Arautegia

Inprimatu

190/2003 DEKRETUA, uztailaren 29koa, Herrizaingo Sailaren egitura organikoa eta funtzionala ezartzeko dekretua bigarrenez aldatzen duena.

Identifikazioa

Lurralde-eremua: Autonomiko
Arau-maila: Dekretua
Organo arau-emailea: Herrizaingo Saila
Jadanekotasuna-egoera: Indargabetua

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 164
Hurrenkera-zk.: 4765
Xedapen-zk.: 190
Xedapen-data: 2003/07/29
Argitaratze-data: 2003/08/25

Gaikako eremua

Gaia: Administrazioaren antolamendua
Azpigaia: Gobernua eta herri administrazioa; Sailak

Deskribapenak

Testu legala

Aurkibidea erakutsiAurkibidea ezkutatu

- XEDATU DUT :
  - Lehenengo artikulua ¿ Herrizaingo Sailaren egitura organikoa eta funtzionala ezartzeko Dekretuaren, hau da, urriaren 19ko 358/1999 Dekretuaren 18. artikuluko hirugarren paragrafoko d) letrakoa aldatu egiten da, zeinak ondorengo idazketa izango baitu aurrerantzean:
  - Bigarren artikulua ¿ Herrizaingo Sailaren egitura organikoa eta funtzionala ezartzeko Dekretuaren, hau da, urriaren 19ko 358/1999 Dekretuaren 17. artikuluko laugarren idatz-zatia eta 14. artikuluko lehen idatz-zatiko o) letrakoa kendu egiten dira.
- AZKEN XEDAPENAK
  - Lehenengoa. Dekretu hau garatzeko beharrezkoak diren xedapenak emateko ahalmenak ematen zaizkio Herrizaingo sailburuari.
  - Bigarrena. Euskal Herriko Agintaritzaren Aldizkarian argitaratzen den egunean hartuko du indarra dekretu honek.

Urriaren 19ko 358/1999 Dekretuaren bitartez (1999/10/28ko EHAA) Herrizaingo Sailaren egitura organikoa eta funtzionala ezarri zen, zeina abenduaren 26ko 369/2001 Dekretuaren bitartez aldatu egin baitzen (2001/12/28ko EHAA).

Indarrean dagoen egituraren arabera, Segurtasun Sailburuordetzari atxikitako lan-kontratuko langileen kudeaketa aipatu sailburuordetzaren menpeko zenbait zuzendaritzari esleitzen zaie. Eta 358/1999 Dekretua onartu zenetik hona hartutako esperientziarekin bat, komenigarritzat jotzen da aipatu ohiko kudeaketa arrazionalizatzea, Giza Baliabideen Zuzendaritzari esleituaz, betiere Zerbitzu Zuzendaritzari dagozkion funtzioei kalterik egin gabe, izan ere, funtzio horiek ez baitira aldatzen.

Herrizaingo sailburuak proposaturik, Lehendakaritzak onarturik, eta Jaurlaritzaren Kontseiluak, 2003ko uztailaren 29an egindako bileran, eztabaidatu eta onartu ondoren,

XEDATU DUT :

Lehenengo artikulua ¿ Herrizaingo Sailaren egitura organikoa eta funtzionala ezartzeko Dekretuaren, hau da, urriaren 19ko 358/1999 Dekretuaren 18. artikuluko hirugarren paragrafoko d) letrakoa aldatu egiten da, zeinak ondorengo idazketa izango baitu aurrerantzean:

"d) Segurtasun Sailburuordetzaren organoei atxikitako lan-kontratuko langileen ohiko kudeaketa egitea; bateragarritasun-espedienteak ebaztea; derrigorrezko erretiroak eta ezintasun fisikoengatikoak aitortzea; diziplina-ahalmenez, kaleratzeko ahalmenaz izan ezik, baliatzea; lizentziak eta baimenak ematea; eta aipatu lan-kontratuko langileen lanpostuen zerrenda proposatzea Zerbitzu Zuzendaritzari. "

Bigarren artikulua ¿ Herrizaingo Sailaren egitura organikoa eta funtzionala ezartzeko Dekretuaren, hau da, urriaren 19ko 358/1999 Dekretuaren 17. artikuluko laugarren idatz-zatia eta 14. artikuluko lehen idatz-zatiko o) letrakoa kendu egiten dira.

AZKEN XEDAPENAK

Lehenengoa. Dekretu hau garatzeko beharrezkoak diren xedapenak emateko ahalmenak ematen zaizkio Herrizaingo sailburuari.

Bigarrena. Euskal Herriko Agintaritzaren Aldizkarian argitaratzen den egunean hartuko du indarra dekretu honek.

Vitoria-Gasteizen, 2003ko uztailaren 29an.

Lehendakaria,

JUAN JOSÉ IBARRETXE MARKUARTU.

Herrizaingo sailburua,

JAVIER BALZA AGUILERA.