Liburutegi Zerbitzua

1. – Merkataritzagune handitzat joko dira ondokoak:

   5.000 biztanletik beherako zuzenbidezko biztanleria duten udalerrietako txikizkako merkataritzarako establezimenduak, baldin hasi zirenetik, edota handitzeen ondorioz, jendearentzako salmenta esparrua 400 m2-koa edo handiagoa badute.

   5.000 eta 10.000 biztanle arteko zuzenbidezko biztanleria duten udalerrietako txikizkako merkataritzarako establezimenduak, baldin hasi zirenetik, edota handitzeen ondorioz, jendearentzako salmenta esparrua 800 m2-koa edo handiagoa badute.

   10.001 eta 24.999 biztanle arteko zuzenbidezko biztanleria duten udalerrietako txikizkako merkataritzarako establezimenduak, baldin hasi zirenetik, edota handitzeen ondorioz, jendearentzako salmenta esparrua 1.000 m2-koa edo handiagoa badute.

   25.000 biztanletik gorako zuzenbidezko biztanleria duten udalerrietako txikizkako merkataritzarako establezimenduak, baldin hasi zirenetik, edota handitzeen ondorioz, jendearentzako salmenta esparrua 2.000 m2-koa edo handiagoa badute.

2. – Merkataritzagune handitzat hartuko dira beti azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 3. paragrafoan azaltzen diren txikizkako saltokiak.

3. – Ez dira merkataritzagune handitzat hartuko azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 4. paragrafoan azaltzen diren saltokiak.

Jendearentzako salmenta esparrutzat hartuko da pertsonen joan-etorrirako, jeneroa erakusteko, erosteko eta ordaintzeko eta kutxen ilarara arteko azalera, kutxen ilara barne.

Gainera, jendearentzako salmenta esparrutzat joko dira merkataritza jarduerari zuzenean lotutako zerbitzu osagarriak emateko guneak.

Ez dira salmenta esparrutzat joko, egiteko, konpontzeko, ekoizteko eta gordetzeko zerbitzuen esparruak, baldin eta jendearentzako sarbiderik ez badute.

Izaera kolektiboko establezimenduetan ez dira jendearentzako salmenta esparrutzat hartuko aisialdirako eta errestauraziorako guneak edota merkataritzaguneetara sartzeko korridoreak, betiere haietan merkataritza jarduerarik egiten ez bada.

Merkataritza lizentzia eskatu beharko da azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 1. paragrafoan azaltzen diren kasuetarako.

Azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 6. paragrafoan azaltzen diren kasuetan, nahitaez jakinarazi beharko zaio merkataritza arloan eskuduna den Eusko Jaurlaritzako sailari.

1. – Azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 5. paragrafoan xedatutakoei jarraiki emango edo kenduko dira merkataritzagune handietarako lizentziak.

   Ondorio horietarako, merkataritzako ekipamendu egokitzat joko da biztanleriarentzat, eta epe ertainerako aurreikusitako biztanleriarentzat, kalitate, aukera, zerbitzu, prezio eta ordutegi baldintza egokiak dituzten gaien eskaintza bermatzen dutenak, betiere dagokion eskualdeko egungo egoera eta txikizkako merkataritzaren garapenaren eta modernizazioaren joerak kontuan izanda.

2. – Eskualde bakoitzari jendearentzako gehieneko salmenta esparrua ezarriko zaio merkataritzako establezimendu handiaren bidez. Halaber, kontuan hartuko dira artikulu honetako 3. paragrafoan jasotako motak eta sektoreak.

3. – Edonola ere, I. eranskinean jasotako eskualdeen eremurako, merkataritzagune handietarako azalera eskuragarria ezingo da izan formula hau aplikatzean lortzen den emaitza baino handiagoa: eskualde bakoitzeko legezko biztanleria bider mota edo sektore bakoitzarentzat ezarritako koefizientea (metro kuadro iztanleko), eta horri kendu egin beharko zaio eskabidea egiten den unean okupatuta edo baimenduta dagoen azalera.

   Ondoko koadroan ezartzen dira egon daitekeen eskariaren gaineko partaidetzaren ehunekoak, eta mota eta sektoreen gehieneko azaleraren koefizienteak:

   Elikagai establezimenduak eta balioanitzak.

   • 400 eta 999 metro koadro bitarteko azalerako establezimenduak: partaidetzaren %18 edo 0,108 m2/biztanleko.

     1.000 eta 2.499 metro koadro bitarteko azalerako establezimenduak: partaidetzaren %13 edo 0,070 m2/biztanleko.

     2.499 metro koadro baino gehiagoko establezimenduak: partaidetzaren %29 edo 0,135 m2/biztanleko.

     Azalera espezializatuak.

   • Etxerako ekipamendutarakoak, besteak beste, etxerako produktuak, hornidurakoak, etxetresna elektrikoak eta etxerako ehun ekipamendua saltzekoak: partaidetzaren %45 edo 0,078 m2/biztanleko.

   • Ekipamendu pertsonalekoak, besteak beste, arropak, oinetakoak eta osagarriak saltzekoak: partaidetzaren %45 edo 0,065 m2/biztanleko.

   • Kiroletakoak, besteak beste, kirol materiala, kirol arropa, kirol oinetakoak eta osagarriak saltzekoak: partaidetzaren %45 edo 0,015 m2/biztanleko.

   • Brikolajekoak, besteak beste, eraikuntzarako materialak, burdindegiko elementuak, eta lorezaintza, osasun, iturgintza eta elektrizitate elementuak saltzekoak: partaidetzaren %45 edo 0,020 m2/biztanleko.

     Ezarri edo handitu nahi den merkataritza establezimenduaren jendearentzako salmenta esparrua 800 metro koadro baino handiagoa ez bada, aurreko koadroko ehunekoak dagokion udalerriaren lurralde eremuari aplikatu ahal izango zaizkio.

     Urtarotik urtarora turismoan gorabehera handiak dituzten udalerrietan (II. eranskina), aurreko paragrafoan azaltzen den jendearentzako salmenta esparrua 1.500 m2-koa izango da. Gainera, biztanleria bolumena bikoiztu egingo da, eskualdean izan daitekeen eskaria kalkulatzeko.

4. – Eskaintzaren eta eskariaren konkurrentzia askea bermatzearen ondorioetarako, merkataritza arloan merkataritzagune handiei lizentzia emateko edo ezeztatzeko ebazpena egiteko eskumena duen sailak bereziki balioetsi beharko du ondoko hau: dagokion eskualdean, zuzenean edo zeharka, eskatzailearen titulartasunpekoak diren merkataritzagune handien eta gainerako saltokien azalera, ahal den neurrian banaketa arloan inor nagusitu ez dadin. Bestalde, baliospena egiteko, urtarrilaren 15eko 7/1996 Legeko 6. artikuluko 2. paragrafoko 2. lerroaldean araututakoaren arabera jokatu beharko da. Ondorio horietarako kontuan izango da baita frankiziako saltokien salmenta esparrua, baldin eskatzailea bada haien frankizia emaile juridikoa.

1. – Prozedura interesdunak eskatuta hasiko da, Administrazio Publikoen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 70. artikuluan araututakoen araberako eskabidea egin ondoren.

2. – Eskabidea merkataritzan eskumena duen sailera zuzendu beharko da. Azaroaren 26ko 30/1992 Lege hartako 38.4 artikuluan jasotzen den edozein zentrotan aurkeztu ahal izango da eskaera.

3. – Eskabideekin batera aurkeztu beharko dira:

   1. Lurzoruaren uneko edo etorkizuneko titulartasuna edo eskuragarritasuna egiaztatzen duen dokumentua.

   2. Sozietatearen eraketako estatutuak eta eskritura, eta merkataritza baltzuak edo kooperatibak badira, merkataritza edo kooperatiba erregistroko orri pertsonalaren kopia osoa.

   3. Azken hiru ekitaldietan Merkataritza Erregistroan ordaindutako urteko kontuen kopia. Ordainketa hori egin behar duten enpresek bakarrik aurkeztu beharko dute.

   4. Ezarri edo handitu nahi den establezimenduaren deskribapen xehekatua eta oinarrizko proiektua. Jarri beharrekoak dira erabiliko dituen ikurrak, kokalekua, eraikiko den azalera osoa, eta jendearentzako salmenta esparrua, 2. artikuluaren arabera.

   5. Komertzializatuko diren gaien deskribapena, merkataritzagune handiaren sektorea eta mota, bai ezarri edo handitu behar bada, bai jarduera aldatu behar bada.

   6. Proiektuaren bideragarritasun ekonomikoa eta udalerrian eta eskualdean izango duen gizarte eta ekonomia eragina jasotzen dituen merkatu ikerketa.

   7. Oinplanoen (1:250 eskala), akotatuen, aurretiko bisten eta ebakiduren plano orokorrak, kokagunearena (1:10.000 eskala) eta aurreikusitako lur sail eta aparkalekuetarako sarbideenak (1:2.000 eskala). Hiru aletan aurkeztu beharko da dokumentazio hori guztia.

   8. Proiektuak dakarren inbertsioaren estudioa eta inbertsioaren finantzaketa plana, bai norberaren baliabideei dagokienez eta bai besteren baliabideei dagokienez, baldin establezimenduak 1.000 metro koadrotik gorako jendearentzako salmenta esparrua badauka. Orobat, enpresaren hedapen plana eta funtzionamenduko lehenengo bost urterako sarrera eta gastuen aurreikuspenak eman behar dira.

   9. Sortu asmo duten lanpostuen kopurua eta izaera adierazi behar dira.

   10. Proiektua gauzatzeko egutegia.

4. – Eskatzaileak lizentzia eskatzen badu, eta eskatzen duen esparrua aukeratutako sektore eta establezimendu motarentzako eskualdean erabilgarri dagoen jendearentzako salmenta esparrua baino handiagoa bada, merkataritza gaietan aginpidea duen Sailak ebazpen bat emango du. Ebazpenean xehetasun hori adieraziko da, doakionak, gehienez ere bi hilabeteko epean, eskabidea erabilgarri dagoen azalerara egoki dezan.

1. – Administrazio prozedurako instrukzioa, azaroaren 26ko 30/1992 Legeko (Administrazio Publikoen Araubide Juridikoaren eta Administrazio Prozedura Erkidearen Legea) 70. artikuluan araututakoari jarraituz egingo da.

2. – Lizentzia eskabideari buruz loteslea ez den txostena egingo du merkataritzagune handia proiektatuta dagoen udalerriko Udalak. Udal horrek bi hilabeteko epean egin beharko du txostena, eta maiatzaren 27ko 7/1994 Legeko (Merkataritza Jardueraren Legea, azaroaren 10eko 7/2000 Legeak aldatua) 13. artikuluko 5. paragrafoan araututako irizpideen arabera, udalari dagozkion aginpideak kontuan hartuta egingo du.

3. – Era berean, lehiaren defentsa arloan eskumena duen organoak ere lizentzia eskabidearen gaineko txostena egingo du. Txosten hori ez da loteslea izango. Bi hilabete igarota txostena eman ez badu, espedientea izapidetzen jarraitu ahal izango da.

4. – Jardundako guztiaren kontu emango zaio 10. artikuluan araututako Merkataritzagune Handietarako Batzordeari, bi hilabeteko epean artikulu horretako 3. paragrafoko a) idatz-zatian adierazitako txostena eman dezan.

1. – Maiatzaren 27ko 7/1994 Legeko (Merkataritza Jardueraren Legea, azaroaren 10eko 7/2000 Legeak aldatua) 13. artikuluko 7. paragrafoan xedatutakoei jarraiki egingo da eta jakinaraziko da eskatutako lizentzia onartzeko edo ukatzeko ebazpena.

2. – Ebazpena arrazoitua izan behar da. Lizentziaz baliatzeko baldintza gisa, dekretu honetako 5. artikuluan jasotako irizpideei jarraituz, zenbait betebehar ezarri ahal izango dira ebazpenean. Eta, betiere, ematen den lizentziaren bidez jarduera gehienez zenbateko epean hasi behar den adieraziko du.

Merkataritzagune handiak ezartzeko lizentziaren tasa, merkataritzaguneak handitzeko lizentziarena edo merkataritzaguneetako jarduera aldatzeko lizentziarena, Azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 8. paragrafoan, eta Lehenengo Xedapen Gehigarrian xedatutakoei jarraiki eskatuko da.

1. – Merkataritzagune Handietarako Batzordea sortzen da.

2. – Merkataritzagune Handietarako Batzordea honako hauek osatzen dute:

   1. Merkataritza eta Kontsumo sailburuordea. Lehendakari gisa jardungo du.

   2. Merkataritza zuzendaria.

   3. Batzordekide bat: EUDELeko ordezkari gisa jardungo du eta EUDELeko organo aginpidedunek izendatuko dute.

   4. Batzordekide bat: hala dagokionean, jarduera ezartzea, handitzea edo aldatzea nahi duen Udalaren ordezkari gisa jardungo duena. Udal horretako organo aginpidedunak izendatuko du.

   5. Batzordekide bat, Euskal Herriko Merkataritza eta Industria Ganberek izendatua.

   6. Batzordekide bat: Merkataritzaren Enpresa Elkarteen ordezkari gisa jardungo du, eta elkarte horietako organo aginpidedunek izendatuko dute.

   7. Batzordekide bat: Banaketa Enpresa Handien Elkarteko ordezkari gisa jardungo du, eta elkarte horretako organo aginpidedunek izendatuko du.

   8. Batzordekide bat: Euskal Autonomia Erkidegoko sindikatu garrantzitsuenen ordezkari gisa jardungo du, eta sindikatuko organo aginpidedunek izendatuko dute.

   9. Batzordekide bat: Kontsumitzaileen Federazioaren ordezkari gisa jardungo du, eta Federazioko organo aginpidedunek izendatuko dute.

3. – Merkataritzagune Handietarako Batzordeko betebeharrak honakoak izango dira:

   1. Jarduera berriak ezarri eta gero, toki horietako merkataritza horniduretan eta azpiegituretan sor daitezkeen eraginei buruzko txostenak egitea. Batez ere saltoki txikientzat txarrak izan daitezkeen eraginak aztertzea hartu beharko da kontuan.

   2. Merkataritza arloan eskumena duen Eusko Jaurlaritzako sailari proposatzea merkataritza motaren eta sektoreen araberako eskualdeen parte-hartzearen ehunekoak aldatzeko, hala dagokionean.

   3. Oro har, merkataritzagune handiak irekitzeko behar den berariazko merkataritza lizentziaren ordenamenduari dagozkion proposamenak egitea.

1. – Emandako lizentziak iraungi egingo dira, edo indarrik gabe geratuko dira, baldin eta betebeharrak betetzen ez badira.

2. – Merkataritzagune handietarako lizentziak iraungitzeko edo ezeztatzeko ebazpenak, edo hala dagokionean, baldintzak aldatzeagatik emandako lizentziak aldatzeko ebazpenak, aldez aurretik administrazio bidetik onartu beharko dira. Prozedura horretan, lizentzien titularrei, bai eta egon daitezkeen gainerako interesdunei ere, audientzia eman beharko zaie. Administrazio aginpidedunak “lehiaren defentsarako” organo aginpidedunak emandako txostena eskatu ahal izango du.

1. – Merkataritzagune handitzat joko dira ondokoak:

   5.000 biztanletik beherako zuzenbidezko biztanleria duten udalerrietako txikizkako merkataritzarako establezimenduak, baldin hasi zirenetik, edota handitzeen ondorioz, jendearentzako salmenta esparrua 400 m2-koa edo handiagoa badute.

   5.000 eta 10.000 biztanle arteko zuzenbidezko biztanleria duten udalerrietako txikizkako merkataritzarako establezimenduak, baldin hasi zirenetik, edota handitzeen ondorioz, jendearentzako salmenta esparrua 800 m2-koa edo handiagoa badute.

   10.001 eta 24.999 biztanle arteko zuzenbidezko biztanleria duten udalerrietako txikizkako merkataritzarako establezimenduak, baldin hasi zirenetik, edota handitzeen ondorioz, jendearentzako salmenta esparrua 1.000 m2-koa edo handiagoa badute.

   25.000 biztanletik gorako zuzenbidezko biztanleria duten udalerrietako txikizkako merkataritzarako establezimenduak, baldin hasi zirenetik, edota handitzeen ondorioz, jendearentzako salmenta esparrua 2.000 m2-koa edo handiagoa badute.

2. – Merkataritzagune handitzat hartuko dira beti azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 3. paragrafoan azaltzen diren txikizkako saltokiak.

3. – Ez dira merkataritzagune handitzat hartuko azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 4. paragrafoan azaltzen diren saltokiak.

Jendaurreko salmenta-esparrutzat hartuko dira jarduera komertzialerako beti edo noizbehinka erabili ohi direnak. Dekretu honetan ezarritako ondorioetarako, esparru komertzialtzat honako hauek hartuko dira: produktuak jendaurrean erakusteko eta erosteko esparruak, eta produktu komertzializagarrietara eta erakusleihoetara iristeko behar diren igaro-lekuak.

Gainera, jendearentzako salmenta esparrutzat joko dira merkataritza jarduerari zuzenean lotutako zerbitzu osagarriak emateko guneak: probagelak, diru-kutxen edo alarmen lerroen eta irteeraren arteko azalerak, betiere bertan zerbitzuak eskaintzen badira edo produktuak aurkezteko erabiltzen badira, eta establezimenduko kanpoko eremuak ere bai, produktuak jendaurrean jarri edo jarduera komertziala badago.

Salmentako esparrua 2.500 m2 baino gehiagokoa duten saltoki handietan neurtutako azaleraren % 5 murriztuko da aurreko paragrafoan ezarritako moduan, eta emergentzia egoeretan ebakuazioa errazteko diren eremu ez-komertzialtzat joz.

Eskailerak, igogailuak, aisialditarako azalerak, elaborazio zerbitzuak, konponketak, sorospen teknikoa, produkzioa eta biltegiratzea ez dira hartzen salmenta esparrukotzat, ez bada salmentarekin lotuta egon ohi direla eta ez dutela jendearentzako sarrerarik.

Izaera kolektiboko saltokietan ez dira jendearentzako salmenta-esparrutzat hartuko aisialdirako eta errestauraziorako guneak edota saltokietara sartzeko korridoreak, betiere haietan merkataritza jarduerarik egiten ez bada.

1. –Merkataritza lizentzia eskatu beharko da azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 1. paragrafoan azaltzen diren kasuetarako.

2. –Horren haritik, uste da saltoki handi bat zabaltzen dela, honako egoeraren bat gertatzen bada:

   1. Jendeari saltzeko esparrua 500 metro karratutan edo gehiagotan handitzea.

   2. Handitze horrek berak bakarrik edo aurretiko beste batzuekin batera, salmenta esparrua % 20an baino gehiagoan gainditzen badu saltokia ezarri zenean zeukan neurria.

      Handitzeko beti beharko da lizentzia, baldin eta ondorioz dekretu honetako 1. artikuluan aipatutako esparrua lortzen bada.

3. –Lizentzia baduten saltokiek ez dute lizentzia komertzial berririk eskatu beharko kokagunea aldatzeko edo jarduera lekuz aldatzeko, betiere kokagunez edo lekuz aldatzeak handitzea, jarduera komertziala aldatzea edo eskualdez aldatzea ez badakar.

4. –Saltoki handiak zabaltzeak eta lekuz aldatzeak ez badute behar lizentzia komertzialik, hala diotelako aurreko paragrafoetan jasotako irizpideek, merkataritza gaietan Eusko Jaurlaritzan eskumena duen Sailari jakinarazi beharko zaizkio hilabeteko epean, udal lizentzia ematen denetik aitzina. Zabaltzeak berarekin dakartzan eraginaren eta edukiaren egiaztagiriak erantsi beharko dira edo, lekuz aldatzen bada, kokaleku berriaren egiaztagiriak; eta baldintza bat izango dute: dagokion eskualdean azalera librea egotea.

Azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 6. paragrafoan azaltzen diren kasuetan, nahitaez jakinarazi beharko zaio merkataritza arloan eskuduna den Eusko Jaurlaritzako sailari.

1. – Azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 5. paragrafoan xedatutakoei jarraiki emango edo ukatuko dira saltoki handietarako lizentziak.

   Ondorio horietarako, merkataritza ekipamendu egokitzat joko da biztanleriarentzat, eta epe ertainerako aurreikusitako biztanleriarentzat, kalitate, aukera, zerbitzu, prezio eta ordutegi baldintza egokiak dituzten gaien eskaintza bermatzen duena, betiere dagokion eskualdeko egungo egoera eta txikizkako merkataritzaren garapenaren eta modernizazioaren joerak kontuan izanda.

2. –Bezeroen premiei erantzuteko, I. eranskinean jasotako eskualde bakoitzari gehienezko salmenta- esparrua izendatuko zaio saltoki handiaren bidez, honen ondoren jasotzen diren tipologien eta sektoreen arabera. Esparru hori lortzeko, eskualde bakoitzeko biztanleria zuzenbidekoa tipologia eta sektore bakoitzerako jasotzen diren koefizienteez biderkatuko da. Ezartze edo handitze berrien neurria zehazteko, horrela lortutako esparruari lehendik okupatutako edo baimendutako esparrua kenduko zaio.

   Tipologiakako edo sektorekako esparru koefiziente gehienezkoak, zeintzuk baitira atenditu beharreko herritarren premien gaineko partaidetza portzentajeen adierazgarriak, honen ondorengo taulan ezartzen dira:

   1. Elikagai saltokiak eta balioanitzak:

      1. – 400 eta 999 metro koadro bitarteko saltokiak: 0,159 m2/biztanleko.

      2. – 1.000 eta 2.499 metro koadro bitarteko saltokiak: 0,100 m2/biztanleko.

      3. – 2.499 metro koadro baino gehiagoko saltokiak: 0,141 m2/biztanleko.

   2. Esparru espezializatuak:

      1. – Etxerako ekipamendutarakoak, besteak beste, etxerako produktuak, hornidurakoak, etxetresna elektrikoak eta etxerako ehun ekipamendua saltzekoak: 0,098 m2/biztanleko.

      2. – Ekipamendu pertsonalekoak, besteak beste, arropak, oinetakoak eta osagarriak saltzekoak: 0,100 m2/biztanleko.

      3. – Kiroletakoak, besteak beste, kirol materiala, kirol arropa, kirol oinetakoak eta osagarriak saltzekoak: 0,030 m2/biztanleko.

      4. – Brikolajekoak, besteak beste, eraikuntzarako materialak, burdindegiko elementuak, eta lorezaintza, osasun, iturgintza eta elektrizitate elementuak saltzekoak: 0,037 m2/biztanleko.

   3. Gainerako esparru espezializatuak: 0,049 m2/biztanleko.

3. –Ezartzea edo handitzea beste estatu batzuekiko muga-igarobideak dituzten udalerrietan proiektatzen bada, saltoki komertzial handiaren bidez jendeari saltzeko beharko den gehienezko esparrua honela kalkulatuko da: aurreko paragrafoan jasotako koefizienteak udalerriko zuzenbideko biztanleei aplikatuz eta 2,75ez biderkatuz, eskualdeko mugak kontuan hartu barik.

4. –Saltoki handien bidez jendeari saltzeko gehienezko esparrua agortuta dagoen eskualdeetan edo proiektatutako ezarpen horrekin agortzen bada, elikagai-saltoki handiak eta erabilera anitzetakoak ezartzeko baimena eman daiteke 0,100 m2/biztanleko esparruetan, betiere egoitzatarako lurzoru urbanizagarriko eremu homogeneoen eraikuntza garatzerakoan etxebizitza berri gehiago eraikitzen badira edo egon daudenak bereoneratzen badira (450 unitatetik gora).

   Aurreko paragrafoaren aplikazioaren ondorioz sor daitezkeen saltokiak aipatu eraikitze-garapena izan den udalean kokatuko dira lehentasunez.

   Kontuan izan beharreko biztanle kopurua eta eraiki edo bereoneratu beharreko etxebizitzak zehazterakoan, interbentzioa zilegitzen duen hirigintza planeamenduan aurreikusten dena beteko da.

5. –Saltoki handien bidezko jendaurreko salmentarako gehienezko esparrua agortuta eduki eta lehia librean distortsioak antzematen badira, lehiaren defentsarako organoak hala eskatuz, gehienez ere 2.500 m2ra arte zabalduko da salmenta esparru erabilgarria.

6. –Lehia librea bermatzeko eta banaketa sektorean baten bat beste batzuen gainetik jartzea ekiditeko, saltoki handietako jendaurreko salmenta esparrua baloratuko da, baldin eta eskatzailea zuzenean edo zeharka horien titularra bada dagokion eskualdean. Ondorio horietarako frankizia erregimeneko saltokien salmenta esparrua ere aintzat hartuko da, baldin eta horien gain eskatzaileak frankiziatzailearen egoera juridikoa badu, kontuan izanik kontratuaren berariazko ezaugarriak eta bai frankikiziatuaren eta frankiziatzailearen arteko kontratu-harremana.

1. – Prozedura interesdunak eskatuta hasiko da, Administrazio Publikoen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 70. artikuluan araututakoen araberako eskabidea egin ondoren.

2. – Eskabidea merkataritzan eskumena duen sailera zuzendu beharko da. Azaroaren 26ko 30/1992 Lege hartako 38.4 artikuluan jasotzen den edozein zentrotan aurkeztu ahal izango da eskaera.

3. – Eskabideekin batera aurkeztu beharko dira:

   1. Dena delako ezarpen- edo handitze-eskabidea aurkezteko unean lurzoruaren titulartasuna edo eskuragarritasuna eta hirigintza-gaitasuna egiaztatzen duen dokumentua.

   2. Sozietatearen estatutuak eta eratze eskritura eta Merkataritzako edo Kooperatibetako Erregistroko orriaren kopia osoa, baldin eta merkataritzako edo kooperatiben arloko sozietateak badira.

   3. Azken hiru ekitaldietan Merkataritza Erregistroan ordaindutako urteko kontuen kopia. Ordainketa hori egin behar duten enpresek bakarrik aurkeztu beharko dute.

   4. Ezarri edo handitu nahi den saltokiaren deskribapen xehekatua eta oinarrizko proiektua. Jarri beharrekoak dira erabiliko dituen ikurrak, kokalekua, eraikiko den azalera osoa, eta jendaurreko salmenta esparrua, 2. artikuluaren arabera.

   5. Komertzializatuko diren salgaien deskribapena, saltoki handiaren sektorea eta mota, bai ezarri edo handitu behar bada, bai jarduera aldatu behar bada.

   6. Oinplanoen, akotatuen, aurretiko bisten eta ebakiduren planoen bi ale, kokagunearena eta aurreikusitako lur sail eta aparkalekuetarako sarbideenak, eskalak zehaztuz.

   7. Proiektua gauzatzeko egutegia.

   8. Euskal Autonomia Erkidegoan zuzenean edo zeharkako eskatzailea titularra deneko saltokien zerrenda, non, 5. artikuluko 6. paragrafoan aurreikusitako ondorioetarako, salmentarako 400 metro karratu baino gutxiago dituztenak eta beste batzuek ere —zeinekiko frankiziatzailearen egoera juridikoa duen— sartzen baitira. Azken kasu honetan kontratuaren kopia bat erantsiz.

   9. Sortu asmo dituen lanpostuen kopurua eta izaera adierazi behar dira.

   10. Ezarpena edo handitzea udaleko hiri-gune kontsolidatutik kanpo egin nahi bada, proiektatutako gunetik hiri-erdira arteko garraio-linea erabilgarrien berri eman beharko da.

4. – Eskatzaileak lizentzia eskatzen badu, eta eskatzen duen esparrua aukeratutako sektore eta establezimendu motarentzako eskualdean erabilgarri dagoen jendearentzako salmenta esparrua baino handiagoa bada, merkataritza gaietan aginpidea duen Sailak ebazpen bat emango du. Ebazpenean xehetasun hori adieraziko da, doakionak, gehienez ere bi hilabeteko epean, eskabidea erabilgarri dagoen azalerara egoki dezan.

1. – Administrazio prozedurako instrukzioa, azaroaren 26ko 30/1992 Legeko (Administrazio Publikoen Araubide Juridikoaren eta Administrazio Prozedura Erkidearen Legea) 70. artikuluan araututakoari jarraituz egingo da.

2. – Lizentzia eskabideari buruz loteslea ez den txostena egingo du merkataritzagune handia proiektatuta dagoen udalerriko Udalak. Udal horrek bi hilabeteko epean egin beharko du txostena, eta maiatzaren 27ko 7/1994 Legeko (Merkataritza Jardueraren Legea, azaroaren 10eko 7/2000 Legeak aldatua) 13. artikuluko 5. paragrafoan araututako irizpideen arabera, udalari dagozkion aginpideak kontuan hartuta egingo du.

3. – Era berean, lehiaren defentsa arloan eskumena duen organoak ere lizentzia eskabidearen gaineko txosten ez loteslea egingo du bi hilabeteko epean.

   Txosten horrek gerta daitezkeen domeinuko egoerak aztertuko ditu batik bat, jarrera nagusiaren eraginezko gehiegikeriak ekiditeko eta enpresen arteko lehia librea sustatzeko.

4. – Jardundako guztiaren kontu emango zaio 10. artikuluan araututako Merkataritzagune Handietarako Batzordeari, bi hilabeteko epean artikulu horretako 3. paragrafoko a) idatz-zatian adierazitako txostena eman dezan.

1. – Maiatzaren 27ko 7/1994 Legeko (Merkataritza Jardueraren Legea, azaroaren 10eko 7/2000 Legeak aldatua) 13. artikuluko 7. paragrafoan xedatutakoei jarraiki egingo da eta jakinaraziko da eskatutako lizentzia onartzeko edo ukatzeko ebazpena.

2. – Ebazpena arrazoitua izan behar da. Lizentziaz baliatzeko baldintza gisa, dekretu honetako 5. artikuluan jasotako irizpideei jarraituz, zenbait betebehar ezarri ahal izango dira ebazpenean; eta, betiere, ematen den lizentziaren bidez jarduera gehienez zenbateko epean hasi behar den adieraziko du. Epe hori ez da bi urtekoa baino gehiagokoa izango, hirigintza lizentzia ematen denetik kontatzen hasita, non eta ez bada epea luzatzen bat-bateko edo halabeharrezko egoera dela-eta.

Merkataritzagune handiak ezartzeko lizentziaren tasa, merkataritzaguneak handitzeko lizentziarena edo merkataritzaguneetako jarduera aldatzeko lizentziarena, Azaroaren 10eko 7/2000 Legeak aldatu zuen maiatzaren 27ko 7/1994 Legeko (Merkataritza Jarduerarena) 13. artikuluko 8. paragrafoan, eta Lehenengo Xedapen Gehigarrian xedatutakoei jarraiki eskatuko da.

1. – Merkataritzagune Handietarako Batzordea sortzen da.

2. – Merkataritzagune Handietarako Batzordea honako hauek osatzen dute:

   1. Merkataritza arloan eginkizunak eskuratuta dituen Sailburuordetzako titularra, zeina lehendakaria izango baita.

   2. Merkataritzako arloan eginkizunak eskuratuta dituen Zuzendaritzako titularra.

   3. Batzordekide bat: EUDELeko ordezkari gisa jardungo du eta EUDELeko organo aginpidedunek izendatuko dute.

   4. Batzordekide bat: hala dagokionean, jarduera ezartzea, handitzea edo aldatzea nahi duen Udalaren ordezkari gisa jardungo duena. Udal horretako organo aginpidedunak izendatuko du.

   5. Batzordekide bat, Euskal Herriko Merkataritza eta Industria Ganberek izendatua.

   6. Batzordekide bat: Merkataritzaren Enpresa Elkarteen ordezkari gisa jardungo du, eta elkarte horietako organo aginpidedunek izendatuko dute.

   7. Batzordekide bat: Banaketa Enpresa Handien Elkarteko ordezkari gisa jardungo du, eta elkarte horretako organo aginpidedunek izendatuko du.

   8. Batzordekide bat: Euskal Autonomia Erkidegoko sindikatu garrantzitsuenen ordezkari gisa jardungo du, eta sindikatuko organo aginpidedunek izendatuko dute.

   9. Batzordekide bat: Kontsumitzaileen Federazioaren ordezkari gisa jardungo du, eta Federazioko organo aginpidedunek izendatuko dute.

   10. Batzordekide bat, banaketako enpresa ertainetan ordezkaririk gehien dituen elkartearen ordezkaria izango dena eta organo eskumendunek izendatua.

   11. Hiri Merkataritzako plataformen ordezkaria izango den batzordekidea.

3. – Merkataritzagune Handietarako Batzordeko betebeharrak honakoak izango dira:

   1. Merkataritza arloan eskumena duen Saileko dagokion organoak errekerimendua egin eta gero, Euskal Autonomia Erkidegoan eta Dekretu honetako I. eranskinean jasotako eskualdeetan merkataritzak eta banaketak bizi duten egoerari buruzko berariazko txostenak gertatzea.

   2. Merkataritza arloan eskumena duen Eusko Jaurlaritzako sailari proposatzea merkataritza motaren eta sektoreen araberako eskualdeen parte-hartzearen ehunekoak aldatzeko, hala dagokionean.

   3. Oro har, merkataritzagune handiak irekitzeko behar den berariazko merkataritza lizentziaren ordenamenduari dagozkion proposamenak egitea.

1. – Emandako merkataritza lizentziak iraungi edo indarrik gabe geratuko dira, baldin eta betebeharrak betetzen ez badira.

   Merkataritza lizentziak iraungi egingo dira, halaber, ematen direnetik bi urte igaro ondoren ez bada egiaztatzen obretarako, jarduerarako edo irekitzeko udal-lizentziak edo gura den ezarpen edo hedapenerako behar den beste edozein lizentzia —administrazio publikoak emandakoa bada— eskuratu direla.

   Obrak eman eta urte bi igaro ostean obrak oraindik hasi gabe daudenean ere iraungi egingo dira lizentziak, non eta bat-bateko edo halabeharrezko arrazoiak ez dauden.

2. – Saltoki handietarako lizentziak iraungitzeko edo ezeztatzeko ebazpenak edo, hala dagokionean, baldintzak aldatzeagatik emandako lizentziak aldatzeko ebazpenak, aldez aurretik administrazio bidetik onartu beharko dira. Prozedura horretan, lizentzien titularrei, bai eta egon daitezkeen gainerako interesdunei ere, audientzia eman beharko zaie. Administrazio aginpidedunak lehiaren defentsarako organo aginpidedunak emandako txostena eskatu ahal izango du.