Liburutegi Zerbitzua

atala.¿ Egitekoak.

Lehendakaritzaren Idazkaritza lehendakariaren menpe egongo da zuzen-zuzenean, eta egiteko hauek izango ditu:

1. Bere zereginetarako lehendakariak behar dituen argibide politiko eta teknikoak eskaini. Horrek ez du sailburuen egitekoak gutxitzea ekarriko.

2. Jaurlaritzaren jarduna zuzendu eta koordinatzeko laguntza eman lehendakariari. Horretaz gain aholkularitza ere eskainiko dio eskatzen dionean.

3. Xedapen orokorrei eta akordioei buruzko proiektuak gertatu eta horien proposamenak egin. Lehendakaritzaren egitekoen eta jardun-arloen esparruan sartzen diren zirkularrak, jarraibideak eta egintzak eman. Hala ere, izaera orokorreko arau baten bitartez zeregin hau beste organo bati eman dakioke.

   1. atalean jasotakoaren arabera Lehendakaritzari dagozkion egitekoak eta jardun-arloak koordinatu, suspertu eta gainbegiratu; baita Lehendakaritza osorako diren zerbitzuen kudeaketa zuzendu ere.

4. Jaurlaritzaren sailekiko eta Lehendakaritzarekin zerikusirik duten erakundeekiko komunikazioa sortzeko organo lez jardun; eta hori, Jaurlaritzari buruzko ekainaren 30eko 7/1981 Legean ezarritakoaren arabera, Jaurlaritzako kideek Lehendakaritzarekin duten zuzeneko harremanari eta dekretu honek Kanpo Harremanetarako Idazkaritza Nagusiari egozten dizkion harremanei kalterik eragin gabe.

5. Administrazio Orokorrean indarrean dagoen araubideak sailen kontratazio organoari emandako ahalmenez baliatu, kontratazio alorrean Euskadiren Bruselako Ordezkaritzaren titularrari dagozkion ahalmenei kalterik eragin gabe.

6. Lehendakaritzaren eskumenekoak diren espedienteak tramitatzeko gastuetarako baimenak eman ¿zenbatekoaren arabera Jaurlaritzaren Kontseiluari dagozkion gastu baimenei kalterik eragin gabe¿ eta aurrekontu gaietan sailburuenak diren ahalmenak erabili luze-zabalean.

7. Euskal Funtzio Publikoari buruzko uztailaren 6ko 6/1989 Legearen 10. atalak sail bakoitzari egozten dizkion eskumenak erabili.

8. Sektoretako ekintza planei eta ekimenei buruzko informazio prozedura egokiak ezarri eta mantendu, lehendakariari gobernu lana koordinatzen laguntzeko.

9. Erakundeetan parte hartu behar duenean lehendakariari lagungarri izan dakiokeena eskatu Jaurlaritzako sailei.

10. Indarrean dagoen antolamendu juridikoak Lehendakaritzari egozten dizkion gainerako egiteko guztiak, baldin eta beste organo bati egotzitakoak ez badira.

atala.¿ Zerbitzu Zuzendaritza.

Honako hauek dagozkio Zerbitzu Zuzendaritzari:

1. Lehendakaritzaren aurrekontuari buruzko aurreproiektua gertatu, horren jarraipena egin eta Lehendakaritzaren kudeaketa ekonomiko administratiboa gauzatu.

2. Jaurlaritzaren Lehendakaritzari atxikitako langileak administratu eta kudeatu. Zerbitzu Zuzendaritza da zigorbide espedienteak izapidetzeko eskumena duen administrazio organoa.

3. Langileak behar diren aztertu eta Lehendakaritzako lanpostu zerrendaren proposamena gertatu.

4. Gizarte ekintzarako eta langileak prestatzeko eta trebatzeko planak eta programak gertatu, gai horretan HAEEk bereganatuta dituen aginpidei kalterik eragin gabe.

5. Barne antolaketarako metodoak eta informazio sistemak proposatu, lan sistemak arrazionalizatu eta hobetzeko.

6. Jaurlaritzaren Lehendakaritzako bulegoen barne erregimenaz eta horien administrazioaz arduratu; baita ondarearen eta hornigaien iraupenaz ere.

7. Eta indarrean dagoen antolamendu juridikoak egozten dizkion guztiak.

atala.¿ Prentsa eta Komunikazio Zuzendaritza.

Honako hauek dagozkio Prentsa eta Komunikazio Zuzendaritzari:

1. Bide egokiak ziurtatu Eusko Jaurlaritzaren ekintzen berri emateko, baita lehendakariaren eta Jaurlaritzaren bozeramailearen ekintzen berri emateko ere.

2. Berri emate lana erraztu eta Jaurlaritzaren sailetako prentsa zerbitzuen koordinazioa eta eraginkortasuna bermatu.

3. Jaurlaritzak komunikabideei berriak emateko duen politika zehaztu eta koordinatu.

4. Gizartea sentsibilizatzeko publizitate kanpainak eta neurrriak koordinatu, baita Eusko Jaurlaritzaren eta bere sailen ekintzen berri ematea ere, Publizitateari buruzko Sailarteko Batzordearen bitartez eta Publizitate Zerbitzuaren bitartez. Batzorde hori apirilaren 18ko 151/1989 Dekretuak eta apirilaren 30eko 287/1991 Dekretuak arautu zuten.

5. Euskadiren irudia kanpoan zabaltzeko diren informazio eta publizitate kanpainak sustatu eta koordinatu, Publizitate Zerbitzuaren bitartez.

6. Eta indarrean dagoen antolamendu juridikoak egozten dizkion guztiak.

atala.¿ Azterlan eta Lege Araubide Zuzendaritza.

Honako hauek dagozkio Azterlan eta Lege Araubide Zuzendaritzari:

1. Jaurlaritzaren jardunari buruzko txostenak egin aldiro.

2. Jaurlaritzaren Kontseiluan eta, hala badagokio, Ekonomia Gaietarako Ordezko Batzordean aztertu behar diren gaiak prestatu eta koordinatu.

3. Legebiltzarreko agerraldiak lantzen lagundu Lehendakaritzako organoei. Lehendakaritzak Arartekoarekin nahiz beste erakunde publiko batzuekin dituen harremanak koordinatu eta bideratu horretarako aginpidea duten organoen bitartez.

4. Lehendakaritzaren xedapen, hitzarmen eta akordioen proiektuak egin eta horietaz informatu; eta Lehendakaritzaren organoei aholku juridikoak eman.

5. Lehendakaritzari interesa dakizkiokeen lege, jurisprudentzia eta doktrinei jarraipena egin.

6. Lehendakaritzako Idazkaritzaren liburu eta agiriak antolatu eta kudeatu.

7. Prospekzio Soziologikoen Kabinetearen bitartez, azterlanak, txostenak eta ekintzak burutu, Jaurlaritzako Lehendakaritzak gizartearen egoera eta egoera horren bilakaera ezagut ditzan.

8. Eta indarrean dagoen antolamendu juridikoak egozten dizkion guztiak.

atala.¿ Ekonomia Gaietarako Zuzendaritza.

Honako hauek dagozkio Ekonomia Gaietarako Zuzendaritzari:

1. Gizarte edo ekonomiari buruz sail edota erakunde arteko plan eta programak egin eta koordinatu; beti ere, plan eta programa horiek zuzentzea eta horien jarraipena egitea Lehendakaritzari badagokio.

2. Behar beste azterlan eta txosten egin, lehendakariaren arreta behar duten arazo eta eskaera sozio ekonomikoak ezagut ditzan Lehendakaritzak.

3. Ekonomiaren epe ertain eta luzeko bilakaerari buruzko orientabideak eman Lehendakariari, nazioartean eta Euskadin antzemandako joerak kontuan hartuta.

4. Ekonomia eta gizarte eragileekin informazio prozedura egokiak ezarri eta horiei eutsi euskal ekonomiaren bilakaera ezagutzeko.

5. Lehendakariari behar besteko aholkuak eman, jarduera planen eta sektore ekimenei jarraipena egin diezaion eta planok eta ekimenok gida ditzan lehendakariak.

6. Eta indarrean dagoen antolamendu juridikoak egozten dizkion guztiak.

atala.¿ Gizarte eta Erakunde Harremanetarako Zuzendaritza.

Honako egiteko hauek ditu Gizarte eta Erakunde Harremanetarako Zuzendaritzak:

1. Lehendakariak gizarte eragile, herritar eta erakundeekin dituen harremanen plana gertatu, gauzatu eta ebaluatu.

2. Lehendakariak ekitaldi ofizialetan parte hartzen duenean, ekitaldi horiek egoki antolatu eta burutu.

3. Lehendakaritzaren harreman publikoetarako behar diren ekintzak burutu.

4. Kanpo Harremanetarako Idazkaritza Nagusiarekin koordinatuz, lehendakariak kanpora egin behar dituen bidaietarako laguntza logistikoa eman.

5. Lehendakaritzari eta Jaurlaritzako goi kargudunei protokoloaren araubidea ezarri.

6. Eta indarrean dagoen antolamendu juridikoak egozten dizkion guztiak.

atala.¿ Egitekoak.

¿ Kanpo Harremanetarako Idazkaritza Nagusia lehendakariaren menpe egongo da zuzen-zuzenean eta laguntza emango dio lehendakariari Euskal Autonomia Erkidegoaren kanpo harremanetarako estrategia politiko instituzionala zehazten eta zuzentzen.

¿ Kanpo Harremanetarako Idazkaritza Nagusiak honako egiteko hauek ditu Euskal Autonomia Erkidegoaren eskumen alorrean:

1. Eusko Jaurlaritzaren kanpo harremana programatu, suspertu eta koordinatu.

2. Jaurlaritzari laguntza eta aholkua eman kanpo harremanetarako gaietan nahiz lehendakariak arlo horretan emandako jarraibideetan.

3. Eusko Jaurlaritzaren kanpoko ekintza planifikatu, sustatu eta koordinatu.

4. Eusko Jaurlaritzak beste herrialde, eskualde edo erakunde azpiestatalekin izan ditzakeen bi alderen arteko harremanak zehaztu eta koordinatu.

5. Eusko Jaurlaritzak nazioarteko erakundeekin ezar ditzakeen harremanak zehaztu eta koordinatu; baita Euskal Autonomia Erkidegoaren ordezkariak erakunde horietan izan dezaketen parte hartzea ere koordinatu.

6. Europako erakundeekiko jarduera zehaztu; batez ere, Europako Batasunarekikoa eta Europako Batzordekikoa.

7. Eusko Jaurlaritzak Europako eskualde mugimenduan duen ekimena zuzendu; batez ere, Europako Eskualdeen Batzordean eta Euskadik parte hartzen duen eskualdearteko erakundeetan eta organoetan.

8. Mugaz haraindiko eta eskualdearteko lankidetza suspertu, garatu eta koordinatu.

9. Garapen lankidetzarako politika bete eta kudeatu.

10. Kanpoko euskal gizataldeekiko harremanetarako politika bete eta kudeatu.

11. Euskadiren kanpo harremanekin zerikusia duten gaietan Estatuak betetzen duen jardunaren jarraipena egin.

12. Ahalik eta kanpo harreman hoberena bermatzeko, Estatuko Administrazioarekin ¿Kanpo Harremanetarako Ministeritzarekin, batez ere¿ elkarlanerako eta informazio trukaketarako bideak ezarri.

13. Euskal Autonomia Erkidegoak Estatuko Administrazioarekin hitzartutako tresnen bitartez nazioarteko itunak lantzen eta negoziatzen duen parte hartzea zuzendu eta koordinatu.

14. Sortzen diren konferentzia, batzorde eta organoetan Euskal Autonomia Erkidegoaren presentzia eta parte hartzea koordinatu, gai horietan Estatuak duen iritzia eratzeko.

16. Euskal Autonomia Erkidegoko beste erakunde batzuei aurreko zatietan aipatutako harremanen berri eman.

17. Euskadiko zenbait erakunde publiko edo pribatuekiko harremanak garatu, erakundeok garrantzizko ekimenak burutzen badituzte kanpoan.

18. Eta indarrean dagoen antolamendu juridikoak egozten dizkion beste guztiak.

¿ Jaurlaritzaren kanpo harremana bateratua izan dadin, Kanpo Harremanetarako Idazkaritza Nagusia eta bere organoak elkarlanean arituko dira Eusko Jaurlaritzako sailekin, horien erakunde autonomiadunekin, baltzu publikoekin eta Euskal Autonomia Erkidegoko Administrazio Orokorreko ente publikoekin goian aipatuko egiteko horiek burutzeko. Kanpo harremanen alorrean arau eta xedapenak eman behar direnean, Kanpo Harremanetarako Idazkaritza Nagusiak arau eta xedapen horien proiektuez txostena emango du.

¿ Kanpo Harremanetarako Idazkaritza Nagusiaren eta bere organoen egitekoek lurralde historikoen eta toki erakundeen zereginei eragiten badiete, arau teknikan lankidetzarako behar diren bideak ezarriko dira egitekook egoki burutzeko.

atala.¿ Europako Gaietarako Zuzendaritza.

Europako Gaietarako Zuzendaritzak gai horietan Kanpo Harremanetarako Idazkaritza Nagusiari dagozkion egitekoak bete behar ditu; eta bereziki, honako hauek:

1. Kanpo Harremanetarako idazkari nagusiari lagundu Jaurlaritzaren Europako ekimena sustatzen eta koordinatzen.

2. Euskal Autonomia Erkidegoaren eta Europako Batasuneko eta Europako Batzordeko erakundeen arteko harreman organoa izan.

3. Koordinazio neurriak betetzea bultzatu eta zuzendu, Europako Batasuneko arauak eta politika lantzen eta aplikatzen Jaurlaritzak esku har dezan, eta neurri horiek betetzeko Jaurlaritzaren Sare Eragilea garatu.

4. Europako erakundeetako organo eta lantaldeetan ¿Europako Batasunekoetan, batez ere¿ EAEko ordezkarien parte hartzea bultzatu, garatu eta koordinatu.

5. Zuzenbide komunitarioa aplikatzea gainbegiratu eta koordinatu.

6. EAEko Administrazio Orokorraren komunikazio ofizialak Europako erakundeetara ¿batez ere, Europako Batzordera¿ bideratu eta gidatu, komunikazio horiek ordenamendu komunitarioak eragiten dien betebeharrei buruzkoak direnean bereziki (xedapenen transposizio, Estatu laguntzen proposamen, arau hauste eta abarrei buruzkoak). Horretarako legeak ezarritako bideak erabiliko dira.

7. Kanpo Harremanetarako eta Europako Batasunerako Estatu Idazkaritzarekin lankidetza sustatzea Europako Batasuneko gaietan.

8. Europako Komunitateek eta Europako Legebiltzarrak Madrilen duten Batzordearen Ordezkaritzarekiko harremanak sustatu.

9. Jaurlaritzako sailek, bere organismo autonomiadun eta baltzu publikoek Europako Batasunaren programa eta ekimenetan duten parte hartzea sustatu, koordinatu eta ebaluatu; beti ere, programa eta ekimenok programazio dokumenturik edo programa eragilerik behar ez dutenean.

10. Jaurlaritzako sailek Europako Batasunaren ekimenen berri izan dezaten eta ekimenoi jarraipena egin diezaioten tresnak zuzendu eta koordinatu.

11. Arau, politika eta ekimen komunitarioez aholkuak eman Jaurlaritzako sailei, arau, politika eta ekimenok sailon interesekoak direnean.

12. Euskal gizartean Europako Batasuna eraikitzeari buruzko berriak zabaldu, gai horiei buruzko azterlan eta prestakuntza lanak egin eta Europako Informazioaren Euskal Sarea sustatu.

atala.¿ Euskal Gizataldeekiko Harremanetarako Zuzendaritza.

Euskal Gizataldeekiko Harremanetarako Zuzendaritzak gai horietan Kanpo Harremanetarako Idazkaritza Nagusiari dagozkion egitekoak bete behar ditu; eta bereziki, honako hauek:

1. Kanpo Harremanetarako idazkari nagusiari lagundu euskal gizataldeekiko harreman politika kudeatzen eta betetzen.

2. Euskadik kanpoko euskal gizataldeekin, euskal etxeekin eta horiek dauden herrialdeekin dituen harremanak bultzatu, koordinatu, ezarri eta areagotu.

3. Euskal Autonomia Erkidegotik Kanpoko Euskal Gizatalde eta Etxeekiko Harremanei buruzko maiatzaren 27ko 8/1994 Legeak egozten dizkion egitekoak bete, lege horretan jasotako aurrikuspenak, eskubideak eta zerbitzuak ezarriz.

4. Euskadi eta kanpoko euskal gizataldeak ahalik eta gehien hurbiltzeko beharrezkoak diren azterlan eta argitalpenak egin eta zabaldu.

5. Kanpoko euskal gizataldeetan euskal kultura eta euskara zabaltzeko eta horiei eusteko egitasmoak garatu; eta euskal egoera eta historiari buruzko ikastaroak mintegiak, hitzaldiak, erakustetak eta kongresuak prestatu Euskadin nahiz euskal gizataldeak dauden herrialdeetan.

6. Euskal Gizataldeei Laguntzeko Laurteko Plana koordinatu eta, horrela badagokio, bete.

7. Euskal Gizataldeekiko Harremanetarako Batzordeari laguntza eman.

atala.¿ Garapen Lankidetzarako Zuzendaritza.

Garapen Lankidetzarako Zuzendaritzak gai horietan Kanpo Harremanetarako Idazkaritza Nagusiari dagozkion egitekoak bete behar ditu; eta bereziki, honako hauek:

1. Kanpo Harremanetarako idazkari nagusiari lagundu garapen lankidetzarako politika kudeatzen eta betetzen.

2. Euskadiko Garapen Lankidetzarako Aholku Batzordeari laguntza eman.

3. Garapen lankidetzarako programak eta egitasmoak sustatu, koordinatu eta burutu ekonomia, kultura, zientzia eta teknikaren alorretan; eta garapen bidean dauden herriekiko elkartasun helburuetan enpresarioek parte har dezaten ahalegindu.

4. Nazio Batuen erakundeekiko harremanak sustatu gai humanitarioetan eta garapen lankidetzan.

5. Euskal Autonomia Erkidegoko edo kanpoko beste erakunde publiko edo pribatu batzuek helburu berberak lortzeko programak edo ekimenak ezartzen badituzte, programa eta ekimen horiek bultzatu eta horiek gauzatzen lagundu.

6. Lankidetza eta garapen alorretan euskal teknikarien prestakuntza sustatu.

7. Lankidetza eta garapen alorretan euskal administrazio publikoen arteko koordinazioa sustatu.

8. Garapen lankidetzari buruzko politika eraginkorragoa izan dadin, behar diren tresna eta neurriak diseinatu.

9. Garapen bidean dauden herrien aurrerapenerako garrantzizkoak izan daitezkeen azterlanak burutu eta zabaldu.

10. Lankidetza eta garapenerako laguntzak arautuko dituen araudi proposamena egin eta araudi hori betetzea kudeatu.

11. Hirugarren Munduko herrialdeetan giza eskubideak ezagutarazten eta gatazkak era baketsuan konpontzen lagundu.

atala.¿ Euskadiren Ordezkaritza Bruselan.

¿ Euskadik Bruselan duen Ordezkaritza Kanpo Harremanetarako idazkari nagusiaren menpe egongo da zuzen-zuzenean eta Europako Gaietarako zuzendariarekin arituko da elkarlanean. Bruselako Ordezkaritzak Euskadi Europako Batasuneko erakundeetan ordezkatzen du eta EAEk hainbat alorretan dituen interesak defendatu eta bultzatuko ditu erakunde horietan. Horretarako, honako egiteko hauek ditu:

1. Euskal Autonomia Erkidegoaren interesak ordezkatu Europako Batasuneko erakunde eta organoetan.

2. Euskadiren gizarte, ekonomia, sektore eta lanbide interesak kudeatu, Europako Batasuneko ekimenek interesoi eragiten dienean.

3. Europako Gaietarako Zuzendaritzaren egitekoak betetzen lagundu.

4. Erabakiak hartzeko prozesuaren jarraipena egin eta Europako Batasunaren lege ekimenei buruzko informazioa eskuratu, lege ekimenok Euskal Autonomia Erkidegoaren eskumenei edo interesei eragiten badiete, beti ere.

5. EAEko agintariak eta gizarte eta ekonomia alorreko eragileak Europako Batasuneko erakundeekin elkartzeko erabili Bruselako Ordezkaritza.

6. Europako Batasunean parte hartzeko borondatea adierazten duten erakunde publiko nahiz pribatuei aholku teknikoak eskaini, laguntzarako zentro logistikoa izanez.

7. Euskal Autonomia Erkidegoaren eta Espainiako Ordezkaritza iraunkorraren arteko harreman organoa izan.

8. Jaurlaritzako sailek Europako arauak eta politikak lantzen eta ezartzen parte hartu behar badute, Europako erakundeetan zuzenean aritu; baita sailek egindako parte hartzeen berri izan ere, premiazkoa denean.

9. Gainerako autonomia erkidego, länder edo eskualdeek Bruselan dituzten bulegoekin elkarlanean aritu.

10. Euskal Autonomia Erkidegoaren Administrazio Orokorreko erakundeen eta Bruselan kokatutako beste erakunde publiko eta pribatuen arteko lankidetza erraztu, Euskadiren hainbat sektoretako interesak defendatu eta sustatzeko.

¿ Euskadiren Bruselako Ordezkaritzaren titularrak kontratazio organo lez jardungo du Ordezkaritzak dituen egitekoen arloan antolamendu juridikoak egozten dizkion ahalmenak erabiliz. Bost milioi (5.000.000) pezetararteko kontratuak egin ditzake, baita horri dagokion gastua baimendu ere.

¿ Euskadiren Bruselako ordezkariak zuzendari maila izango du ekainaren 30eko 7/1981 Legean jasotakoaren ondorioetarako.

GEHIGARRIZKO XEDAPENA

Jaurlaritzaren Lehendakaritzari dagozkion eskumenen alorrean, Jaurlaritzaren lehendakariordeak ondoren aipatzen diren egitekoak hartuko ditu bere gain:

¿ Nazioarteko foroetan lehendakaria ordezkatu.

¿ Europako Komunitateekiko Gaietarako Konferentzian Eusko Jaurlaritza ordezkatu; lehendakariordea ez dagoenean, Kanpo Harremanetarako idazkari nagusiak egingo du egiteko hori.

¿ Lehendakaritzari egotzitako jardun-arloetan, Jaurlaritzaren Kontseiluak edo Ekonomia Gaietarako Ordezko Batzordeak onartu behar dituen gaiak aurkeztu eta defendatu.

¿ Lehendakaritzari dagozkion jardun-arloekin zerikusirik duten legegiltzar errekerimenduei erantzun, indarrean dagoen araudiaren arabera.

INDARGABETZE XEDAPENA

Indargabetu egin da Jaurlaritzaren Lehendakaritzaren Idazkaritzaren egitura eta egitekoak finkatzen dituen ekainaren 20ko 305/1995 Dekretua; baita Jaurlaritzaren Lehendakariordetzaren egitura finkatzen duen otsailaren 2ko 14/1999 Dekretuaren Gehigarrizko Lehenengo Xedapena ere.