Liburutegi Zerbitzua

atala.¿ Merkataritza-lizentzia.

¿ Txikizkako Merkataritza Antolatzeari buruzko 7/1996 Legearen 6.1. atalean agindutakoaren arabera, saltoki handiak irekitzeko ezinbestekoa izango da berariazko merkataritza¿lizentzia lortzea. Ondorio horietarako, saltoki handiak sartzea, aldatzea eta handitzea irekieratzat joko dira Euskal Autonomi Elkartean.

Estatuko nahiz Autonomi Elkarteko lagezko aginduekin bat etorriz (Txikizkako Merkataritza Antolatzeari buruzko 7/1996 Legearen 6.1. atala eta Merkataritza Jarduerari buruzko 7/1994 Legearen aldibaterako xedapenetatik bigarrena), titularitatea aldatzen den kasuetan, titularrak aldez aurretik merkataritza¿lizentzia eskuratuta izatea ezinbesteko baldintza izango da Euskal Autonomi Elkartean saltoki handiak ireki ahal izateko.

¿ Merkataritza-lizentzia hori ematea nahiz ukatzea Merkataritzako Administrazio eta Politikarako Zuzendaritzari dagokio.

atala.¿ Saltoki handiak.

¿ Txikizkako Merkataritza Antolatzeari buruzko 7/1996 Legearen 2.3. atalean eta Merkataritza Jarduerari buruzko 7/1994 Legearen 13. atalean agindutakoaz bat etorriz, Euskal Autonomi Elkartean hauek izango dira saltoki handiak: 2.000 m.2-tik gorako salmenta¿lekua dutenak edota azalera hori handitzeak eginez lortzen edo gainditzen dutenak.

Aurreko lerroaldeko ondorioetarako, saltoki handitzat joko dira bai taldekakoak bai banakakoak.

Taldekako saltokitzat hauek joko dira: salmentarako lokalen multzo batez ¿barruti berean egon edo ez¿ osatuta daudenak, batera proiektatu direnak edota elementu komunak eduki eta erabiltzen dituztenak, eta, enpresaren alorretik begiratuta, nork bere jarduera, independentea, dutenak.

¿ Salmenta-lekua hau izango da: produktuak ikusteko, erosi nahi dituenak hartzeko, salerosketa egiteko eta saltokitik irtetzeko eroslea ibiltzen deneko lekua; bai eta merkataritza¿jarduerarekin zuzenean loturik dauden zerbitzu osagarriak ematekoa ere.

.¿ Helburuak.

Saltoki handiak jartzeko merkataritza-lizentziak helburu hauek izango ditu:

1. Enpresen arteko lehia eta merkataritza-ekipamendu egokia bermatzea, merkatuan nagusitasun-egoerak ekiditeko bakoitzaren eraginpeko eremuetan.

2. Kontsumitzaileak saltokietara iristeko bide luzeak egin beharra ekiditea.

3. Natura eta hirietarako nahi ez diren ondorioak ekiditea.

4. Eskaintza larregi pilatzearen ondorioz, sarbideetarako azpiegituren gehiegikeria ekiditea.

5. Merkataritzak duen izaera duala mantentzen laguntzea, elikagaien saltoki handiak ezartzeko erritmoa graduatuz, merkataritza txikia eta ertaina modernizatzen lagunduko duen denbora-tartea handiagotzeko.

   4. atala.¿ Baloratzeko irizpideak.

   1. ¿ Lizentziarako eskabideak ebazteko kontutan hartuko dira: naturan izango diren ondorioak eta saltoki horien azpiegiturak; demandaren estaldura-mailarekiko eragina; eskaintzan dagoen merkataritza-ekipamenduaren egokitasun-mailaren neurria; eta eraginpean dauden udalerrien planeamenduarekiko eragina. Aintzat hartuko diren puntuak hauek izango dira:

      • Merkataritza-ekipamendu egokia izatea, gaurko biztanleei eta epe ertainera aurreikusitakoei produktuen eskaintza on bat bermatuko diena, kalitate, aldaera, zerbitzu, prezio eta ordutegiari dagokienez; eta enpresen arteko lehia izatea, merkatuan nagusitasun-egoerak ekiditeko bakoitzaren eraginpeko eremuetan.

      • Kontsumitzaileek egin beharreko bidea saltokietara iristeko.

      • Proiektatutako merkataritza-ekipamenduaren eta hori jarriko deneko lurraldearen ezaugarrien arteko koerlazioa, horren eraginpeko eremuari dagokionez.

      • Prezioen mailak jeisten eta inguruko kontsumitzaileari zerbitzua hobetzen zenbateraino laguntzen duen.

      • Eraginpean dagoen eremuko enpleguaren maila mantentzen nahiz hedatzen zenbateraino laguntzen duen.

      • Naturarekiko eraginak.

      • Lurraldearen planeamendu partzialean, merkataritza indartzeko planetan eta, oro har, hirigintza planeamenduetan jasotako aurreikuspenei eta irizpideei zenbateraino egokitzen zaien.

      • Saltokia jartzeak bide-sisteman izango duen eragina, aparkatzeko plazen kopurua eta proiektatutako saltokirako sarbidea, garraio publikoak dituen baliabideen bitartez.

      • Proiektatutako saltokiak merkataritzaren izaera dualean eta inguruko merkataritza-egituren lehiakortasunaren hobekuntzan izango duen eragina.

   2. ¿ Elikagaien eta elikagaiak ez diren eguneroko gaien saltoki handien (1. eranskina) baimenetarako, alderdi batek eta bere eraginpeko eremuak merkataritza-ekipamendu egoki bat dutela joko da baldin eta: hor bizi diren familiek elikagaietan eta elikagaiak ez diren eguneroko gaietan sortutako merkataritza¿gastu orokorraren %45era heltzen diren salmenta¿bolumena badute. Eraginpeko eremua, bestalde, hauxe izango da: bide-tarte bakoitzerako indarrean den gehienezko abiaduraz, gehienez ere 15 minututan kotxez sarbidea daukaten herriek osatzen dutena.

   3. ¿ Elikagaien eta elikagaiak ez diren eguneroko gaien saltoki handien kasuan, saltoki handi bat irikitzearen ondorioz bere eraginpeko eremuan nagusitasun-egoeran egongo da enpresa, baldin eta: inguru horretako familiek produktu horietan sortutako merkataritza¿gastu orokorraren %20aren pareko edo goragoko partaidetzarainokoa bada saltoki handien bitartez lortzen duen salmentaren bolumena.

   5. atala.¿ Merkataritza-gastua eta merkatuaren itxarobideak.

   1. ¿ Aurreko atalaren ondorioetarako, Merkataritza, Kontsumo eta Turismo Sailak erabakiko du, agindu bidez, zein den halako eremuan bizi diren familien merkataritza-gastu orokorra. Horretarako, estatistika datu publiko asimilagarriak hartuko ditu oinarritzat.

   2. ¿ Merkatuaren itxarobidea honela kalkulatuko da: gastu orokorraren gainean, arloka banatuta, saltokian espero diren salmentak aplikatuta. Merkataritza, Kontsumo eta Turismo Sailak erabakiko du, agindu bidez, zein diren salmenta horiek zehazteko parametroak.

   3. ¿ Aurreko bi idazatietako eragiketak direla eta, behin parametroak zehaztu eta urtebetea pasatzen denean, KPIren aldaketa erantsiz doituko dira.

   6. atala.¿ Hirietako saltoki handiak.

      Argitaratutako azken erroldaren arabera 50.000 biztanletik gora dituzten udalerrietako udalek, duten biztanle-dentsitatea dela eta, euren salbuespenezko perimetro bat ezarri ahalko dute, non gehienez 4.000 metro karratuko elikadurako hiri-saltoki handiak, autozerbitzu erakoak, jarri ahalko diren.

   7. atala.¿ Eskabidea.

      Merkataritza-lizentzia eta gainerako agiriak proiektua kokatzen deneko probintziako Merkataritzako Lurralde Ordezkaritzan aurkeztu beharko dira, bai zuzenean bai Herri¿Administrazioen Lege¿Jaurbideari eta Guztientzako Administrazio-Jardunbideari buruzko azaroaren 26ko 30/1992 Legean jasotako edozein eratan ere.

   8. atala.¿ Agiriak.

   1. ¿ Eskatzaileak ondoren zehazten diren agirien bi kopia aurkeztuko ditu, dagokion lekuan horretarako jarriko diren formularioak erabiliz:

      1. Merkataritza-lizentziaren eskaria, Merkataritzako Administrazio eta Politikarako Zuzendaritzara zuzendua.

      2. Eskatzailea identifikatzeko datuak:

         • Eskatzailea pertsona fisikoa bada: izen-abizen osoak, identifikazio fiskalaren zenbakia eta jakinarazpenetarako helbidea edo modua.

         • Eskatzailea pertsona juridikoa bada: ordezkariaren izena eta bere ordezkaritzaren izaera; erakundearen izena, egoitza soziala eta identifikazio fiskalaren zenbakia.

      3. Lurzoru-jabetzaren eskrituraren fotokopia konpultsatua edo saltokia kokatuko den lurzoruaren jabearen adostasuna egiaztatzen duen agiria.

      4. Ordezkariari aginpidea ematen dion notario¿eskrituraren fotokopia konpultsatua.

      5. Sozietatea sortzeko egin zen notario-eskrituraren fotokopia konpultsatua eta, hala badagokio, azkenengo kapital zabalkuntzaren notario-eskriturarena. Agiri horretan dagokion erregistroan jasota dagoen akziodunen egungo kopurua zehaztuko da. Eskriturarik ezean, bera jasotzen duen ziurtagiria aurkez daiteke.

      6. Jarri edo handitu nahi den saltokiaren deskribapena, zein motatakoa den azalduz. Hauek ere jasoko dira bertan: kokapena, eraikitako azalera osoa eta salmentarako erabiliko den azalera netoa.

      7. Saltoki berrian salduko diren produktuen deskribapena. Lehengo saltoki bat handitu edo bere jarduna aldatu nahi bada ere egin beharko da deskribapen hori.

      8. Hirigintza-zedula; beren-beregi aipatuaz eremuaren merkataritza-erabilera eta legeak proiektuari esleitzen dion estaldura urbanistikoa.

      9. Proiektuaren bideragarritasuna eta beharra aztertzeko oinarritzat hartu den merkatu-azterketa eta horren ezaugarriak (besteak beste, 5, 10 eta 15 minututara dauden eremuen fakturazio-bolumena, hiru kopiatan).

      10. Saltoki berriak bide-sarean izango duen eragina jasotzen duen trafiko-azterketa; halaber, azterketan adierazten diren proiektuak finantzatzeko eta burutzeko konpromezua eta horretarako epeak.

      11. Oinen plano orokor akotatuak (1:250 eskalan); altxaeren, ebakiduren eta kokapenarenak (1:10.000); eta bertara iristeko bideen eta aurreikusten den aparkalekuarenak (1:2.000). Denak hiru kopiatan.

      12. Proiektuak eskatzen duen inbertsioari buruzko azterketa eta inbertsio hori finantzatzeko plana, bai enpresaren beraren baliakizunei dagokienez bai besterenei dagokienez. Saltoki berria bada, horiekin batera enpresaren hedapen-plana eta jardunaren lehenengo bost urteetarako aurreikusten diren ustiapen-kontuak ere aurkeztu beharko dira. Saltokia handitzeko bada, aurrekoez gain, azken hiru urteetako ustiaketa-kontuak ere aurkeztu beharko dira.

      13. Lanpostuen kopurua eta sailkapena.

      14. Ingurugiroan eta paisaian izan dezakeen eraginari buruzko azterketa.

      15. Proiektua burutzeko aurreikusten den egutegia.

   2. ¿ Dena dela, Merkataritzako Administrazio eta Politikarako Zuzendaritzak baimena emateko beharrezkotzat jotzen dituen agiri edota informazioa eskatu ahalko dizkio eskatzaileari.

      .¿ Izapideak.

   1. ¿ Espedientea, Merkataritzako Administrazio eta Politikarako Zuzendaritzan jaso edo bertan bete ondoren bost egun baino lehen, Euskal Autonomi Elkarteko Lurralde Antolaketarako Batzordera bidaliko da; honek espedientea jaso eta hiru hilabeteko epearen barruan bere irizpena emango du; hortik aurrera, bost eguneko epea izango du erabakia emateko aginpidea duen organoari igortzeko.

   2. ¿ Aurreko 8.1.i) atalean aipatzen den trafiko-azterketa aurkeztu ondoren, Herrizaingo Sailera bidaliko da, honek, hiru hilabete baino lehen, bere irizpena eman dezan. Irizpen hori eman ezean, aurrera joko da lizentzia emateko jardunbidearekin.

   3. ¿ Behin lizentzia-eskaria aurkeztuz gero, eskariak Lehia Babesteko Auzitegiaren irizpena jaso beharko du, Txikizkako Merkataritza Antolatzeari buruzko 7/1996 Legearen 6.2. atalean agindutakoari jarraituz. Irizpen hori hiru hilabeteko epean eman ezean, aurrera joko da lizentzia emateko jardunbidearekin.

   10. atala.¿ Ebazpena.

   1. ¿ Merkataritzako Administrazio eta Politikarako Zuzendaritzak sei hilabeteko epea dauka bere ebazpena emateko, eskabidearen espedientea osorik dagoen egunetik aurrera kontatuta.

   2. ¿ Epe hori amaituta erantzunik jaso ez bada, lizentzia eman egiten dela ulertuko da administrazioaren isilbideagatik, Herri¿Administrazioen Lege-jaurbideari eta Guztientzako Administrazio-Ihardunbideari buruzko azaroaren 26ko 30/1992 Legearen 43. eta 44. ataletan ezarritakoaren arabera.

   3. ¿ Merkataritzako Administrazio eta Politikarako Zuzendaritzak dekretu honen arabera emandako erabakiek ez dute administrazio bidez amaitzen; beraz, horien aurka errekurtso arrunta aurkeztu ahal izango zaio Merkataritza eta Kontsumo Sailburuordetzari.

   11. atala.¿ Iraungitzea.

   1. ¿ Merkataritza jarduera baimenean bertan zehazten den egunean hasten ez bada, lizentzia iraungitzat joko da.

      Isilbidearen bitartez onetsitako baimenen kasuan, jarduera eskabidean zehazten den egunean hasten ez bada, eta edozein kasutan ere eskabidea aurkeztu eta 18 hilabete baino lehen, emandako baimena iraungitzat joko da.

   2. ¿ Udalaren hirigintza-lizentzia lortzeko beharrezkoa da udaletxean lizentziaren egiaztapena eta azaroaren 26ko 30/1992 Legearen 44. atalean zehazten den ustezko egintzaren egiaztagiria aurkeztea, zein Merkataritzako Administrazio eta Politikarako zuzendariak eman behar duen.

      GEHIGARRIZKO XEDAPEN BAKARRA

      Lehengo 5. atalean aipatzen diren ahalmenak gauzatu bitartean, merkataritza-gastua eta merkatuaren itxarobideak kalkulatzeko 2. eta 3. eranskinetan adierazitako bideak erabiliko dira.

      ALDI BATERAKO XEDAPENAK