Arautegia

Inprimatu

19/2001 DEKRETUA, irailaren 17koa, lehendakariarena, Euskal Autonomia Erkidegoaren Administrazioko sailak sortu, ezabatu eta aldatu eta horien egitekoak eta jardun-arloak finkatu zituen Dekretua aldatzekoa.

Identifikazioa

Lurralde-eremua: Autonomiko
Arau-maila: Dekretua
Organo arau-emailea: Jaurlaritzaren Lehendakaritza
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 181
Hurrenkera-zk.: 5145
Xedapen-zk.: 19
Xedapen-data: 2001/09/17
Argitaratze-data: 2001/09/18

Gaikako eremua

Gaia: Administrazioaren antolamendua
Azpigaia: Sailak; Gobernua eta herri administrazioa

Deskribapenak

Testu legala

Aurkibidea erakutsiAurkibidea ezkutatu

- XEDATU DUT :
- XEDAPEN GEHIGARRIAK
  - Bigarrena. Justizia, Lan eta Gizarte Segurantza Saila orain arteko Justizia, Lan eta Gizarte Gaietako Saileko Justizia Sailburuordetzako eta Lan eta Gizarte Segurantza Sailburuordetzako organo eta unitateek osatuko dute. Orain arteko Justizia, Lan eta Gizarte Gaietako Saileko gizarte-bazterketaren aurka diharduten eta familia babesteko ardura duten administrazio unitateek Justizia, Lan eta Gizarte Segurantza Saila osatuko dute.
  - Hirugarrena. Lurralde Antolamendu eta Ingurumen Saila ondoko organo eta unitateek osatuko dute: Lurralde Antolamenduko Zuzendaritzakoek, salbu eta lehen xedapen gehigarrian adierazitakoek, orain arteko Lurralde Antolamendu, Etxebizitza eta Ingurugiro Saileko Ingurugiro Sailburuordetzakoek, Garraio eta Herri Lan Saileko Uren zuzendaritzakoek eta Nekazaritza eta Arrantza Saileko Natur Ingurunearen Antolamendu eta Ikerketako Zuzendaritzakoek. Nekazaritza eta itsas gaiak ikertzearen ardura duten Natur Ingurunearen Antolamendu eta Ikerketako Zuzendaritzako unitate administratiboek Nekazaritza eta Arrantza Sailean jarraituko dute.
- XEDAPEN IRAGANKORRA
- AZKEN XEDAPENAK

Egungo Jaurlaritza eratzeko lortutako koalizio-akordioaren bidez hartutako konpromisoa betez, oraingo legegintzaldian egonkortasun politikoa eta instituzionala lortzeko, adostasun-bideak bilatzeko prozesu bat ireki da. Bestalde, lehendakariak Legebiltzarrean azaldutako Jaurlaritzaren Programari beste talde politiko bat atxiki zaio. Bi gertaera horiek kontuan hartuta, komeni da uztailaren 16ko 7/2001 Dekretuaren bidez ezarritako Administrazioko sailen egitura eta sail batzuen arteko eskumen-banaketa berriz ere antolatzea. Izan ere, horrela, Jaurlaritzaren zeregin politiko-administratiboetan inolako etenik ez egitea bermatuko da, eta, halaber, dekretu honen bidez onartu aurreko antolaketa administratiboaren aldaketa taxutuko da.

Adierazitakoagatik, Jaurlaritzaren ekainaren 30eko 7/1981 Legearen 8.c) artikuluak ematen dizkidan ahalmenak erabiliz, hau

XEDATU DUT :

Lehenengo artikulua – Euskal Autonomia Erkidegoaren Administrazioko sailak sortu, ezabatu eta aldatu eta horien egitekoak eta jardun-arloak finkatzen dituen lehendakariaren uztailaren 16ko 7/2001 Dekretua honela idatzita geratuko da:

«2. artikulua.– Administrazioaren egitura.

Honako sail hauek izango ditu Euskal Autonomia Erkidegoko Administrazioak:

Ogasun eta Herri Administrazio Saila.
Hezkuntza, Unibertsitate eta Ikerketa Saila.
Herrizaingo Saila.
Industria, Merkataritza eta Turismo Saila.
Etxebizitza eta Gizarte Gaietako Saila.
Justizia, Lan eta Gizarte Segurantza Saila.
Osasun Saila.
Kultura Saila.
Lurralde Antolamendu eta Ingurumen Saila.
Garraio eta Herri Lan Saila.
Nekazaritza eta Arrantza Saila.»

Bigarren artikulua – Euskal Autonomia Erkidegoaren Administrazioko sailak sortu, ezabatu eta aldatu eta horien egitekoak eta jardun-arloak finkatzen dituen lehendakariaren uztailaren 16ko 7/2001 Dekretuaren 4. artikuluko 1. paragrafoko d) idatz-zatia honela idatzita geratuko da:

«d) Europako Gaiak, Mugaren bi aldeen arteko Lankidetza eta Eskualdeen arteko Lankidetza, Euskal Gizataldeak eta Euskal Etxeak.»

Hirugarren artikulua – Euskal Autonomia Erkidegoaren Administrazioko sailak sortu, ezabatu eta aldatzen dituen uztailaren 16ko 7/2001 Dekretuaren 5. artikuluari k) eta l) idatz-zatiak gehitu zaizkio. Beraz, 5. artikulua honela idatzita geratuko da

«k) Toki Administrazioaren arloan legeek eta araudiek Jaurlaritzari esleitzen dizkioten egitekoak burutzea.

Euskal herri-administrazioen antolaketaren eta prozeduraren erregimena.»

Laugarren artikulua – Euskal Autonomia Erkidegoaren Administrazioko sailak sortu, ezabatu eta aldatu eta horien egitekoak eta jardun-arloak finkatzen dituen lehendakariaren uztailaren 16ko 7/2001 Dekretuaren 7. artikuluko 1. paragrafoko f) idatz-zatia honela idatzita geratuko da:

«f) Gizarte aurreikuspenerako erakundeak, alor honetan Justizia, Lan eta Gizarte Segurantza Sailak dituen eskumenekin batera.»

Bosgarren artikulua – Euskal Autonomia Erkidegoaren Administrazioko sailak sortu, ezabatu eta aldatu eta horien egitekoak eta jardun-arloak finkatzen dituen lehendakariaren uztailaren 16ko 7/2001 Dekretuaren 7. artikuluko 1. paragrafoko p) eta s) idatz-zatiak kendu egin dira.

Seigarren artikulua – Euskal Autonomia Erkidegoaren Administrazioko sailak sortu, ezabatu eta aldatu eta horien egitekoak eta jardun-arloak finkatzen dituen uztailaren 16ko 7/2001 Dekretuari beste artikulu bat erantsiko zaio (10bis).

«10bis artikulua.– Etxebizitza eta Gizarte Gaietako Saila.

– Honako egiteko eta jardun-arlo hauek dagozkio Etxebizitza eta Gizarte Gaietako Sailari:
1. Lurra eta hirigintza.
2. Etxebizitza.
3. Arkitektura, eraikuntza eta kalitatea eraikuntzan.
4. Garapenerako lankidetza.
5. Boluntariotza.
6. Gizarte Ongizatea (familia bitartekotzarako zerbitzuak, afektu- eta sexu-askatasuna errazteko bideak sustatzea).
7. Gizarte zerbitzuak.
8. Inmigrazioa.
9. Drogamenpekotasunak.
10. Sailari atxikita dauden erakunde autonomoak, Zuzenbide Pribatupeko ente publikoak eta baltzu publikoak gidatzea, legeek eta arautegiek ezartzen dutenaren arabera.
11. Legeek eta arautegiek eman diezazkioten gainontzeko ahalmenak.
– Sail honi atxikita geldituko da Euskadiko Etxebizitza eta Lurra, E.A. / Sociedad de Vivienda y Suelo de Euskadi, S.A. (V.I.S.E.S.A.) baltzu publikoa.»

Zazpigarren artikulua – Euskal Autonomia Erkidegoaren Administrazioko sailak sortu, ezabatu eta aldatu eta horien egitekoak eta jardun-arloak finkatzen dituen uztailaren 16ko 7/2001 Dekretuaren 11. artikulua hauxe izango da:

«11. artikulua.– Justizia, Lan eta Gizarte Segurantza Saila.

– Honako egiteko eta jardun-arlo hauek dagozkio Justizia, Lan eta Gizarte Segurantza Sailari:
1. Aginte Judizialarekiko harremanak zaintzea.
2. Justizi Administrazioaren jardunerako baliabideak jartzea.
3. Zigor establezimenduak eta, bereziki, horien antolaera, jarduera eta zigorrei buruzko legeak betetzea, Zigor Administrazioko organo nagusiei legeek ematen dizkieten eskumenak bereganatuz.
4. Notarioak eta jabego erregistratzaileak izendatzea.
5. Elkarte, fundazio eta elkargo profesionalei buruzko erregimen orokorra, sailek, beren eremu barruan, horiekiko izan ditzaten harremanen kaltetan gabe.
6. Giza Eskubideen sustapena.
7. Euskararen Erabilpena Arauzkotzeko azaroaren 24ko 10/1982 Oinarrizko Legeak herritarrei ematen dizkien eskubideak erabili ahal izatea bermatzea Justizi Administrazioan.
8. Lan arloari buruzko legeek lan harremanei buruz ezartzen dutena burutzea.
9. Enpleguaren eta lanpostuari egokitzearen aldeko politika
10. Gizarte ekonomia: kooperatibak eta akziokako lan baltzuak.
11. Gizarte bazterkeriaren aurkako borroka.
12. Familia babestea (familiako bizitza eta lana elkarbideratzea).
1. Gizarte Segurantza zerbitzuen zuzendaritza, antolaketa eta administrazioa egitea eta horren araubide ekonomikoa kudeatzea.
2. Laneko arriskuei aurre hartzea.
1. Sailari atxikita dauden erakunde autonomoak, Zuzenbide Pribatupeko ente publikoak eta baltzu publikoak gidatzea, legeek eta arautegiek ezartzen dutenaren arabera.
2. Legeek eta arautegiek eman diezazkioten gainontzeko ahalmenak.
– Sail honi atxikita geldituko dira: Lanerako Segurtasun eta Osasunerako Euskal Erakundea (OSALAN) administrazio mailako erakunde autonomoa eta Trebaketa eta Enplegua Sustatzeko Akziokako Baltzu Publikoa (EGAILAN, S.A.).»

Zortzigarren artikulua – Euskal Autonomia Erkidegoaren Administrazioko sailak sortu, ezabatu eta aldatu eta horien egitekoak eta jardun-arloak finkatzen dituen uztailaren 16ko 7/2001 Dekretuaren 14. artikulua honela geratzen da idatzita:

«14. artikulua.– Lurralde Antolamendu eta Ingurumen Saila.

– Honako egiteko eta jardun-arlo hauek dagozkio Lurralde Antolamendu eta Ingurumen Sailari:
1. Lurraldea eta itsasertzak antolatzea.
2. Ingurumena.
3. Urak.
4. Ubideak eta ureztaketak.
5. Baliabide naturalak antolatzea, baso eta natura zaintzeko zerbitzua.
6. Sailari atxikita dauden erakunde autonomoak, Zuzenbide Pribatupeko ente publikoak eta baltzu publikoak gidatzea, legeek eta arautegiek ezartzen dutenaren arabera.
7. Legeek eta arautegiek eman diezazkioten gainontzeko ahalmenak.
– Ingurugiroaren Kudeaketarako IHOBE, S.A. Ingurugiro Hobekuntza baltzu publikoa sail honi atxikita egongo da.»

Bederatzigarren artikulua – Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen uztailaren 16ko 7/2001 Dekretuaren 15. artikuluko lehenengo zenbakiko a) eta g) letrak ezabatuta geratzen dira.

Hamargarren artikulua – Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen uztailaren 16ko 7/2001 Dekretuaren 16. artikuluko lehenengo zenbakiko b) letra ezabatuta geratzen da.

XEDAPEN GEHIGARRIAK

Lehena.– 1.– Etxebizitza eta Gizarte Gaietako Saila ondoko zuzendaritza hauetako organo eta unitateek osatuko dute: Jaurlaritzaren Lehendakaritzako Garapen Lankidetzarako Zuzendaritzakoek, orain arteko Lurralde Antolamendu, Etxebizitza eta Ingurugiro Saileko Etxebizitza eta Arkitektura Zuzendaritzakoek eta Finantza Plangintza eta Kudeaketarako Zuzendaritzakoek eta Justizia, Lan eta Gizarte Segurantza Saileko Gizarte Ongizate Zuzendaritzakoek eta Droga Gaietarako Idazkaritzaren Zuzendaritzakoek, salbu eta, nahiz eta zuzendaritza horietakoak izan, bigarren xedapen gehigarrian aipatzen direnak. Lurraren eta hirigintzaren ardura duten Lurralde Antolamenduko unitate administratiboek ere Etxebizitza eta Gizarte Gaietako Saila Osatuko dute.

– Dekretu honetako lehen xedapen gehigarrian xedatutakoa indarrean jarri arte Etxebizitza eta Gizarte Gaietako Sailean Etxebizitza eta Gizarte Ongizate Sailburuordetzak eta Zerbitzu Zuzendaritza sortuko dira.

Bigarrena. Justizia, Lan eta Gizarte Segurantza Saila orain arteko Justizia, Lan eta Gizarte Gaietako Saileko Justizia Sailburuordetzako eta Lan eta Gizarte Segurantza Sailburuordetzako organo eta unitateek osatuko dute. Orain arteko Justizia, Lan eta Gizarte Gaietako Saileko gizarte-bazterketaren aurka diharduten eta familia babesteko ardura duten administrazio unitateek Justizia, Lan eta Gizarte Segurantza Saila osatuko dute.

Hirugarrena. Lurralde Antolamendu eta Ingurumen Saila ondoko organo eta unitateek osatuko dute: Lurralde Antolamenduko Zuzendaritzakoek, salbu eta lehen xedapen gehigarrian adierazitakoek, orain arteko Lurralde Antolamendu, Etxebizitza eta Ingurugiro Saileko Ingurugiro Sailburuordetzakoek, Garraio eta Herri Lan Saileko Uren zuzendaritzakoek eta Nekazaritza eta Arrantza Saileko Natur Ingurunearen Antolamendu eta Ikerketako Zuzendaritzakoek. Nekazaritza eta itsas gaiak ikertzearen ardura duten Natur Ingurunearen Antolamendu eta Ikerketako Zuzendaritzako unitate administratiboek Nekazaritza eta Arrantza Sailean jarraituko dute.

XEDAPEN IRAGANKORRA

– Dekretu honetako azken xedapenetatik lehenengoan jasotakoa bete arte eutsi egingo zaie Jaurlaritzaren orain arteko sailetako egitura eta egitekoak finkatzen dituzten arau organikoei (Lehendakaritza, Jaurlaritzaren Lehendakariordetza, Ogasun eta Herri Administrazio Saila, Hezkuntza, Unibertsitate eta Ikerketa Saila, Herrizaingo Saila, Industria, Merkataritza eta Turismo Saila, Osasun Saila eta Kultura Saila; eta Idazkaritza Nagusiak, Sailordetzak eta Jaurlaritzaren Lehendakaritzako Zuzendaritzak) eta dekretu honen bidez ezabatu edo berregituratutako Sailetakoak finkatzen dituztenei.
– Dekretu honek indarra hartu baino lehen aribidean zeuden eta Dekretuaren edukiagatik organikoki eragina izan duten espedienteak Dekretuan finkatutako banaketa funtzionalari eta antolakuntzari atxikiz ebatziko dira.

AZKEN XEDAPENAK

Lehenengoa. 1.– Sailburuek, Jaurlaritzari buruzko Legeko 26.2 artikuluan xedatutakoaren arabera, lehendakariari aurkeztuko dizkiote euren sailei dagozkien arautegi organikoei buruzko egitasmoak, onarpena eman diezaien. Sailburuei izendatutako jardun-arlo bakoitzarentzat Jaurlaritzaren programan jasotako helburuei eta programa hori argitu duten irizpideei egokituko zaizkie egitasmook.

– Arautegi horiek beteko dituzten eraketa irizpideak: egiturak soildu, egiteko-arloak batu, eduki zabaleko egiteko-arloak eraiki, egiturazkoak ez diren staff egiteko-arloak identifikatu eta informazioaren teknologiez ahalik gehien baliatu.

Bigarrena. Dekretu honetan xedatutakoa betetzeko beharrezkoak diren aurrekontu-eragiketak burutuko ditu Ogasun eta Herri Administrazio Sailak.

Hirugarrena. Euskal Herriko Agintaritzaren Aldizkarian argitara dadin egun beretik izango du indarra dekretu honek.

Vitoria-Gasteizen, 2001eko irailaren 17an.

Lehendakaria,

JUAN JOSÉ IBARRETXE MARKUARTU.