Arautegia
Inprimatu297/1998 DEKRETUA, azaroaren 3koa, nekazaritzako elikagaien kalitate-izenei buruzko hainbat xedapen indargabetzen dituena.
Identifikazioa
- Lurralde-eremua: Autonomiko
- Arau-maila: Dekretua
- Organo arau-emailea: Industria, Nekazaritza eta Arrantza
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 222
- Hurrenkera-zk.: 5245
- Xedapen-zk.: 297
- Xedapen-data: 1998/11/03
- Argitaratze-data: 1998/11/20
Gaikako eremua
- Gaia: Osasun eta kontsumoa; Ingurune naturala eta etxebizitza
- Azpigaia: Nekazaritza eta arrantza
Testu legala
Industri, Nekazaritza eta Arrantza Sailaren egitura organikoa eta funtzionala arautzen dituen urtarrilaren 31ko 81/1995 Dekretuan, honako egiteko hauek ematen zaizkio Nekazaritzako Elikagai Politika eta Industriarako Zuzendaritzari, alegia, kalitatedun elikagaien izenak eta markak finkatzea eta kudeatzea hain zuzen. Horretarako, sektoreko enpresek izen horiek erabil ditzatela sustatu beharko du, Kontseilu Erregulatzaileak eta kudeaketa-erakundeak eta kontrolerakoak sortu eta kontrolatuz.
Jardute eremu horren barruan eta irailaren 19ko 203/1989 Dekretuaren bidez, Elikagaien Kalitateari buruzko Euskal Labela sortu zen eta, geroago, label horren babespean zeuden produktuak arautzen zituzten aginduak garatu ziren. Horietaz aparte, «Euskal Baserri» marka sortu zen otsailaren 15eko 94/1994 Dekretuaren bidez. Baratzeko frutazaintzako produktuei dagokie marka hori.
Azken urte hauetan jaso den esperientziak eta nekazaritzako elikigaien kalitate-izenen arloaren egoerak eta erregulazio juridikoak izan duen bilakaerak, aipatu diren arau horiek indargabetzea eskatzen dute.
Ondorioz, Industri, Nekazaritza eta Arrantza Sailaren proposamenez eta Jaurlaritzaren Kontseiluak 1998ko azaroaren 3an egin duen bilkuran aztertu eta onartu ondoren, hauxe
Atal bakarra.– Ondoren aipatzen diren arauak indargabetu egiten dira:
– Irailaren 19ko 203/1989 Dekretua, Elikagaien Kalitateari buruzko Euskal Labela sortzeari buruzkoa. (EHAA, 183, 1989ko irailaren 29koa).
– 1993ko apirilaren 29ko Agindua, Nekazaritza eta Arrantza sailburuarena, latxa eta karrantzar arrazetako esneko arkumeari Elikagaien Kalitateari buruzko Euskal Labela emateari buruzkoa eta bere erregelamendu teknikoa onartzen duena. (EHAA, 99, 1993-05-28).
– 1993ko apirilaren 29ko Agindua, Nekazaritza eta Arrantza sailburuarena, Arabako patatari Elikagaien Kalitateari buruzko Euskal Labela emateari buruzkoa eta bere erregelamendu teknikoa onartzen duena. (EHAA, 109, 1993-06-11).
– 1993ko ekainaren 15eko Agindua, Nekazaritza eta Arrantza sailburuarena, Gernikako piperrari Elikagaien Kalitateari buruzko Euskal Labela emateari buruzkoa eta bere erregelamendu teknikoa onartzen duena. (EHAA, 132, 1993-07-14).
– 1993ko urriaren 26ko Agindua, Nekazaritza eta Arrantza sailburuarena, Baserriko oilaskoari Elikagaien Kalitateari buruzko Euskal Labela emateari buruzkoa eta bere erregelamendu teknikoa onartzen duena. (EHAA, 13, 1994-01-20).
– 1993ko uztailaren 29ko Agindua, Nekazaritza eta Arrantza sailburuarena, eztiari Elikagaien Kalitateari buruzko Euskal Labela emateari buruzkoa eta bere erregelamendu teknikoa onartzen duena. (EHEE, 207, 1993-10-28).
– 1994ko uztailaren 5eko Agindua, Nekazaritza eta Arrantza sailburuarena, kalitateko euskal okelari Elikagaien Kalitateari buruzko Euskal Labela emateari buruzkoa eta bere erregelamendu teknikoa onartzen duena.
– Otsailaren 15eko 94/1994 Dekretua, baratzako frutazaintzako produktuentzako «Euskal Baserri» marka arautzen duena. (EHAA, 52, 1994-03-16).
– 1997ko urriaren 10eko Agindua, Industri, Nekazaritza eta Arrantza sailburuarena, Ibarrako piperrari Elikagaien Kalitateari buruzko Euskal Labela emateari buruzkoa eta bere erregelamendu teknikoa onartzen duena. (EHAA, 204, 1997-10-24).
– 1997ko azaroaren 7ko Agindua, Industri, Nekazaritza etaArrantza sailburuarena, tomateari Elikagaien Kalitateari buruzko Euskal Labela emateari buruzkoa eta bere erregelamendu teknikoa onartzen duena. (EHAA, 220, 1997-11-17).
– 1998ko urtarrilaren 8ko Agindua, Industri, Nekazaritza eta Arrantza sailburuarena, pasterizatutako esneari Elikagaien Kalitateari buruzko Euskal emateari buruzkoa eta bere erregelamendu teknikoa onartzen duena. (EHAA, 18, 1998-01-28).
ALDI BATERAKO XEDAPENA
Hiru kidek osatuko duten Batzorde Kudeatzaile bat izendatzen da: Nekazaritzako Elikagai Politika eta Industriarako zuzendariak, Zerbitzu Orokorren zuzendariak eta Lege Aholkularitzarako arduradunak hain zuzen. Elikagaien Kalitateari buruzko Euskal Labelaren Kontseilu Arauemaileak izango du batzorde hori likidatzeko eta disolbatzeko eskumena, haren egitekoak bereganatu egingo dituela erabat ezabatu arte.
Kontseiluari dagozkion eta erabakitzeke dauden eskubideak eta obligazioak likidatu ondoren egingo da ezabaketa. Udanahi ere, horrako hori 1998ko abenduaren 31n gertatuko da.
Dekretu hau, Euskal Herriko Agintaritzaren Aldizkarian argitara dadin egunaren biharamunean jarriko da indarrean.
Vitoria-Gasteizen, 1998ko azaroaren 3an.
Lehendakaria,
JOSÉ ANTONIO ARDANZA GARRO.
Industri, Nekazaritza eta Arrantza sailburua,
JAVIER RETEGUI AYASTUY.
Gaiarekin lotutako edukiak
Arauaren historia (7)
- Indargabetzen du: AGINDUA, 1997ko irailaren 26koa, Ogasun eta Herri Administrazio sailburuarena, beste administrazio publiko batzuetatik, eskualdaketak direla-eta, etorritako funtzionarioak Euskal Autonomi Elkarteko Administrazioko kidegoetan sartzeko prozedura zehazten du
- Indargabetzen du: AGINDUA, 1994ko ekainaren 13koa, Hezkuntza, Unibertsitate eta Ikerketa sailburuarena, Euskal Herriko Unibertsitatearen Gizarte Kontseiluaren Arautegia sendesten duena.
- Indargabetzen du: 94/1994 DEKRETUA, otsailaren 15ekoa, fruta eta barazkietarako "Euskal Baserri" marka arautzen duena.
- Indargabetzen du: AGINDUA, 1993ko urriaren 26koa, Nekazaritza eta Arrantza sailburuarena, "Baserriko Oilaskoa" Elikagaien Kalitateari buruzko Euskal Labela aintzatetsi eta bere arautegi teknikoa onesten duena.
- Indargabetzen du: AGINDUA, 1993ko uztailaren 29koa, Nekazaritza eta Arrantza sailburuarena, Eztiarentzako Elikagaien Kalitateari buruzko Euskal Labela aintzatetsi eta bere arautegi teknikoa onesten duena.
- Indargabetzen du: AGINDUA, 1993ko apirilaren 29koa, Nekazaritza eta Arrantza Sailburuarena, Arabako patatari Elikagaien Kalitateari buruzko Euskal Labela aintzatetsi eta bere arautegi teknikoa onesten duena.
- Indargabetzen du: 198/1989 DEKRETUA, irailaren 19koa, Elikagaien Kalitateari buruzko Euskal Labela sortzen duena.
