Liburutegi Zerbitzua

atala.- Hauxe da dekretu honen xedea: elikagaien jardunak, industriak eta establezimenduak Euskal Autonomi Elkartean jarduteko sanitate-baimenak arautzea eta, aldi berean, baimena lortzeko bete behar diren baldintzak eta eginbeharrak finkatzea.

atala.- Gero aipatzen diren jardunetakoren bat Euskal Autonomi Elkartean burutzen dituen, nahiz irabazte xededuna den, nahiz irabazte xederik ez duen enpresa publiko edo pribatu oro jotzen da elikagai-jarduntzat, industritzat edo establezimendutzat. Hona hemen jardun horiek: elikagai produktuak inportatzea, gertatzea, egitea, eraldatzea, ontziratzea, gordetzea, garraiatzea, banatzea, manipulatzea, saltzea edo hornitzea.

atala.- Aurreko atalean aipatu diren eragiketa horietako bat edo batzuk burutu ditzaten enpresa guztiek, jarduteko sanitate-baimena eskuratu beharko dute jardunei ekin baino lehen; eta, horretarako, dekretu honen bidez ezartzen diren baldintzak betetzen diren edo ez ziurtatu beharko da, bidezkoa den ikuskaritza-ikustaldia eginez.

atala.- Jarduteko sanitate baimena lortu ahal izateko, honako baldintza hauek bete beharko dituzte elikagai-jardunek, industriek eta establezimenduek:

1. Aplikagarriak diren arauetan aipatzen diren baldintza tekniko-sanitarioak betetzea.

2. Bere jardunetarako egokiak diren autokontrol-sistemak bermatzea.

atala.- 1.- Enpresaren titularrak edo legezko ordezkariak egingo duen eskabidearen bidez emango zaio hasiera baimen-espedienteari. Osasun Publikorako zuzendariari egingo zaio eskabidea eta, enpresa kokatuta dagoeneko lekuaren arabera, dagokion Osasun Lurralde Ordezkaritzan aurkeztu beharko da.

Burutuko diren jardunak jasoko dituen memoria bat erantsiko zaio eskabideari.

atala.- Aurkeztutako eskabide eta agiriak aztertu ondoren, ikuskaketa bisita egingo da, instalazioak dekretu honetan aipatzen denari eta bidalitako memorian jasotzen diren helburuei egokitzen zaizkien ala ez ziurtatu ahal izateko.

atala.- 1.- Jarduteko sanitate-baimenaren aldeko eskabideari Osasun Publikorako zuzendariak emango dio ebazpena, Elikagaien Sanitate Erregistro Orokorrean inskribatu behar diren jardun, industri eta establezimenduen kasuetarako. Eskabide moeta honek, ez ditu alde batera uzten egin behar diren beste eskabide moeta batzuk.

Erregistro horretan inskribatu beharrik gabeko enpresa batek eskabidea egitea gertatuz gero, dagokion Osasun lurralde ordezkariak emango dio ebazpena.

Administrazioak eskabideari eman behar dion erantzun espresuaren kaltetan gabe, jarduteko sanitate-baimena emandakotzat joko da, eskabidea aurkeztu zenetik sei hilabete igaro eta erabaki espresurik ez ematea gertatu bada.

atala.- Jarduteko sanitate-baimenaren indarraldia bost urtekoa izango da, instalazioetan edo baimena ematerakoan betetzen ziren inguruabarretan funtsezko aldaketarik egon ez dadinaren baldintzapean. Epealdi hori betetakoan, baimena eskatu beharko da berriro. Baliotasunaren azken eguna bete baino hilabete lehenago aurkeztu beharko da berritzeko eskabidea eta, izapidegintzan, dekretu honetako bosgarren, seigarren eta zazpigarren ataletan xedatzen dena bete beharko da.

atala.- Dekretu honetan aipatzen diren betekizun eta baldintzak betetzen diren ala ezaren kontrola eta ikuskaritza egitea, Osasun Saileko lurralde ordezkaritzei dagokie.

atala.- Dekretu honetan xedatzen denaren aurkako arauhausteak Administrazioaren zigorraren gai izan daitezke bidezkoa den espedienteari izapideak eginarazi ondoren, apirilaren 25eko 14/1986 Legeko VI. atalburuan, ekainaren 22ko 1945/1983 Errege Dekretuan eta aplikagarriak izan daitezkeen osagarrizko eta geroagoko arauetan xedatzen denari jarraituz.

atala.- Sanitateari buruzko Lege Orokorreko 37. atalean xedatzen denaren arabera, baimenik gabeko establezimenduak, instalazioak edo zerbitzuak ixtea ez da zigortzat hartuko eta ez, akatsak zuzendu arte edo sanitate, higiene edo segurtasun mailako arrazoiak direla medio eskatutako baldintzak bete arte, jardunak geldi araztea ere.

GEHIGARRIZKO XEDAPENA

Elikagai-jardunak, industriak eta establezimenduak Dekretu honetan xedatzen denari egokitzeko bi urteko epea ematen da, dekretu hau indarrean jarri dadin egunetik hasita.