Liburutegi Zerbitzua

Euskal Autonomi Elkartearen Administrazioko sailak sortu, ezabatu eta aldatzen dituen eta horien egitekoak eta ihardun-arloak finkatzen dituen urtarrilaren 3ko 1/1995 Dekretuaren 5. atalean Lehendakariordetzari emandako egitekoak: a) Jaurlaritzaren Idazkaritza. b) Legebiltzarrarekiko, Arartekoarekiko eta instituzioen artekoekiko harremanak eta komunikazioak. c) Autonomi garapenerako politika eta, xede horretarako, sailen ihardueren koordinazioa. d) Autonomi Estatutuaren defentsa juridikoa. e) Legezkotasunaren barne-arta eta aholkularitza juridiko orokorreko egitekoak gauzatzea. f) Eusko Jaurlaritza eta bere organoak auzietan ordezkatu eta defendatzea. g) Euskal Herriko Agintaritzaren Aldizkaria. Jaurlaritzaren lehendakariordea eta Ogasun eta Herri Administrazio sailburua izendatzeari buruzko urtarrilaren 3ko 4/1995 Dekretuko 2. atalean Jaurlaritzaren ihardueraren koordinazio orokorra eta alorkakoa egozten zaizkio lehendakariordeari, lehendakariak horrela agintzen duenean. Koordinaziorako eta Administrazioa Eraberritzeko Idazkaritza sortzeari buruzko urtarrilaren 23ko 65/1995 Dekretuaren bidez, Lehendakaritza, Lege Araubide eta Autonomi Garapenerako Sailarenak ziren organoak eta Administrazioa Eraberritzako Bulego sortu berria Lehendakariordetzaren egitura berrian sartu ziren. Jaurlaritzaren Lehendakariordetzaren behinbetiko antolaera finkatzen da dekretu honen bidez. Jaurlaritzaren ihardueraren koordinazioak nola izan behar duen zehaztuko du. Eginkizun hori lehendakariordeari egozten zaio, lehendakariaren zuzendaritzapean eta sailburuek euren eremukoak diren ihardueren kudeaketan duten erantzukizun eta eskuduntzen kaltetan gabe. Egozpen horrekin bat etorriz delegatzen zaizkio, baita ere, Jaurlaritzari buruzko ekainaren 30eko 7/1981 Legeko 25.2 atalean jasotako ahalmenak. Azkenik, lehendakariaren ordezkotza-lana ere beteko du, lege horretan agintzen deneantxe. Jaurlaritzaren Lehendakariordetzak, antolaketari dagokionez, Idazkaritza Nagusi bi izango ditu, KoordinaziorakoIdazkaritza Nagusia eta Araubide Juridiko eta Autonomi Garapenerako Idazkaritza Nagusia hain zuzen. Koordinaziorako Idazkaritza Nagusiak hiru Zuzendaritza izango ditu, hots, Koordinazio Zuzendaritza, Jaurlaritzaren Idazkaritzako eta Legebiltzarrarekiko Harremanetarako Zuzendaritza eta Administrazioa Eraberritzeko Bulegoa. Idazkaritzak, Jaurlaritzaren iharduera programatzerakoan, koordinazio eginkizunak betetzeko laguntza emango dio lehendakariordeari. Ez horretan bakarrik, baizik eta Jaurlaritzaren Kontseiluak eta apirilaren 25eko 249/1995 Dekretuaren bidez sortutako Ekonomia gaietarako Jaurlaritzaren Ordezko Batzordeak aztertu eta onartzen dituen gaietan aholkuak eta argibideak ematen ere eskainiko du bere laguntza. Jaurlaritzaren legegintza, plangintza eta programagintzaren egutegiari jarraituz ihardungo du Idazkaritzak. Instituzioek Eusko Legebiltzarrarekin eta Arartekoarekin izango dituzten harremanak ere Idazkaritza Nagusiaren ardurapekoak izango dira; eta hori, lehen aipatutako 4/1995 Dekretuko 3. atalean horrela egozten zaiolako lehendakariordeari, Jaurlaritzaren idazkaria denez. 1/1995 Dekretuan finkatutako jarraibideen eta Herri Administrazioa Arrazoizkotzeko eta Hobetzeko Batzordearen txostenean jasotzen diren artamenduen arabera zehazten ditu, Dekretu honek, Administrazioa Eraberrizeko Bulegoaren eginkizunak. Legegintzaldi honen aurrekoan zertu ziren artamendu horiek eta gaurregungo Jaurlaritzaren oinarri den Koalizio Akordioan agertzen dira. Egiturari dagokionez ere txostenean adierazten diren irizpideei lotzen zaie; izan ere, proiektukako lanari egokitu behar baitzaio eta Jaurlaritzako zerbitzu amankomunek eskeiniko dioten urgazpenari, eta batez ere, Ogasun eta Herri Administrazio Saileko organoek eta Lehendakaritzan egituraturik dauden zerbizuek. Araubide Juridiko eta Autonomi Garapenerako Idazkaritza Nagusia bi eremutan banatzen da. Alde batetik, Administrazioaren Goi-mailako KontsultaZentru lez eratzen da; Juarlaritzaren zerbitzu juridiko nagusiak kokatuko dira horren barne. Barneko araugintzaren arta, legeak garatzea eta epaiketetan Administrazioa ordezkatzea eta defendatzea dagozkie zerbitzu horiei, testu honetan agertzen diren ihardutzealor batzuei dagozkienak salbuetsiz. Idazkaritza Nagusi hau, bestalde, garapen autonomikoari buruzko politikaz arduratzen da, hala Estatuarekiko eta beste lurraldeizaikiekikoharreman eta lankidetzari dagokienez, nola horrek dakartzan transferentzi prozesuari dagokionez. Antolaketa-alorreko aldaketarik esanguratsuena alor horretan gertatu da, hain zuzen; izan ere, Zuzendaritza bakar batetan bildu baitira lehengo Lege Araubideko Zuzendaritzak eta Eskualdaketa Zuzendaritzak bien artean banatuta zituzten eskuduntzak. Lehenengo eremuaren barne Lege Garapen eta Arau Kontrolerako Zuzendaritza eta Auzibide zuzendaritza sartzen dira. Bigarrenean, ostera, Autonomi Garapenerako Zuzendaritza. Azkenik, 1/1995 Dekretuan jasotakoarekin bat etorriz eta antolaerak beragan euki behar duen irizpide ekonomikoari jarraituz, Jaurlaritzaren Lehendakariordetzako organoen iharduerak dakarren administrazio lana Ogasun eta Herri Administrazio Saileko Zerbitzu Zuzendaritzak beteko du. Ondorioz, Jaurlaritzari buruzko ekainaren 30eko 7/1981 Legearen 8 c), 19. eta 25. atalek egozten dizkidaten ahalmenen arabera, Jaurlaritzaren lehendakariordeak proposamena egin eta Jaurlaritzaren Kontseiluak 1995eko urriaren 31n egindako bilkuran aztertu ondoren, hauxeXEDATU DUT:I. ATALBURUA ANTOLAERA OROKORRA. 1. atala.- Egitekoak eta ihardunarloak. Euskal Autonomi Elkartearen Administrazioko sailak sortu, ezabatu eta aldatzen dituen eta horien egitekoak eta ihardun-arloak finkatzen dituen urtarrilaren 3ko 1/1995 Dekretuaren 5. atalean egozten zaizkion ihardun-arloei buruzko eginkizunak beteko ditu Jaurlaritzaren Lehendakariordetzak, dekretu honetan ezarritakoarekin bat etorriz. 2. atala.- Egitura Orokorra. Jaurlaritzaren Lehendakariordetza, aurreko atalean aipatzen diren eginkizunak betetzeko, honako organo hauetan egituratzen da: a) Koordinazio Idazkaritza Nagusia: 1.- Koordinazio Zuzendaritza. 2.- Jaurlaritzaren Idazkaritzako eta Legebiltzarrarekiko Harremanetarako Zuzendaritza. 3.- Administrazioa Eraberritzeko Bulegoa. b) Araubide Juridiko eta Autonomi Garapenerako Idazkaritza Nagusia: 1.- Autonomi Garapenerako Zuzendaritza. 2.- Auzibide Zuzendaritza. 3.- Lege Garapen eta Arau Kontrolerako Zuzendaritza.II. ATALBURUA JAURLARITZAREN LEHENDAKARIORDEA. 3. atala.- Jaurlaritzaren lehendakariordea. 1.- Jaurlaritzaren lehendakariordeak, lehendakariaren gidaritzapean, Jaurlaritzaren iharduera orokorra eta alorkakoa koordinatuko ditu, sailburu bakoitzak bere iharduera-alorren kudeaketan dituen eskuduntza eta erantzukizunaren kaltetan gabe. 2.- Bere eginkizunak betetzeko lehendakariordeak dituen eskuduntzak: a) Jaurlaritzari eska diezazkion argipide eta laguntzak ematea Legebiltzarrari. b) Sailen artean sortzen diren eskuduntza-auziei aterabidea ematea, sailburuek konponbiderik lortu ez dutenean. c) Jaurlaritzaren Ordezko Batzordeen bileretarako deia egin eta, beharko balitz, horien gidaritza eta zuzendaritza bere gain hartzea. d) Jaurlaritzaren legegintza-programa koordinatzea. e) Jaurlaritzaren zereginak era itxuratsuan burutzeko eta hartu beharreko erabakiak modu egokian betetzeko behar diren barne arauak ezartzea. f) Jaurlaritzak eta berorren ordezko batzordeek hartutako erabakiak betetzea eta argitaratzea sustatu eta koordinatu. 3.- Lehendakaria egon ez edo gaixorik egon dadinean, lehendakariordea jarriko da bere lekuan, horrela xedatzen baita Jaurlaritzari buruzko Legean.III. ATALBURUA KOORDINAZIO IDAZKARITZA NAGUSIA 4. atala.- Koordinazio Idazkaritza Nagusia. 1.- Koordinazio Idazkaritza Nagusiaren egitekoak: a) Jaurlaritzaren iharduera koordinatzeko eginkizunetan lehendakariari urgaztea. b) Jaurlaritzaren Legegintza-egutegia gertatu, garatu, horren jarraipena egin eta Legebiltzarrean izapidetzea, Araubide Juridiko eta Autonomi Garapenerako Idazkaritza Nagusiarekin batera lan eginez. c) Jaurlaritzak onartutako egitasmo eta programen egutegia gertatu, garatu eta horren jarraipena egitea. d) Jaurlaritzaren Programa garatu eta aplikatzeko, sailen arteko ihardueren koordinazio orokorrari eta alorkakoari buruzko jarraibideak onartzeko proposamena egitea Jaurlaritzaren lehendakariordeari. e) Jaurlaritzaren ihardueraren berri eman eta horren jarraipena egiteko baliabideen kudeaketa gidatzea eta koordinatzea. f) Sailekin batera Jaurlaritzak Legebiltzarrean hartu dituen konpromezuak zenbatean bete diren jagotea. g) Jaurlaritzaren, Ekonomi gaietarako Ordezko Batzordearen eta Jaurlaritzari buruzko Legearen 22. atalean jasotakoaren arabera sor daitezen gainerako batzordeen zereginak eratzea. h) Legebiltzarrarekin, Arartekoarekin eta instituzioekin izan ditzan harremanetan Jaurlaritzaren lehendakariordeari urgaztea; beharrezkoa gerta dadinean, halaber, Jaurlaritza ordezkatuko du Legebiltzarreko Bozeramaleen Batzordearen aurrean. i) Jaurlaritzaren Lehendakariordetzaren komunikazio eta berriemate politika burutzea. Lehendakariordeak egotz diezazkion harreman publiko eta instituzionalen eremuan beharrezkoak izan daitezen iharduerak ere garatuko ditu. j) Administrazio publikoa egokitzeari eta hobetzeari buruzko lanen gidaritza eta koordinazioa; sailekin batera ihardungo du eta Jaurlaritzaren lehendakariordearen eta Ogasun eta Herri Administrazio sailburuaren gainbegirapean. 2.- Jaurlaritzaren Lehendakariordetzako kontratazio organoa ere Koordinazio Idazkaritza izango da. 5. atala.- Koordinazio Zuzendaritza. Koordinazio Zuzendaritzaren eginkizunak: a) Jaurlaritzaren Idazkaritzako eta Legebiltzarrarekiko Harremanetarako Zuzendaritzarekin lankidetzan arituz, Jaurlaritzaren Programa garatu eta betetzeko sailek zertu ditzaten ihardueren plangintza, programazioa eta ebaluazioa burutzeko bide eman dezaten teknikak eta metodoak ezartzea proposatuko du. b) Bere ohiko ihardunean Jaurlaritzak beteko dituen plan, programa eta ekintza esanguratsuen egutegia gertatzea. Sailen eta gainerako erakundeen plan, programa eta ekintzei buruzko informaziorako eta horien jarraipenerako prozedurak proposatu eta burutuko ditu, Lehendakariordetzari dagozkion koordinazio eginkizunak errazteko. c) Jaurlaritzaren Lehendakariordetzak gauzatu ditzan koordinazio eginkizunak burutzeko beharrezkoa den sorospen teknikoa eskaintzea, batik bat Sail bati baino gehiagori daragioten plan, programa edo ekintzei dagokienean. d) Jaurlaritzako sailen iharduera koordinatzeko beharrezkoak diren txostenak eta azterlanak gauzatzea. Jaurlaritzaren programa zertuz sailek gertatu ditzaten plan eta programa orokorrei eta alorkakoei buruz berriematea. e) Jaurlaritzaren lehendakariordeari dagozkion jarraipen eta koordinazio eginkizunetarako beharrezkoak diren agiriak eta urgazpena eskatzea sailei. f) Administrazio eta kudeaketa mailako iharduerak, sailek eta erakundeek burutu ditzatenak alegia, gauzatzeko diren ekimenak aurkeztea eta hobekuntzei buruzko planak garatzea, Administrazioa Eraberritzeko Bulegoarekin batera. Hobekuntzok, Jaurlaritzaren ekintza administratiboa erraztu eta disfuntzioak eta iharduera autonomo eta koordinaziorik gabekoak ekidingo dituzte. g) Horien eztabaida Jaurlaritzaren Kontseiluari edo Ekonomia gaietarako Ordezko Batzordeari dagozkieneko gaiei buruzko aholkuak ematea, lehendakariordeak edo Koordinazio idazkari nagusiak hala eskatzen duenean. h) Sailen arteko koordinazioari dagokion alorrean egotz deizazkioten gainerakoak. 6. atala.- Jaurlaritzaren Idazkaritzako eta Legebiltzarrarekiko Harremanetarako Zuzendaritza. 1.- Jaurlaritzaren Idazkaritzako eta Legebiltzarrarekiko Harremanetarako Zuzendaritzak, Jaurlaritzaren Kontseiluari eta Ekonomia gaietarako Ordezko Batzordeari dagokienez, eta bai Jaurlaritzari buruzko Legearen22. atalaren arabera sor daitezkeen gainerako Ordezko Batzordeei dagokienez ere, ondorengo lerrokadetan adierazten diren eginkizunak beteko ditu: a) Kontseilu eta batzorde horien bilkurak gertatzea; horietarako gaizerrendak eta azterketaren gai izango diren gaiak ezagutzeko beharrezko diren agiriak, aurrekinak eta datuak gertatzea eta banatzea; erabakiak izapidetzeko eta, hala behar izan dadinean, horiek balioa izan dezaten beharrezko diren lege eta finantzaketa mailako baldintzak bete daitezela zaintzea eta, zilegizko balitz, behar diren txostenak eskatzea. b) Aztergaiak izapidetzeari buruzko arauak eta jarraibideak eta legegintza-teknikari buruzko ohartarauak, denak ere Jaurlaritzak onartutakoak, bete daitezen zaintzea. c) Onartu diren erabakiei buruzko aktak gertatzea eta jagotea, bete daitezen zainduz. d) Bileretan aurkeztu behar diren agiriak normalizatzeko jarraibideak ezartzea. e) Jaurlaritzaren organo kolegiatu horien lanei buruzko agirien tratamendu informatikoa. f) Jaurlaritzaren ihardunen programazioari, duen lege-egutegiari eta programa betetzen deneko mailari buruzko txostenak eta proposamenak gertatzea, Koordinazio Zuzendaritzarekin lankidetzan. Horretaz gain, egin behar dituen lanen antolaera eta eraketa eta azterketaren gai izango diren ekintzei buruzkoak ere bai. g) Jaurlaritzaren iharduerari buruzko berriemate- eta jarraipen-baliabideen kudeaketa. h) Horien aurrean izapidetu daitezen gaiei buruzko agiriak kautotzea. 2.- Halaber, honako egiteko hauek beteko ditu Legebiltzarrarekiko harremanei dagokienetan: a) Jaurlaritzaren eta Legebiltzarraren arteko harreman eta komunikazio organu izatea. b) Legegintza programa ikertze, jarraitze eta koordinatze lanak egitea, programa hori Legebiltzarrean dagoen bitartean. Legebiltzarrean aurkeztu daitezen Lege-Proposamen, Legez Besteko Proposamen eta Mozioak aintzat hartzeari dagozkionetan, Jaurlaritzak izan behar dituen irizpideak mamitze-bideetan laguntzeko, ikerketak, agiribilketa-lanak eta aurreekintzak gauzatzea. Legebiltzarrean aurkez daitezen ekimen, galdera eta interpelazio horiei buruzko argibideak Administrazioko organu agintedunengandik eskuratzea. Ekimen, galdera eta interpelazio horiek ikertzea, era honetan, dagokien sailei txostenak eta sorospena eskani ahal izateko. Legebiltzarrak Jaurlaritzari ezar diezazkion konpromezuen jarraipena egitea eta, oro har, Legebiltzarreko gorabeheren berri Jaurlaritzari ematea. c) Horietaz aparte, Zuzendaritza honi dagokio baita ere, Jaurlaritzaren eta Arartekoaren arteko harreman eta komunikazio organu izatea. 3.- Jaurlaritzaren Idazkaritzako eta Legebiltzarrarekiko Harremanetarako Zuzendaritzari atxikita egongo da organikoki Euskal Herriko Agintaritzaren Aldizkaria. Aldizkari hori argitaratzeko, teknika, ekonomi eta administrazio mailan burutu behar diren egitekoak gauzatzea dagokio zuzendaritza honi, bertan sartu behar diren xedapenen eta administrazio-egintzen argitalpenen antolapen eta arta-lanak burutuko dituela. Honako hauek zainduko ditu bereziki, hau da, Aldizkarian sartu behar direnen lehentasun hurrenkera eta kasu bakoitzak dituen baldintza formalak bete daitezela, era honetan, Administrazioko organu bakoitzak dituen eskuduntzak errespetatu ahal izateko. 4.- Euskal Autonomi Elkarteko administrazio publikoetako agintarien sinadura baliozkotzea, legeztapen bakarrari edo apostilari aplika dakizkiokeen legeen arabera atzerrian indarra izan behar duten agirien legezkotasun-espedienteei dagokienetan eta egiteko hori beste organu batzuri emanda egon ez dadinaren baldintzapean. 5.- Era berean, Zuzendaritza honi dagokio baita ere, Euskal Autonomi Elkarteko administrazio publikoetako organuek egindako irizpen-eskabideak Estatuaren Kontseilura bidaltzeko aurre-egintzak burutzea. 7. atala.- Administrazioa Eraberritzeko Bulegoa. Jaurlaritzari buruzko ekainaren 30eko 7/1981 Legean xedatzen direnen ondorioetarako, organikoki Zuzendaritza maila duen eta Administrazioa Eraberritzeko den Bulegoari, honako egiteko hauek ematen zaizkio: a) Antolaketa, zerbitzuen kalitate, informatika, giza baliabide, ekonomi kudeaketa, merkatu-indarrak bertaratze eta beharrezkotzat jo daitezen beste eremu batzuk egokitzeko eta hobetzeko, Sail ezberdinen arteko planak lantzea, koordinatzea eta bultzatzea. b) Legeetan egin beharreko aldaketak gertatzea Administrazioa egokitu eta hobetu ahal izateko. Legealdaketa horiei buruzko arautegiak garatzea. c) Sailek edo Euskal Autonomi Elkarteko Administrazioko erakunde autonomoek, bakoitzak bere aginteeremuaren barruan, sustatu ditzaten egokiketa eta hobekuntza proiektuak informatu beharko ditu obligazioz eta proiektu horiek aplikatu diren ala ez gainbegiratu. d) Sailek, barne-eraketari, izaiki instituzionalak sortzeari edo giza-baliabideak eratzeari dagozkienetan mamitu ditzaten egintzei buruzko berriak ematea. e) Lan administraztiboak sinpleago bilakatzeko neurriak aplika daitezen proposatzea eta bultzatzea. Neurri horiek bete daitezen zaintzea ere bai. f) Zerbitzu-eskaintzaren kalitatea eta, oro har, Administrazioa herritarrek ezagutzea eta horretaz baliatzea xedetzat duten eraketa eta prozedura mailako proposamenak lantzea. g) Sail guztienak diren zerbitzuak emeki-emeki deszentralizatzeko beharrezkoak diren ekintzei buruzko proposamenak egitea, ekintza horiek koordinatzea eta kudeaketa-arloan autonomia izan dezaten bultzatzea. IV. ATALBURUA ARAUBIDE JURIDIKO ETA AUTONOMI GARAPENERAKO IDAZKARITZA NAGUSIA 8. atala.- Araubide Juridiko eta Autonomi Garapenerako Idazkaritza Nagusia. Araubide juridiko, auzi-ihardun eta autonomi garapen arloetan Jaurlaritzaren Lehendakariordetzari emanda dauden egitekoak betetzea dagokio Araubide Juridiko eta Autonomi Garapenerako Idazkaritza Nagusiari eta, bereziki, honako hauek gidatzea eta bultzatzea: a) Estatuarekiko eta beste lurralde izaiki batzurekiko harreman-politika garatzea autonomiaren garapenean eragina izan dezaketen gaietan, horretarako sor daitezen organu mistoetan parte hartuz. b) Euskal Autonomi Elkartearen eskuduntzei buruzko zerbitzuen transferentziak artikulatzepolitika burutzea, bai Estatuari dagokionetan eta bai lurralde historikoei dagokienetan ere. c) Euskal Autonomi Elkarteko Administrazio Orokorraren eta Instituzionalaren ordezkotza eta babesketa egitea edozein eratako jurisdikzio moetaren aurrean. d) Aholkularitza juridiko lana egitea eta legeetan jasotzen den legalitate-artari buruzko txostenak ematea. Horretarako, Idazkaritza Nagusiari Zerbitzu Juridiko Nagusiaren burutza dagokio eta Jaurlaritzaren Goi Mailako Kontsulta-Zentrua da. 9. atala.- Autonomi Garapenerako Zuzendaritza. 1.- Honako hauek dagozkio Autonomi Garapenerako Zuzendaritzari: a) Autonomiaren garapena bultzatzea eta aztertzea, legeetan jasotzen diren eskuduntzei buruzko ikerketa juridikoak egingo dituela horretarako. b) Jaurlaritzak, Estatuarekin, beste elkarte autonomo batzurekin edo foru eta toki mailako instituzioekin, nahiz biren artean, nahiz askoren artean, izan ditzakeen harreman instituzionalen politika exekutatzea edo horretan lankide izatea. c) Estatutik eta beste lurralde-izaiki batzurengandik transferentziak eskuratze-politika bultzatzea, gai horietaz aholkuak ematea, lan hori koordinatzea eta gauzatzea. d) Euskal Herriko Autonomia-Estatutuko aldibaterako xedapenetatik bigarrenean eta AutonomiaElkarte Osorako Erakundeen eta bertako Kondaira Lurraldeetako Foruzko Ihardute-Erakundeen arteko Harremanei buruzko aldibaterako xedapenetatik lehenengoan aipatzen diren Transferentzien Batzorde Mistoetako idazkaritzalanaegitea. e) Estatuko Gobernuarekin eta bere Administrazioarekin sor daitezkeen eskuduntza-arazoei buruzko ikerketak egitea eta Jaurlaritzari aholkuak ematea. f) Bidezkoak diren eta judizio aurreko txostenak, errekerimenduak eta ekintzak gauzatzea, Jaurlaritzaren interesen ordezkotzaren eta babesketaren gidaritza egitea dagokiola konstituzio maila duen jurisdikzioaren aurrean. g) Foru eta toki mailako instituzioekin sor daitezkeen eskuduntza-arazoei buruzko ikerketak egitea eta Jaurlaritzari aholkuak ematea. h) Beharrezkoak izan daitezen txostenak egitea eta ekimenak garatzea. Errekerimenduak gertatzea eta Jaurlaritzaren interesak Arbitraia Batzordearen aurrean defendatze eta ordezkatze ekintzen zuzendaritza egitea dagozkio. 2.- Autonomi Garapenerako Zuzendaritzak, transferentzien baloraketa ekonomikoari eta foru eta toki mailako instituzioekiko harreman eta ekintzei dagozkienetan, Ogasun eta Herri Administrazio Saileko organuekin batera egingo du lan. 10. atala.- Auzibide Zuzendaritza. Honako hauek dagozkio Auzibide Zuzendaritzari: a) Euskal Autonomi Elkartearen Administrazio Orokorraren eta bere Administrazio Instituzionalaren ordezkotza eta babesketa egiteko beharrezkoak diren aurre-ekintzak gidatzea, koordinatzea eta burutzea. b) Judizio-ekintzei ekiteari buruz aholkuak ematea, gaiari buruzko txostenak lantzea eta ihardunak koordinatzea. c) Errekurtsoak edo erreklamazioak aurkeztearen zio diren kausen azterketa egitea eta Administrazioaren iharduera aldatzeko neurrien aldeko iradokizunak aurkeztea, aurkaketa horiek gutxitu edo desagertu daitezen. d) Epaiak exekutatzeak, gastuetarako dirua biltzeak edo kostuak ordaintzeak sor ditzaketen administrazio-ekintzak koordinatzea. e) Sententziek legeen gain izan dezaketen eraginari eta, oro har, judizio-prozeduren ondorioei buruzko ikerketak egitea. f) Euskal Autonomi Elkartearen Epaietarako Ordezkotza eta Aldezpenari buruzko ekainaren 26ko 7/1986 Legean xedatzen denaren arabera eta eskumen zibil eta penalaren aurrean ertzainak defendatu eta ordezkatzeari buruz apirilaren 25eko 250/1995 Dekretuan aipatzen direnen kaltetan gabe, zerbitzu juridiko zentralekoak ez diren legelariak gaitzea. g) Jaurlaritzako funtzionarioak eta goikargudunak, beren egitekoak betetzeagatik, zibil eta penal mailan defendatu beharra bereganatzearen bidezkotasunkasuei buruzko erabakia hartzea. 11. atala.- Lege Garapen eta Arau Kontrolerako Zuzendaritza. Honako hauek dagozkio Lege Garapen eta Arau Kontrolerako Zuzendaritzari: a) Jaurlaritzaren legegintza-egutegiaren artikulazio tekniko-juridikoari buruzko informazioa eta aholkuak ematea, egutegi horretan sartzen diren LegeEgitasmoak lantzeak iraun dezan bitartean. b) Sailek eta Erakunde Autonomoek hala eska dezatenean,horien agintepekoak diren arazoei buruzko irizpenak edo txosten juridikoak lantzea. c) Beste Izaiki Instituzional batzuk hala eska dezatenean, hauentzako interesgarriak izan daitezkeen irizpenak edo txosten juridikoak gertatzea. d) Araubide Juridiko eta Autonomi Garapenerako Idazkaritza Nagusiari dagokio Goi Mailako KontsultaZentrua izatea. Ondorioz, bere ihardunak betetzeari buruz legeetan finkatu dadinaren arabera, arauzkoak izan daitezen txosten juridikoak gertatu beharkpo ditu. e) Lege aurregitasmoen, arau-indarra duten xedapenproiektueneta administrazio publikoek elkarren artean izenpetu ditzaten hitzarmenen legezkotasuna barnetik zaintzea, legeek edo Jaurlaritzaren Kontseiluak hala agindu dutelako obligaziozkoa izan dadinean arta hori eramatea. f) Jurisidikzio mailako defentsa egiteko ardura duten organuentzako txostenak lantzea eta aholku juridikoak ematea, Zuzendaritza honek landutako xedapenen aurkako inpugnazioak aurkeztea gerta dadinean. GEHIGARRIZKO XEDAPENAK Lehenengoa.- Jaurlaritzaren Lehendakaritzaren egitekoak eta ihardun arloak finkatzen dituen ekainaren 20ko 305/1995 Dekretuko gehigarrizko xedapenean agintzen denaren arabera, honako egiteko hauek hartuko ditu bere gain Jaurlaritzaren Lehendakariordetzak, sail horri dagozkion eskuduntzen eremuaren barruan: a) Lehendakariaren ordezkotza egitea nazioarte mailako foroetan. b) Jaurlaritzaren Kontseiluak edo Ekonomi Gaietarako Ordezko Batzordeak onarpena eman beharreko gaiak aurkeztea eta defendatzea, Lehendakaritzak dituen ekintza-eremuen barruan. c) Indarrean dauden legeetan xedatzen denaren arabera Lehendakaritzari dagozkion ekintzaeremuekin lotura izan eta Legebiltzarrak egindako eskabideei erantzuna ematea. Bigarrena.- Ogasun eta Herri Administrazio Saileko Zerbitzu Zuzendaritzak, beharrezkoa den administrazio soportea eskainiko du, era honetan, Jaurlaritzaren Lehendakariordetzako organuek, langile, kontratazio, baliabide material eta informatikoen hornidura eta ekonomiaurrekontuarloen kudeaketa-eremuetan ihardun dezaten. INDARGABETZE XEDAPENA Lehendakaritza, Lege Araubide eta Autonomi Garapenerako Sailaren egitura organikoa finkatzen duen apirilaren 30eko 286/1991 Dekretuko 8. atala eta II. Atalburuko 3. Sekzioa indargabetuta gelditzen dira eta bai Koordinaziorako eta Administrazioa Eraberritzeko Idazkaritza Nagusia Jaurlaritzaren Lehendakariordetzaren barruan sortzen duen urtarrilaren 23ko 65/1995 Dekretua ere. AZKEN XEDAPENAK Lehenengoa.- Bidezkoak diren arauzko txostenak jaso ondoren, esku ematen zaio Jaurlaritzaren Lehendakariordetzari, dekretu hau garatzeko eta aplikatzeko beharrezkoak diren xedapenak eman ditzan eta bai zuzendaritzaren mailara heltzen ez diren unitate organikoak bateratu, sortu edo desagertarazteko ere, gastuak areagotu ez daitezenaren baldintzapean. Bigarrena.- Dekretu hau, Euskal Herriko Agintaritzaren Aldizkarian argitara dadin egunaren biharamunean jarriko da indarrean. Vitoria-Gasteizen, 1995eko urriak 31. Lehendakaria, JOSÉ ANTONIO ARDANZA GARRO.