Liburutegi Zerbitzua

Era berean, Industria, Merkataritza eta Turismo Sailaren organoei buruz egindako aipamen guztietan kontuan hartu beharko da Industria, Merkataritza eta Turismo Sailaren egitura organiko eta funtzionala ezartzen duen otsailaren 23ko 131/1999 Dekretuaren hirugarren Xedapen Gehigarrian eta Aldi baterako bigarren Xedapenean ezarritakoa.

Vitoria-Gasteizen, 1999ko ekainaren 8an.

Lehendakaria,

JUAN JOSÉ IBARRETXE MARKUARTU.

Industria, Merkataritza eta Turismo sailburua,

JOSU JON IMAZ SAN MIGUEL.

Gobernu Kontseiluak 1998ko maiatzaren 26ko bilkuran onartutako Euskal Autonomia Erkidegoko Gazte Planean erakunde-arteko izaera izango duen organo bat sortzea begiesten da, gazteriari buruzko politiken sustapenean eta garapenean euskal herri-administrazioen koordinaketa eta lankidetza bultzatzeko asmotan.

Euskadiko Gazteriaren Kontseiluak hartarako egindako txostena aztertu ondoren, Dekretu honen bidez Gazte Planaren Zuzendaritza Batzordea sortzen da eta bere osaketa eta funtzioen zertzelada nagusiak xedatzen.

Ondorioz, Kultura sailburuaren proposamenez, eta Jaurlaritzaren Batzordeak 1999ko ekainaren 2an egindako bileran aztertu ondoren, hauxe

1. ¿ Euskal Autonomia Erkidegoko Gazte Planaren Zuzendaritza Batzordea sortzen da, Dekretu honetan ezartzen diren osaketa, eginkizun eta gainontzeko xehetasunekin.

2. ¿ Euskal Autonomia Erkidegoko Gazte Planaren Zuzendaritza Batzordea organo kolegiatu gisa gauzatzen da, erakunde-arteko ordezkaritzarekin, aipaturiko Planarekin zerikusia duten eginkizunak gara ditzan.

3. ¿ Gazte Planaren Zuzendaritza Batzordea gazteria arloan eskumena duen Eusko Jaurlaritzako Sailari atxikita geratzen da.

Honako hauek dira Zuzendaritza Batzordearen eginkizunak:

1. Gazte Plana koordinatu eta bultzatzea.

2. Gazte Planean sartzen diren jardueren jarraipena eta ebaluaketa egitea.

3. Gazte Planarekiko egokitzat jotzen diren aldakuntzak proposatzea.

4. Gazte Planean inplikaturiko erakundeen arteko lankidetza eta koordinaketarako moduak bideratzea.

5. Euskadiko Gazteriaren Kontseiluarekin nahiz gazteriarekin harreman zuzena duten gizarte-agenteekin lankidetzarako bide iraunkorrak finkatzea.

6. Euskadiko Gazteriaren Kontseiluaren ekarpen eta txostenak nahiz gizartetik datozen proposamenak aztertzeko guneak izatea.

7. Gazteria arloan eskumena duen Sailari Gazte Planaren urteroko jarraipena aurkeztea, honek Arazo Ekonomikoetarako Batzorde Ordezkarira bidal dezan.

8. Gazteria arloan garrantzi txikiagokoak diren lurralde edo erakunde mailako planei buruzko argibideak ematea.

Gazte Planaren Zuzendaritza Batzordea 18 kidek osatuko dute gehienez. Hauek erakundeetako hiru mailetako (Eusko Jaurlaritza, Foru Aldundi eta Udaletako) ordezkariak izango dira, ondorengo banaketa honekin:

• Gazteria arloan eskumena duen sailburuordea, zeinari Lehendakaritza egokituko zaion.

• Eusko Jaurlaritzako Gazteria arloko zuzendaria, idazkari-lanak egingo dituena ahots eta botoarekin.

• Lan arloan eskumena duen sailburuordea.

• Hezkuntza arloan eskumena duen sailburuordea.

• Etxebizitza arloan eskumena duen sailburuordea.

• Osasun arloan eskumena duen sailburuordea.

• Kultura arloan eskumena duen sailburuordea.

• Industria arloan eskumena duen sailburuordea.

• Nekazaritza arloan eskumena duen sailburuordea.

• Foru Aldundietako gazteria arloan eskumen zuzena daukan Foru diputatua edo, dagokion kasuan, administrazio-organoaren arduradun nagusia.

• Hiru euskal hiriburuetako Udal bakoitzean gazteria arloan eskumen zuzena daukan administrazio-organoaren arduradun nagusia.

  Euskal Autonomia Erkidegoan ordezkaritza handiena duen udal-elkarteak izendatutako beste hiru udal ordezkari.

1. ¿ Zuzendaritza Batzordeari dagokio bere araudia gauzatzea nahiz aldatzea. Araudi hori gazteria arloan eskumena duen Saileko titularrak onartu beharko du.

2. ¿ Zuzendaritza Batzordean ordezkatutako erakundeen benetako proportzionaltasuna bermatzeko, hiru erakunde-mailen ordezkarien arteko oreka ziurtatuko duen mekanismorik aproposena ezarriko da funtzionamendu-araudian.

3. ¿ Nolanahi ere, Gazte Planaren Zuzendaritza Batzordeak eztabaidatu beharreko gai guztietan Euskadiko Gazteriaren Kontseiluak bere iritzia eman ahal izateko modua ere bermatuko da. Are gehiago, Erakunde horrek eskatuz gero, eztabaidetan Kontseiluaren ordezkaritza bat egotea ere aurreikusten da.

4. ¿ Halaber, Zuzendaritza Batzordearen Lehendakariak honako hauek ere bil ditzake Batzordearen bileretara: gazteriarekin sektore-gaietan harremanak dituzten Herri Administrazioetako arduradunak eta gizartearen ordezkari adituak.

Zuzendaritza Batzordea sei hilabetero elkartuko da, gutxienez. Halaber, Lehendakariak bere ekimenez deialdia egiten duenean, edota funtzionamendu-araudiak zehazten dituen kasuetan.

1. ¿ Zuzendaritza Batzordeak zenbait gai aztertu edo jorratzeko egokitzat jotzen diren lan-taldeak eta batzorde teknikoak era ditzake. Talde edo batzorde horietan Euskadiko Gazteriaren Kontseiluak hartarako izendatzen dituen pertsonak parte hartuko dute erabat, Erakunde horrek aukera horri uko egiten ez badio behinik behin.

2. ¿ Sortzen diren lan-taldeak eta batzorde teknikoak zuzendu eta koordinatzeko ahalmena izango du Zuzendaritza Batzordearen Lehendakariak.

3. ¿ Lan-talde eta batzorde teknikoen funtzionamendurako gastuak gazteria arloan eskumena duen Saileko aurrekontu-kredituen kontura izango dira. Lan-talde eta batzorde teknikoetako kideek hartarako ezarritako diru-kopuruak eskura ditzakete, dieta eta kalte-ordain gisa; edonola ere, indarrean dagoen araudiak dioenaren arabera.

Gazteria arloan eskumena duen sailburuari ahalmena eskuratzen zaio, Dekretu honen garapen eta aplikaziorako beharrezkoak diren xedapen guztiak eman ditzan.

Dekretu hau Euskal Herriko Agintaritzaren Aldizkarian argitaratu eta hurrengo egunean sartuko da indarrean.

Vitoria-Gasteizen, 1999ko ekainaren 2an.

Lehendakaria,

JUAN JOSÉ IBARRETXE MARKUARTU.

Kultura sailburua,

M.ª CARMEN GARMENDIA LASA.