Liburutegi Zerbitzua

atala.¿ Egitekoak, eskumenak eta jardute-alorrak

¿ Euskal Autonomia Erkidegoko Administrazioko sailak sortu, ezabatu eta aldatu eta horien egitekoak eta jardute¿arloak finkatu zituen urtarrilaren 4ko 1/1999 Dekretuko 7. atalean zehazten diren egitekoak eta jardute-alorrak dagozkio Ogasun eta Herri Administrazio Sailari.

¿ Aurreko lerroaldean adierazitako gaiekin zerikusirik duen beste edozein eskumen ere bere gain hartuko du Ogasun eta Herri Administrazio Sailak, baldin eta Euskal Autonomia Erkidegoko Herri Administrazioaren beste organo edo erakunderen bati espreski eman ez bazaio.

¿ Aurreko 1. eta 2. epigrafeetan adierazitako eskumenen xede diren gaiak, aurkakoa berariaz adierazten denean salbu, Euskal Autonomia Erkidegoaren Administrazio nagusi eta instituzionalari dagozkionak izango dira.

¿ Honako hauek ere Ogasun eta Herri Administrazio Sailari dagozkio:

1. Hitzarmenak eta elkarlanerako eta lankidetzarako akordioak gauzatzea eta harremanak edukitzea, Estatuaren Administrazio nagusi eta instituzionalarekin, beste autonomia erkidegoekin, lurralde historikoekin eta toki korporazioekin, beste entitate eta pertsona publiko eta pribatuekin, atal honen aurreko epigrafeetan aipatu diren gaietan edo lege xedapenek edo Jaurlaritzak ematen dizkion beste batzuetan, indarrean dagoen legeriak horrela ezartzen badu.

2. Euskal Autonomia Erkidegoko Administrazioa egitura osatzen duten sailei orokortasunez esleitutako eskumen amankomunak.

¿ Atal honek aipatzen dituen gaiei buruz, administrazio jardunbiderako aldi guztiak Ogasun eta Herri Administrazio Sailari dagozkio eta, orokorrean, funtzio betearazlea gauzatuko du, dekretu honen edukitik edo modu berdinean bete behar diren beste xedapenenatik beste zerbait erabakitzen denean salbu.

atala.¿ Ogasun eta Herri Administrazio Sailaren egitura orokorra.

¿ Aurreko atalean adierazitako gaiei buruzko eskumenak gauzatzeko, Ogasun eta Herri Administrazio Saila organo hauetan egituratzen da:

1. Ogasun eta Herri Administrazio sailburua.

2. Administrazio eta Zerbitzu Sailburuordetza

   1. Informatika eta Telekomunikazio Zuzendaritza

   2. Ondare eta Kontratazio Zuzendaritza.

   3. Baliabide Orokorren Zuzendaritza

   4. Zerbitzu Zuzendaritza

3. Ekonomia, Aurrekontu eta Kontrol Ekonomikoko Sailburuordetza.

   1. Ekonomia eta Plangintza Zuzendaritza.

   2. Aurrekontu Zuzendaritza.

   3. Kontrol Ekonomikoko Bulegoa.

4. Funtzio Publikoaren Sailburuordetza.

   1. Funtzio Publikoaren Zuzendaritza.

   2. Negoziazio Kolektiboko Zuzendaritza.

5. Ogasun eta Finantza Sailburuordetza.

   1. Toki Administrazioko Zuzendaritza

   2. Zerga Administrazioko Zuzendaritza.

   3. Kupo eta Finantza Ekarpenen Zuzendaritza.

   4. Finantza Zuzendaritza.

¿ Aurreko lerroaldean aurrikusitako organoetako azpiko administrazio atalak Ogasun eta Herri Administrazioaren sailburuaren aginduz garatuko dira.

¿ Organo hauek Ogasun eta Herri Administrazio Sailari atxikirik gelditzen dira, sortze-arauetan ezartzen den moduan:

1. Arbitraia Batzordea, ekainaren 5eko 136/1996 Dekretuaz onartua.

2. Kontratazio Batzorde Nagusia, ekainaren 5eko 136/1996 Dekretuaz onartua.

3. Bahitutako Ondasun eta Eskubideen Birreskuraketarako Batzorde Eragilea, urriaren 30eko 2/1984 Legeaz, ekainaren 18ko 256/1985 Dekretuaz eta otsailaren 16ko 39/1988 Dekretuaz aratua.

4. Euskal Autonomia Erkidegoko Administrazioan bere Zerbitzuak egin zituzten Langileen Lanbide eta Gozamen Eskubideak aplikatzeko Batzordea, maiatzaren 13ko 1/1986 Legegintza Dekretuaz, irailaren 19ko 193/1983 Dekretuaz eta otsailaren 11ko 58/1986 Dekretuaz arautua.

5. Euskal Estatistika Batzordea, apirilaren 23ko 4/1986 Legeaz eta azaroaren 4ko 234/1986 Dekretuaz onartua.

6. Lanpostuak Balioesteko Batzordea, Ogasun eta Herri Administrazio sailburuaren 1998ko uztailaren 27ko Aginduaz osatua.

7. Euskadiko Udal Kontseilua, uztailaren 28ko 326/1994 Dekretuaz sortua.

8. Euskal Estatistika Kontseilua, apirilaren 23ko 4/1986 Legeaz arautua.

9. Funtzio Publikoaren Euskal Kontseilua, uztailaren 6ko 6/1989 Legeaz eta 1990eko ekainaren 5eko Aginduaz arautua.

10. Administrazio Kontratazioko Aholku Batzordea, ekainaren 5eko 136/1996 Dekretuaz eta 1998ko otsailaren 4ko Aginduaz arautua.

11. Zerga-Kideketarako Saila, maiatzaren 30eko 3/1989 Legeaz arautua.

12. Euskadiko Ekonomia-Arduralaritzako Epaitegia, urtarrilaren 24ko 14/1983 Dekretuaz arautua, urriaren 10eko 227/1989 Dekretuaz eta martxoaren 22ko 134/1994 Dekretuaz aldatua.

¿ Ogasun eta Herri Administrazio Sailari atxikirik daude:

1. Herri Arduralaritzaren Euskal Erakundea (HAEE) administrazio erakunde autonomoa, Funtzio Publikoaren Sailburuordetzaren bidez, Herri Arduralaritzaren Euskal Erakundearen Lege-Jaurpideari buruzko uztailaren 27ko 16/1983 Legez ezarritako moduan.

2. Euskal Estatistika Erakundea (E.E.E./I.V.E.), Ekonomia, Aurrekontu eta Kontrol Ekonomikoko Sailburuordetzaren bidez, Euskal Autonomia Erkidegoko Estatistikari buruzko apirilaren 23ko 4/1986 Legean ezarritako moduan.

3. Eusko Jaurlaritzaren Informatika Elkartea (EJIE) baltzu publikoa, otsailaren 1eko 60/1982 Dekretuaz sortua, Administrazio eta Zerbitzu Sailburuordetzaren bidez.

Ogasun eta Herri Administrazio sailburuaren ardurapean Zuzendaritza Kontseilua egongo da. Laguntza eskeiniko dio sailburuari Sailaren politika gainbegiratu eta jarraitzeko lanetan, bere jarduketen plangintza orokorra gauzatzen eta izenda diezazkioten gainerako gaietan. Ogasun eta Herri Administrazio Saileko sailburuorde guztiek osatuko dute Kontseilu hori. Ogasun eta Herri Administrazio Saileko goi-kargudunak edo beste batzuk, hots, aztertu behar diren gaien arabera sailburuak bidezkotzat jotzen dituenak, parte har dezakete Zuzendaritza Kontseiluan.

atala.¿ Ogasun eta Herri Administrazio sailburua.

¿ Jaurlaritzari buruzko ekainaren 30eko 7/1981 Legearen 26. eta 28. ataletan ezarritako eskumenak eta urtarrilaren 4ko 1/1999 Dekretuaren indarrez Sailari dagozkion egitekoen eta jardute-alorren eremuan indarrean dagoen legeriak ematen dizkion guztiak dagozkio Ogasun eta Herri Administrazio sailburuari.

¿ Honako hauek ere badagozkio Ogasun eta Herri Administrazio sailburuari:

1. Autonomia erkidegoen eta Estatuko Ogasunaren finantza¿jardunen arteko koordinazio egokia lortzeko sortzen diren organoetan parte hartzea eta Euskal Autonomia Erkidegoaren ordezkotza egitea hala behar denean.

2. Euskal Autonomia Erkidegoko administrazioen arteko koordinazioa, beste herri administrazioen aurrean zerga eta finantza alorrean aztertu beharreko gaiei dagokinez; eta Ekonomia-Ituneak dakartzan baliabideak banatzeko sistemaren gai amankomunei dagozkienez. Eta, hori, Finantza Publikoetako Euskal Kontseiluari dagozkion egitekoen kaltetan gabe.

3. Saileko organo eta jarduera guztiak programatzea, sustatzea, zuzentzea eta kontrolatzea.

4. Deialdi publikoa egin ostean, izendapen askeko lanpostuak betetzea.

5. Indarrean dauden arauek Ogasun eta Herri Administrazio Sailari izendatutako egitekoak, baldin eta sail horretako beste organo bati edo horren menpeko beste erakunde bati eman ez bazaizkio; dekretu honetako 1. atalean aipatzen diren arloekin lotura duten eskumenak eta Euskal Autonomia Erkidegoko Herri Administrazioko beste organo batzuri eman ez zaizkienak.

   4. atala.¿ Ogasun eta Herri Administrazio Saileko sailburuordeak.

      Era orokorrean, Ogasun eta Herri Administrazio Saileko sailburuordeei hauek dagozkie:

      1. Sailaren ordezkotza egitea, sailburuak delegatuta.

      2. Sailburuordetzako eta beraren menpe dauden zuzendaritzetako organo guztiak eta jarduketa guztiak koordinatzea, sustatzea, programatzea eta gainikustea; halaber, bere menpeko zerbitzu eta organoen antolamendu eta funtzionamenduari buruzko jarraibideak eta zerbitzu-aginduak ematea.

      3. Jardute-politikak prestatzea eta sailburuari proposatzea; halaber, aginduta dauzkaten egitekoen eremuan, berari laguntza ematea.

      4. Xedapenetarako egitasmoak proposatzea, ezarrita dagoen jardute-politikaren arabera.

      5. Sailburuordetzaren menpeko organoen erabakien aurka jarritako errekurtsoak ebaztea.

      6. Indarrean dagoen legeriak ematen dizkien egiteko guztiak; halaber, guztientzat izan daitezkeenak, orokortasunez zuzendariei izendatutakoak direlako.

   5. atala.¿ Ogasun eta Herri Administrazio Saileko zuzendariak.

      Ogasun eta Herri Administrazio Saileko zuzendariei, oro har, hauek dagozkie:

      1. Sailburuaren eta sailburuordeen erabakiak gauzatzea eta delegatzen zaizkien eskumenak erabiltzea.

      2. Sailaren ordezkotza egitea, sailburuaren delegazioz.

      3. Zuzendaritzako jarduera guztiak programatzea, sustatzea, zuzentzea, koordinatzea eta kontrolatzea.

      4. Zuzendaritzako barne zerbitzuak eta lan sistemak antolatzea eskumendun organoek ezarritako arauekin bat eginik, eta, bereziki, espedienteen eta artxiboen erregistroak.

      5. Errekurtsoei ebazpena ematea, indarrean dagoen legerian agindutako kasuetan.

      6. Indarrean dagoen ordenamendu juridikoak berariaz ematen dizkienak; halaber, guztientzakotzat jo daitezkeenak, orokortasunez zuzendariei izendatutakoak direlako.

atala.¿ Administrazio eta Zerbitzu Sailburuordetza.

¿ Administrazio eta Zerbitzu Sailburuordetzak, Ogasun eta Herri Administrazio sailburuaren ardurapean, Ogasun eta Herri Administrazio Sailari esleitutako eskumenak beteko ditu, alor hauetan: informazio-sistemak eta telekomunikazioak, ondare eta kontratazioa, administrazio antolaera, argitalpenak eta hainbat sailetako zerbitzuak. Sailburuordeari, dekretu honen 4. atalean adierazitakoez gain, egiteko hauek dagozkio:

1. Administrazioa eguneratzeari buruz Administrazioa Eraberritzeko Bulegoak emandako artezpideak burutzea. Helburua zerbitzu publikoaren premietara egokitzea izango da, bai Euskal Autonomia Erkidegoko eta bere erakunde autonomoen Administrazioaren egoitzei eta eraikinei buruzko politika planifikatu eta razionalitzatzeari dagokienez, bai administratuekiko harremanetarako proiektuei dagokionez.

2. Euskal Autonomia Erkidegoko eta bere erakunde autonomoetako Administrazioaren bulego eta zerbitzuak gainkuskatzea espazioaren banaketaren ondorioetarako.

3. Kontratazio Organoa izatea, Euskal Autonomia Erkidegoko Administrazioaren Kontratazio Araubideari buruzko ekainaren 5eko 136/1996 Dekretuaren V. atalburuan eta Informazio eta Telekomunikazio Sistemen Egitekoak eta Kudeaketa-Modalitateen Planifikazioa, Eraketa eta Banaketa arautu zituen otsailaren 18ko 35/1997 Dekretuan beren beregi Ogasun eta Herri Administrazio Sailari izendatutako eskumenen ondorioz egiten diren kontratazio-espedienteetan.

¿ Administrazio eta Zerbitzu Sailburuordetzaren menpe, zuzenean eta jerarkiaren arabera, Informatika eta Telekomunikazio Zuzendaritza, Ondare eta Kontratazio Zuzendaritza, Baliabide Orokorren Zuzendaritza eta Zerbitzu Zuzendaritza egongo dira.

atala.¿ Informatika eta Telekomunikazio Zuzendaritza

Informatika eta Telekomunikazio Zuzendaritzak, dekretu honen 5. atelean adierazitakoez gain, egiteko hauek izango ditu:

1. Informazio eta Telekomunikazio Sistemen Egitekoak eta Kudeaketa-Modalitateen Planifikazioa, Eraketa eta Banaketa arautu zituen otsailaren 18ko 35/1997 Dekretuaren 6. eta 9. ataletan beren beregi Ogasun eta Herri Administrazio Sailari izendatutakoak, aurreko ataleko 1. lerroaldeko c) idazatian aurreikusitakoa salbu.

2. Irratia eta telebista hedatzeko zerbitzu eroaleen kudeaketari dagozkionak eta horren azpigiturak administratu eta ustiatzeari dagozkien ahalmenak.

   .¿ Ondare eta Kontratazio Zuzendaritza

   1. ¿ Ondare eta Kontratazio Zuzendaritzak, dekretu honetako 5. atalean adierazitako egitekoez gain, ondorengo hauek beteko ditu:

      1. Ondare gaietan:

         1. Euskal Autonomia Erkidegoko Administrazioaren Ondarea osatzen duten ondasun eta eskubideen jabetza-aginteak erabiltzea, horien ordezkotza eta defentsa egitea epaiketetatik kanpo, Euskadiren Ondareari buruzko uztailaren 27ko 14/1983 Legeak espreski bestelakoren bat ezartzen duenean izan ezik eta, beste organo edo erakunde batzuk izaten dituzten egiteko eta erantzukizunen kaltetan gabe, horiei atxiki edo eman zaizkien jabetza publiko edo pribatuko ondasunei dagozkienez.

         2. Euskal Autonomia Erkidegoko jabetza pribatuko ondasun eta eskubideak kudeatzea eta administratzea, baldin eta horien erabilpena eta ustiaketa beste organo zein pertsona batzuei eman ez bazaie.

         3. Euskadiko Ondareko ondasun eta eskubideen atxikipena, atxipena kentzea, zertarakoa finkatzea, iare uztea, eta destino-aldaketa, eta higiezinen errentamenduak, Euskadiko Ondareari buruzko uztailaren 27ko 14/1983 Legean ezartzen denaren arabera.

         4. Euskal Autonomia Erkidegoari edozein eratako enpresa eta sozietatetan partaide izateagatik dagozkion eskubideak erabiltzea, beste organo bati espreski izendatu zaizkion kasuetan izan ezik.

         5. Ustez Euskal Autonomia Erkidegoaren Ondareko parte diren ondasun eta eskubideen ikerketa egitea; edozein tituluren bidez horiek erabiltzeko baimena duen edozein pertsona edo erakunderen erabilpena ikertzea; banatzea eta mugak zehaztea; babestea, defendatzea, erreibindikatzea, zigor-ahalmenak erabiltzea eta horiekiko erantzukizunak eskatzea.

         6. Euskal Autonomia Erkidegoaren Ondarearen aurkakoen ekintzak, delitu edo falta badira, jakinaraztea jurisdikzio penalari.

         7. Euskal Autonomia Erkidegoko Administrazioaren Ondarea osatzen duten ondasun eta eskubideen Errolda Nagusia egitea, eguneratzea, baloratzea, beren egoera fisikoa eta juridikoa finkatzea eta Erregistro Publikoetan inskribatzea.

         8. Euskal Autonomia Erkidegoaren Ondareari buruz Jaurlaritzak hartzen dituen akordioak eta Ogasun eta Herri Administrazio Sailak hartzen dituen erabakiak betetzea, baldin eta Euskadiko Ondareari buruzko uztailaren 27ko 14/1983 Legeak besterik xedatzen ez badu.

         9. Ondarearen alorrean Ogasun eta Herri Administrazio Sailaren eskumenekoak diren prozedura guztiak izapidetzea eta dagozkien agiriak formalizatzea; eta Euskal Autonomia Erkidegoaren Ondarearen ondasun edo eskubideak adierazten edo gauzatzen dituzten agiri, eskritura, titulu eta balore guztiak edukitzea eta zaintzea.

         10. Bahitutako Ondasun eta Eskubideen Birreskuraketarako Batzorde Eragilearen eskumenekoak diren espediente guztiak izapidetzea.

         11. Euskal Autonomia Erkidegoko Administrazioaren jabetza publiko edo pribatuko ondasun eta eskubideen arloan indarrean dauden arauek ematen dioten beste edozein ahalmen.

      2. Euskal Autonomia Erkidegoaren Administrazio barruan kontratazio araubidea garatu eta koordinatzen duen zentro zuzentzaile denez, izaera orokorrez, Ogasun eta Herri Administrazio Sailari dagozkion eskumenak izango ditu.

      3. Hauek ere badagozkio:

         1. Kontratazio Batzorde Nagusiaren eskumeneko kontratazio espedienteak izapidetzea, Euskal Autonomia Erkidegoko Administrazioaren Kontratazio Araubideari buruzko ekainaren 5eko 136/1996 Dekretuarekin bat etorriz, dekretu honetan beste organo bati beren beregi izendatutakoak izan ezik.

         2. Euskal Autonomia Erkidegoaren Administrazioko organo konkretu bati espreski ematen ez zaizkion kontratuak kudeatzea.

         3. Sailetan eta erakunde autonomoetan eratzen diren kontratazio mahaietan parte hartzea.

         4. Euskal Autonomia Erkidegoko Kontratuen eta Kontratisten Erregistroak ikuskatzea eta kudeatzea.

         5. Kontratazio Batzorde Nagusiari laguntza teknikoa ematea bere egitekoak betetzerakoan; eta aholkuak ematea eta koordinazio lanak egitea, administrazio kontratazioen eta kontratazio pribatuen arloan.

         6. Txostenak, gomendioak, memoriak, azterlanak, inkestak eta Administrazio Kontratazioen Aholku Batzordearen eskumenekoak diren gainerako jarduerak gauzatzea, Batzordeak emandako artezpideen arabera. Gero, Batzordeak aztertuko ditu eta, kasua bada, onartuko.

         7. ¿ Kontratazioak izapidetzean sortzen diren arazoak Administrazio Kontratazioen Aholku Batzordearen irizpean jartzea, duten garrantziagatik, batzorde horren iritzipean jartzekoak badira.

      4. Arrisku eta aseguru kudeaketari dagokioenez: Euskal Autonomia Erkidegoaren Administrazioko langile, ondare eta jardunaren gain eragina duten arriskuen analisi, baloraketa, kudeaketa eta bermeari buruzko urriaren 22ko 346/1985 Dekretuaren ondorio diren ekumenak; eta bereziki, Ogasun eta Finantza Saileko Ondare eta Kontratazio Zuzendaritzako egitura eta eskumenei buruzko otsailaren 16ko 39/1988 Dekretuaren 3.3 a) eta h) letretan (biak barne) azaldutakoak.

      5. Lehiaketa-prozesuetan akordioak eta hitzarmenak sinatzea, azaroaren 19ko 268/1996 Dekretuaren arabera.

      6. Ondare, kontratazio eta arriskuen eta aseguruen kudeaketaren gaietan indarrean dagoen legeriak ematen dion beste edozein eskumen.

   2. ¿ Halaber, Ogasun eta Finantza Saileko Ondare eta Kontratazio Zuzendaritzako egitura eta eskumenei buruzko otsailaren 16ko 39/1988 Dekretuan finkatutako egitura eta eskumenak ematen zaizkio Ondare eta Kontratazio Zuzendaritzari.

   9. atala.¿ Baliabide Orokorren Zuzendaritza

      Baliabide Orokorren Zuzendaritzak, dekretu honetako 5. atalean aipatzen direnez gain, honako egiteko hauek izango ditu:

      1. Normalizazio eta homologazio arloan:

         1. Administrazioan gehienek erabili ohi dituzten eta normalizagarriak eta/edo homologagarriak diren ogasun higikorrak eta zerbitzuak zehaztea. Horien ezaugarri teknikoak eta baldintzak finkatzea, normalizatu eta/edo homologatu ahal izateko. Normalizazio eta/edo homologazio proposamenak lantzea, gero beroien izapideak egin ahal izateko, ezarrita dagoen prozedura erabiliz.

         2. Kudeaketa zentralizatuko eraikinetan, erabilera, azalera eta erosotasun-baldintzen estandarrak ezartzea.

         3. Ondasun higikorren eta zerbitzuen kontratazioa zentralizatzeko edo deszentralizatzeko bideak proposatzea.

      2. Hainbat Sailenak diren eraikinetan edo kudeaketa zentralizatua ezarri zaien eraikinetan egin behar diren obrei dagokienez:

         1. Obren planek eta horien garapen-programek bete beharreko arauak finkatzea, taiuketa eta kalitateari dagozkienez.

         2. Proiektuak idaztea, kontratuak egiteko administrazio-ekintzak burutzea, obren exekuzioa gidatzea, obren egiaztagiriak ordaintzeko eta obrak eskuratu eta kitatzeko beharrezkoak diren jardunak egitea.

         3. Proiektuak gainbegiratzeko, ikuskaritza teknikoa eta kalitatearen kontrola egiteko eta egiaztagirien jarraipena egiteko zerbitzu berezi gisa jokatzea, kontratazioaren alorrean indarrean den araudiaren arabera.

      3. Hainbat Sailenak diren kudeaketa zentralizatuko eraikinen edo hiegiezinen eta bertako instalazioen mantenimendua; energia kudeaketa eta horien komunikazio-sistemen kudeaketa; eta oinarri-arau teknikoak eta eskaintzei buruzko ikerketak lantzea, mantenimendu horiek kontratatu egin behar badira; eta horiek gauzatu, ordaindu, eskuratu eta likidatzeari dagozkienak.

      4. Kudeaketa zentralizatua duten ondasunen erosketa eta hornidurei dagokienez, ondasunen hornidura, rezepzioa, banaketa eta ordainketa egitea.

      5. Telekomunikazioen administrazioko sare korporatiboa kudeatzea Jaurlaritzaren eta aplikatzekoa den araudiaren jarraibideen arabera, Informatika eta Telekomunikazio Zuzendaritzaren eskumenen kaltetan gabe.

      6. Oro har, bere eskumenekoak diren kontratazio-espedienteen kudeaketa eta izapideak egitea.

      7. Hainbat Sailentzako diren edo kudeaketa zentralizatua duten eraikinetan, espazioen banaketari buruzko erabakiak hartzea. Horretarako, pertsonak eta altzariak tokiz aldatzeko baimena eman, antolatu eta lana burutu beharko du.

      8. Hiritarrek Administrazioa hobeto ezagutzeko mekanismoen erabilpena indartzea; zerbitzuak, hala nola, informazioa, erregistro nagusia, argitalpenen salmenta eta Euskal Herriko Agintaritzaren Aldizkaria orokortzea hiru lurralde historikoetan, herritarrak atenditzeko eta informaziorako irizpideak bateratzeko.

      9. Material inbentariagarrien Biltegi Zentralizatuak kudeatzea eta horien harmena definitzea. Sailen beharrei erantzun beharko diete biltegi horiek.

      10. Argitalpen Zerbitzu Nagusia zuzentzea eta ikuskatzea, argitalpenak arautzen dituen apirilaren 7ko 67/1998 Dekretuaren arabera.

      11. Euskal Autonomia Erkidegoko Herri Administrazioaren artxibo orokorra antolatzea eta dokumentazio-zerbitzu orokorra eskaintzea.

      12. Euskal Autonomia Erkidegoko Herri Administrazioaren liburutegi-sistema zuzentzea eta gainbegiratzea, liburutegien kudeaketarako informatika-programa jartzea eta Euskal Autonomia Erkidegoko Herri Administrazioaren liburutegi-sistemako fondo bibliografikoen katalogo kolektiboak idaztea. Liburutegi Orokorreko Zerbitzuak egitea.

      13. Honako zerbitzu hauen kudeaketa era zentralizatuan egitea: posta, mensajeria, korrespondentziaren frankeoa, egunkariak erostea, erreprografia eta inprenta, edozeinek erabil ditzakeen batzar-gelen eta aretoen erabilpena eta antzeko beste zerbitzu batzuk.

      14. Hainbat Sailetako eraikinen edo kudeaketa zentralizatua jarri zaien higiezinen segurtasunari dagozkion gaiak kudeatzea, Herrizaingo Sailaren eskumenen kaltetan gabe.

      16. Administrazioko ibilgailuak eta zerbitzuak antolatzea, kudeatzea eta administratzea poliziena izan ezik, dagokion araudiaren arabera.

   10. atala.¿ Zerbitzu Zuzendaritza

   1. ¿ Zerbitzu Zuzendaritzak, dekretu honetako 5. atalean aipatzen direnez gain, egiteko hauek izango ditu:

      1. Sailari atxikita dagoen langileriaren buru izatea, Sailaren administrazio-ekintzak eta ohiko kudeaketa egitea eta indarrean dauden arauek ematen dizkion gainontzeko egiteko guztiak. Honako hauek dagozkio bereziki:

         1. Euskal Funtzio Publikoari buruzko 6/1989 Legeko 10.1 atalean langileei dagokienez sail bakoitzari ematen zaizkion eskumenak betetzea, arau honetan beste organo bati espreski ematen zaionean izan ezik.

         2. Langileentzako trebakuntza eta hobekuntza planak eta programak lantzea, Herri Arduralaritzaren Euskal Erakundeari dagozkion eskumenen kaltetan gabe.

         3. Langileen arloan aurkezten diren errekurtsoen gaineko erabakiak izapidetzea eta proposatzea, funtzio publikoaren gain agintea duten organoei dagozkien eskumenen kaltetan gabe.

      2. Sailaren aurrekontuei buruzko aurreproiektua koordinatzea eta lantzea, horren segimendua egitea, erakunde autonomoen aurrekontu-proiektuak koordinatzea eta horiek Sailak dituenekin konsolidatzea, aurrekontuetan egon daitezen aldaketen izapideak burutzea eta gastuen programei buruzko ebaluazioa egitea.

      3. Sailaren ekonomia kudeaketa burutzea, informazio-sistemak, etengabeko ebaluazioa eta segimendua ezarriz eta mantenduz.

      4. Banaketa fisikorako, lanpostuen ekipamenduari eta berritze eta hobekuntzarako obrei dagokienez, Saileko unitateek burutzen dituzten ekintzak gidatzea, Baliabide Orokorren Zuzendaritzak arlo honetan dituen eskumenen kaltetan gabe.

      5. Saileko dependentzietako barne-araubidearekiko ardura izatea eta zaintzea. Sailak duen ondarea eta ekipamendua administratzea eta zaintzea.

      6. Erregistro orokorra, artxiboa, liburutegia eta Sailaren beste agiri-zentro batzuk antolatzea, gidatzea eta kudeatzea, Baliabide Orokorren Zuzendaritzari dagozkion eskumenen kaltetan gabe.

      7. Saileko zerbitzuen eta lan-sistemen eta metodoen barne eraketari eta razionalizazio eta informatizazioari buruzko proposamenak lantzea, Saileko gainontzeko organoekin eta Euskal Autonomia Erkidegoko Administrazioko organo agintedunekin batera lan eginez.

      8. Hala eskatzen denean, Sailari dagozkion xedapen orokor eta erabakiei buruzko proiektuak gertatzea eta lantzea, agintedun organoek onarpena eman baino lehen. Horien ondoriozko administrazio-espedienteak zaintzea ere badagokio.

      9. Sailarenak diren gaiak, Jaurlaritzaren Kontseiluaren eta Jaurlaritzako Batzordeen iritzipean jarri behar direnak, bidaltzeko izapideak egitea; eta bai Euskal Herriko Agintaritzaren Aldizkarian edo beste aldizkari ofizialen batean argitaratu beharreko xedapenak eta administrazio-ekintzak bidaltzea.

      10. Sailean sor daitezkeen gaiei buruzko ikerketak egitea eta txostenak lantzea beste zerbitzu edo organo batzuren ardurapekoak ez direnean. Zaintzea eta bideratzea ere badagokio.

      11. Beste sail batzurekiko eta Sailarekin harremanak dituzten beste erakunde edo entitate batzuekiko komunikazio-organoa izatea eta zuzendaritza honek egitekoak izendatuta dituen gaiak aztertzeko xedea duten sailarteko batzorde eta kontseiluetan parte hartzea.

      12. Euskal Autonomia Erkidegoko Ogasun Orokorraren gai propioak direnetan, sail guztiei oro har izendatuta daudelako eta guztientzakoak direlako, Ogasun eta Herri Administrazio Sailari dagozkion egitekoak indarrean dauden legeetan xedatzen denaren arabera. Saila antolatzea, informatika eta oro har, aholkularitza juridikoa eskaintzea bertako gainontzeko organoek berenganatuta ez dituzten gaietan, Jaurlaitzaren Lehendakariordetzak arlo honetan izendatuta dituen eskumenen kaltetan gabe.

   2. ¿ 50.000.000 pezetatik (300.506,05 euro) gorako hasierako aurrekonturik ez duten kontratuetan, Ogasun eta Herri Administrazio Sailaren kontratazio organoari dagozkion ahalmenak erabiliko ditu Euskal Autonomia Erkidegoko Administrazioaren Kontratazio Araubideari buruzko ekainaren 5eko 136/1996 Dekretuarekin bat etorriz, baldin eta arau honetan beste organoren bati beren beregi esleizen ez bazaizkio.

   3. ¿ Zerbitzu Zuzendaritza izango da Administrazioa Eraberritzeko eta Modernizatzeko alorrean eskumendun den organoak emandako jarraibideak eta ekimenak garatzeko eta gauzatzeko beharrezkoa den euskarria bermatuko duen organoa, sailaren jarduera-eremuan aipatu alorrari dagokionez Jaurlaritzaren programan jasotako aurrikuspenak garatu ahal izateko.

   4. ¿ Sailaren barruan Zerbitzu Zuzendaritza da Europako Batasuneko politikak eta araudia prestatzean eta aplikatzean Eusko Jaurlaritzaren partaidetza garatzeko koordinazio-neurriak bututuko duena.

atala.¿ Ekonomia, Aurrekontu eta Kontrol Ekonomikoko Sailburuordetza

¿ Ekonomia, Aurrekontu eta Kontrol Ekonomikoko Sailburuordetzak, Ogasun eta Herri Administrazio sailburuaren goi mailako zuzendaritzapean, Ogasun eta Herri Administrazio Sailari izendatutako egitekoak beteko ditu arlo hauetan: ekonomia plangintza, ekonomia azterlanak, koiuntura eta aurreikuspen ekonomikoarena; eskualdeen politika; eta Euskal Autonomia Erkidegoko Aurrekontu Orokorrak zuzentzea, prestatzea, horien kudeaketa orokorra egitea, horiei segimendua eta kontrola egitea; horiei buruzko aurrekontu-programazioa, barneko kontrol ekonomikoa, kontabilitatea eta kontabilitateko erantzukizunak. Titularrari, dekretu honen 4. atalean adierazitakoez gain, egiteko hauek dagozkio:

1. Ekonomia-azterlanei eta ekonomia koiunturari eta aurreikuspenari dagozkien jardute arloak zuzendu eta koordinatzea.

2. Euskal Autonomia Erkidegoak eskualde-politikan jorratzen dituen jarduerak zuzendu eta koordinatzea.

3. Urteko aurrekontuak lantzeko artezbideak garatuko dituen oinarrizko markoa definitzea eta proposatzea, aurrekontu araubide-arloan indarrean dauden lege-xedapenei buruzko bateratutako testua onartu zuen irailaren 27ko 1/1994 Legegintza-Dekretuko 58. atalean xedatzen denaren arabera. Euskal Autonomia Erkidegoaren Aurrekontu Orokorren aurreproiektua eta horien lege aurreproiektua lantzea, aipatu legearen 60. atalean agintzen denaren arabera.

4. Aurrekontuaren gain eragina izan dezaketen lege-egitasmo guztiekin batera aurkeztu behar den finantza-eranskina gertatzea eta Euskal Autonomia Erkidegoak eskumen eta/edo zerbitzu berriak bereganatzeak edo honek beste herri administrazio batzuri uzteak ekar ditzakeen aurrekontu-kredituen sartze eta baja emate proiektuak lantzea.

5. Euskal Autonomia Erkidegoko Administrazio Orokorrari eta Instituzionalari zerbitzuak egingo dizkioten auditoria-firmak kontratatzea. Egiteko hau betetzean, kontratazio-organo gisa jardungo du.

6. Hainbat urtetarako aurrekontu-programa zuzentzea, artikulatzea eta ezartzea. Horretarako, sailen eta gainontzeko instituzio eta erakunde publikoen arteko koordinazioa lortu beharko du.

7. Gastu publikoari buruz Euskal Autonomia Erkidego osoaren intereserako diren ekimenak zehazteko lanak koordinatzea ekitaldi bakoitzeko programa eta aurrekontuetan. Ogasun eta Herri Administrazio Sailak ekonomia eta gastu publikoaren alorretan burutu beharreko jarduna koordinatzea.

¿ Ekonomia, Aurrekontu eta Kontrol Ekonomikoko Sailburuordetzari, honako hauek atxikitzen zaizkio artez eta hierarkikoki: Ekonomia eta Plangintza Zuzendaritza, Aurrekontu Zuzendaritza eta Kontrol Ekonomikoko Bulegoa.

atala.¿ Ekonomia eta Plangintza Zuzendaritza.

¿ Ekonomia eta Plangintza Zuzendaritzak, dekretu honetako 5. atalean adierazten direnez gain, egiteko hauek izango ditu:

1. Ekonomia politika orokorrerako artezpideak eta jarraibideak prestatzea, aztertzea eta horiei segimendua egitea eta sektoreetako politikak potitika orokorrarekin bat datozen zaintzea; eta sektoreetako ekonomia politiken arteko koordinazioa bultzatzea.

2. Ekonomia plangintza egiteko bitartekoak zuzendu, taxutu eta prestatzea, eta bere aurrikuspenen segimendurako eta betearazteko ekintzak koordinatzea eta, bereziki, epe ertaieko Ekonomia Plana formulatzea, garatzea eta prestatzea.

3. Euskal Autonomia Erkidegoko gainerako instituzio publikoen jardueren plangintzan esku hartzea, Jaurlaritzak erabakitzen duenari jarraiki; eta eragile sozial eta ekonomikoen partaidetza dinamizatu eta partaidetza hori gauzatzeko bideak bultzatzea, benetan itundutako plangintzara heldu ahal izateko.

4. Lurralde-antolaketarako bitartekoak -maiatzaren 31ko 4/1990 Legean aurreikusten dira horiek- eratzeko prozesuan parte hartzea, ekonomiaren aldetik garrantzitsuak diren erabakietan eta eskualde-plangintzari eragiten dioten erabakietan.

5. Ekonomiari buruzko azterlan, txosten eta argitalpenak, orokorrak nahiz sektorekakoak, egitea, ekonomia politika eraginkorra eta koherentea ahalbidetzeko.

6. Autonomia Erkidegoko Administrazio Orokorrak egindako azterlan guztiak, ekonomia jarduerari eragiten diotenak, koordinatzea eta ekonomiaren eremuan diharduen edozein organori laguntza teknikoa ematea, Ekonomia Gaietarako Ordezko Batzordeak nahiz Jaurlaritzaren Kontseiluak kasuan kasu ezartzen duenaren arabera.

7. Ekonomia ikerketarako metodoak garatzea eta, bereziki, euskal ekonomiaren zein beronen sektoreen eta/edo segmentuen ereduak.

8. Euskal Autonomia Erkidegoaren urteko eta seihileko egoera ekonomikoari buruzko txostenak prestatzea, aurrekontu araubidearen alorrean indarrean dauden lege-xedapenen testu bategina onartzen duen irailaren 27ko 1/1994 Legegintza Dekretuko 61. atalean eta Ekonomia eta Gizarte Arazoetarako Euskal Batzordeari buruzko ekainaren 27ko 9/1997 Legeko 3.3 atalean hurrenez hurren ezarritakoaren arabera.

9. Euskal Herriko bertako nahiz Euskal Herrian eragina duen ekonomiaren eta politika ekonomikoaren egoera eta bilakaera, orokorra nahiz alorkakoa, begiratzea, bai eta estatuko zein nazioarteko koiuntura ekonomikoarena ere, aurreikuspen-teknikak landu eta erabiliz eta koiuntura ekonomikoari buruzko azterlanak, txostenak eta argitalpenak prestatuz.

10. Jaurlaritzaren ekonomia plangintzaren jarraibide eta norabide estrategikoak eta aurrekontua gertatzeko irizpideek izango duten oinarrizko esparrua uztartzea. Horretarako, gastuaren eszenatoki orokorra eztabaidatzeko norabide bat emango duten txostenak eskeiniko ditu, ekonomiaren egoerari buruzkoak hain zuzen ere. Eginkizun horren inguruan Ogasun eta Herri Administrazio Saileko beste organo batzuk izan ditzaketen eskumenen kaltetan gabe egingo da hori.

11. Jaurlaritzaren ohibesteko neurri ekonomiko eta finantzieroak, urteko aurrekontuen eremua gainditzen dutenak alegia, aztertzea eta analisatzea.

12. Euskal alor publikoak, herri administrazioek eta alor publiko enpresarialak ekonomi eta finantza gaietan duten jardunaren jarraipena eta analisia, Euskal Autonomia Erkidegoko herri administrazioak hainbat urtetan izango duen programazioaren egokitzapena eta eguneratzea bideratzeko.

13. Euskal alor publikoaren aurrekontuak burutzeko estatistika gertatzea eta zabaltzea Euskal Estatistika Planaren barruan, eta Euskal Estatistika Erakundeak dituen eskumenen kaltetan gabe.

14. Jaurlaritzaren programazio ekonomikoak bildu behar dituen edukiak definitzea eta gertatzea eta programa zein politika publikoen ebaluazioa bultzatzea eta suspertzea, Kontrol Ekonomikoko Bulegoak auditoriaren alorrean dituen eskumenen kaltetan gabe.

16. Euskal Herriaren eremuan, Eskualde eta Gizarte Eraldaketarako Planaren proposamena zuzendu, taxutu eta prestatzea, eta Euskal Autonomia Erkidegoarentzako Laguntza Komunitarioaren 2. Helburua lortzeko Esparruaren formulazioan esku hartzea, aplikatu beharreko araudi komunitarioaren arabera.

17. Euskal Autonomia Erkidegoko Eskuhartze Komunitarioko Programa eta Ekimenak prestatu, horien jarraipena egin eta programa zein ekimen beroriek zer-nola osatu eta gauzatzen diren begiratzea, Nekazaritza eta Arrantza Sailak osatu beharreko programa eta ekimenak izan ezik.

18. Jaurlaritzari europar politika ekonomikoaren eta, bereziki, eskualde-politikaren bilakaera eta garapenaren berri ematea.

19. Euroaz informatzeko, euskal plana zein herri administrazioari, enpresei eta herritarrei eurora egokitzen laguntzeko xedea duten ekimenak koordinatu eta garatzea.

¿ Eskualde-politikari dagozkion eginkizunak Kupo eta Finantza Ekarpenen Zuzendaritzarekin batera beteko dira. Bereziki, zuzendaritza horrek ezartzen dituen irizpideei jarraitu beharko zaie Euskal Autonomia Erkidegoarekin lotutako finantza-fluxu europarrei dagokienez.

atala.¿ Aurrekontu Zuzendaritza.

Dekretu honetako 5. atalean adierazitako egitekoez gain, Aurrekontu Zuzendaritzak honako egiteko hauek beteko ditu:

1. Euskal Autonomia Erkidegoko administrazio nagusiko eta instituzionaleko organo eta enteentzako aurrekontu-egitura prestatzea eta dagokion organoari onar dezan proposatzea.

2. Urteko aurrekontuetako dirusarrerak eta gastuak gertatzea; eta bai beharrezkoak diren azterlanak eta txostenak ere. Euskal Autonomia Erkidegoko aurrekontu orokorretan baliabideek izango duten izendapen organiko, ekonomiko eta funtzionala da horren helburua.

3. Administrazio nagusi eta instituzionalaren aurrekontu orokorrei buruzko aurreproiektuak tajutzeko erabiliko diren irizpide teknikoak gertatzea eta irizpide ekonomikoak garatzea, agintea duen organoak onar ditzan.

4. Aurrekontuak prestatzeko teknika eguneratuak aztertzea eta ezartzea Euskal Autonomia Erkidegoko Administrazioaren organoetan, xede hauekin: lortu nahi diren helburuen identifikazio egokia, xedeak lortu direnentz neurtzeko adierazgarri eragileak formulatzea, eta gastu¿programetako emaitzak ebaluatzea programaka egindako aurrekontuen arabera, hartu beharreko aukerak eta erabiliko diren guztizko baliabideak aztertu eta mugatuz. Ekonomia eta Plangintza Zuzendaritzarekin eta Kontrol Ekonomikoko Bulegoarekin koordinatuz burutuko dira eginkizun horiek guztiak.

5. Aurreikusi diren helburuak betetzera bideratutako neurriak eta, hala behar izanez gero, aurrekontuetako dirusarrera eta gastu publikoari etekinik onena aterako dieten baliabideak berrizendatzea proposatuz, Euskal Autonomia Erkidegoaren aurrekontuetan dauden xedeak betetzeko ekintzen gauzaketa begiratzea eta bultzatzea.

6. Eduki ekonomiko nabarmena duten araugintzazko proposamenei, itunei eta akordioei dagozkien txostenak ematea, aurrekontuen aldetik izan dezaketen eragina ebaluatzeko, eta dagozkion egokitzapen neurriak proposatzeko, Euskal Autonomia Erkidegoko Ekonomia Kontrolari eta Kontabilitateari buruzko ekainaren 30eko 14/1994 Legeko 27.4 atalean ezarritakoaren arabera.

7. Hainbat urtetarako gastuei eta mota guztietako aurrekontu aldaketei buruz legeek Euskal Autonomia Erkidegoaren Administrazioari ematen dizkioten ahalmenak, Jaurlaritzari, Ekonomia Gaietarako Ordezko Batzordeari edo beste organo batzuei eman zaizkienak izan ezik.

8. Jaurlaritzak aurrekontu arloan Legebiltzarrarekin dituen harremanetarako laguntza teknikoa ematea.

9. Aurrekontu arloari buruzko prozedura guztiak izapidetzea eta, beharrezkoa bada, horien proposamena egitea, baldin eta horiei ebazpena ematea ez badagokio baina eskumena Ogasun eta Herri Administrazio Sailarena bada. Nolanahi ere, hasierako baimenaren eta kudeaketa orokorraren eskumena ematen zaio, hala gertatuz gero, sail jakin batzuei dagozkienak izan ez eta administrazio nagusiaren aurrekontuen barruan daudenean.

10. Estatu, foru eta toki mailako administrazioetan aurrekontuez arduratzen diren organoekiko koordinazioa eta lankidetza.

11. Euskal Autonomia Erkidegoko aurrekontu orokorrak gertatze, kudeatze, ebaluatze eta kontrolatze arloetan beste egiteko batzuk, baldin eta horrela aurreikusten bada aurrekontu araubidearen alorrean indarrean dauden lege-xedapenen testu bategina onartu zuen irailaren 27ko 1/1994 Legegintza Dekretuan edo indarreko antolamendu juridikoan, eta beste organoren batek ez badu bereganaturik.

atala.¿ Kontrol Ekonomikoko Bulegoa.

¿ Zuzendaritzaren maila organikoa izango duen Kontrol Ekonomikoko Bulegoak, dekretu honetako 5. atalean adierazitako eginkizunez gain, honako hauek beteko ditu:

1. Euskal Autonomia Erkidegoko herri administrazioari dagozkion ahalmen guztiez baliatzea kontabilitateari eta barneko ekonomi kontrolari buruzko egitekoetan. Euskal Autonomia Erkidegoko Ekonomia Kontrolari eta Kontabilitateari buruzko ekainaren 30eko 14/1994 Legean, Euskal Autonomia Erkidegoko ekonomia kontrola eta kontabilitatearen gauzatzea garatzen duen urriaren 31ko 464/1995 Dekretuan, Erakunde Burujabeetango artekaritza araupetzeari buruzko martxoaren 5eko 80/1984 Dekretuan, eta ordenamendu juridikoan oro har ezarritakoak beteko dira. Ogasun eta Herri Administrazio Saileko beste organo batzuei egotzitako ahalmenak salbuetsi egingo dira.

2. Euskal Autonomia Erkidegoko administrazio nagusia eta instituzionala osatzen duten enteen Kontabilitateari eta jardun ekonomiko-finantzieroaren jardunari darizkien agiri, kontu eta txostenak gertatzea eta banatzea, bai eta haien partaidetza duten enpresenak ere, beste organo batzuek horretan dituzten eskumenen kaltetan gabe.

3. Euskal Autonomia Erkidegoko Ekonomia Kontrolari eta Kontabilitateari buruzko ekainaren 30eko 14/1994 Legeko 10.e) atalaren arabera, tratamendu informatikoa izan behar duten kontabilitateko eginkizunak zehaztea, kontabilitate publikoaren alorreko garapen informatikoak onartzea eta informatizatutako argibide kontableak eskuratzeko eta erabiltzeko baimena ematea.

4. Herri Kontuen Euskal Epaitegiarekin eta kanpotiko kontrolerako beste organo batzuekin koordinatzea eta lan egitea. Beste herri administrazio batzuetako kontuhartzeko eta barneko kontrol ekonomikorako organoekin koordinazio lanak egitea.

¿ Osakidetzako Kontuhartzea Kontrol Ekonomikorako Bulegoaren menpe dago funtzionalki.

atala.¿ Funtzio Publikoaren Sailburuordetza.

¿ Funtzio Publikoaren Sailburuordetzak, Ogasun eta Herri Administrazio sailburuaren goi mailako zuzendaritzapean, funtzio publikoa, langileen araubide juridikoa nahiz ordainsarien araubidea eta negoziazio kolektiboa hartzen dituzten arloetan Ogasun eta Herri Administrazio Sailak dituen egitekoak beteko ditu. Dekretu honetako 4. atalean emandakoez gain, honako egiteko hauek dagozkio Funtzio Publikoaren sailburuordeari:

1. Giza-baliabideekin lotutako politikaren planifikazioa eta gauzatzea zuzendu eta koordinatzea, baliabide horiek gizartearen premia eta eskeei egokitzeko burutu beharreko jarduerak proposatuz.

2. Aurrekontu-plantiletako aurreproiektua lantzea, Ekonomia, Aurrekontu eta Kontrol Ekonomikoko Sailburuordetzaren lankidetzaz.

3. Ikuskaketa orokorra langileei dagokienez, Funtzio Publikoaren razionaltasuna eta eraginkortasuna bermatu ahal izateko, Kontrol Ekonomikoko Bulegoari ekonomi-kontrolean dagozkion eskumenen kaltetan gabe.

4. Euskal Autonomia Erkidegoko Administrazioak funtzionarioen eta lan-kontratuko langileen ordezkariekin burutu behar duen negoziaketarako ordezkariak proposatzea eta beste administrazio batzuetako funtzio publikoan agintea duten beste organo batzuen aurrean ordezkotza hori egitea.

5. Produktibitate-osagarria dela eta, eman ohi diren zenbatekoak banan-banan izendatzea eta ezohiko zerbitzuengatiko gratifikazioak ematea, Jaurlaritzak onartuta dituen banaketa-irizpideen arabera.

6. Langileen ohiko kudeaketan sailek eta erakunde autonomoek guztiei aplikatu beharreko irizpideak ezartzea, Jaurlaritzak arlo honetarako onartzen duen politika orokorra betez.

7. Lan-osasun eta segurtasun alorretan Jaurlaritzak onartzen dituen irizpide orokorrak Sail eta Erakunde Autonomoetan ezartzea.

8. Langileen gain eragina izan dezaketen administrazio eta lan mailako gorabeheren izapideak egiteko eta horiei ebazpena emateko argibideak ematea.

9. Oro har, funtzio publikoari buruzko legeak bete daitezen zaintzea, horretarako beharrezkoak diren neurriak hartuz edo, hala behar izanez gero, proposatuz. Indarrean dauden arauek ematen dioten beste edozein egiteko betetzea.

¿ Funtzio Publikoaren Sailburuordetzaren pean daude artez eta hierarkikoki Funtzio Publikoaren Zuzendaritza eta Negoziazio Kolektiboko Zuzendaritza.

atala.¿ Funtzio Publikoaren Zuzendaritza.

Dekretu honetako 5. atalean aipatzen diren egitekoez gain, honako hauek dagozkio Funtzio Publikoaren Zuzendaritzari:

1. Funtzio publikoaren arloko arau orokorren proiektuak lantzea; lege-aurreproiektuak eta xedapen orokorren proiektuak Zuzendaritza honen gain eragina izan dezaketen gaietan derrigorrez informatzea.

2. Euskal Autonomia Erkidegoko Administrazioaren enplegu publikoaren eskaintza lantzea beste sail batzuekin batera.

3. Karrerako funtzionario, lan-kontratuko langile finko edo estatutupeko langile izateko egin behar diren hautaprobetarako deialdien oinarri-arauak derrigorrez informatzea.

4. Lanpostuak merezimendu-lehiaketa bidez betetzeko oinarri-arauak gertatzea.

5. Izendapen askeko lanpostuak betetzeko eta aldibaterako langileak izendatzeko deialdiak derrigorrez informatzea.

6. Lanpostuen zerrendak lantzea, lanpostu horien baloraketa eta beroien ezaugarriak definitzeko lanak gidatuz.

7. Funtzionarioen administrazio egoeren deklarazioa egitea eta lanean berriro sar daitezela onartzea, dagokion Sailaren edo Erakunde Autonomoaren txostena aztertu ondoren. Lan-kontratuko langile finkoen kontratuak eteteari ebazpena ematea.

8. Langileak prestatzeko eta hobetzeko politika diseinatu eta planifikatzea.

9. Langileei dagozkienetan sor daitezkeen administrazio eta lan mailako gorabeherak informatzea eta horiei ebazpena ematea, beste sailei edo erakunde autonomo batzuei espreski emanda ez badaude eskumen horiek.

10. Funtzio publikoaren arloko irizpenak lantzea, Euskal Autonomia Erkidegoko Administrazioko sailek edo bere erakunde autonomoek hala eskatutakoan.

11. Aldibaterako lan-kontratuko langileen kontratazioak informatzea eta bitarteko funtzionarioak izendatzea eta lanetik botatzea, eskumen hori Ogasun eta Herri Administrazio Sailaren esku dagoenean.

12. Karrerako funtzionario edo lan-kontratuko langile izateko deialdia egin eta hautaprobak gainditu dituzten izangaiak beren lanpostuez jabetu daitezen onartzea edo, hala behar izanez gero, kontratatzea, eskumena hori Ogasun eta Herri Administrazio Sailari dagokionean.

13. Langileen Erregistroa zuzendu eta kudeatzea.

14. Euskal Autonomia Erkidegoaren Administrazioan lan egiten duten langileak ordaintzeko sistema kudeatzea eta bai Euskal Administrazioari dagozkion eta gizarte-prebisiopekoak diren langileena ere.

16. Gradu pertsonalen eta, hirurtekoen ondorioetarako, Administrazioan egindako zerbitzuen norbereganaketa eta aldaketa onartzea, eskumen horiek Ogasun eta Herri Administrazio Sailari dagozkionean. Horien erabilpena zein artezpideri lotu beharko zaion ere finkatuko du, baldin eta eskumen hori beste sail batzuei edo erakunde autonomoei izendatu bazaie.

17. Administrazioa Eraberritzeko Bulegoaren Zuzendaritzak giza-baliabideen alorrean burutzen dituen sailarteko ekimen eta proiektuek eragindako neurri razionalizatzaileak ezartzea.

18. Oro har, giza-baliabideekin lotutako politika garatu, kontrolatu eta gauzatzea, Jaurlaritzak ezarritako artezpideei jarraituz.

19. Indarrean dauden legeek emandako beste edozein egiteko betetzea.

atala.¿ Negoziazio Kolektiboko Zuzendaritza.

Dekretu honetako 5. atalean aipatzen diren egitekoez gain, honako egiteko hauek dagozkio Negoziazio Kolektiboko Zuzendaritzari:

1. Sindikatuekin, komiteekin edo langilegoaren ordezkaritza duten beste organo batzuekin egin beharreko elkarrizketa eta negoziaketetan horretan agintea duen organoari laguntzea edo Sailari dagokion ordezkaritza egitea, horretarako ahalmena ematen zaionean.

2. Langileen ordezkariekin lortutako edo izenpetutako akordio edo hitzarmenen ondorioz sortutako organo edo komisioetan Sailaren ordezkotza egitea, baldin eta akordioan espreski beste organo bati eman ez bazaio egiteko hori.

3. Euskal Autonomia Erkidegoko Administrazio Nagusiko eta Instituzionaleko langileen ordezkariekin lortu edo izenpetu beharreko akordio edo hitzarmenak informatzea, izenpetu baino lehen eta derrigorrez.

4. Sailei, erakunde autonomoei, zuzenbide pribatuko erakunde publikoei eta baltzu publikoei laguntza ematea langileen ordezkariekin egin beharreko negoziaketetan, hala eskatzen zaionean.

5. Langileen lan-baldintzak hobetzearren gizarte mailako zerbitzuak jar daitezela proposatzea eta, beharrezkoa bada, horiek kudeatzea.

6. Arriskuen prebentzioaren alorrean ezarri beharreko neurriak proposatzea; Euskal Autonomia Erkidegoko Administrazioaren Prebentzio Zerbitzu Propioa zuzendu eta kudeatzea.

7. Langileen presentzia kontrolatzeko sistemak zuzendu eta kudeatzea.

8. Langileei maileguak ematea eta horien kudeaketa burutzea. Indarrean dauden legeen arabera maileguak izapidetzea eta horiei ebazpena ematea sailei eta erakunde autonomoei dagokienean, zein artezpideri jarraitu beharko dioten finkatzea.

9. Eskubide Pasiboen Batzordearen administrazio-euskarria kudeatzea.

10. Indarrean dauden arauek emandako beste edozein egiteko betetzea.

atala.¿ Ogasun eta Finantza Sailburuordetza.

¿ Ogasun eta Finantza Sailburuordetzak, Ogasun eta Herri Administrazio sailburuaren goi mailako zuzendaritzapean, Ogasun eta Herri Administrazio Sailari dagozkion egitekoak beteko ditu finantza-politikari eta finantza-entitateekiko harremanei dagozkienetan: diruzaintza, zordunketa eta bermeak eskaintzea, Itune Ekonomikoa, Estatuarentzako kupoak eta Lurralde Historikoen ekarpenak, transferentziaren gai izan diren eskumenen eta/edo zerbitzuen balorazioa, Gizarte Segurantza finantzatzeko Estatuarekin izan beharreko finantza-fluxuak finkatzea, zergen administrazioa,ekonomi-administrazio mailako erreklamazioak eta Toki Administrazioa. Dekretu honetako 4. atalean ezarritakoez gain, honako eginkizun hauek dagozkio Ogasun eta Finantza sailburuordeari:

1. Ogasun arloari dagokionez:

   1. Legeek Euskal Autonomia Erkidegoari ematen dizkioten ahalmen guztiak Ekonomia-Itunaren kudeaketak sor ditzakeen baliabideen banaketa-sistemari eta berari darizkion finantzaketaren alorrei dagokienez, Eusko Jaurlaritzari edo beste organoren bati izendatuta daudenean izan ezik.

   2. Euskal Gizarte Segurantzaren finantzaketari dagokionez, Estatuko Administrazioarekin eduki behar diren finantza-fluxuak erabakitzea.

   3. Euskal Autonomia Erkidegoaren, Estatuko Administrazioaren eta beste lurralde erakunde batzuen arteko transferentzien gai izan daitezkeen eskumen eta/edo zerbitzuak definitzea, horiei buruzko irizpenak ematea eta horien baloraketari buruzko proposamenak egitea, horien artean etengabeko koordinaketa eman dadin.

   4. Legeek diotenaren arabera, zerga mailan, Euskal Autonomia Erkidegoaren Administrazioak dituen eskumenak Lurralde Historikoen arteko koordinazio, zerga-armonizazio eta kolaborazioari dagokienez.

   5. Ekonomia-Itunaren ondorioz, Euskal Autonomia Erkidegoko Administrazioarenak diren zerga alorreko eta zerga-araubideko eskumenak, Jaurlaritzari izendatu zaizkionak izan ezik.

   6. Euskal Autonomia Erkidegoaren Administrazioko edo Erakunde Autonomoetako organoek burututako zerga-ekintza guztiak ofizioz birraztertzeari buruzko espedienteei ebazpena ematea.

   7. Euskal Autonomia Erkidegoko Ogasuntza Nagusiarenak diren zergak eta zuzenbide publikoko eta pribatuko eta finantzabidezkoak ez diren dirubideak arautzeari buruzko lege-aurreproiektuak lantzea.

   8. Europako Batasunetik datorren finantzaketari dagokionez, ekintza guztiak koordinatzea eta inplementatzea.

2. Finantza arloari dagokionez:

   1. Euskal Autonomia Erkidegoko Aurrezki Kutxen eta Kreditu Kooperatiben antolaketarekin, menpekotasun araubidearekin eta araubide juridikoarekin zerikusia duten baimen-emateak, onartzeak eta berariazko kontzesioak dakartzaten guztiak, indarrean dagoen legeriaren arabera Euskal Autonomia Erkidegoko Administrazioari badagozkio.

      Nolanahi ere, indarrean dagoen legeriaren arabera, Euskal Autonomia Erkidegoko Aurrezki Kutxen Kontrol Batzordea osatzen dutenei gehitzeko ordezkaria izendatzea dagokio.

   2. Indarrean dagoen legeriaren arabera, Aurrezki Kutxek eta Kreditu Kooperatibek lege hausteak egiteagatik har ditzaketen zigorrak proposatzea organo eskudunari, eta dagozkien espedienteak izapidetzea ere bai.

   3. Aseguru-bitartekotza lanetan aritzeko baimenak ematea eta baimenak kentzea.

   4. Aurrerakinak eskatzea eta, hala badagokio, gerorapenak ematea, «Autonomia Elkarte Erkidego Osorako Erakundeen eta bertako Kondaira-Lurraldeetako Foruzko Ihardutze-Erakundeen Arteko Harreman»ei buruzko azaroaren 25eko 27/1983 Legeko 25.2 atalak aipatzen duenaren arabera.

   5. Euskal Herriko Ogasuntza Nagusiaren Dirubiltze Araubidearen arabera diruzaintza alorreko eskumenak dituen sailari esleitutako zorren ordainketa geroratu eta zatitzeko eskabideak izapidetzea eta horiei ebazpena ematea.

   6. Euskal Autonomia Erkidegoko Finantzen azaroaren 8ko 8/1996 Legeko 41.1 atalak bermeak emateko eskumenak dituen sailari emandakoak, bermeak formalizatu, aldatu eta berresteari dagokionez.

   7. Euskal Autonomia Erkidegoari esleitutako harremanak, finantza alorrekoak, koordinatzea; eta Erkidego horren ordezkaritza bere gain hartzea gai horretan eskudunak diren organoetan, eta bereziki, Balore Merkatuko Batzorde Nazionalean eta edozein eremutako finantza-erakundeetan.

3. Oro har, ogasuna, finantza politika eta finantza entitateekiko harremanak, diruzaintza, zorpetzea, bermeak ematea, eta toki administrazioa hartzen dituzten gaietan legeria betearaztea, horretarako beharrezko diren neurriak hartuz edo, hala behar izanez gero, proposatuz. Halaber, indarrean dagoen araudiak ematen dion beste edozein egiteko burutzea.

¿ Euskadiko Ekonomia-Arduralaritzako Epaitegia, Ogasun eta Herri Administrazio Sailari atxikita gelditzen da Ogasun eta Finantza Sailburuordetzaren bidez, bere jurisdikzio berezipekoak diren erreklamazioei ebazpena emateko duen askatasun funtzionalaren kaltetan gabe. Epaitegi hori urtarrilaren 24ko 14/1983 Dekretuak (urriaren 10eko 227/1989 Dekretuaz aldatua) eta martxoaren 22ko 134/1994 Dekretuak arautzen dute.

¿ Toki Administrazioko Zuzendaritza, Zerga Administrazioko Zuzendaritza, Kupo eta Finantza Ekarpenen Zuzendaritza eta Finantza Zuzendaritza Ogasun eta Finantza Sailburuordetzari atxikita egongo dira artez eta hierarkikoki.

atala.¿ Toki Administrazioko Zuzendaritza.

Toki Administrazioko Zuzendaritzak egiteko hauek beteko ditu:

1. Euskal Autonomia Erkidegoko Administrazioaren eskumenekoak diren gaiak informatzea eta ebazpena ematea, toki araubide arloan.

2. Legeak betetzen diren ala ez informatzea eta ziurtatzea eta, hala behar izanez gero, toki mailako ekintzak eta akordioak aurkatzea.

3. Toki araubide arloari buruzko arauak koordinatzea eta lantzea.

4. Toki mailako egiteko eta zerbitzuei buruzko informazioa eskaintzea, ikerketak egitea eta aholkuak ematea.

5. Euskal Autonomia Erkidegoko Administrazioko sail ezberdinek eta bertako erakunde autonomoek foru eta toki mailako Administrazioarekin duten lankidetza-politika eta harremanak bultzatzea eta horien jarraipena egitea, Lehendakariordetzaren eskumenen kaltetan gabe.

6. Toki Administrazioari dagozkion erregistro-instrumentuak kudeatzea.

7. Toki entitateen topagune eta garapenerako formula organiko eta funtzionalak indartzea.

8. Uztailaren 28ko 326/1994 Dekretuaz sortutako Euskadiko Udal Kontseiluko Idazkaritza lanak betetzea.

atala.¿ Zerga Administrazioko Zuzendaritza.

Zerga Administrazioko Zuzendaritzak, Dekretu honetako 5. atalean adierazitako egitekoez gain, ondorengo hauek bete beharko ditu:

1. Araubide juridikoak Euskal Autonomia Erkidegoko administrazio nagusiari eta instituzionalari zergen administrazio-arloan ematen dizkion eskumen guztiak, salbu eta tasen eta ordainketa berezien kudeaketarako administrazio-ekintzak badira eta horiek ezartzea Ogasun eta Herri Administrazio Sailaren agintepekoa ez bada; zerga-bilketa eta erreklamazio ekonomiko-administratiboak ere hortik kanpo geratzen dira. Erakunde autonomoek beren eskubide ekonomikoen administrazio, kudeaketa eta eraginkortasunerako dituzten ahalmenen kaltetan gabe ulertuko da idazati honetan ezartzen dena eta indarrean dauden xedapenek ezartzen dutenaren arabera.

2. Euskal Autonomia Erkidegoari, ordaintzaile edo ordezko gisa, dagozkion zerga-eginbehar guztiak betetzea, Administrazioko organo guztiekin elkarlanarekin, eta Sailak, oro har edo kasu zehatz bakoitzerako, ezartzen duenaren arabera.

3. Euskal Autonomia Erkidegoko Administrazio Instituzionaleko erakunde autonomoei, zuzenbide pribatuko erakunde publikoei, baltzu publikoei eta gainontzeko enteei, ordaintzaile edo ordezko direnez, zerga-betebeharretan aholkuak ematea eta arta eramatea.

4. Euskal Autonomia Erkidegoko edo bere erakunde autonomoetako organoek emandako zerga-ekintza guztiak ofizioz birraztertzeari buruzko espedienteak izapidetzea.

5. «Zergapideen Elkar-egokitasun, Erakidetasun eta Lankidetasuneko» maiatzaren 30eko 3/1989 Legeaz sortutako Zerga Kidekaketa Sailari laguntza tekniko eta administratiboa ematea.

6. Araubide juridikoan xedatutakoarekin bat eginik, zerga gaietan Euskal Autonomia Erkidegoari dagozkion armonizazioari, koordinazioari eta kolaborazio fiskalari buruzko analisiak, azterlanak eta informeak, hala behar bada, egitea.

7. Euskal Autonomia Erkidegoko Administrazioaren ordezkotza egitea edozein eratako baltzu publiko baten aurrean, ordaintzaile edo ordezko gisa eta zerga harremanak direla eta, Administrazioak parte hartzen duenean.

atala.¿ Kupo eta Finantza Ekarpenen Zuzendaritza.

Kupo eta Finantza Ekarpenen Zuzendaritzak, Dekretu honetako 5. atalean aipatzen diren ahalmenez gain, honako egiteko hauek izango ditu:

1. Ekonomia Itunaren edo finantzaketarako beste tresna juridikoen ondorioz, Euskal Autonomia Erkidegoko Administrazioak Estatuko Administrazioarekin dituen eskubide eta betebeharrak kudeatzea eta izapidetzea, bai eta Foru Aldundiekin dituenak ere.

2. Euskal Autonomia Erkidegoaren, Estatuko Administrazioaren eta beste Lurralde Enteen arteko tranferentzien gai izan diren eskumen eta/edo zerbitzuen baloraketari buruzko txostenak egitea, eta transferentzia horiek onartzea dagokien Autonomia Erkidegoko organoei laguntzea.

3. Euskal Autonomia Erkidegoko Administrazioak, indarrean dauden arauen ondorioz eta horiek betez, Estatuaren Administrazioarekin, Euskal Autonomia Erkidegoko beste administrazio batzuekin eta beste herri administrazio batzuekin dituen eskubide eta eginbehar ekonomikoak izapidetzea, zerga edo finantza mailakoak direnak izan ezik.

4. Horretan parte hartzen duten erakundeekin batera, Kupoaren osagaien kalkulo eta baloraketari, horretarako metodologia eta urtean-urtekoa finkatzeari, beharrezko diren arauak egiteko metodologia eta artikulaketari eta horretarako aurreikusita dauden organoen barruan hartu behar diren akordioei buruzko analisiak eta ikerketak egitea.

5. Ekonomia Itunetik datozen baliabideak Euskal Autonomia Erkidegoko Instituzioen artean banatze-sistemari buruzko analisiak eta ikerketak egitea, arauak sortzeari eta horretarako aurreikusita dauden organoen barruan horiek etengabe interpretatzeari dagokienez; halaber, baliabideen banaketa sistemei buruzko informe eta jarraipena eta, bereziki, Foru Aldundiek Euskal Autonomia Erkidegoko Ogasuntza Nagusiari egindako ekarpenei buruzkoak, agintedun organoen akordioetan eta indarrean dagoen arautegian xedatutakoa bete ahal izateko.

6. Ekonomia Itunean eta finantzaketarako beste sistema orokorretan jasotzen diren zerga-arauek finantza arloan duten eraginari buruzko analisi eta ikerketak zein Euskal Autonomia Erkidegoan bildutako zerga izaera duten baliabideei buruzkoak, bere finantzaketa sistemaren jarraipena ekarriko baitute beste herri administrazioekin konparatuz.

7. Euskal Autonomia Erkidegoko Administrazioko instituzioetatik datozen eskubide ekonomikoei buruzko ikerlanak, analisiak eta txostenak gertatzea, bai eta Euskal Autonomia Erkidegoak Erkidegoaz kanpoko edozein lekutatik eta beste organo batzuek beren eskumenez baliatuz egindako determinazioetatik lor ditzakeen finantzabideei ondoriorik oparoenak lortzeari buruzkoak ere.

8. Euskal Autonomia Erkidegoko Administrazio ezberdinen ahalmen mailen kalkulu eta baloraketari buruzko analisiak eta ikerketak egitea, udalen finantza-eremua barne, eta, oro har, erakundeen finantza-sisteman eragina duen Euskal Autonomia Erkidegoko Administrazioetako beste edozein ekonomia eremu barne.

9. Ekonomia eta Planifikazio Zuzendaritzarekin batera, Euskal Autonomia Erkidegoarekin zerikusia duten finantza-fluxu europarrei dagokienez jarraitu beharreko artezpideak eta irizpideak ezartzea.

10. Euskal Autonomia Erkidegoak Batzorde Europarreko Kohesio Fondoez (edo antzekoez) finantzatzeko egindako proposamenak eta ekimenak gidatzea, eratzea, lantzea eta horien jarraipena egitea, dagokion arloan eskumena duten beste sail batzuekin koordinatuz.

atala.¿ Finantza Zuzendaritza.

Finantza Zuzendaritzak, Dekretu honetako 5. atalean adierazitako egitekoez gain, ondorengo hauek beteko ditu:

1. Indarrean dagoen legeriaren arabera, Aurrezki Kutxen eta Kreditu Kooperatiben antolaketa, menpekotasun araubide eta araubide juridiko propioari dagokienez Euskal Autonomia Erkidegoaren Administrazioaren esku dauden egitekoak, Dekretu honetako 18. ataleko 1.b)1) idazatiaren baitan daudenak izan ezik. Bereziki, erakunde horiek Ogasun eta Herri Administrazio Sailari bidali behar dizkioten agirien jarraipena eta gainikuskaketa.

   Nolanahi ere, Zuzendaritza horri dagozkio Euskal Autonomia Erkidegoko Aurrezki Kutxen eta Kreditu Entitateen Erregistroen kudeaketa, zaingoa eta jarduna, eta, hala behar denean, beren zuzentza organoetako goi-karguena.

2. Euskadiko Elkarrenganako Bermedun Baltzuei buruzko uztailaren 16ko 178/1996 Dekretuak finantza-politika eta finantza-entitateekiko harremanetarako eskumenak dituen sailari ematen dizkion egitekoak, Autonomia Erkidegoaz kanpoko Administrazioekin erlazionatutakoak izan ezik, horiek sailburuari baitagozkio.

3. Euskal Herriko Diruzaintza Nagusiari buruzko irailaren 30eko 211/1997 Dekretuak diruzaintza alorreko eskumenak dituen sailari emandako egitekoak, ordainketa-aginduak bereziki, eta Euskal Autonomia Erkidegoko Finantzen azaroaren 8ko 8/1996 Legeko I. Idazpuruko II. atalaren babespean itundutako diruzaintza-eragiketen kudeketa.

4. Borondatezko epean, dirubilketaren kudeaketa zuzentzea zergagarriak ez diren zuzenbide publikoko dirusarrerei dagokienez (prezio publikoak izan ezik); epe exekutiboan, dirubilketaren kudeaketa edozein kontzepturi dagokionez, horren zuzentza eta gainbegiraketa ere barne.

5. Euskadiko Zor Publikoaren eta kreditu- eta mailegu-eragiketen kudeaketa osoa, Euskal Autonomia Erkidegoaren Finantzen azaroaren 8ko 8/1996 Legeko 32.1 eta 34.2 ataletan aipatzen denaren arabera; sailburuak baimendutako zorpetze-eragiketek zein ezaugarri izango duten zehaztea, lege horretako 27. atalarekin bat etorriz; eta zuzenbide pribatuko erakunde publikoen eta baltzu publikoen zorpetze-eragiketak baimentzea, lege bereko 35. atalarekin bat etorriz.

6. Emandako Bermeen Erregistroaren kudeaketa eta, ondorioz, Euskal Autonomia Erkidegoak bermeak emateari buruzko martxoaren 18ko 54/1997 Dekretuak Erregistro horren organo kudeatzaileari ematen dizkion egitekoak. Hala ere, zuzenbide pribatuko erakunde publikoek eta baltzu publikoek bermeak eman ahal izateko baimena sailburuari dagokio, Euskal Autonomia Erkidegoko Finantzen azaroaren 8ko 8/1996 Legeko 51. atalean ezarritakoaren arabera.

7. Kontuko Ohartarazpen eta Bilboko Balio-Burtsako Konpentsazio eta Likidazio Zerbitzua arautzen duen abenduaren 9ko 329/1992 Dekretuaren arabera Ogasun eta Herri Administrazio Sailari dagozkion guztiak.

8. Finantzen, finantza-entitateekiko harremanen eta Diruzaintzaren gaietan eta horiei buruz erabakitzea bere esku ez dagoen kasuetan, Ogasun eta Herri Administrazio Sailari dagozkion prozedimendu guztien izapideketa; indarrean dagoen legeriak ematen dion beste edozein egiteko ere bai.

9. Erregistroak arteztea, jardueren jarraipena, ikuskapena, zigor-espedienteen izapideketa eta aseguru-bitartekarien arloan burutu beharreko gainerako guztiak, salbu Ogasun eta Finantza Sailburuordetzari esleitutakoak eta diplomak ematea, azken hori sailburuari baitagokio.

   GEHIGARRIZKO XEDAPENAK