Kultura Ondarea

Liburutegi Zerbitzua

Kultura eta Hizkuntza Politika Saila

Arautegia

Inprimatu

369/1995 DEKRETUA, uztailaren 11koa, Osasun Sailaren eta "Osakidetza/Servicio Vasco de Salud" izeneko Administrazio­Organismo Autonomoaren egitura organikoak eta funtzionalak ezartzen dituena.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Osasuna
  • Jadanekotasuna-egoera: Indargabetua

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 143
  • Hurrenkera-zk.: 2999
  • Xedapen-zk.: 369
  • Xedapen-data: 1995/07/11
  • Argitaratze-data: 1995/07/28

Gaikako eremua

  • Gaia: Administrazioaren antolamendua
  • Azpigaia: Gobernua eta herri administrazioa; Sailak
Deskribapenak

Testu legala

Aurkibidea erakutsiAurkibidea ezkutatu
XEDATU DUT : 1. atala.- Dekretu honen helburua da arrazakeriaren, xenofobiaren, antisemitismoaren eta intolerantziaren aurkako Gazteriaren Europako Kanpainako Euskal Batzordea sortzea eta horren funtzionamendua arautzea. Batzorde horrek aholku eta laguntza emango dio Eusko Jaurlaritzari Europako Kanpaina horri dagozkion gaietan. 2. atala.- Arrazakeriaren, xenofobiaren, antisemitismoaren eta intolerantziaren aurkako Gazteriaren Europako Kanpainaren Euskal Batzordea Kultura Sailari atxikiko zaio eta Dekretu honetan ezarritako izaera, osaera, eskumenak, eta funtzionamendu arauak izango ditu. 3. atala.- Honako hau izango da arrazakeriaren, xenofobiaren, antisemitismoaren eta intolerantziaren aurkako Gazteriaren Europako Kanpainaren Euskal Batzordearen osaera: 3.1.- Ohorezko lehendakaria. Eusko Jaurlaritzako lehendakaria izango da batzordearen ohorezko lehendakaria, bera izango da ordezkari nagusia. 3.2.- Lehendakaria. Eusko Jaurlaritzako Kultura sailburua izango da lehendakaria, bera izango da ordezkari ohizkoa. 3.3.- Lehendakariordea. a) Eusko Jaurlaritzako Kultura sailburuordea, bera izango da lehen lehendakariordea. b) Euskadiko Gazteria Kontseiluko burua, bera izango da bigarren lehendakariordea 3.4.- Bokalak. a) Eusko Jaurlaritzako Gazteri eta Gizarte Ekintzarako zuzendaria. b) Diasporarekiko Harremanetarako eta Garapenerako Kooperaziorako zuzendaria. c) Eusko Jaurlaritzako Hezkuntza, Unibertsitate eta Ikerketa Saileko Pedagogi Berrikuntzako zuzendaria. d) Eusko Jaurlaritzako Justizi, Ekonomi, Lan eta Gizarte Segurantza Saileko Giza Eskubidetarako zuzendaria. e) Eusko Jaurlaritzako Justizi, Ekonomi, Lan eta Gizarte Segurantza Saileko Gizarte Ongizateko zuzendaria. f) Emakundeko zuzendaria g) Hiru lurralde historikoetako Foru Aldundietako Gazteri zuzendariak. h) Hiru euskal hiriburuetako Gazteri zinegotziak. i) EUDELeko ordezkari bat. j) Euskadiko Gazteria Kontseiluko hiru ordezkari. k) Euskal Autonomi Elkartean kokatuta dauden eta arrazismoaren aurka lan egiten duten elkarte nahiz gobernukoak ez diren erakundeetako ordezkariak, etorkinen elkarteetako ordezkariak, gutxiengo etnikoen elkarteetako ordezkariak eta gazte elkarteetako ordezkariak. Gehienez ere 30 izango dira, Kultura sailburuak gonbidatuta. l) Eusko Jaurlaritzako Kultura Sailaren Gazteri eta Gizarte Ekintzarako teknikari bat, idazkari lana egingo duena. 4. atala.- Honako eginkizun hauek izango ditu arrazakeriaren, xenofobiaren, antisemitismoaren eta intolerantziaren aurkako Gazteriaren Europako Kanpainaren Euskal Batzordeak: 4.1.- Kanpainaren erantzukizuna bere gain hartu Euskal Autonomi Elkartean, Europa osorako emandako arauak errespetatuz. 4.2.- Ekintzak bultzatzea, elkarte osoan nahiz tokian tokian burutzekoak. 4.3.- Vienako goi bileran erabakitakoa betetzen dela bermatzea eta hori ziurtatzeko egin beharrekoak egitea. 4.4.- Elkarte mailan eta herri mailan egiten diren ekintzak koordinatzea eta herriak, Autonomi Elkartea eta Estatua harremanetan daudela ziurtatzea. 4.5.- Ikastetxeen, komunikabideen, gobernukoak ez diren erakundeen eta abarren partaidetza bultzatzea eta eragitea. 4.6.- Kanpaina bestelako ekintzekin bateratzea, esate baterako Nazio Batuen Tolerantziaren Urtearekin eta Gazteriaren Urtearen urtemugarekin. 5. atala.- Dekretu honek arrazakeriaren, xenofobiaren, antisemitismoaren eta intolerantziaren aurkako Gazteriaren Europako Kanpainako Euskal Batzordeari ematen dizkion zereginak bete ahal izateko, lantalde iraunkor bat izendatu ahal izango du bere baitan hala erabakitzen baldin badu. Lantalde iraunkor horrek Euskal Batzordeak erabaki eta eztabaidatu beharreko lan eta txostenak prestatuko ditu. 5.1.- Lantalde iraunkorraren burua Eusko Jaurlaritzako Gazteri eta Gizarte Ekintzako zuzendaria izango da eta 10 bokal izango ditu Euskal Batzordea osatzen duten kideen artetik aukeratuak. Hori ondoko proportzioaren arabera egingo da: a) Eusko Jaurlaritzako Sailen ordezkari gisa, bat. b) Foru Aldundietako ordezkari gisa, bat. c) EUDELen ordezkari gisa, bat. d) Hiru lurralde historikoetako hiriburuetako Udalen ordezkari gisa, bat. e) Euskadiko Gazteri Kontseiluaren ordezkari gisa, hiru. f) Arrazismoaren aurka lan egiten duten elkarte nahiz gobernukoak ez diren erakundeetako ordezkari, etorkinen elkarteetako ordezkari, gutxiengo etnikoen elkarteetako ordezkari eta gazte elkarteetako ordezkari gisa, hiru. 5.2.- Bokal horiek Kultura sailburuaren agindu bidez izendatuko dira ordezkatzen duten entitateek beren izena proposatu ondoren. 5.3.- Idazkaria Bazordeko idazkaria bera izango da eta hitzegiterik izango badu ere ez du boto emateko eskubiderik izango. 6. atala.- Euskal Batzordea lau aldiz bilduko da gutxienez kanpainak dirauen artean, eta bere eginkizunak betetzeko gehiagotan biltzea behar bada, gehiagotan ere bilduko da. Bilerarako deia batzordeko lehendakariak egingo du, berak hala nahi duelako edo bokalek nahiz lantalde iraunkorreko kideen heren batek proposatzen diolako. 7. atala.- Arrazakeriaren, xenofobiaren, antisemitismoaren eta intolerantziaren aurkako Gazteriaren Europako Kanpainako Euskal Batzordea 1996an desegingo da, Kanpainari buruzko txostena egin ondoren. GEHIGARRIZKO XEDAPENAK Lehena.- Dekretu honetan ezarritako xehetasunak xehetasun, Euskal Batzordearen funtzionamendua azaroaren 26ko Herri Administrazioen Lege Jaurbideari eta Guztientzako Administrazioko Ihardunbideari buruzko 30/1992 Legearen arauetan ezarritakoari egokituko zaio. Bigarrena.- Arrazakeriaren, xenofobiaren, antisemitismoaren eta intolerantziaren aurkako Gazteriaren Europako Kanpainarako Euskal Batzordea bi hilabeteko epean eratu beharko da, Dekretu hau indarrean jartzen den egunetik kontatzen hasita. Hirugarrena.- Dekretu honetan ezarritakoa hedatzeko behar beste xedapen emateko ahalmena ematen zaio Kultura sailburuari. AZKEN XEDAPENA Dekretu hau Euskal Herriko Agintaritzaren Aldizkarian argitaratu ondoko egunean jarriko da indarrean. Vitoria-Gasteizen, 1995eko uztailak 11. Jaurlartzaren lehendakariordea, JUAN JOSÉ IBARRETXE MARKUARTU. Kultura sailburua, M.Ş KARMEN GARMENDIA LASA.Euskal Autonomi Elkartearen Administrazioko sailak sortu, ezabatu eta aldatu eta horien egitekoak eta ihardun-arloak finkatzen dituen urtarrilaren 3ko 1/1995 Dekretuak Osasun Sailaren konfigurazio estrukturala mantentzen du, eta hari atribuitzen zaizkio: a) Planifikazioa eta ordenazio sanitarioa. b) Osasun publikoa eta janarihigienea. c) Zainketa epidemiologikoa. d) Ordenazio farmazeutikoa. e) Sailera adskribatutako edo haren menpeko ente instituzionalak zuzentzea, lege eta araudiekin bat etorriz. Oraingo dekretuak, administrazioegituretarako araudi organikoen ohiko finkapen-prozesuari erantzuten dio, kasu honetan, osasunari buruzko gobernupolitikaren proposamenean eta beterazpenean tartekatzen diren egiturei buruz arituz, aipatutako funtzio eta iharduketaarloenorain arteko ohiko erlaziotik atera daitekeen moduan. Nahiz eta mugapen orokor horretan, bai Osasun saila eta bere iharduketa-arloak mantentzen direlako bai «Osakidetza-Sevicio Vasco de Salud» Administrazio-Organismo Autonomoaren adskripzioa dela-eta, jarraipena isladatzen den, baiezta daiteke badaudela pisuzko zenbait arrazoi araudi organiko hau inflexio puntutzat hartzeko, osasun-antolakuntzari efizientzia handiagoa emateko erantzukizunean, eta osasun-antolakuntza hori Administrazio Publikoen modernizazioerrekerimenduetara egokitzeko erantzukizunean. Lehen eta behin, gaurko Jaurlaritzaren programan aurrikusitako printzipio eta helburuekiko egokitze estrukturalaren dinamikak berak bidaltzen gaitu «Osasuna Zainduz-Estrategias de cambio para la Sanidad Vasca» izeneko Plan Estrategikoaren aplikaziora. Ikusmira honetatik, nahiz eta Eusko Legebiltzarrak emandako laguntzak euskal sistema sanitarioaren legegintzazko ordenazio orokorra helburutzat izan, gaur egun derrigorrezko gauza da indarrean dauden egiturak prestatzea eta egokitzea erreformaren planteamenduetatik hurbilen dauden funtzionamendu-iritzietara. Dudarik gabe, ahalegin honek sistemari on egiteko ezezik, osasunaren politika modu efizienteagoan aplikatzeko ere balio izango du. Zentzu horrexetan, azpimarratzekoa da 1995eko Aurrekontuen Legearen zazpigarren xedapen gehigarria legegintza-ingurua aldaberritzearen alde egotea; izan ere, bertan, «Osakidetza/Servicio Vasco de Salud» Organismo Autonomoa berregituratzeko biltzen diren aurrikuspenetan sartzen da dekretu honek Osasun Sailerako finkatzen dituen konponbideetatik zati handi bat, batez ere, aseguramendu sanitarioko eta beste osasunzerbitzuekikokontzertazioko esparruei dagokienez. Honela, bada, agintaritza sanitarioaren egoitza ezezik, hirugarren batekin eta «Osakidetza/Servicio Vasco de Salud» Organismoarekin berarekin kontzertatzea ahalbideratzen duten mekanismoen egoitza ere den Sailaren konfigurazioa garatzen da, osasun zerbitzuen hornidurarako Organismo Publiko izatera progresiboki bideratzen joango delarik. Beste aldetik, derrigorrezkoa da behin eta berriz esatea, osasunaren zerbitzurako dagoen euskal bilbapen administratiboa modu berezian, oso-osorik, hartu beharra dagoela, erreformaren estrategiek adierazitako norabiderantz eman behar diren urratsak finkatzeko. Hori dela-eta, hain zuzen ere, arau bakar batean erregulatu behar dira Sailaren eta Erakunde Autonomoaren egiturak; izan ere, komenigarri baino komenigarriagoa izango litzateke sistema berrindartzeko, eta multzo organikoak bilakaera sendo eta trinkorako aurretiko joera izan dezan. Indarrean dagoen legeriari, «Osakidetza/Servicio Vasco de Salud» sortzeari buruzko 10/1983 Legeari, hain zuzen ere, kalterik egin gabe, dekretu honek Sailaren eta Organismo Autonomoaren arteko hainbat euskarri eta laguntza mota xehatzen ditu. Arrazoia ez da besterik hauxe baino: erantzukizunen banaketari buruzko kontzeptu juridikoen zehaztezina gainditu beharra, eta behar bada beharrizanik behinena, erantzukizun horiek azken iharduketen arabera banatu beharra, horien menpe baitago ekintza sanitarioa zuzena izatea. Guzti horren arabera azpimarratzen dira OsasunPlanaren definizioa eta, osasun-prestazioen hornidurarako arduradunak direnekin harreman kontraktualen praktika espezializatua garatzeko aipatu Planaren aplikazioa. Erreferente biok dira konkurrentzia-puntu printzipalenak konplexu organiko bakoitzaren erantzukizunean aritzerakoan; gainera, etorkizuneko lanabes aipagarrienak ere badira, sistemaren efizientzia handiagoa eta kalitatea faboratzeko. Parametro horiek kontuan harturik interpretatu behar dira Organismoaren lotura funtzionalak bere zeregin instrumentaletan. Azkenik, komenigarri da azpimarratzea Sailaren eta gestio deskontzentratuko zentrotzat sailkapetutako Organismoko zentroen arteko harremanetarako dagoen bide berezia. Zentro horiek onetsita, behin betiko sakontzen da Osakidetzaren Legearen aurrikuspenetan, deszentralizazio eta deskontzentrazioko printzipioen hedapenari dagokionez; baina, horrez gain, aplikatzen hasita daude zerbitzuen kontratazioko funtzioaren garapenari eta kondizio estrukturalen garapenari buruzko jokabide estrategikoak, osasun-zerbitzuen gainerako hornitzaileekin araupetutako konpetentzia ona, barrukoa (sektore publikoan bertan) eta kanpokoa, faboratzeko asmotan. Horietariko zenbait aspektu kontratu-programa deitutakoetan praktikoki artikulatzeak, gestiorako inguru efizienteagoa adierazten du, ez baititu inguru horretara gogortasunaz trasladatzen ez pertsonalitate juridikoaren atributuari buruzko ohiko eskema juridikoak ezta ere harreman tipiko kontraktualari buruzkoak. Ondorioz, Osasun sailburuak proposatuta, lehendakariak aurretiaz onartuta, eta Jaurlaritzaren Kontseiluak 1995eko uztailaren 11ko bilkuran aztertu eta onartu ondoren, hauxeXEDATU DUT:I. ATALBURUA OSASUN SAILAREN ANTOLAKUNTZA 1. atala.- Funtzioak eta iharduketaarloak. Osasun Sailari dagozkio osasunari buruz Eusko Jaurlaritzak adierazitako jokabideak proposatzea eta betearaztea, zerarekin bat datorrela: Euskal Autonomi Elkartearen Administrazioko sailak sortu, ezabatu eta aldatu eta horien egitekoak eta ihardun-arloak finkatzen dituen urtarrilaren 3ko 1/1995 Dekretuaren 12. atalak ezartzen dituen funtzioekin eta iharduketaarloekin. 2. atala.- Antolakuntza orokorra. Aurreko atalean adierazitako konpetentzien erabilerari dagokionez, ondoko antolakuntza orokorrarren arabera egituratzen da: A) Organo Nagusiak: 1.- Osasun sailburua. 1.1.- Zerbitzu Zuzendaritza. 1.2.- Araubide Juridikoaren Zuzendaritza. 2.- Osasun Sailordetza. 2.1.- Osasun Publikorako Zuzendaritza. 2.2.- Osasun Antolamendu eta Ebaluaziorako Zuzendaritza. 2.3.- Osasun Aseguramendu eta Kontrataziorako Zuzendaritza. B) Lurralde organoak: Osasun Sailaren Lurralde Ordezkaritzak, Lurralde Historiko bakoitzean. C) Organo kolegiatuak: 1.- Osasunbide Publizitatearen Kontrolerako Batzordea, osasunbide publizitatea araupetzen urriaren 15eko 550/1991 Dekretuarekin bat etorriz sortutakoa (1991-11-06ko EHAA, 223 zk.). 2.- Presazko Osasunketa-Garraioen Sarea aztertu eta arrazoibideratzeko Batzordea, uztailaren 11ko 173/1983 Dekretuarekin bat etorriz sortutakoa ( 19830819koEHAA, 122 zk.). 3.- Osasun Saileko Kontseilu Aholkuemaleak, beren araudi erregulatzailearekin adostasunean eta, Osasun Saileko Kontseilu Aholkuemaleen Araubideari buruzko abuztuaren 3ko 240/1993 Dekretuan aurrikusitako erregimenaren arabera sortutakoak (19930831ko EHAA, 165 zk.). Hauek daude: 1.- Minbiziari buruzko Kontseilu Aholkuemalea. 2.- Bihotz eta Odol-basoetako Gaisotasunei buruzko Kontseilu Aholkuemailea. 3.- Berezko eta Perinatal mailako Gaisotasunen Kontseilu Aholkuemailea. 4.- Diabeteari buruzko Kontseilu Aholkuemailea. 5.- Hortz-ahoko Osasunaren Kontseilu Aholkuemailea (HOEKA). 6.- Opiazeo bidezko Tratamenduetarako Aholku Batzordea. 7.- Txertaketen Euskadiko Batzorde Aholkuemailea. 4.- C.M.B.D. ezartzeko jarraipenBatzordea, 303/1992 Dekretuaren arabera sortutakoa; dekretu horrek Ospitaleetako Altaren xehetasunen gutxienezko bilduma arautu eta Euskal Autonomi Elkarteko Ospitaletako Alten erregistroa sortzen du (19921201eko EHAA, 234 zk.). 5.- Sorospenerako Etika-Batzordeak kreditatzeko Batzordea, Sorospenerako Etika-Batzordeak sortu eta kreditatzeari buruzko otsailaren 7ko 143/1995 Dekretuaren arabera sortutakoa (1995-03-02ko EHAA, 43 zk.). D) Administrazio Instituzionala: «Osakidetza/Servicio Vasco de Salud» Administrazio-OrganismoAutonomoa, maiatzaren 19ko 10/1983 Legearen bidez sortu zena, Osasun Sailera adskribatuta dago. 3. atala.- Sailburuari buruzkoa. 1.- Konpetentziak. Osasun sailburuari dagokio erabiltzea bai «Jaurlaritzaren Legea»ri buruzko ekainaren 30eko 7/1981 Legearen 26. eta 28. ataletan ezarritako konpetentziak eta baita indarrean dagoen legeriak dekretu honen 1. atalean definitutako esparruan ematen dizkion konpetentzia guztiak ere. 2.- Zuzendaritzako Kontseilua. Osasun sailburuak presiditzen duela eta haren zuzendaritza nagusiaren menpe, Zuzendaritzako Kontseilua eratuko da hari laguntza emateko, planifikazio orokorra eta osasun-politikak eta honi dagokion egintza publiko sanitarioak eskatzen dituzten iharduketen jarraipena egiterakoan. Kontseilu honetan parte hartuko dute Osasun sailburuordeak, Osakidetzako zuzendari nagusiak eta Saileko Titularrak zehaztuko dituen pertsona guztiek. 3.- Laguntza Kabinetea.Atal honetan adierazitako konpetentziak erabiltzeko, Osasun sailburuak asistentzia teknikoa eta aholkularitza berezia izango du, sailburuarentzako LaguntzaKabinetea deituriko egitura osatuko duen pertsonal ebentualak emango diona; Kabinete horren bidez kanalizatuko du bere koordinazio nagusia Saileko iharduketei buruzko programazio orokorraren edozein esparrutan, eta, besteak beste, guzti hauei dagokienez: Jaurlaritzako Lehendakariordetzatik Eusko Legebiltzarrekiko harremanei, beste Osasun instituzioekiko eta Konferentzia Sektorialarekiko harremanei, gizartekomunikabieekiko harremanei, ekitaldi publiko eta ofizialen antolakuntzari, eta «Osasuna Zainduz/Estrategias de cambio para la Sanidad Vasca» izeneko Plana beteraztean aitzindari izateari. 4. atala.- Osasun sailordetzari buruzkoa. 1.- Konpetentziak. Osasun sailburuordeari dagokio, zuzenean eta jerarkikoki Osasun sailburuaren menpe, ondoko atribuzioak erabiltzea: a) Sailburuaren eskuordetzaz, Sailaren ordezkaritzan aritzea, instituzioarteko harremanetan eta sailarteko koordinazio-organoetan, konpetentzia-esparrua delaeta beste organo batzuei esleitutako organoarteko harreman espezifikoen kalterik gabe. b) Osasunari buruzko politikak garatzea, osasun sistemaren planifikazio espezifikoa ezarriz eta Euskadiko Osasun-Planarekin zerikusia duten iharduketak koordinatuz; halaber, osasun-sistemaren ordenazio tekniko eta profesionala eta ebaluazioa egitea. c) Sailari esleitutako arloetan, ondoko iharduketaplanak ezartzea: Sailordetzakoak, horra adskribatutako Zuzendaritzetakoak eta Lurralde Ordezkaritzetakoak; horien gestioa gainbegiratzea eta zerbitzuko instrukzio eta aginduak ematea, unitate guztien funtzionamendu zuzenaren ondorioetarako. d) Sailaren konpetentziako esparruan, entitate eta korporazioekin laguntza eta kooperaziorako Komenioak izenpetzea. e) Erabilera-Baimenerako akordioak hartzea, zerbitzu profesionalak, diagnostikoak nahiz osasunzentro pribatuetakoak erabili ahal izateko, abenduaren 30eko 724/1991 Dekretuaren bigarren xedapen gehigarriak ezartzen dituen terminoetan (1992-1-21eko EHAA, 13 zk.). f) Santzionatzeko ahalmena erabiltzea, Sailaren konpetentziaren gaietan, baita ere, establezimenduak ixteko edo etenarazteko santziorik ez duten neurri ablatorioak hartzea, beste organoen atribuzio legalaren kalterik gabe. Isun-santzioak ezarriko ditu 500.000 PTAtik gorako espedienteetan, eta sailburuari bidezko proposamena bidaliko dio, Jaurlaritzaren Kontseiluari emandako konpetentziari dagozkion espedienteak direnean. g) Ordenamendu juridikoak berari bakarrik edo, Jaurlaritzako sailburuordeei orokorki emandako beste edozein funtzio. 2.- Osasun sailordetzaren menpeko antolakuntza. Osasun sailordetzaren menpe daude: Osasun Publikorako Zuzendaritza, Osasun Antolamendu eta Ebaluaziorakoa, eta Osasun Aseguramendu eta Kontrataziorakoa. Halaber, Saileko Lurralde Ordezkaritzak Osasun Sailordetzaren menpekotasun jerarkikoan egongo dira, Osasun Publikorako Zuzendaritzaren koordinazio zuzenaren kalterik gabe, eta Saileko Zuzendaritza guztiek, bakoitzak berari dagozkion konpetentziaesparruetan, egin beharreko ordenazio funtzionalaren kalterik gabe. 3.- Euskadiko OsasunPlana. Osasun sailburuordeari zuzenean dagokio, dekretu honetan organikoki gomendatzen diren iharduketak zuzentzea eta koordinatzea, Euskal Autonomi Elkarteko Osasun-Planak osotu behar dituzten osasunhelburuen mugapenari buruzko proposamenei dagokienez, baita ere, helburu horiek betearazteko estrategiei eta betetze-mailen ebaluazioari dagokienez. Osasun-Plana koordinatzeko ZuzendaritzaKomitea eratuko da, Osasun sailburuordeak presidituko duena, eta bertan parte hartuko dute Sailordetzaren menpeko zuzendariek eta Osakidetzako Osasun Laguntzarako zuzendariak. Organo hauetariko bakoitzak garatuko ditu bere ardurapeneko zereginak, oraingo dekretuak adierazten dituen terminoetan. 4.- Hiesari Aurre-hartzeko eta hori Kontrolatzeko Egitasmoa. Osasun sailordetzari zuzenean dagokio «Hiesari Aurre-hartzeko eta hori Kontrolatzeko Egitasmoa»ren zuzendaritza; aipatu planaren helburuak dira, GIBak eragindako infekzioen prebentzioarekin eta kontrolarekin zerikusia duten iharduketa guztiak planifikatu, koordinatu eta bultzatzea, oro har komunitate guztiko edozein esparrutan, eta modu partikularrean, osasunaren zerbitzurako dauden antolakuntza-egituretako eta egitura profesionaletako esparruetan. Ezarritako helburuak lortzeko, ZuzendaritzaKomitea eratzen da, Osasun sailburuordeak presidituko duena, eta ondokook osotuko dutena: Sailordetzako zuzendariek eta Osakidetzako Osasun Laguntzarako zuzendariak. Zuzendaritza-Komitearen menpe egongo dira 1989ko urriaren 6ko Aginduak (19921015eko EHAA, 201 zk.) sortutako Batzorde Aholkuemaileak. 5. atala.- Zerbitzu Zuzendaritzari buruzkoa. Zerbitzuko zuzendariari dagokio, zuzenean eta jerarkikoki Osasun sailburuaren menpe, ondoko atribuzioak erabiltzea: a) Sailaren barruan organoarteko harremanak koordinatzea, Jaurlaritzako beste Sailekiko eta beste Administrazio eta Instituzioekiko harremanak kanalizatzea, harrerarako eta komunikaziorako administraziobulego bakarra baita. b) Osasun Sailari dagokion administrazio-gestioa zuzendu, bultzatu eta koordinatzea, ondoko iharduketaarloetan:arloetan: - Barne Erregimenean. - Ekonomi-finantza, ondare eta aurrekontuetako barne erregimenean. - Dependentzia Nagusien eta lurraldetakoen, Erregistro Nagusiaren, bibliotekaren eta artxiboaren azpiegitura eta baliabide materialen hornidura. - Argitaratze eta publizitateari buruzko iharduera. - Antolakuntza eta sistema informatikoak, Sailera adskribatutako Organismoei dagozkienen jarraipena barne. c) Administrazio Orokorrean indarrean dagoen ErregimenOrganikoak, Saileko kontratazio-organoari ematen dizkion ahalmenak erabiltzea, Osasun sailburuaren aurretiko gastu-onarpenaren kalterik gabe, beti ere, hasierako aurrrekontuak bi milioi pezeta gainditzen dituenean. Lerroalde hau ez da aplikagarri izango, dekretu honetan Saileko beste Organoei kontratazioorgano diren aldetik ematen zaizkien ahalmenei dagokienez. d) Euskal Funtzio Publikoari buruzko uztailaren 6ko 6/1989 Legearen 10. atalak Sail bakoitzari ematen dizkion konpetentziak erabiltzea, eta pertsonalari buruzko politikak koordinatzea, osasun-sistemaren esparru orokorrean. 6. atala.- Araubide Juridikoaren Zuzendaritzari buruzkoa. 1.- Araubide Juridikoaren zuzendariari dagokio, zuzenean eta jerarkikoki Osasun sailburuaren menpe, ondoko atribuzioak erabiltzea: a) Zerbitzu Zuzendaritzaren lankidetzan, Jaurlaritzako Kontseiluaren eta honen Ordezkako edota prestakuntzako Batzordeen menpe jarri behar diren gaiak jakinaraztea, proposatzea eta koordinatzea. b) Osasun Saila eta bertara adskribatutako Organismoak ukitzen dituzten gaietan, LegeAurreproiektuen eta xedapen orokorren elaborazioa eta tramitazioa zuzendu, bultzatu eta koordinatzea. c) Administrazioko tramitea eskatzen duen Zuzenbidean txostenak ematea, eta Saileko organoek eta, hala denean, Sailera adskribatutako Organismokoek ematen dituzten egintzen prozedurako egokieran eta oinarritze juridikoan laguntza ematea, aholkularitzaren eta erizpidejaulkipenarenbidez. d) Saila eta bertara adskribatutako Organismoak ukitzen dituzten prozedura judizialen jarraipena egitea, eta lankidetzan aritzea haien ordezkaritzan eta judizioko nahiz judiziotik kanpoko defentsan. e) Saila ukitzen duten gaietan koordinazio jurudikoa eta legeriaren garapena bultzatzea, heburu horretarako legeriari, jurisprudentziari eta interesdoktrinari buruzko azterlanak sustatuko dituelarik. 2.- Atal honetan ematen diren funtzioetan behar bezala aritzeko, Araubide Juridikoaren zuzendariak funtzionalki koordinatuko ditu Osakidetzako zerbitzu juridikoak. 7. atala.- Osasun Publikorako Zuzendaritzari buruzkoa. 1.- Osasun Publikorako zuzendariari dagokio, zuzenean eta jerarkikoki Osasun sailburuordearen menpe, ondoko atribuzioak erabiltzea: a) Zenbait esparrurako Osasun Sailak programatzen duen gestio administratibo eta teknikoa zuzentzea eta bultzatzea, hara hemen esparruok: - Osasunaren babes eta sustapena. - Zaintza eta analisi epidemiologikoa. - Osasun-kontrola, arriskuen ebaluazioa eta eskuhartze publikoa janari-higienean, inguruaren osasungarritasuneaneta Osasun Publikoa ukitzen duten beste zenbait faktoretan. b) Euskadiko Osasun-Plana osotu behar duten helburuen proposamena lantzeko lehen erantzukizuna erabiltzea, Osasun Publikorako esparrua espezifikoki ukitzen duten helburuak betearazteko estrategia erabiltzea, baita ere, aipatutako Osasun-plana ukitzen duten gainerako zereginetan lankidetzan aritzea. c) Zuzendaritzaren iharduketa-arloak ukitzen dituzten gaietan, baimen administratibo-sanitarioak ebaztea. d) Esleitutako iharduketa-arloetan santziodun espedienteen tramitazioa gainbegiratzea, prebentzioko eta kautelazko neurri egokiak hartzea, eta santzionatzeko ahalmena erabiltzea, 500.000 PTAra arteko isunsantzioak jarri behar direnean, Osasun sailburuordeari ebazpen-proposamena aurkeztuko diolarik, kantitate hori gainditzen duten espedientak direnean. e) Osasun Sailaren eta EAEko udalerrien arteko lankidetza sustatzea eta bultzatzea, eurei dagozkien esparruetan, eta laguntza tekniko-materiala nahiz baterako estrategien diseinua koordinatzea. 8. atala.- Osasun Antolamendu eta Ebaluaziorako Zuzendaritzari buruzkoa. Osasun Antolamendu eta Ebaluaziorako zuzendariari dagokio, zuzenean eta jerarkikoki Osasun sailburuordearen menpe, ondoko atribuzioak erabiltzea: a) Esparru batzuetarako Osasun Sailak programatutako gestio administratibo-teknikoa zuzentzea eta bultzatzea. Esparruok dira: - Osasunari buruzko informazio orokorraren sistema. - Zerbitzu, zentro eta establezimendu sanitario publiko zein pribatuak teknikoki ordenatu, erregistratu eta katalogatzea, ordenazio farmazeutikora loturik daudenak izan ezik. - Administrazio Sanitarioari dagokion ordenazio tekniko eta profesionala, Aseguru Libreko Entitateen, Mutualitateen, Entitate lankideen eta besteriko zentro pribatuen zerbitzu-prestazioari dagokionez. - Ordenazio profesionala, osasunari buruzko irakaskuntza eta formazioa. - Kreditatze tekniko eta profesionala. - Ikerkuntza sanitarioa eta prozesu eta teknologia sanitarioen ebaluazioa. - Osasunari buruzko publizitatearen kontrola. b) Euskadiko Osasun-Plana osotu behar duten helburuen lorpen-mailak ebaluatzeko lehen erantzukizuna erabiltzea, baita ere, aipatutako Osasun-Plana ukitzen duten gainerako zereginetan lankidetzan aritzea. c) Zuzendaritzaren iharduketa-arloak ukitzen dituzten gaietan, baimen administratibo-sanitarioak ebaztea. d) Esleitutako iharduketa-arloetan santziodun espedienteen tramitazioa gainbegiratzea, prebentzioko eta kautelazko neurri egokiak hartzea, eta santzionatzeko ahalmena erabiltzea, 500.000 PTAra arteko isunsantzioak jarri behar direnean, Osasun sailburuordeari ebazpen-proposamena aurkeztuko diolarik, kantitate hori gainditzen duten espedientak direnean. e) Adskribatutako Erizaintzako unibertsitate-eskolako Osasun Sailarekiko duen menpekotasun administratiboaren barruan, planifikatzeko, antolatzeko eta ebaluatzeko ahalmenak erabiltzea, Euskal Herriko Unibertsitatearen konpetentzien kalterik gabe. 9. atala.- Osasun Aseguramendu eta Kontrataziorako Zuzendaritzari buruzkoa. 1.- Osasun Aseguramendu eta Kontrataziorako Zuzendariari dagokio, zuzenean eta jerarkikoki Osasun sailburuordearen menpe, ondoko atribuzioak erabiltzea: a) Osasun Sailak programatutako gestio administratiboteknikoazuzentzea eta bultzatzea, zenbait esparrutan. Esparruok dira: - Ondokook ordenatzea: Prestazio publiko sanitarioen estaldura-esparru materiala, prestazio horietarako hiritarren sarbidea eta Osasun-txartel Indibiduala (OTI). - Zerbitzu publiko eta pribatuen erabiltzailehiritarren eskubideen erabilera eta obligazioen betepenaren tutoretza orokorra. - Osasun-zerbitzu publikoen bilakaera ekonomikoa, eta kontzertaziorako oinarrizko eta guztien baldintza ekonomikoak. - Osasun-zerbitzuen kontratazioko funtzioaren estrategiak eta beterazpena, erabiltzaileek darabiltzaten zerbitzuen ebaluazioa eta emandako estalduraren kontrola, baita ere, kalitate- eta asetasunmailena. - Ordenazio farmazeutikoa, honen esparruko kontzertazioaren garapena eta medikamendu eta produktu sanitarioen erabilera arrazionalaren sustapen orokorra. b) Euskadiko Osasun-Planean ezarritako osasunhelburuen beterazpen-estrategia lantzeko lehen erantzukizuna erabiltzea, osasun-asistentziari dagokionez; baita ere, aipatutako Osasun-Plana ukitzen duten gainerako zereginetan lankidetzan aritzea. c) Osasun Laguntzarako gaietan, gastuak ateratzeko eskabideak ebaztea. d) Ordenazio farmazeutikoko gaietan baimen administratibosanitarioakebaztea, eta, esparru horrekin eta medikamendu nahiz produktu sanitarioekin zerikusia duten hausteetatik eratorritako prozedurei dagokienez, santziodun espedienteen tramitazioa gainbegiratzea, prebentzioko eta kautelazko neurri egokiak hartzea, eta santzionatzeko ahalmena erabiltzea, 500.000,- PTAra arteko isun-santzioak jarri behar direnean, Osasun sailburuordeari ebazpen-proposamena aurkeztuko diolarik, kantitate hori gainditzen duten espedientak direnean. e) Osasun-zentroekin eta ospitale pribatuekin osasunzerbitzuenprestaziorako kontzertuak izenpetzea. Horretarako, berari dagozkio administrazioko tramitazioa eta kontratazio-organoari atribuitutako ahalmenak, Osasun sailburuak aurretik gastua onartzearen kalterikgabe. f) Kontratu-programak izenpetzea, OsasunPlana betetzeko estrategiaren arabera, gestio deskontzentratua duten Osakidetzako osasun-zentroei helburuak eta baliabideak esleitzeko, eta kontratu-programa horien betepena kontrolatzea eta ebaluatzea, Ogasun eta Herri Administrazio Saileko Ekonomi Kontrolerako Bulegoari dagozkion ahalmenen kalterik gabe. 2.- Bere funtzioen behar bezalako erabilera garantizatzeko, Osasun Aseguramendu eta Kontrataziorako Zuzendaritzak Osakidetzako BarrutiZuzendaritzetako laguntza tekniko eta instrumentala izango du. 3.- Osasun Aseguramendu eta Kontrataziorako Zuzendaritzari gomendatutako zereginen zuzendaritza teknikorako eta administrazio-zuzendaritzarako, zuzenean haren menpe egongo dira honako Zuzendariordetzak: - Aseguramendu eta kontratazioa. - Farmazia. - Osasun-zerbitzuen finantzazioa. 10. atala.- Osasun Saileko Lurralde Ordezkaritzei buruzkoa. 1.- Osasun Saileko Lurralde Ordezkaritzei dagozkie, jerarkikoki Osasun sailburuaren eta Osasun Publikorako Zuzendaritzaren koordinazio zuzenaren menpe, ondoko atribuzioak erabiltzea: a) Saileko gaien administrazioa eta gestio periferikoa, Lurralde Historiko bakoitzari dagokion esparruan, ikuskatzeko eta osasun-kontrola egiteko dituzten ahalmenetik eratorritako iharduerak barne daudelarik. b) Sailaren konpetentziako gaietan santziodun espedienteak hastea eta tramitatzea, dagokien zuzendariei prebentzioko eta kautelazko neurri egokiak hartzeko proposamena egitea, eta santzionatzeko ahalmena erabiltzea, 250.000 PTAra arteko isun-santzioak jarri behar direnean, dagokion zuzendariari ebazpenproposamena aurkeztuko diolarik, kantitate hori gainditzen duten espedientak direnean. c) Osakidetzako Barruti Zuzendaritzekin koordinatzea bai iharduketa teknikoak bai baliabide materialen zein giza-baliabideen gestioa, guzti horiek beharrezkoak direnean baterako programak garatzeko eta, bereziki, Saileko Zuzendaritzei gomendatutako zereginen prestakuntzaiharduerarako. 2.- Osasun publikoko programak eta iharduerak gestionatzeko disziplinarteko antolakuntza bakarra egongo da, beharrezko unitate eta zerbitzuen beharlekua Osasun Publikoko Eskualdeak deituriko lurraldeesparruetan ezarri ahal izango delarik; Eskualde horiek Osasun Sailak mugatuko ditu, biztanleriaren beharrizanei dagokienez, zerbitzuaren efikazia-iritziak eta berehalakotasuniritziakkontutan hartuz.II. ATALBURUA ORGANISMO AUTONOMOAREN ANTOLAKUNTZA OSAKIDETZA/SERVICIO VASCO DE SALUD 11. atala.- Helburua. «Osakidetza/Servicio Vasco de Salud» da Euskal Autonomi Elkarteko Administrazioaren Administrazio-Organismo Autonomoa; bere helburuak dira: osasunzerbitzu publikoak gestionatzea eta, Euskal Autonomi Elkartearen Osasun Laguntzarako konpetentzien esparruari dagozkion osasun-zerbitzuak programatu eta kontrolatzea. 12. atala.- Antolaketa Orokorra Aurreko atalean aipatutako konpetentzia erabiltzeko, Organismo Autonomoa ondoko antolakuntza orokorraren arabera egituratzen da: A) Organo Nagusiak 1.- Administrazioko Kontseilua. 2.- Zuzendaritza Nagusia. 2.1.- Osasun Laguntzarako Zuzendaritza. 2.2.- Kudeaketa Ekonomikorako Zuzendaritza. 2.3.- Langileriaren Kudeaketa Zuzendaritza. B) Lurralde organoak: Hauek dira: Barruti-Zuzendaritzak, «Osakidetza/ Servicio Vasco de Salud» delakoaren Osasun Barruti bakoitzean daudenak; eta, Organismoko osasunzentro, -zerbitzu eta -establezimenduetarako Administrazioko egitura periferikoei dagozkien KudeaketaZuzendaritzak, Osasun Barrutia baino beheragoko lurraldeordenazioaren araberakoak. C) Organo kolegiatuak: 1.- Euskal OsasunBatzordea. 2.- Barrutiko Batzordeak. «Osakidetza/Servicio Vasco de Salud» delakoan eratu ahal izango dira beharrezkotzat jotako kontsultaorganoak eta partaidetza-organoak. Hauen erakuntza, baita ere konposizioaren eta funtzioen zehaztapena, Osasun sailburuaren Aginduaren bidez egingo dira. D) Administrazio Instituzionala: «OSATEK-Tecnología Sanitaria de Euskadi, S.A.» izeneko Sozietate Publikoa Organismo Autonomora adskribatuta dago. 13. atala.- Administrazioko Kontseiluari buruzkoa. Osakidetza/Servicio Vasco de Salud-eko Administrazioko Kontseilua da Osasun sailburuak presiditutako zuzendaritzako organo nagusia. Honen konposizioa eta erregimena, eta erabiltzeko dagozkion atribuzioak, Organismo Autonomoaren kreazioari buruzko 10/1983 Legearen 5. atalean ezarritakoak izango dira. 14. atala.- Euskal Osasun-Batzordeari buruzkoa. 1.- Euskal Osasun-Batzordea da partaidetza komunitarioko organo kolegiatua; Euskal Autonomi Elkarteko osasun-zerbitzu publikoko politikan kontsulta- eta kontrol-funtzioak ditu, Osakidetzaren kreazioari buruzko 10/1983 Legearen 7 artiluluak ezarritako erregimenarenbidez eta erreserbatzen dizkion atribuzioen erabileran. 2.- Osasun sailburuordeak presidituko du, eta osotuko duten batzarkideek dira: - Hamaika batzarkide, Euskal Autonomi Elkartean errepresentagarrien diren Sindikatoen ordez, haien errepresentatibitatearen proportzioan. - Hamaika batzarkide, Euskal Autonomi Elkarteko esparruan errepresentagarrien diren EnpresaErakundeen ordez. -Lau batzarkide, Osasun sailburuak zuzenean izendatuak. - Hiru foru diputatu, Lurralde Historiko bakoitzeko gobernu-organoaren ordezkoak. - Hiru udal-bazkide, Lurralde Historiko bakoitzeko Udalen ordezkoak. - Euskadiko Erabiltzaileen Erakundeen lau ordezkari, haien errepresentatibitatearen proportzioan. - Euskadiko Kolegio Ofizialen lau ordezkari, bakoitza, Medikuen, Botikarien, Albaitarien eta OLT/Erizaintzan Diplomatuen Kolegioek hautatua. 15. atala.- Zuzendaritza Nagusiari buruzkoa. 1.- Maila organikoa. Jaurlaritzari buruzko 7/1981 Legean aurrikusitakoaren ondorioetarako, Osakidetza/Servicio Vasco de Salud-eko zuzendari nagusiak izango du sailburuordearen maila organikoa. 2.- Konpetentziak. Osakidetza/Servicio Vasco de Salud-eko zuzendari nagusiari dagokio, zuzenean eta jerarkikoki Administrazioko Kontseiluaren menpe, ondokoko atribuzioak erabiltzea: a) Organismo Autonomoaren ordezkaritza izatea, ondorio guztietarako. b) Administrazioko kontseiluaren akordioak bete eraztea. c) «Osakidetza-Servicio Vasco de Salud»ko zerbitzu sanitarioen iharduketa guztien barne gestioa eta ikuskaritza gidatzea, Zuzendaritzetako iharduteplanak ezartzea eta zerbitzuko manu eta agindu guztiak ematea, unitate guztiek era egokian ihardun dezaten. d) Organismoaren konpetentzien esparruan entitateekin eta korporazioekin lankidetza- eta kooperaziokomenioak izenpetzea eta, kontratazio-organo den aldetik, Osakidetzan indarrean dagoen erregimen organikoari buruzko urtarrilaren 27ko 12/1992 Dekretuak gomendatzen dizkion ahalmenak erabiltzea. e) Euskal Funtzio Publikoari buruzko uztailaren 6ko 6/1989 Legearen 6.1. i) eta j) atalean bildutako ahalmenak erabiltzea; baita ere, OsasunInstituzioetako pertsonalari dagokionez, organismo Autonomoari otsailaren 20ko 36/1990 Dekretuak, langilegoaren gaietan eskudutnzak aitortzeari buruzkoak (19900308ko EHAA, 49 zk.) gomendatzen dizkionak. f) Osakidetzako osasun-zentroetan kargu direktiboak izendatzea nahiz kargu horien lagapenak egitea eta, Organismoko Administrazioko Kontseiluari ospitaleko zuzendari-zerente karguak proposatzea haien izendapenerako zein lagapenerako. g) Pertsonalaren ordezkariekiko negoziaziorako Organismoaren ordezkaritza propioa izendatzea. h) Ordenamendu juridikoak modu singularrean atribuitzen dizkion beste funtzio guztiak, eta, modu orokorrean Euskal Autonomi Elkarteko Administrazioan Organismo Autonomoetako zuzendari eta presidenteei atribuituta datozelako, bereak ere badiren guztiak. 3.- Zuzendaritza Orokorraren menpeko antolakuntza. 1.- Egitura nagusia: Gestioko maila nagusian, zuzen-zuzenean Osakidetzako Zuzendaritza Nagusiaren menpe daude Osasun Laguntzarako Zuzendaritzak, Kudeaketa Ekonomikorakoak eta Langileriaren Kudeaketakoak. Halaber, zerbitzu orokor, zerbitzu juridiko eta sistema informatikoei dagokienez, Zuzendaritza Nagusiak eskatzen dituen iharduketen zuzendaritza teknikorako eta administratiborako, Osakidetzako Zuzendaritzaren menpe egongo dira, aurreko gaiei hurrenez hurren, Zuzendariordetza hauek: - Idazkaritza Nagusia. - Lege Aholkularitza. 2.- Egitura periferikoa: Barrutiko Zuzendaritzak jerarkikoki zuzendari nagusiaren menpe egongo dira, beti ere kalterik egiten ez zaiola Dekretu honek ezartzen dituen terminoetan Osakidetzako gainerako organoekin eta Osasun Sailarekin izango duen koordinazio funtzionalari. 4.- Zuzendaritzako Kontseilua. Osakidetzako zuzendari nagusiak presidituko duen Zuzendaritza-Kontseilua eratuko da, Organismo Autonomoari gomendatutako gestioaren programazioan eta jarraipenean lagunduko diona. Bertan parte hartuko dute zuzendariek eta zuzendari nagusiak zehaztuko dituen pertsona guztiek. 5.- Interbentzioa. Euskal Autonomi Elkarteko Ekonomia Kontrolari eta Kontabilitateari buruzko ekainaren 30eko 14/1994 Legearekin bat etorriz, «Osakidetza/Servicio Vasco de Salud» delakoan Interbentzioak egingo ditu Organismo Autonomoaren kontuhartze-kontrola eta kontabilitatekontrola, funtzio horiek Ekonomi Kontrolerako Bulegoko zuzendariaren izenean eta ordez, honek ezartzen duenaren arabera, egingo dituelarik. «Osakidetza/Servicio Vasco de Salud» delakoan Interbentzioak Zuzendaritza-maila organikoa izango du, eta bere titularra, «Interbentorea «Osakidetza/Servicio Vasco de Salud» delakoan» izango dena, Jaurlaritzak izendatuko du, Ogasun eta Herri Administrazio sailburuaren proposamenez, Osasun sailburua aurretiaz jakitun dela. Kontuhartze-kontroleko eta kontabilitateko funtzio horiek egiteko beharrezko pertsonala, Ekonomi Kontrolerako Bulegoko egitura eta plantilakoa izango da, eta azken honen programen aurrekontuetan egongo da. 16. atala.- Osasun Laguntzarako Zuzendaritzari buruzkoa. 1.- Osasun Laguntzarako zuzendariari dagokio, zuzenean eta jerarkikoki Osakidetzako zuzendari nagusiaren menpe, ondoko atribuzioak erabiltzea: a) Osasun laguntzarako ihardueraren inspekzio, jarraipen eta ebaluaziorako Zuzendaritza Nagusiak programatutako gestioa zuzentzea eta bultzatzea, eta Osakidetzako osasun-zentro guztietan kalitate osoko programak ezartzea. b) Helburu, iharduketa-bide eta programa espezifikoei buruzko plan orokorrak garatzea, esparru guztietarako lehen mailako asistentziari eta asistentzia komunitarioari dagokienez, eta esparru berezietarako asistentzia espezializatuari dagokionez. c) Zuzendaritza Nagusiari, behar bezalako asistentzia emateko beharrezko osasun-inbertsioak eta gizabaliabideen eta material sanitarioen hornidura proposatzea, osasun-sistemaren planifikazio estrategikoarekin bat etorriz. d) Osakidetza-sareko pertsonal sanitarioaren arautu gabeko formazio iraunkorra sustatzea eta bultzatzea, dagokien osasun-zentroen esparruko iharduketen garapenaren kalterik gabe. Horretarako, Organismoak onetsita izango du Zentro Ofiziala dela bere pertsonal sanitarioari formazio iraunkorra emateko. e) Osakidetzako sare guztiko dispositibo asistentzialaren funtzionamendua modu orokorrean koordinatzea eta Osasun Sailari laguntzea, Osasun-Plana betetzeko estrategia konfiguratzen eta, gestio deskontzentratua duten Organismoko zentroekin Kontratuprogramak artikulatzen. f) Informazioaren homogenotasuna bultzatzea, kontratuprogramenerrekerimenduei erantzuteko; eta Osakidetzako asistentzia-sareko iharduera eta kalitatearen homogenotasuna ere bultzatzea. 2.- Osasun Laguntzarako Zuzendaritzari gomendatutako zereginen zuzendaritza teknikorako eta administraziokorako, Zuzendaritza honetara adskribatutako programa espezifikoak koordinatzeko arduradunak ezezik, ondoko Zuzendariordetzak ere, zuzenean Zuzendaritza honen menpe egongo dira, hauek hain zuzen ere: - Laguntza Kalitatea. - Komunitate eta Oinarrizko Laguntza. 17. atala.- Kudeaketa Ekonomikorako Zuzendaritzari buruzkoa. 1.- Kudeaketa Ekonomikorako zuzendariari dagokio, zuzenean eta jerarkikoki Osakidetzako zuzendari nagusiaren menpe, ondoko atribuzioak erabiltzea: a) Ekonomi-finantza, ondare eta aurrekontuko erregimeneko gaietan Organismo Autonomoari dagokion gestioa zuzendu, bultzatu eta koordinatzea. Horretarako,berari ere badagozkio zuzentzea eta koordinatzea: Organismoaren Diruzaintza, sarreren gestioa eta paguen ordenazioa, zentroetako kontu baimenduei dagozkien gestio eta ordenazioaren kalterik gabe. b) Inbertsiorako plan osoak bete eraztea eta betetzen diren zaintzea, Organismoaren obra, hornidura, instalazio eta zerbitzu orokorren jarraipena eginez. c) Osakidetzaren kontratazio-organo den aldetik dituen ahalmenak erabiltzea, araubide organikoari buruzko urtarrilaren 27ko 12/1992 Dekretuak ematen dizkion konpetentzien arabera, eta, oro har, hauek zuzentzea: ondasun eta zerbitzuen eskurapena eskatzen duen administrazio-gestioa eta espedienteen tramitazioa. d) Osakidetzako osasun-zentroei aholkua ematea, ekonomi-finantzetako gestiorako gomendatuta dauzkaten ahalmenen erabilerari buruz, eta Osasun Sailari laguntza ematea, gestio deskontzertatuko zentroekin programa-kontratuen finantza-artikulazioa egiterakoan. 2.- Kudeaketa Ekonomikorako Zuzendaritzari gomendatutako zereginen zuzendaritza teknikorako eta administrazio-zuzendaritzarako, zuzenean haren menpe egongo dira Zuzendariordetza hauek: - Aurrekontuen Kudeaketa. - Ekonomi Araubidea eta Kontratazioa. - Arkitektura eta Ingeniaritza. 3.- Administrazio-kontratazioak behar duen laguntza tekniko eta administratiborako, Kudeaketa Ekonomikorako Zuzendaritzara adskribatzen dira Kontratazio Zentraleko Mahaia eta Erosketen Batzarre Zentrala, urtarrilaren 27ko 12/1992 Dekretuan, Osakidetza/Servicio Vasco de Salud-eko kontratazio-araubide organikoari buruz xedatutakoaren arabera. 18. atala.- Langileriaren Kudeaketa Zuzendaritzari buruzkoa. 1.- Langileriaren Kudeaketa Zuzendaritzari dagokio, zuzenean eta jerarkikoki Osakidetzako zuzendari nagusiaren menpe, ondoko atribuzioak erabiltzea: a) Giza-baliabide, pertsonalaren politika eta gizarte ekintzari buruzko gaietan, organismo Autonomoari dagokion gestioa zuzendu, bultzatu eta koordinatzea, Zuzendaritza Nagusiari lagunduz, edo, ahalmenduta dagoenean, Organismoari ordezkatuz, sindikato, komite zein pertsonalaren ordezkaritzan ari diren bestelako organoekin elkarrizketak eta negoziaketak egiterakoan. b) Pertsonaleko gestioaren beterazpena Organismo guztian gainbegiratzea eta ebaluatzea, informazio eta erregistrorako sistema orokorra mantenduz. c) Organismoko pertsonalaren beharrizanei buruzko proposamenak koordinatzea, horretarako planifikazio estrategikoa proposatzea, eta plantiletako kopuruei buruz osasun-zentroei lagundu eta aholkua ematea. d) Zuzendaritza Nagusiaren menpeko organo Nagusi eta periferikoetara adskribatutako pertsonalari dagokionez, Euskal Funtzio Publikoari buruzko uztailaren 6ko 6/1989 Legearen 10. atalak ezartzen dituen konpetentziak erabiltzea, Zuzendaritza Nagusiari edo beste organoei esanbidez atribuitzen zaizkienak izan ezik. e) Osakidetza-sareko pertsonal ez-sanitarioaren arautu gabeko formazio iraunkorra sustatzea eta bultzatzea, dagokien osasun-zentroen esparruko iharduketen garapenaren kalterik gabe. Horretarako, Organismoak onetsita izango du Zentro Ofiziala dela bere pertsonal ezsanitarioari formazio iraunkorra emateko. 2.- Langileriaren Kudeaketa Zuzendaritzari gomendatutako zereginen zuzendaritza teknikorako eta administratiborako, Zuzendaritza horren menpe ondoko Zuzendariordetza egongo da: - GizaBaliabideak. 19. atala.- Osasun Barrutiei buruzkoa. 1.- Osasun-zerbitzuak planifikatu, hornitu eta gestionatzeko, «Osakidetza/Servicio Vasco de Salud» delakoa lurraldeetako Osasun Barrutietan egituratuko da; Barruti horiek mugatzeko kontuan hartuko dira: biztanleriaren perfil demografikoan dagoen homogenotasunkondizioak,egitura- eta ekipamenduhornidurak, beharrizan sanitarioak eta, osasun-helburuak bete ahal izateko legeri orokorrak ezartzen dituen gainerako faktoreak. Dena dela, Lurralde Historiko bakoitzak gutxienez Osasun Barruti bat izango du. 2.- Halaber, aurrean adierazitako iritzi berberak kontuan harturik, Osasun Barruti bakoitza lurraldeetako Osasun-eskualdeetan egituratzen da, eta horietariko bakoitza Osasun Zonalde edo Azpieskualdeetan. Osasun Barrutien lurraldeko ordenazio horrek Lehen Mailako Atentzioko zerbitzuak eta bestelako zerbitzu komunitarioak planifikatu, hornitu eta gestionatzeko balio izango du batez ere, ospitaleko eta espezializatutako asistentziako zerbitzuei buruz ezartzen den izaera erreferentzialaren kalterik gabe. 20. atala.- Barrutiko Zuzendaritzei buruzkoa. 1.- Maila organikoa. Jaurlaritzari buruzko 7/1981 Legean aurrikusitakoaren ondorioetarako, Osaskidetza/Servicio Vasco de Salud-eko Barrutiko zuzendariak zuzendari-maila organikoa dute. 2.- Osakidetzako Barrutiko zuzendariei dagokie, zuzenean eta jerarkikoki Organismoko zuzendari nagusiaren menpe eta dekretu honetan ezartzen diren menpekotasun funtzionalen menpe, ondoko atribuzioak erabiltzea: a) «Osakidetza/Servicio Vasco de Salud» delakoaren ordezkaritza legala, bakoitzari dagokion lurralde-esparruan, Osasun Barrutian Organismoaren xede eta helburuak betetzen diren zainduz. b) Organismo Autonomoaren iharduketen administrazioa eta gestio periferikoa, lurraldeko mugabarruko zerbitzu sanitario eta administratiboak ikuskatuz eta, arrunta zein larrialdikoa izanik, asistentzien dispositiboaren funtzionamendua koordinatuz, batez ere, pazienteen fluxu, itxarote-zerrenda, trasplante, aurretikozita eta paziente zein erabiltzailearekiko atentzioari dagokienez. c) Osasun-zerbitzuen komenio eta kontzertuak, eta Organismoko gestio deskonzentratuko zentroekin egindako kontratu-programak ezartzeko eta operatiboak izan daitezen behar besteko laguntza teknikoa eta instrumentala. d) Barrutiko Zuzendaritzako gizabaliabideak zuzentzea, Organismoko Langileriaren Kudeaketa Zuzendaritzak delegatzen dizkien ahalmenen arabera, eta koordinatzailearena egitea azken Zuzendaritza horren eta Osasun Barrutiko beheragoko esparruko organizazio eta administrazioko unitateen artean, azken horien pertsonalaren gestioa gainbegiratuz. e) Osakidetzako kontratazio-organoa den aldetik, dituen ahalmenak erabiltzea, bakoitzari dagokion Osasun Barrutirako, eta Barruti horretarako kontsignatutako aurrekontu-mugen barruan, Organismoan indarrean dagoen erregimen organikoarekin bat etorriz. 3.- Barrutiko Zuzendaritzei gomendatutako zereginen zuzendaritza teknikorako eta administratiborako, Zuzendaritza horien menpe ondoko Zuzendariordetzak egongo dira: - Osasun Laguntza. - Kudeaketa Ekonomikoa. - Langileria. 4.- Kontratazio administratiboak eskatzen duen laguntza tekniko eta administratiborako, Barrutiko Zuzendaritza bakoitzera Kontrataziorako Mahaia eta Erosketen Batzarrea adskribatzen dira, urtarrilaren 27ko 12/1992 Dekretuan, Osakidetza/Servicio Vasco de Salud-eko kontratazio-erregimen organikoari buruzkoan, xedatutakoarekin bat etorriz. 21. atala.- Barrutiko Batzordeari buruzkoa. 1.- Barrutiko batzordeak dira partaidetza komunitariorako Osasun Barruti bakoitzean dauden organo kolegiatuak. Batzorde horiek kontsulta- eta kontrolfuntzioak dituzte, osasun-zerbitzu publikoen politika lurraldeetan aplikatzeko, Euskal OsasunBatzordeari dagokion erregimen eta esparru funtzional berberaren bidez. 2.- Dagokien Barrutiko zuzendariak presidituko ditu eta hurrengo batzarkideek osotuko: - Euskal Autonomi Elkarteko Sindikato errepresentagarrienen ordezkari batek. - Euskal Autonomi Elkarteko EnpresaErakunde errepresentagarrienen ordezkari batek. - Dagokien Lurralde Historikoko Erabiltzaileen Erakundeen ordezkari batek. - Euskal Osasun-Batzordearen parte diren Euskadiko Kolegio Ofizialen ordezkari batek; ordezkari hau aipatutako Kolegioek izendatuko dute, eta haiek zehaztutako txandatakoa izan daiteke. - Dagokien Foru Aldundiaren ordezkari bik. - Lurralde Historikoko Udalerrien ordezkari bik. - Osakidetzako zuzendari nagusiak zuzenean izendatutako batzarkide bik. 22. atala.- Osakidetza/Servicio Vasco de Saludeko Osasun Barrutietako Antolakuntza eta Administrazio Periferikoari buruzkoa. 1.- Barrutiko Zuzendaritzara adskribatutako Unitateak. Barrutiko Zuzendaritzek beraien menpe jerarkikoki asistentziako eta gestioko unitateak izango dituzte, haien zereginak garatuko dituztenak, Barruti bezalako edo txikiagoko lurralde-esparruei dagokienez; unitate horien lurralde-antolakuntza Organismo Autonomoari dagokio, Osasun Sailak onartzen dituen osasunzerbitzuen planifikazio sanitario-geografiko, demografiko, eskuragarritasun eta ekitateari buruzko iritzien arabera. Soil-soilki adierazpen-izaeraz, beraien artean sartuko dira emergentziako lurralde-unitateak, osasun mentalerako ospitaleetatik kanpoko zerbitzuak eta aho- eta hortz-osasuneko zerbitzuak. 2.- Osasun Barrutia baino esparru txikiagoko unitateak. «Osakidetza/Servicio Vasco de Salud» delakora adskribatutako osasun-zerbitzu publikoen gestiorako, Osasun Barruti bakoitzak antolakuntza eta administrazio periferikoko unitateak izango ditu, hauek hain zuzen ere: - Ospital-instituzioak, guztiek ospitale izena izango dutenak, eta ospitale-asistentzia ata asistentzia espezializatua asumituko dutenak. - Oinarrizko Laguntzako Osasun-eskualdeak, Osasuneskualdebakoitzeko lurralde-mugabarruan, eta Osasun Zonaldean edo Aspieskualdeetan dagokien planifikazio txikiagoaren arabera, oinarrizko laguntzako osasun-prestazioak eta zehazten diren gainerako prestazio komunitarioak asumituko dituztenak. 3.- Barne antolakuntza. Hauen barruko antolakuntza Osakidetzako Zuzendaritza Nagusiak ezarriko du, Osasun Sailak onartzen duen osasun-planifikazioarekin bat etorriz, eta Organismoko gestio deskontzentratuko zentroei ematen zaizkien ahalmenen kalterik gabe. Aipatutako barruko antolakuntza hori garatzeko ondoko iritziak hartuko dira kontutan: - Ospitaleek hara zer izango duten: zuzendarigerente bat, organo direktibo nagusi gisa, eta ospitale bakoitzeko tamaina eta barruko egituraren arabera zehaztuko diren Banaketako zuzendariak eta zuzendariordeak. - Eskualdeek izango dituztenak dira: Eskualdeko zuzendari bat, organo direktibo nagusi gisa, eta oinarrizko laguntzako osasun-eskualde bakoitzaren tamaina eta barruko egituraren arabera zehaztuko diren Banaketako zuzendariak. 4.- Atribuzioak. Ospitaleko zuzendari kudeatzaileei eta Eskualdeetako zuzendariei dagokie, bakoitzari zuzenean eta jerarkikoki bere Barrutiko zuzendariaren menpe, ondoko atribuzioakerabiltzea: a) Dagozkien osasun-zentroen ordezkaritza ofiziala izatea, eta zentro horien barruan agintaritza nagusia erabiltzea. b) Dagozkien zentroetara adskribatutako osasunzerbitzuen eta daministrazioko zerbitzuen antolakuntza, gestioa, ebaluazioa eta kontrola zuzendu, bultzatu eta koordinatzea, eta esleitutako helburuak betetzen diren zaintzea. c) Dagozkien zentroetarako eta zentro hauetarako konsignatutako aurrekontu-mugen barruan, Osakidetzako kontratazio-organo izatetik eratorritako ahalmenak erabiltzea, urtarrilaren 27ko 12/1992 Dekretuak, Osakidetza/Servicio Vasco de Salud-eko kontratazioerregimen organikoari buruzkoak, ezartzen dituen zenbatekoen mugen arabera. d) Dagozkien zentroetan pertsonalaren burutza izatea, eta horretarako, dekretu honek ezartzen dituen salbuespenak kontutan hartuta, Euskal Funtzio Publikoari buruzko 10/1989 Legearen 10. atala, pertsonalaren gaiari dagozkion ahalmenen atribuzioari buruzko 36/1990 Dekrtetua eta, Osasun-Instituzioetako pertsonalarekiko gainerako araudi aplikagarria direla bide Organismo Autonomoari atribuitutako konpetentziak erabiltzea. Konpetentzi horien erabileran, Osakidetzako organo nagusietatik datozen esanetara edo aginduetara egon beharko dira, koordinazio eta gainbegiratze orokorrak, baita ere informazio-sistema eta erregistro zentralizatua errazteko. 5.- Kontratazio administratiboak eskatzen duen laguntza tekniko eta administratiborako, Erosketako Batzarre bat adskribatzen da ospitale bakoitzera, urtarrilaren 27ko 12/1992 Dekretuan, Osakidetza/Servicio Vasco de Salud-eko kontratazio-erregimen organikoari buruzkoan, xedatutakoarekin bat etorriz. 23. atala.- Gestio Deskontzentratuko Zentroei buruzkoa. 1.- Osasun sailburua gai izango da erabakitzeko Osakidetza/Servicio Vasco de Salud-eko zentroetakik zeintzuk izango diren gestio deskontzentratutzat hautatuko direnak, haien gestio-gaitasun, ihardueramaila, tamaina eta administrazioko barne egitura kontuan izan eta gero. Onespen hori lortzen duten zentroek gaitasun propioa izango dute beren zerbitzu eta prestazioen gestioa eta barne antolakuntza egiteko, baita ere, obra, ondasun eta zerbitzuak kontratatzeko, zehaztu beharreko zenbatekoan eta dekretu honek Langileriaren Kudeaketa gaietarako ezartzen dituen ahalmenen arabera. 2.- Gestio deskontzentratuko zentroei dagozkien aurrekontu-kredituen kargurako iharduera eta finantzazioa, kontratu-programa izeneko akordioen inguruan ezarriko da; eta kontratu-programa horietan Osasun Sailak, Osasuneko Planaren helburuak kontutan hartzen dituela, ondoko elementuak ezarriko ditu: a) Ihardueraren bolumen globalaren estimazioa eta estali nahi diren osasun-kontingentzien aurrikuspena. b) Konsignatutako ihardueraren balorazio ekonomikoa. c) Osasun-zerbitzuek bete beharko dituzten kalitatebaldintzenzenbateto eta aldizkako zehaztapena. d) Kontrol eta osasun-auditoriako baldintzak. GEHIGARRIZKO XEDAPENAK Lehenengoa.- Suplentzien erregimena. Dekretu honek aipatzen dituen organoetako titularren bakante, ausentzia edo gaixotasuna gertatuz gero, suplentziak egiteko ondoko arauak aplikatuko dira, kasuari dagokion nagusi jerarkikoaren kontrako xedapen legalik edo ebazpenik ez badago: a) Osasun sailburuordearen suplentzia haren menpeko zuzendariei dagokie, dekretu honen 2. atalean agertzen diren ordenaren arabera, eta aipatu zuzendarihorien suplentzia zuzenean Osasun sailburuordeari. b) Saileko Zerbitzu zuzendariaren suplentzia Araubide Juridikoaren zuzendariari dagokio, eta vice versa. c) Saileko lurralde ordezkarien suplentzia, Ordezkaritza horretako Idazkaritza Teknikoko arduradunari dagokio. d) Osakidetzak zuzendari nagusiaren suplentzia haren menpeko zuzendariei dagokie, dekretu honen 12. atalean agertzen diren ordenaren arabera, eta zuzendariordeekiko zuzendarien suplentzia, horretarako emandako aginduan agertzen diren ordenaren arabera. Bigarrena.- Osasun-zerbitzuen erregimen funtzionala. Publikoak zein kontzertatuak izan, osasunzerbitzuek atentzioa eta asistentzia emango dizkiote biztanleriari, apirilaren 25eko 14/1986 Legean, Osasuneko Lege Orokorrean, ezarritakoarekin bat etorriz, eta baita ere bat etorriz urtarrilaren 20ko 63/1995 Errege Dekretuak, Osasun-Sistema Nazionalaren osasunprestatazioen ordenazioari buruzkoak, ezarritakoarekin, eta aplikagarri gerta daitezkeen gainerako xedapenekin. Osasun Sailari gaitasuna ematen zaio, sare publiko zein kontzertatuko zerbitzuetan osasunprestazioen oinarrizko katalogoa aplikatzeko beharrezko gerta daitezkeen arau teknikoak eta antolakuntzari buruzkoak ezar ditzan. ALDIBATERAKO XEDAPENAK Lehenengoa.- Espedienteak tramitazio bidean. Dekretu hau indarrean hasten denean, tramitazioan dauden espedienteak, dekretu honetan ezarritakoaren arabera eskudun diren organoek ebatziko dituzte. Hala eta guztiz, 1995. urtean zehar, Saileko organoei dagozkien espedienteek Organismo Autonomoari esleitutakoaurrekontu-kredituen beterazpena badaramate, espediente horiek ebazteko, Osasun sailburuak, aurretik, ukitutako espedienteak xehatzen dituen Agindua eman beharko du. Bigarrena.- Lurraldeetako estrukturazioak. Euskal Autonomi Elkarteko osasun-zerbitzuak planifikatu, hornitu eta gestionatzeko lurraldeestrukturazioko esparru ezberdinen mugapen geografikoari buruz, dekretu honek aipatzen dituen arauak ematen ez diren bitartean, orain dauden mugapenek jarraituko dute indarrean, zerbitzuen antolakuntza eta jomuga mugapen horietara kasu guztietan moldatuko direlarik. INDARGABETZE XEDAPENAK Oraingo dekretu hau indarrean sartzen denean, eta beronen aldibterako lehenengo xedapenean xedatutakoaren kalterik gabe, derogatuak, hau da desemanak, edota aldatuak ulertuko dira, Xedapen honen kontra gertatzen diren lerrun bereko edo txikiagoko Xedapen guztiak, eta, bereziki, jarraian adierazten den hedaduraz, ondoko arauok: - 217/1992 Dekretua, uztailaren 28koa, Osasun Sailaren egitura organikoa ezartzen duena (19920818ko EHAA, 160 zk.), oso-osorik derogatua ulertuko dena. - 439/1991 Dekretua, uztailaren 23koa, Osakidetzako Zerbitzu Nagusiak eta Osasun Alorrak organikoki egituratzen dituena (1991-08-22ko EHAA, 168 zk.); baita ere, dekretu horrek indarrean mantendu zituen aginduak, martxoaren 27ko 76/1990 Dekretuarenak (1990-04-30eko EHAA, 84zk.); guzti hori derogatua ulertuko da honako hau izan ezik: 439/1991 Dekretuaren bigarren xedapen gehigarria, «Osakidetza/Servicio Vasco de Salud»eko Osasun-Instituzioetarako postu direktiboen hornidurari buruzkoa. - 120/1985 Dekretua, apirilaren 30ekoa, «Servicio Vasco de Salud-Osakidetza» erakundeari atxikitako eritegien ihardutze-egiturapena ezartzen duena (1985.05.23ko EHAA, 106 zk.); dekretu osoa derogatua ulertuko da honako hau izan ezik: haren 7. atala, eta atal honi dagokion garapena, 1985eko maiatzaren 8ko Aginduak ospitaleetako kontsulta-organoak ezartzen dituena (1985-05-24ko EHAA, 107 zk.). - 12/1992 Dekretua, urtarrilaren 27koa, Osakidetza Erakunde Autonomoan Administrazio Kontratazioak egiteko Araubide Organikoa ezartzen duena ( 19920211koEHAA, 28 zk.); Dekretu honetatik 4. atala bakarrik ulertuko da aldatua, Organismoko zerbitzu nagusietan Organismoko Kontratazio Mahaia adskribatzeari dagokionez. - 724/1991 Dekretua, abenduaren 30ekoa, inoren baliabideak erabilita osasun zerbitzuak emateko, Osakidetzak egin ditzan ituneak arautuko dituzten gutxiengoak ezartzen dituena (1992-01-21eko EHAA, 13zk.); eta 82/1989 Dekretua, apirilaren 4koa, pribatuak diren eta irabazte-xederik gabeko Osasun-Zentruek suskriba ditzaten atxikimendu-ituneek betebeharrekoak arautzen dituena (1989-04-15eko EHAA, 72 zk.), oraingo dekretu honek aldatu egin dituela ulertuko da, kontratazioorganoarieta kontratzioaren prozedurako tramiteei dagokienez. - 12/1989 Dekretua, urtarrilaren 17koa, Euskal Herriko Odol eta Hemoderibatuen BankuSarerako antolaketa ezartzen duena (1989-02-08ko EHAA, 26 zk.), dekretu honetan VI. atalburua ulertuko da aldatuta (17tik 21era arteko atalak), Aholkularitzaorganoei buruzkoa. - 257/1988 Dekretua, urriaren 4koa, HerriOsasuneko Albaitaritza-Zerbitzuak egituratzen dituena (1988-10-13ko EHAA, 191 zk.), oso-osorik derogatuta ulertuko da. AZKEN XEDAPENAK Lehenengoa.- Araugarapena. Osasun sailburuari ahalmena ematen zaio dekretu honen garapenerako beharrezko xedapenak emateko, dekretu honetan aurrikusitako unitate eta zerbitzu txikiagoak antolatzeari dagokionez, baita ere, bere kabuz zein beste organo eskudunekin batera, dekretu honen garapen eta aplikazioak errekeritzen dituzten xedapen guztiak emateko. Bigarrena.- Indarrean sartzea. Dekretu hau Euskal Herriko Agintaritzaren Aldizkarian argitaratu eta hurrengo egunean sartuko da indarrean. Vitoria-Gasteizen, 1995eko uztailak 11. Jaurlaritzaren lehendakariordea, JUAN JOSÉ IBARRETXE MARKUARTU. Osasun sailburua, IŃAKI AZKUNA URRETA.

Gaiarekin lotutako edukiak


Arauaren historia (19)

Arauaren historia →

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.

Tag-ak