Liburutegi Zerbitzua

Abenduaren 29ko 275/1989 Dekretuaren bidez, parke natural deklaratu zen Urkiola, deklarazioa, gune naturalak eta basoetako flora eta fauna kontserbatzeari buruzko martxoaren 27ko 4/1989 Legean oinarri hartuaz egin zen deklarazio hori. Horretarako, aipatu den lege horretako 15. ataleko 2. lerroaldean aipatzen den presako bidea erabili zen, izan ere, hondatze eta degradatze prozesu batean murgilduta baitzegoen gune hori. Halaxe ematen zen aditzera dekretu horren zioen adierazpenean ere.

Geroago, Urkiola parke naturaleko errekurtso naturalak antolatzeko plana onartzen da otsailaren 22ko 102/1994 Dekretuaren bidez eta 275/1989 Dekretuko 6. atalean ad hoc ezarritako prozedurari jarraitzen zaio gaiari dagokionetan. Gune naturalak eta basoetako flora eta fauna kontserbatzeari buruzko martxoaren 27ko 4/1989 Legean definitzen diren parametroen barruan egin zen hori.

Arauketa horren helburuak bete direnez eta Euskal Autonomia Erkidegoko natura kontserbatzeari buruzko ekainaren 30eko 16/1994 Legeko II. Idazpuruan errekurtso naturalak antolatzeko planei izapideak eginarazteko prozedura orokorra finkatu denez, bidezkotzat jotzen da, 275/1989 Dekretuko 6. atala indargabetzea. Errekurtso naturalen antolakuntza-modua aztertzen da idazpuru horretan.

Ondorioz, Industri, Nekazaritza eta Arrantza sailburuaren proposamenez eta Jaurlaritzaren Kontseiluak 1998ko ekainaren 2an egin zuen bileran aztertu eta onartu ondoren, hauxe