Arautegia

Inprimatu

9/2003 DEKRETUA, urtarrilaren 28koa, Eusko Jaurlaritzaren Madrilgo Ordezkaritza sortu eta arautzen duena.

Identifikazioa

Lurralde-eremua: Autonomiko
Arau-maila: Dekretua
Organo arau-emailea: Jaurlaritzaren Lehendakaritza
Jadanekotasuna-egoera: Indargabetua

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 26
Hurrenkera-zk.: 763
Xedapen-zk.: 9
Xedapen-data: 2003/01/28
Argitaratze-data: 2003/02/07

Gaikako eremua

Gaia: Administrazioaren antolamendua
Azpigaia: Gobernua eta herri administrazioa; Sailak

Deskribapenak

Testu legala

Aurkibidea erakutsiAurkibidea ezkutatu

- XEDATU DUT :
- XEDAPEN IRAGANKORRAK
  - Lehenengoa. Eusko Jaurlaritzaren Madrilgo Ordezkaritzak bere jardunerako behar dituen giza-baliabide eta materialak izango ditu.
  - Bigarrena. Kanpo Harremanetarako Idazkaritza Nagusiari ahalmena ematen zaio Eusko Jaurlaritzaren Madrilgo Ordezkaritza abian jartzeko behar diren neurriak hartzeko.
- AZKEN XEDAPENAK
  - Lehenengoa. Ogasun eta Herri Administrazio Sailak beharrezko diren aurrekontu-eragiketak egingo ditu dekretu honetan xedatutakoa betetzeko.
  - Bigarrena. Dekretu hau Euskal Herriko Agintaritzaren Aldizkarian argitaratu, eta biharamunean jarriko da indarrean.

Euskadi kanpoan ordezkatu eta ezagutarazteko politika Jaurlaritzaren Lehendakaritzari izendatu zitzaion uztailaren 16ko 7/2001 Dekretuaren 4 e) artikuluan. Dekretu horrek, bestalde, Euskal Autonomia Erkidegoaren Administrazioko sailak sortu, ezabatu eta aldatu, eta horien egitekoak eta jardun-arloak finkatu zituen.

Kanpo Harremanetarako Idazkaritza Nagusia lehendakariari Euskal Autonomia Erkidegoaren kanpo harremanetarako estrategia politiko-instituzionala zehazten eta zuzentzen lagunduko dion organoa da, eta lehendakariaren mendeko zuzen eta hierarkikoa. Hala agintzen da Jaurlaritza-Lehendakaritzaren egitura organikoa eta egitekoak finkatu zituen urtarrilaren 29ko 27/2002 Dekretuaren 13. artikuluan.

Eusko Jaurlaritza eskualde, Estatu eta Estatuz kanpoko instituzioekin harremanetan jartzeko bideak ezarri eta koordinatzeko egitekoak dakartza ahalmen horrek. Ekintza horiek burutzeko egoki iritzi zaio Eusko Jaurlaritzaren ordezkaritza bat Madrilen ezartzeari. Izan ere, Estatuko Gobernuaren eta lurralde-ordezkaritza duten instituzio batzuen egoitzak hor egoteaz gain, ekonomia eta kultur arloetan jarduera-gune kualifikatua da Madril.

Adierazitakoagatik, Jaurlaritzari buruzko ekainaren 30eko 7/1981 Legeko 8 c) artikuluak eta uztailaren 16ko 7/2001 Dekretuaren 4. artikuluak ematen dizkidaten ahalmenak erabiliz, Jaurlaritzaren Kontseiluak 2003ko urtarrilaren 28an egindako bilkuran aztertu eta onartu ondoren, hauxe

XEDATU DUT :

1. artikulua ¿ Sorrera.

Eusko Jaurlaritzaren Madrilgo Ordezkaritza sortzen da, Kanpo Harremanetarako Idazkaritza Nagusiaren barruan.

2. artikulua ¿ Xedea.

Eusko Jaurlaritzaren ordezkaritza instituzionala egitea eta euskal errealitatea Madrilen ezagutaraztea da Eusko Jaurlaritzaren Madrilgo Ordezkaritzaren helburua.

3. artikulua ¿ Egitekoak.

¿ Eusko Jaurlaritzaren Madrilgo Ordezkaritza Kanpo Harremanetarako idazkari nagusiaren mendeko zuzen eta hierarkikoa da, eta hala jardungo du. Oro har, egiteko hauek dagozkio:
1. Eusko Jaurlaritzaren interesak ordezkatzea Estatuko hiriburuan.
2. Lehendakariari, Eusko Jaurlaritzako gainerako kideei eta Autonomia Erkidegoko Administrazioko langileei laguntzea, Madrilen egin beharreko egitekoak garatzen.
3. Eusko Jaurlaritzaren lan instituzionalari dagozkion jarduerak bideratzea Estatuko Administrazioan.
4. Madrilen ordezkaritzak dituzten autonomia erkidegoetako ordezkaritzekin eta Europako eskualdeekin hartu-emanak izatea.
5. Kanpo Harremanetarako Idazkaritza Nagusiarekin koordinatuta, Euskal Autonomia Erkidegoari eragiten dioten Europar Batasuneko politikei segimendua egitea, batez ere Europako Parlamentuak eta Europako Batzordeak Madrilen dituzten ordezkaritza-bulegoekin hurbileko harremanak izanez.
6. Kanpo Gaietako Ministerioarekin hartu-emanak izanez, Estatuko Gobernuaren kanpo-politikaren gaineko segimendua egitea. Eta guzti hori, beti ere, Eusko Jaurlaritzaren atzerri-ekintzak erraztu eta hobetzearren, ondoren zehaztutako jardueretan: Estatuaren atzerri-ekintzaren alorrean Euskadiko interesei eragiten dieten jardueretan.
7. Eusko Jaurlaritzaren politikak eta jarduerak Madrilgo komunikabideetan hedatzeko laguntza ematea.
¿ Eusko Jaurlaritzaren Madrilgo Ordezkaritzak azpiegitura eta laguntza materiala eskainiko die euskal barrutietan hautatutako diputatu eta senatariei eta Autonomia Erkidegoak izendatutako senatariei.
Halaber, laguntza-gune izango da Euskal Autonomia Erkidegoko entitate publiko eta pribatuek eta Estatuko instituzioek Madrilen egiten dituzten bileretarako.

4. artikulua ¿ Eusko Jaurlaritzaren Madrilgo ordezkaria.

¿ Eusko Jaurlaritzaren Madrilgo Ordezkaritzako titularrak zuzendari maila izango du, ekainaren 30eko 7/1981 Legean aurreikusitako ondorioetarako.
¿ Ordezkaritzaren jardute-eremuaren barruan, Euskadiren Madrilgo Ordezkaritzaren titularra kontratazio-organo izango da, hamabi mila (12.000) eurora arteko zenbatekoetarako. Halaber, indarrean den ordenamendu juridikoak kontratazio-organoei izendatzen dizkien ahalmenak izango ditu, gastu-baimena barne.

XEDAPEN IRAGANKORRAK

Lehenengoa. Eusko Jaurlaritzaren Madrilgo Ordezkaritzak bere jardunerako behar dituen giza-baliabide eta materialak izango ditu.

Bigarrena. Kanpo Harremanetarako Idazkaritza Nagusiari ahalmena ematen zaio Eusko Jaurlaritzaren Madrilgo Ordezkaritza abian jartzeko behar diren neurriak hartzeko.

AZKEN XEDAPENAK

Lehenengoa. Ogasun eta Herri Administrazio Sailak beharrezko diren aurrekontu-eragiketak egingo ditu dekretu honetan xedatutakoa betetzeko.

Bigarrena. Dekretu hau Euskal Herriko Agintaritzaren Aldizkarian argitaratu, eta biharamunean jarriko da indarrean.

Vitoria-Gasteizen, 2003ko urtarrilaren 28an.

Lehendakaria,

JUAN JOSÉ IBARRETXE MARKUARTU.