Liburutegi Zerbitzua

Dekretu honen xedea da Eusko Jaurlaritzan xedapen orokorren proiektuak egiteko prozeduraren barruan Kultura Sailak txostenak bideratzeko bete behar duen araudia ezartzea.

1. ¿ Kultura Sailari dagokio behar diren txostenak ematea, nahitaez, Euskal Autonomia Erkidegoaren Administrazio Orokorrean egiten diren xedapen orokorren proiektuen gainean.

2. ¿ Txosten horien helburua da dekretu honen 1. artikuluan aipatutako xedapen orokorrek zein eragin duten euskararen erabileraren normalizazioan eta hizkuntza arloan indarrean dagoen araudia betetzen duten ala ez argitzea..

1. ¿ Entzunaldian jasotako alegazioak direla-eta xedapen-proiektua aldatu egin baldin bada, aldaketa horren ostean eskatu beharko da txostena, eta betiere Kontrol Ekonomikoko Bulegoaren txostena eskatu aurretik.

2. ¿ Aurreko paragrafoan adierazitako txostena 10 eguneko epean bideratu beharko da. Epe hori igaro eta txostenik eman ez bada, jarduketekin aurrera egingo da.

Kultura Sailaren txostenari dagokionez, xedapen orokorraren proiektuaren izapideak bere gain dituen organoak honako agiri hauek bidali behar ditu txosten-eskariarekin batera:

1. proiektuaren testua;

2. halakorik badago, euskararen erabileraren normalizazioari buruz eta proiektuak edo aurreproiektuak hizkuntza arloan indarrean dagoen araudia betetzeari buruz entzunaldian jasotako alegazioak;

3. halakorik badago, aurreko b) letran aipaturiko alegazioen gaineko txostena, non beren-beregi arrazoitu behar den zergatik ez diren alegaziook onartzen.