Liburutegi Zerbitzua

Dekretu honen helburua honako hau da: alde batetik, Euskadiko Kooperatiben Kontseilu Gorenaren egitura, osaketa eta eginkizunak arautzea; eta, bestetik, Kontseiluaren araubide juridikoa, ekonomia- eta finantza-araubidea, eta ondarearen eta kontratuen araubidea ezartzea.

1. – Euskadiko Kooperatiben Kontseilu Gorena kooperatibismoa sustatzeko eta zabaltzeko organo nagusitzat jotzen du Euskadiko Kooperatiben ekainaren 24ko 4/1993 Legeko 145. artikuluak, eta kooperatibismoarekin zerikusia duten gai guztietan euskal administrazio publikoei aholkuak emateko erakunde publiko gisa eratuta dago.

2. – Kontseiluak izaera juridiko propioa dauka, eta bere egitekoak betetzen jarduteko gaitasun osoa.

Euskadiko Kooperatiben Kontseilu Gorenaren egoitza Vitoria-Gasteizen dago, baina beste edozein herritan ere koka dezake egoitza, plenoak hala erabakiz gero.

Euskadiko Kooperatiben ekainaren 24ko 4/1993 Legeak agintzen dizkion eginkizunak bete behar ditu Euskadiko Kooperatiben Kontseilu Gorenak, bai eta beste arau batzuek agindutakoak ere.

1. – Honako kide hauek egongo dira Euskadiko Kooperatiben Kontseilu Gorenean:

   1. Euskadiko Kooperatiben federazio bakoitzak izendatutako kide bana.

   2. Eusko Jaurlaritzak izendatutako hiru kide; Gizarte Ekonomiako zuzendaria izango da haietako bat.

   3. Euskal Herriko Unibertsitateak, Deustuko Unibertsitateak eta Mondragon Unibertsitateak izendatutako kide bana.

2. – Nolanahi dela ere, gutxienez kontseilukideen %51 kooperatiben ordezkariak izan beharko dira; beraz, kooperatibek gehiengo osoa izango dute Kontseiluan.

   %51ko portzentaia osatu ahal izateko, Kooperatiben Federazioak edo, hala badagokie, federazio bakoitzak ordezkari bat gehiago izendatuko du, lehentasunaren arabera. Lehentasuna ezartzeko irizpide nagusia bazkidetutako erakundeen kopurua izango da, eta hori nahikoa ez bada, bazkideen kopurua hartuko da kontuan.

3. – Euskadiko kooperatiben federazioek, unibertsitateek eta Eusko Jaurlaritzak ordezka ditzakete eurek izendatutako kontseilukideak.

4. – Kontseilukideak kargua onartzen duenetik izango ditu ondorioak izendapenak.

1. – Euskadiko Kooperatiben Kontseilu Goreneko kideak, presidentea eta presidenteordea lau urteko izendatuko dira, eta, epe hori amaitzen denean, kargu bera betetzeko izendatuko ahalko dira berriro.

2. – Agintaldia amaitzen den aldi berean berrituko dira karguak.

3. – Karguak berritzeko, Euskadiko kooperatiben federazioek, Eusko Jaurlaritzak eta unibertsitateek bi hilabeteko epean izendatu beharko dituzte beren ordezkariak, Kontseiluak errekerimendua egiten duenetik kontatzen hasita. Epe hori amaitzean, erakundeek izendatutako kideek osatuko dute Kontseilua, nahiz epe horretatik kanpo ere izendatu ahalko dituzten. Ordezkatu gabeko kideen agintaldia luzatutzat joko da, harik eta izendatutako kide berriak Kontseiluan sartu arte.

1. – Kontseiluaren Plenoak erabakiko du presidenteak jaso beharreko ordainsaria, baina ezingo da, inola ere, Eusko Jaurlaritzako sailburuorde-karguarentzat ezarritakoa baino handiago izan, kontzeptu guztiak batuta.

2. – Kontseilukideek beren jardunean egin behar izandako gastu guztien ordaina jasotzeko eskubidea izango dute. Kontseiluaren funtzionamenduari buruzko erregelamenduan ezarriko da gastuak nola ordaindu, eta, orobat, kontseilukideei egin beharreko ordainketak, eta ordainketen kontzeptuak.

Euskadiko Kooperatiben Kontseilu Gorenak honako organo hauek izango ditu:

1. Kide bat baino gehiagoko organoak:

   • Plenoa.

   • Batzordeak.

2. Kide bakarreko organoak:

   • Presidentea.

   • Presidenteordea.

   • Idazkari tekniko nagusia.

1. – Plenoa Kontseiluaren organo erabakitzailea da, eta haren nahia mamitzen du. Kontseiluaren presidentea da Plenoko buru, eta idazkari nagusia bertan dela egiten dira plenoak.

2. – Dekretu honetako 4. artikuluan adierazitako eginkizunez gain, Plenoari dagokio Kontseiluaren funtzionamenduaren erregelamendua onartzea eta aldatzea.

3. – Kontseiluaren Plenoak batzordeak eratzea erabaki dezake, bere egitekoak betetzeko hartu beharreko erabakiak har ditzaten. Plenoak erabakiko du batzordeen izaera, osaketa, helburuak, eginkizunak eta funtzionamendu-arauak.

1. – Plenoak botazio sekretuan emandako botu gehienak lortzen dituen kontseilukidea izango da Euskadiko Kooperatiben Kontseilu Goreneko presidentea.

2. – Honako hauek dira presidentearen ahalmenak:

   1. Kontseiluaren ordezkari izatea.

   2. Plenoari deitzea, Plenoko buru izatea eta eztabaidak moderatzea.

   3. Plenoaren aztergai-zerrenda Kontseiluaren funtzionamenduari buruzko erregelamenduan ezarritako moduan egitea.

   4. Bilera-aktak ikus-onestea eta Kontseiluaren erabakiak bete daitezen agintzea.

   5. Kontseiluaren funtzionamenduari buruzko erregelamenduan ezarritako eginkizunak, Kontseiluko Plenoak berak agindutakoak nahiz presidenteari berez dagozkionak, eta, oro har, beste organo batzuei agindu ez zaizkienak betetzea.

1. – Euskadiko Kooperatiben Kontseilu Goreneko Plenoak presidenteorde bat hautatuko du kontseilukideetatik. Presidentea kanpoan denean edo kargua hutsik badago, presidenteordeak beteko du haren lekua. Orobat, presidenteordeak beteko ditu presidenteak espresuki haren esku utzitako eginkizunak.

2. – Dekretu honetako 5. artikuluan araututakoaren arabera, presidenteordeak ezin du presidentearen talde berekoa izan.

1. – Presidenteak edo propio izendatutako batzorde batek proposatuta, Plenoak izendatuko du Euskadiko Kooperatiben Kontseilu Goreneko idazkari nagusia, eta Plenoak berak baliogabetu ahalko du izendapena.

2. – Idazkari nagusiaren kargua ezingo da kontseilukide batentzat izan.

3. – Honako hauek dira idazkari nagusiaren egitekoak:

   1. Kontseiluaren Plenoan eta zenbait batzordetan idazkari jardutea.

   2. Kontseiluak hartutako edo onartutako erabakiak egiaztatzea.

   3. Presidentearen onespenaz, bilera-akta idaztea, erabakiak bideratzea, eta erabakien segimendua egitea.

   4. Kontseiluko zuzendari exekutibo izatea, Kontseiluaren alderdi teknikoak eta administratiboak koordinatzea, eta Kontseiluaren eraginkortasunaz eta funtzionamenduaz arduratzea.

   5. Presidentearekin gai arruntak eta hark agindutakoak aztertzea.

   6. Gutxienez urtean behin, Kontseiluaren jarduerei buruzko txosten bat egitea, Kontseiluaren Plenoak onar dezan.

   7. Kontseiluko langileen buru izatea.

   8. Presidenteak, Plenoak edo batzordeek agindutako eginkizunak nahiz idazkari nagusiaren karguari berez dagozkionak, eta, orobat, Kontseiluaren funtzionamenduari buruzko erregelamenduan idazkari tekniko nagusiari agintzen zaizkionak.

4. – Idazkari nagusiak goi mailako kargudunaren lan-harremana izango du Kontseiluarekin.

5. – Kontseiluaren Plenoak erabakiko du idazkari nagusiak jaso beharreko diru-ordaina. Nolanahi ere, idazkari nagusiaren diru-ordainak ez dira, kontzeptu guztiak batuta, Eusko Jaurlaritzako zuzendari-karguarentzat ezarritakoak baino handiago izango.

6. – Idazkari teknikoo nagusiarekin ezingo da kontratua amaitzeagatik kalteordainik hitzartu.

1. – Euskadiko Kooperatiben Kontseilu Gorenak zuzen jarduteko behar dituen giza baliabideak izango ditu.

2. – Kontseiluaren Plenoak legelari aholkulari bat izendatuko du. Kontseiluko langileetako bat nahiz kanpoko profesional bat izan daiteke lege-aholkulari.

3. – Presidenteak, idazkaritza tekniko nagusiaren txostena aztertuta, Kontseiluan hartu beharreko teknikarien proposamena egingo dio Plenoari. Proposamen horretan adieraziko da kontratatu beharreko teknikariaren eskakizun funtzionala eta maila profesionala, bai eta hierarkian zeinen agindupean jardun behar duen ere.

4. – Kontseiluko langileek, idazkari tekniko nagusiak izan ezik, lan-harreman arrunta izango dute Kontseiluarekin, eta indarrean dauden legeetan besteren konturako langileentzat ezarritako arauak aplikatuko zaizkie.

5. – Kontseiluko langileak deialdi publikoaren bidez aukeratuko dira, merezimenduaren eta gaitasunaren printzipioetan oinarrituta.

1. – Euskadiko Kooperatiben Kontseilu Gorena burujabea da ekonomiari eta finantzei dagokienez, eta burujabetza horretan oinarrituta onartzen du eta betetzen bere aurrekontua.

2. – Honako hauek dira Kontseiluaren diru-baliabideak:

   1. Euskal Autonomia Erkidegoko aurrekontu orokorretan Kontseiluarentzat ezarritako kopuruak.

   2. Euskadiko Kooperatiben Legeko 94.2.a) eta d) artikuletan zehaztutako kopuruak.

   3. Kooperatibak eraldatzetik sortutako partaidetza-kontuen tituluen etekinak (Euskadiko Kooperatiben Legeko 85.4 artikulua).

   4. Kooperatibek eta haien erakundeek erabakitako ekarpenak.

   5. Kontseiluaren argitalpenen eta ondasunen emaitzak, eta, hala badagokio, eskainitako zerbitzuenak ere bai.

   6. Bidezko beste edozein diru-sarrera.

3. – b) eta c) idatz-zatietan aipatzen diren diru-baliabideak kooperatibismoa sustatzeko eta zabaltzeko izango dira.

4. – Urte bakoitzeko lehenengo seihilabetean, Kontseiluak aurreko ekitaldiaren amaieran zeukan aurrekontuari eta finantza-egoerari buruzko informazioa eman beharko dio Euskal Autonomia Erkidegoko aurrekontuen segimendua eta kontrola egiteko aginpidea duen sailari, zeinak Kontseiluaren ekonomia- eta finantza-egoeraren egiaztapenak egin ahalko baititu.

5. – Kontseilua kontabilitate publikoaren araubideari lotuko zaio; izan ere, Euskal Autonomia Erkidegoaren Ekonomi Kontrolari eta Kontabilitateari buruzko ekainaren 30eko 14/1994 6.2 artikuluan ezarrita dagoenez, Autonomia Erkidegoko administrazio orokorrak eta erakunde autonomiadunek kontabilitate publikoaren araubidea bete behar baitute.

1. – Euskadiko Kooperatiben Kontseilu Gorenaren ondasunak eta eskubideak Euskal Autonomia Erkidegoaren ondarearenak izango dira. Horretarako, Euskadiren Ondareari buruzko uztailaren 27ko 14/1983 Legeak administrazio orokorreko erakundeei ematen dizkien aginpideak eta ahalmenak izango ditu Kontseiluak.

2. – Kontratuak egiteko, Herri-Administrazioen Kontratuei buruzko maiatzaren 18ko 13/1995 Legeko 1.3 artikuluan ezarritakoa bete beharko du Kontseiluak.

   .– Araubide juridikoa.

1. – Euskadiko Kooperatiben Kontseilu Gorenak ahalmen administratiboak betetzen dituenean, azaroaren 26ko 30/1992 Legea aplikatuko da (Herri-Administrazioen Araubide Juridikoaren eta Administrazio Prozedura Erkidearen Legea).

   Hartara, bai Plenoaren erabakiek, bai Plenoak eratutako batzordeen erabakiek, administrazio-bidea amaituko dute. Erabaki horien aurka egiteko, beraz, Administrazioarekiko Auzietarako Jurisdikziora jo beharko da, eta jurisdikzio hori arautzen duen legean ezarritako betekizunak eta epeak bete beharko dira.

2. – Gainontzekoetan, Euskadiko Kooperatiben Legea, dekretu hau, Kontseiluaren funtzionamenduari buruzko erregelamendua eta Kontseiluko Plenoaren erabakiak aplikatuko dira.

Dekretu hau indarrean jartzen denetik hasi eta hilabeteko epean, 5.1 artikuluan aipatzen diren erakundeek kontseilukideak izendatuko dituzte.

Dekretu honetako 5.1 artikuluan aipatzen diren erakundeek beren ordezkariak izendatzen dituztenean utziko dute kargua Euskadiko Kooperatiben Kontseilu Goreneko egungo kideek.

Dekretu hau indarrean jartzen denetik Kontseiluaren funtzionamenduari buruzko erregelamendua (xedapen gehigarrietatik lehena) onartu arte, Kooperatiben Kontseilu Goreneko presidenteak egingo ditu kontratuak.

Justizia, Lan eta Gizarte Segurantza sailburuak dekretu hau garatzeko eta aplikatzeko behar diren xedapen guztiak emateko ahalmena dauka.

Dekretu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.

Vitoria-Gasteizen, 1999ko maiatzaren 11n.

Lehendakaria,

JUAN JOSΙ IBARRETXE MARKUARTU.

Justizia, Lan eta Gizarte Segurantza sailburua,

SABIN INTXAURRAGA MENDIBIL.