Liburutegi Zerbitzua

Onura publikoko elkarteen ekonomia-ekitaldia beren estatutuetan ezarritakoa izango da eta berariazko aipamenik egon ezean urte naturala izango da.

Onura publikoko elkarteen kontularitza-jarduerak Kontularitzako Plan Orokorreko arauei eutsiko die, irabazi asmorik gabeko erakundeei dagokienez.

Merkataritza Kodearekin bat etorriz, urteko diru-kontuen barruan honako hauek sartuko dira: Balantzea, galeren eta irabazien Kontua eta Memoria. Dokumentu horiek halako batasun bat osatzen dute.

1. – Onura publikoko elkarteen ardurapean egongo da Inbentario eta Urteko Diru-kontuen Liburua, bai eta Aurrekontu-liburua, Akta-liburua eta Eguneko Liburua ere. Halaber, beste liburu osagarri batzuk ere hartuko dituzte euren ardurapean, beharrezko jotzen badute, erabiltzen duten kontabilitateko sistemaren arabera.

2. – Inbentarioen Liburua eta Urteko Diru-kontuen Liburua elkartearen hasierako ondarea osatzen duten ondasunen inbentarioarekin batera zabalduko da eta, bertan, elkartearen ondasun eta eskubideen sarrerak eta irteerak, balorazioa eta ekonomia ekitaldi bakoitza ixterakoan dagoen egoeraren balantzeak jasoko dira.

3. – Aurrekontuen Liburuak, alde batetik, urtero hurrengo ekitaldirako egiten den gastu eta diru-sarrera aurrekontua jasoko du eta, beste aldetik, dagokion aurrekontuaren likidazioa.

4. – Eguneko liburuaren eta Akta-liburuaren idazpenak Merkataritza Kodean aurreikusitakoari jarraituz egingo dira.

Onura publikoko elkarteek gordeko dituzte liburuak eta osagarriak, sei urteko epean gutxienez. Liburu horiek, erregistroak eta kontabilitateko idazpenen frogagiriak Babesletzaren esku jarriko dira horrek hala eskatzen duenean.

1. – Erabilera publikoko elkarteek, ekainaren 22ko 7/2007 Legearen 44.1 artikuluan ezarritakoarekin bat etorriz, Euskal Autonomia Erkidegoko Elkarteen Errolda Nagusiaren aurrean aurreko ekitaldiko urteko diru-kontuak aurkeztu beharko dituzte, ekitaldi horretan egindako jarduerak deskribatzen dituen memoria batekin batera. Horretarako, sei hilabeteko epea izango dute, ekitaldiaren bukaeratik zenbatzen hasita.

2. – Urteko diru-kontuekin batera honako hauek aurkeztu beharko dira:

   1. Elkarteko lehendakariak izenpetutako eskabidea. Bertan, kontuak auditatu beharra dagoen ala ez adierazi beharko da, kontu-ikuskaritzari buruzko Legean edo Erregelamendu honetan aurreikusitako kasuen arabera.

   2. Urteko kontuak onesten dituen Biltzar Orokorraren erabakia dela-eta idazkariak emandako akta edo ziurtagiria, lehendakariaren oniritzia duena. bertaratutakoen ehunekoa eta bozketaren emaitza adierazita. Aipatu beharko da, halaber, onetsitako diru-kontuak bat datozela auditatu beharra dagoen kasuetan auditatu diren kontuekin (kasu horretan, ikuskaritza-txostena ere erantsiko da).

3. – Agiriak aurkeztu eta hiru hilabeteko epean Babesletzak egiaztatu egingo du Erregistroan aurkeztutako agiriak ekainaren 22ko 7/2007 Legearen 44. artikuluan eskatutakoak diren ala ez, organo eskudunak behar bezala onartuta dauden eta lehendakariaren eta idazkariaren ezinbesteko sinadurak dauden. Aurkeztutako agirien azterketa aldekoa bada, erregistratu egingo dira agiriak, edo Euskal Autonomia Erkidegoko Elkarteen Errolda Nagusian gordailutuko.

Jardueren urteko memoriak behar beste azalpen izan beharko ditu, hain zuzen ere elkartearen xedeak bete diren eta aplikatu beharreko arauak ezagutzeko eta egiaztatzeko. Memorian gutxienez honako hauek azaldu beharko dira:

1. Ekitaldian zehar burututako jarduerak eta gauzatzerakoan izan diren baldintzak eta inguruabarrak.

2. Gobernu-organoko kideetan egindako aldaketak.

3. Nola lagundu den interes orokorra edo guztion ongia lortzen, eskuzabaltasun, altruismo, elkartasun eta pluraltasunez nabarmen jokatuz.

4. Elkartearen finantzaketa-taula, jasotako diru-sarreren jatorria –publikoa nahiz pribatua–, zenbatekoa, zertarakoa eta aplikazioa zehatz eta behar bezala bereizirik adierazten dituena.

5. Era berean, aurrera eramandako jarduera ekonomikoen erabiltze- eta zorpetze-egintzak adierazi beharko dira, bai eta hitzartutako kreditu-eragiketenak eta elkarteak burututako jarduera ekonomikoenak ere.

6. Aurrekontuaren likidazioa.

7. Gobernu-organoko kideek jasotzen dituzten ordainsariak, hain zuzen ere, organo horretako kide izateagatik dagozkien funtzioez besteko zerbitzuak egiteagatik ematen zaizkienak.

8. Oro har, elkartearen helburuak eta indarrean dagoen legeria betetzeari buruzko beste edozein kontu.

1. – Aurreko artikuluan aurreikusitako urteko memoriaren ordez Memoria bakarra erabili ahal izango da, hala aurreikusita baitago Kontularitzako Plan Orokorra irabazi-asmorik gabeko erakundeetara egokitzeko arauetan.

2. – Memoria bakar horretan jasota egongo da nola kudeaketa ekonomikoari buruzko informazioa hala elkartearen jarduerei buruzkoa, baina, hala ere, elkarteek gehiago zehaztu ahal izango dituzte beren jarduerak, erantsitako agiri batean.

1. – Garrantzi ekonomikoa duten onura publikoko elkarteek kanpoko kontu-ikuskaritza jasan beharko dute, kontu-ikuskaritza arautzen duen Legean eta legea garatzen duten arauetan ezarritakoaren arabera.

2. – Bi urtetan, bata bestearen ondoan, ondoren adierazten diren ezaugarrietako bi dauzkaten elkarteak izango dira garrantzi ekonomikoa dutenak:

   1. Elkarteko ondarearen balioa 2.000.000,00 eurokoa edo hortik gorakoa izatea. Elkartearen egoera-balantzean agertzen den aktiboaren diru-zenbateko osoa izango da ondarea, ekitaldia amaitzen den egunean betiere.

   2. Elkarteak kudeatutako jardueren bolumena 3.000.000,00 eurokoa edo gorakoa izatea, hau da, fundazioaren ohiko jarduerengatik emaitza-kontuko hartzekoan agertzen diren elkartearen diru-sarreren urteko kopuru garbia.

   3. Berez enpresa jarduerak burutzea edo bazkideen erantzukizun mugatua duen edozein elkartetan % 5etik gorako partaidetza izatea.

   4. Pertsona onuradunek ordaindutako zerbitzuen kopurua edo bolumena elkarteak egindakoak baino askoz handiagoak izatea.

   5. Ekonomia-ekitaldian zehar enplegatutako langileen batez besteko kopurua 50etik gorakoa izatea.

3. – Sozietate anonimoak kontu-ikuskaritza egitera behartzen dituzten ezaugarriak dituzten onura publikoko elkarteak, nolanahi ere, garrantzi ekonomikoa duten onura publikoko elkartetzat joko dira.

1. – Kontu-ikuskariek egindako txostenak, gutxienez, honakoak jaso beharko ditu:

   1. Kontabilitatearen eta urteko kontuen bidez egiaztatutako lege- edo estatutu-arauen ustezko hauspenei buruzko oharrak.

   2. Ea beren iritziz urteko kontuek argi adierazten duten zenbatekoa duen elkarteak ondarea, zenbatekoak dituen emaitzak eta nolakoa den bere finantza-egoera.

   3. Kontularitzatik edo aurkeztutako urteko kontuetatik ondorioztatu ote daitekeen, ikuskarien iritziz, elkarteak kudeaketa ekonomiko txukuna eta gardena eramaten duela.

2. – Elkartea kanpoko kontu-ikuskaritza egitera behartuta dagoenean, Erregistroan aurkeztu beharko da kontu-ikuskariek ematen duten txostena, ikuskapenaren gai diren kontuekin batera, Babesletzak azter dezan.

1. – Babesletzak, besteak beste, eginkizun hauek ditu: batetik, onura publikoa aitortzeko oinarritzat hartu ziren baldintzak betetzen direla bermatzea, eta bestetik, onura publikoko elkarteek aurkeztutako dokumentazioaren jarraipena egitea.

2. – Babesletzak, elkarteek beren eginbeharrak betetzeari buruzko informazio-espedientea hasaraziko du, honako hauek egiaztatu edo susmatzen direnean:

   1. Kontuak behin eta berriro ez aurkeztea.

   2. Elkartearen ekonomia-kudeaketan irregulartasunak sortu direnean.

   3. Elkartearen helburu interes orokorrekoak eta benetan burututako jarduerak bat ez datozenean.

   4. Elkarteak inolako jarduerarik ez duenean.

   5. Legeek edo elkartearen estatutuek ezartzen dituzten eginbeharrak ez betetzea.

3. – Babesletzak espediente hori hasarazteko ematen duen ebazpenak zehaztuko ditu informazio-eginbideak egiteko modua, baldintzak eta epea.

1. – Informazio-eginbideen prozedura elkarteko lehendakariari jakinarazten zaion egunaren biharamunean hasi eta sei hilabeteko epean amaitu beharko da.

2. – Hala eta guztiz ere, epe hori luzatu ahal izango da honakoak geratzen direnean:

   1. Elkartearen ondareagatik, kudeatutako jardueren kopuruagatik, enpresa-jarduerak egiteagatik edo merkataritza-elkarteetan esku hartzeagatik informazio-eginbideak egitea bereziki nahaspilatsua gertatzen denean.

   2. Eginbide horiek burutzen diren bitartean espedientea irekitzea eragin dutenak ez diren beste gertaera batzuk antzematen direnean.

Informazio-eginbideak, eta oro har espediente hau ahalik eta ondoen izapidetzeko burutu beharreko jarduerak, Justizia, Lan eta Gizarte Segurantza Sailari atxikitako langileek egingo dituzte. Baina Eusko Jaurlaritzako beste Sailetako funtzionarioen eta kanpoko aholkulari eta kontsultarien laguntza izan dezakete jarduera horiek egiteko.

1. – Informazio-eginbideak burutu eta gero, ondorioztatzen bada aztarnek ez dutela oinarririk edo egiaztatzen ez bada espedientea irekitzea eragin zuten gertaerak benetan halakoak izan zirela, informazio-espedientea artxibatzen duen ebazpena emango da, eta elkarte interesatuari jakinaraziko zaio horren berri.

2. – Burututako eginbideak ikusirik, onura publikoaren aitortza eragin zuten baldintzak aldi batean betetzen ez badira, edo berezko betebeharrak modu arinean edo une jakin batean betetzen ez badira, edo bere funtzionamenduan edo bere jardueretan nahi gabeko irregulartasun bat gertatzen bada, Babesletzak elkarteari eskatu ahal izango dio behar diren neurriak har ditzala, zuzendu beharrekoa zuzentzeko, dela hutsa, dela ez-betetzea edo dela irregulartasuna.

3. – Baina informazio-espedientetik ondorioztatzen bada ez dela egiaztatzen onura publikoaren aitortza eragin zuten baldintzak oraindik betetzen direla, edo horrelako elkarteek dituzten eginbeharrak modu larrian eta behin eta berriro ez dituztela betetzen, edo oro har, irregulartasun larriak eta etengabeak antzematen badira beren funtzionamenduan edo jardueretan, informazio-espedienteari bukaera emateko ebazpena emango da, eta berehalaxe irekiko da onura publikoaren aitortza ezeztatzeko prozedura.