Liburutegi Zerbitzua

atala.¿ Erregistratzeko eta kreditatzeko beharkizunak.

¿ Kontratatzeko gaitasuna kreditatzeari dagokionez, honako beharkizun hauek bete ditzake Erregistroak:

1. Jarduteko gaitasuna.

2. Sailkapena.

3. Zerga obligazioak edo Gizarte Segurantzako obligazioak, indarreango xedapenetan ezarritakoak alegia, beteta izatea. Erregistroak eta kreditazioak, zerga obligazioak betetzeari dagokionez, 390/1996 Errege Dekretuko 7.1 ataleko a), b), c) eta d) idazatietan jasotako zernolakoak ere izango ditu kontuan; areago, inskribatuak hala eskatuko balu, atal horretako e) idazatian jasotako zernolakoa ere aintzat har dezake.

4. Jarduteko behar diren baimen administratibo bereziak.

   6. atala.¿ Prozedura eta organo eskumenduna.

   1. ¿ Kontratatzeko gaitasuna kreditatzeko prozedura, interesa duen enpresarioak eskatuta hasiko da; eta borondatezko izaera izango du.

   2. ¿ Estatu espainiarreko edo Espaniako Estatuaz besteko enpresarioek eska dezakete prozedura, baldin eta euskal administrazioekin, hauen erakunde autonomoekin eta horien menpeko zuzenbide publikoko beste entitate batzuekin kontratuak egin badituzte edo egin baditzakete.

   3. ¿ Prozedura Ondare eta Kontratazio zuzendariak ebatziko du hiru hilabeteko epean. Epe horretan ez bada ebazten, eskabidea ukatutzat joko da.

   7. atala.¿ Ondorioak.

   1. ¿ Kontratatzeko gaitasuna kreditatze-ndorioetarako enpresa inskribatzeak, beharrezkotzat jo daitezen eguneratzeak eta aldakuntzak aintzat hartuz hain zuzen, berarekin dakarrena da lizitazioetan eta kontratazio prozeduretan ez direla aurkeztu beharko gaitasun- eta kaudimen-zernolakoen ziurtagiriak, hots, Erregistroak emandako Ziurtagiriak hartzen dituenak, betiere, horretaz indarrean dagoen ziurtagiria aurkezten bada.

   2. ¿ Kontratatzeko gaitasunaren kreditazio erregistraletik ez dator ezelango abantailarik, izan ere, berdintasunaren eta agiango lizitatzaileen arteko diskriminaziorik ezaren printzipioaren aurkakoa izango baita. Kontsulta eta prozedura bermatzeko EAEko Administrazio Publikoaren prozedura negoziatuetan, ziurtagiria indarrean duten enpresei eskaintza eskatuko zaie, baina ez legez exigitzen dena baino kopuru txikiagoan, eta betiere, enpresok egokiak badira prestazioak era zuzenean zertzeko. Halere, salbuetsi egingo dira espedientean justifikatutako kasuak.

   8. atala.¿ Aldaketa eta eguneratzea.

   1. ¿ Erregistroko datuei eusteari edo horiek aldatzeari buruzko kreditagiriak aurkeztu beharko ditu kontratistak; batik bat, inskribatutakoaren nortasuna ezabatzea eta Administrazioarekin kontratatu ahal izatea galarazten duen zernolakoren bat agertzea.

   2. ¿ Administrazio Publikoen Kontratuei buruzko maiatzaren 18ko 13/1995 Legea zati batetan garatzeari buruzko 390/1996 Errege Dekretuko 9. atalaren 1. lerroaldean jasotzen diren agiriak eta ziurtagiriak aurkeztu beharko ditu kontratistak. Interesatuek, horri dagokionez, agiri horiek aurkeztu beharko dituzte; horrela, Kontratisten Erregistro Ofizialeko ziurtagiriak lau hilabetetik gorako epealdietarako eman daitezen.

   9. atala.¿ Ofizioz jardutea.

      Aurreko ataleko 2. idazatian aurrikusitako obligazioaren kaltetan gabe, Erregistroak, inskripzioa ezabatzea eskatzen ez den bitartean, aipatutako zernolakook bere horretan dirauten edo aldatu egin diren ofizioz ikertu dezake, eta organo eskumendunetatik bidezkoak diren kreditagiriak eskatu, inskribatutakoen aldez aurretiko baimena izan ondoren. Agiri horiek Erregistroak eskatu eta eskuratzen baditu, inskribatuak ez ditu Erregistroan aurkeztu beharko.

   10. atala.¿ Behin-behinekoz eta behin-betikoz indargabetzea.

   1. ¿ Ondare eta Kontratazio zuzendariak, interesatua entzun ondoren, 7. atalean jasotako ondorioak behin-behinekoz edo behin¿betikoz indargabetzea deklara dezake, honako egoera hauetan:

      1. Administrazio Publikoen Kontratuei buruzko Legeko 20. atalean jasotzen diren kontratatzeko debekuetakoren batek hartzen badu kontratista, behin-behinekoz edo behin-betikoz indargabetzea deklaratuko da. Indargabetzearen eragina Legearen 21. atalean zehazten diren ezaugarrien araberakoa izango da. Debekuaren iraupen-aldia, edo epai irmoan debeku horren eragin deklaratua, edo 21. atal horrek aipatzen duen arau-prozeduraren arabera deklaratuaren iraupen-aldia lau urtetik gorakoa bada, behin¿betiko indargabetze-aldia deklaratuko da. Geroakarrenean, enpresarioak, berriro ere alta eska dezake, debekuaren aldia igaro ostean.

      2. Behin-behineko indargabetze-aldia deklaratu ahal izango da, enpresarioaren nortasuna, baltzuaren helburua, ordezkaritza enpresariala edo kaudimena, gaitasun ekonomikoa, finantzarioa, teknikoa edo profesionala, kontratazio erregimenari eragin diezaiona, funtsean aldatzen bada, baldin eta Erregistroan ez badira behar bezala eguneratu. Behin-behinekoz indargabetuko da, halaber, egiazkoak ez diren edo faltsuak diren datuak eta agiriak antzematen badira Erregistroan; zernolako horiek dirauteno jarraituko du indargabetze-aldiak.

atala.¿ Organo eskumendunak eta erregimena.

¿ Administrazio Publikoen Kontratuei buruzko 13/1995 Legeko 29.3. eta 4. ataletan aipatzen diren akordioak, sailkapenari buruzkoak, eta emandako sailkapenak berraztertzea Administrazio Kontratazioko Aholku Batzordeak hartuko ditu. Errekurtso arrunta aurkeztu ahal izango zaio, horien aurka, Ogasun eta Herri Administrazio sailburuari.

¿ Ogasun eta Herri Administrazio sailburuak, Administrazio Kontratazioko Aholku Batzordeak proposamena egin eta, interesatuari entzun ondoren, administrazio espedientea irekita, Administrazio Publikoen Kontratuei buruzko Legeko 34. atalean zehazten diren kausengatik, emandako sailkapenak indargabetzea agindu dezake.

¿ Sailkapenak sailkatu, indargabetu eta berraztertzeko erabakiak Administrazio Publikoen Kontratuei buruzko Legean eta hori garatzen duten xedapenetan jasotakoaren arabera hartuko dira.

atala.¿ Prozedura.

¿ Interesatutako enpresek eskatuta hasiaraziko dira sailkapen espedienteak, lortu nahi dituzten sailkapenak zehatz¿mehatz adierazi beharko dituztela.

¿ Euren helburuen artean honakoak dituzten pertsona fisikoak eta juridikoak izango dira sailkatu daitezkeen enpresak: eskatzen den sailkapena euki, Administrazio Publikoen Kontratuei buruzko Legeko 20. atalean ezartzen diren kausetan sartu gabe egon eta erakunde eskumendunek emandako berariazko baimen administratiboak, hots, jarduera burutzeko enpresei ahalmena emango dienak, izatea.

¿ Lau hilabeteko epea du Administrazioak sailkapen espedienteak ebazteko. Epe horretan ez bada erabaki espresorik hartzen, ezetsitzat joko da eskabidea. Interesatuek, aldez aurretik, 20 eguneko epea izango dute eskabideko hutsak zuzentzeko; epe hori, bidezkoa balitz, 10 egunetan luza daiteke.

¿ Sailkapen erabakiak enpresario interesatuari jakinaraziko zaizkio. Horren ondorioz Erregistroan egin dadin ohartarazpena edo inskripzioa ofizioz egingo du Erregistroak, bidezkoak diren agiriak eskuratu ostean.

atala.¿ Kreditazioa.

Kontratisten Erregistro Ofizialak emandako indarreango ziurtagiri kreditatzaileak aurkeztuz kreditatuko da sailkapena.

atala.¿ Berraztertzea eta luzapena.

Administrazio Publikoen Kontratuei buruzko Legeko 30. atalean jasotako epeak, saikapenen iraupenari buruzkoak alegia, amaitzen direnean, kontratistek berrazterketa eska dezakete.

Zuzenketarik behar ez duten sailkapenen epea amaitu aurretik eskatutako berraztertze prozeduretan sailkapenaren luzapena eskatu eta lau hilabeterako eman daiteke, hau baita ebazteko Administrazioak duen epea. Interesatuei kalteak eragotzi nahi zaizkie horrekin.

INDARGABETZE XEDAPENA

Dekretu honetan ezarritakoaren aurkakoak izan daitezen maila bereko edo beheragoko xedapenak indargabetu egiten dira; eta batez ere, Euskal Autonomi Elkarteko Administrazioaren kontratazio araubideari buruzko ekainaren 5eko 136/1996 Dekretuko 26. eta 27. atalak.