Euskadiko Bioetika Batzordea sortu da. Kide anitzekoa, burujabea eta aholku-emailea izango da organo hori.

Euskadiko Bioetika Batzordearen helburua da Euskal Autonomia Erkidegoko Osasun Administrazioari eta komunitate zientifikoari Biomedikuntza eta Osasun Zientzien inplikazio etiko eta sozialekin zerikusia duten gaietan laguntzea eta bioetikaren inguruko eztabaidan erreferentzia-foro izatea.

Euskadiko Bioetika Batzordea Ikerlan eta Garapen Sanitarioko Zuzendaritzari edo, Osasun Sailaren egitura organiko edo funtzionalaren arabera, eskumena duen organoari adskribatuko zaio.

1. ¿ Honako hauek dira Euskadiko Bioetika Batzordearen egitekoak:

   1. Biomedikuntzaren eta Osasun Zientzien inplikazio etiko eta sozialen inguruan garrantzitsutzat jotzen dituen gaiei buruzko txostenak eta proposamenak egitea, bai eta aholkuak ematea ere.

   2. Medikuntzan, bizitzaren zientzietan eta horiei lotutako teknologietan dauden aurrerapenak baloratzea, eta etikaren ikuspegitik dauden arriskuen kudeaketarekin zerikusia duten txostenak egitea eta aholkuak ematea.

   3. Euskal gizartean Bioetikaren inguruko eztabaida, heziketa eta sentsibilizazioa garatzen laguntzea, eta euskal gizartearen parte-hartzea sustatzea.

   4. Jarduteko aholkuak eta protokoloak ematea. Helburua: Osasun Administrazioari eta osasunaren alorreko profesionalei laguntzea printzipio eta balore etikoak errespetatzen, bai jarduera asistentzialean, bai irakaskuntza- eta ikerketa-jardueran.

   5. Aholkuak, irizpideak eta arauak aztertzea, baloratzea eta ematea, inplikazio etiko garrantzitsua duen edo giza-duintasunari ¿ikuspegi sozial eta juridikotik, eta ingurumenaren ikuspegitik¿ eragiten dion edozein gairen inguruan.

2. ¿ Euskadiko Bioetika Batzordeak bai bere ekimenez, bai honako hauek guztiek eskatuta jardungo du: Eusko Jaurlaritzaren Kontseiluak, Osasun sailburuak, eta Euskadin akreditatutako Ikerketako Etika Batzordeek eta Laguntza Batzorde Etikoek.

3. ¿ Euskadiko Bioetika Batzordearen txosten, proposamen, aholku eta gainerakoak argitaratzea posible izango da, jendeak horien guztien berri izan dezan.

4. ¿ Euskadiko Bioetika Batzordeak elkarlanean jardungo du beste batzorde batzuekin, baldin eta bere jarduera-eremua osatzen duten funtzio aholku-emaile antzekoak badituzte.

1. ¿ Batzordeak, gehienez, hamazazpi kide izango ditu; mundu zientifikoan edo juridikoan prestakuntza egiaztatua duten eta bioetikaren inguruko gaietan interesa duten pertsonek aukeratuko dituzte kide horiek guztiak, eta eremuen artean ahalik eta orekarik handiena lortzeko ahalegina egingo da.

2. ¿ Kideak Osasun sailburuak izendatuko ditu; honako irizpide hauek izango dira kontuan:

   1. Kide bat, Eusko Jaurlaritzaren Lehendakariordetzak proposatuta.

   2. Hiru kide, Euskadiko Osasun Sistemako profesionalen artean aukeratutakoak.

   3. Hiru kide, Euskadiko Ikerketako Batzorde Etikoetako kideen artean aukeratutakoak.

   4. Hiru kide, Euskadiko Laguntza Etikoko Batzordeetako kideen artean aukeratutakoak.

   5. Hiru kide, Unibertsitatekoak.

   6. Medikuntzaren arloan diharduen profesional bat, Euskadiko Medikuen Kontseiluak aukeratuta.

   7. Erizaintzaren arloan diharduen profesional bat, Euskadiko Erizaintzako Elkargoek aukeratuta.

   8. Farmaziaren alorrean diharduen profesional bat, Euskadiko Farmazeutikoen Kontseiluak proposatuta.

   9. Legelari bat, Legekarien Euskal Kontseiluak proposatuta.

3. ¿ Batzordearen kideen artean izendatuko da lehendakaria.

4. ¿ Izendapen hori Euskal Herriko Agintaritzaren Aldizkarian argitaratuko da.

1. ¿ Batzordea koordinatzeko zeregina Ikerlan eta Garapen Sanitarioko zuzendariari dagokio; laguntza teknikoa eta administratiboa emango dio batzordeari bere egitekoak burutzerakoan.

2. ¿ Ikerlan eta Garapen Sanitarioko zuzendariak izendatuko du Batzordearen idazkaria, pertsonal teknikoaren artetik aukeratuta. Idazkari horrek hitz egiteko eskubidea izango du; ez, ordea, botoa emateko eskubiderik.

Batzorde batekoa izateagatik ez da inolako ordainsaririk jasoko; baina horrek ez du esan nahi zerbitzua dela-eta indarreko araudian ezarritako kalte-ordainik jasotzerik izango ez denik.

Batzordeak berak onartuko ditu bere barne-funtzionamenduko arauak, kide anitzeko organoen funtzionamendua arautzen duten xedapen orokorretan ezarritakoaren arabera.