieneko zenbatekoa, 2006ko abenduaren 15eko Batzordearen 1998/2006 Erregelamenduan (EE), «minimis» laguntzei Itunaren 87. eta 88. artikuluen aplikatzearen inguruan, jasotako zenbatekoa errespetatu beharko dute.

2. Artikulu honetan jasotzen da ez dela laguntzen aurrerapenik emango.

3. Era berean, diruz lagun daitezkeen proiektu guztiek bat etorri beharko dute dagokien Eskualdeko Landa Garapenaren 2007-2013ko Planarekin.

Laguntzak emango dira etxebizitza berriak urbanizatzeko eta jada eraikitakoak birgaitzeko, onuradunaren familia-unitatearen etxebizitza ohikoa eta iraunkorra denean.

1. Diruz lagun daitezkeen ekintzak honakoak izango dira:

   1. Eremuak urbanizatzea etxebizitza-sustapen kolektiboaren bidez (bi etxebizitza baino gehiago udal-ekimen publikotik, bai zuzenean udal-sozietate baten bidez, bai eta udalak lagundutako kooperatiben edo sustatzaile pribatuen bidez ere, udalarekin aldez aurretik adostutako hitzarmenari esker).

   2. Etxebizitza birgaitzea.

2. Diruz lagun daitezkeen gastuak honakoak izango dira:

   1. Proiektuak eta lanen zuzendaritza, diruz lagun daitezkeen inbertsioaren gaineko gehienezko % 10eko mugarekin.

   2. Urbanizazio-lanak burutzea.

   3. Birgaitze-lanak burutzea.

Laguntza horien onuradunak honakoak izan daitezke: bai erakunde publikoak (zuzenean edo beren autonomia-erakundeen, enpresa erakunde publikoen edo udal-sozietate publikoen bidez), edota pribatuak zein pertsona fisiko nahiz juridikoak.

1. Kapitulu honetan aurreikusitako laguntzak diruz lagun daitekeen kostu osoaren % 100era iritsi daitezke, ekimena entitate publiko batek aurkezten badu. Birgaitze kasuetan, eta ekimena pribatua denean, laguntzek ezingo dute kostu horren % 35 gainditu.

   Hala ere, errespetatu beharko dute Erregelamenduan (EE) jasotako gehieneko muga, 2006ko abenduaren 15eko Batzordearen 1998/2006 «minimis» laguntzei Itunaren 87. eta 88. artikuluen aplikatzearen ingurukoa.

2. Laguntzen aurrerakinak ordaindu ahal izango dira, ondoren azalduko diren baldintzak eta salbuespenak kontuan hartuta:

   1. Onuradun publikoa bada, aurrerakinak emango dira soilik udalerrietarako eta udalerrietako elkarteetarako eta zuzenbide publikoko erakundeetarako.

   2. Aurrerakina ezingo da izan inbertsio guztiaren % 20 baino handiagoa, eta hori jaso ahal izateko, aurreratutako kopuruaren % 110ari dagokion banku-bermea jarri beharko da.

   3. Onuraduna publikoa denean, ordaintzen dion erakundeak horren agintea bermatzen duen idatzi bat onartu ahal izango du, indarrean dauden xedapenen arabera, eta aurretik aipatutako ehunekoaren baliokidea izango da; betiere, agintari hori bermatzen den diru-kopurua emateko prest badago, aurrerakina jasotzeko eskubiderik ez bazaio eman onuradun publikoari. Inbertsiotik eratorritako gastu errealen zenbatekoak aurrerakinaren zenbatekoa gainditu duela egiaztatzen denean itzuliko da bermea.

3. Era berean, diruz lagun daitezkeen proiektu guztiek bat etorri beharko dute dagokien Eskualdeko Landa Garapenaren 2007-2013ko Planarekin.

1. Euskal Autonomia Erkidegoko Herriogasuntza Nagusiaren Antolarauei Legearen 52. artikuluan eta abenduaren 17ko 698/1991 Dekretuan aurreikusten denaren arabera, Itsasmendikoi, S.A. sozietate publikoa erakunde-laguntzailea izendatu dute.

2. Erakunde-laguntzailearen betebeharrak honakoak dira:

   1. Eskatzaileek egindako eskaerak jasotzea eta tramitatzea.

   2. Balorazio batzordean parte-hartzea.

   3. Landaren eta Itsasertzaren Garapeneko Zuzendaritzak emandako laguntzen kudeaketaren inguruko jarduerak egiaztatzea.

   4. Erakunde-laguntzaileak Nekazaritza, Arrantza eta Elikadura Sailaren izenean eta kontura jardungo du, ondorio denetara, dekretu honek aipatzen dituen laguntzekin.

3. Erakunde-laguntzailea landa garapenerako elkarteekin elkarlanean arituko da, Landaren eta Itsasertzaren Garapeneko Zuzendaritzaren baimenarekin.