Kultura Ondarea

Liburutegi Zerbitzua

Kultura eta Hizkuntza Politika Saila

Arautegia

Inprimatu

331/1994 DEKRETUA, uztailaren 28koa, kasinotarako baimenak dituzten enpresek bete beharreko baldintzak eta kasinoak jarri eta irekitzeko baimenak emateko prozedura arautzen dituena.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Herrizaingoa
  • Jadanekotasuna-egoera: Indargabetua

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 151
  • Hurrenkera-zk.: 2840
  • Xedapen-zk.: 331
  • Xedapen-data: 1994/07/28
  • Argitaratze-data: 1994/08/10

Gaikako eremua

  • Gaia: Ekonomi Jarduerak; Segurtasuna eta justizia
  • Azpigaia: Industria; Herrizaingoa
Deskribapenak

Testu legala

Aurkibidea erakutsiAurkibidea ezkutatu
XEDATU DUT : 1. atala.- 1.- Jokoa Arautzeko azaroaren 8ko 4/1991 Legearen 18. atalean aurrikusitakoaren arabera, Dekretu honen helburua boletoen bidezko jokoan iharduteko arauak finkatzea da. 2.- Horretarako baimendutako saltegietan prezio jakin baten truke eskuratzen diren boletoen bidezko jokoan, boletoetan bertan agertzen den saria irabazteko aukera izaten da hala egokitzen denean. 2. atala.- 1.- Dekretu honek arautzen duen boletoen jokoan Joko eta Ikuskizun Zuzendaritzak baimendu eta baliokidetutako boletoen bidez bakarrik ihardun daiteke, eta boletoen banaketa eta salmenta Dekretu honetan ezarritako arauen eta horiek garatzekoen arabera egingo da. 2.- Dekretu honetan aipatzen den boletoen salmenta mugatua da, eta saldu ondoren aipatzen denari egingo zaizkio, aldez aurretik baimenduta: a) Banatzaileari, jokoaren elkarte ustiatzailearengandik eskuratu ondoren. b) Saltegiari, boletoak jokoaren elkarte ustiatzailearengandik edo banatzailearengandik eskuratu ondoren. c) Jokalariari, saltegiko jabeari zuzenean erosten dionean, jokatzeko aukera azken horretan bakarrik izango delarik. 3. atala.- Bortxaezineko eta iruzurrezko irakurketa edo erabilera eragozteko moduko euskarri fisikoa izango du boletoak. Gainera, beste baldintza hauek ere bete beharko ditu: 1) 30 mm x 70 mm baino txikiagoa eta 130 mm x 90 mm baino handiagoa ez izatea. 2) Bai erabiltzaileentzat eta bai egile eta banatzaileentzat ikustezinak diren zenbait zenbaki eta sinbolo inprimaturik izatea, zenbaki eta sinbolo bakoitzaren segurtasuna guztiz bermatzeko moduan estaliak. 3) Lotea osatzen duten boleto guztiek baliozkotasun kode bakarra eta errepikaezina izatea. Halaber, boleto bakoitza identifikatzeko moduan egon beharko dute sailkatuta. 4) Boletoa hondatu gabe moztu, laukitxoak harraskatu edo beste edozer egiteko argibideak izatea, esaterako saritutako laukitxoak eta sinboloen konbinaketak aztertzeko. 5) Boletoaren prezioa finkatua izatea. 4. atala.- 1.- Jokalariak boletoa eskuratutakoan saririk egokitu zaion ala ez boletoan bertan agertzen diren argibideen arabera jakingo du, hau da, boletoan jasotako argibideetan zehaztutako zenbaki edo zenbaki konbinaketa edo sinbolo edo sinbolo konbinaketa agertzen bada saria berea izango da. Gehienetan, boletoan jokorako argibideen laburpena jasoko da eta baita sarituak izan daitezkeen konbinaketa guztiak ere, bakoitza bere zenbatekoarekin. 2.- Era honetako jokoetan sariak eskudirutan emango dira. 3.- 25.000 pezeta edo gutxiagoko sariak saria egokitzen den unean bertan ordaindu beharko ditu boletoen saltegiko jabeak. 4.- 25.000 pezetatik gorako sariak jokoaren enpresa ustiatzaileak ordainduko ditu zuzenean edo banketxe, aurrezki kutxa edo kredituetxeen bitartez, saria eskuratu eta handik hiru eguneko epean. Horretarako, ordaindu izanaren egiaztagiria emango dute. Itundutako ordainketa egitekotan Joko eta Ikuskizun Zuzendaritzari jakinarazi beharko zaio aldez aurretik. 5.- Boletoko gutxienezko prezioa 50 pezetakoa izango da, eta ezin izango da inola ere 500 pezetatik gorakoa izan. 5. atala.- 1.- Boletoen bidezko jokoaren ustiaketarako baimena lehiaketa bidez esleituko da eta bost urterako. Epe hori beste hiru urterako luzatu ahal izango da, berritzeko unean araudian ezarritako eskakizunak betez gero. 2.- Boletoen bidezko jokoaren ustiaketa eta kudeaketarako baimena eskualdaezina da. 3.- Lehiaketa Publikorako deialdia Herrizaingo sailburuarenAginduz egingo da eta bertan finkatuko dira lehiaketarako oinarriarauak. 4.- Baimena emateko orduan Jokoa Arautzeko azaroaren 8ko 4/1991 Legean, deialdiko oinarriarauetan eta oro har, ezargarri izan daitekeen arau orotan xedatutakoak jokatuko du. 5.- Baimena emateko orduan honako irizpide hauek izango dira kontuan: a) Sustatzaileen kaudimena, bai profesionala bai finantzarioa. b) giza-baliabideak eta teknikazkoak izatea egiaztatzea, erabiliko den euskarri teknologikoarekin batera. c) Proiektuaren bideragarritasun komertziala. d) Boletoak ezin bortxatu ahal izateko ezarritako segurtasun neurriak. 6.- Boletoen bidezko jokorako baimenak eskuratzeko lehiaketa publikoan parte hartzen duten ongintza eta sorospidetza xede izan eta IRABAZI-ASMORIK ez duten erakunde, bazkun eta elkarteei dagokienez, Jokoa Arautzeko azaroaren 8ko 4/1991 Legearen 5. atalean ohartemandakoa hartuko da kontutan. 6. atala.- Boletoen bidezko jokorako baimenak eskuratzeko lehiaketa publikoan parte hartu ahal izango dute bai pertsona fisikoek eta bai zuzenbidez onartutako edozein elkarte motatan bildutako zuzenbidezko pertsonek, baldin eta ondorengo baldintzak betetzen badituzte: 1.- Zuzenbidezko pertsonen kasuan: a) Indarrean dauden arauekin bat etorriz, merkatal elkarte edo kooperatiba eratu beharko dute, gutxienez hogei milioi pezetako kapitalaz. Zenbateko horrek guztiz ordainduta egon beharko du eta izendun akzio edo partizipazioetan, eta horien kopurua ez da murriztuko baimenak indarrean dirauen artean eta eskualdatzeko aurrez Joko eta Ikuskizun Zuzendaritzaren baimena beharko da. b) Xede sozial bakartzat Dekretu honek aipatzen duen boleto jokoaren ustiaketarako ekintzak burutzea izango dute. c) Bazkide edo partehartzaileetako inor ez da Jokoa Arautzeko azaroaren 8ko 4/1991 Legearen 19. ataleko 4 eta 5 zenbakietan ezarritako inhabilitazio kasuetan egongo. d) Administrazioarekiko harremanetarako Euskal Autonomi Elkartean izan beharko dute bizilekua. 2.- Pertsona fisikoek atal honen 1 zenbakiko c) eta d) puntuetan ezarritako eskakizunak bete beharko dituzte. 7. atala.- 1.- Halaber, Jokoa Arautzeko azaroaren 8ko 4/1991 Legearen 5.2 atalean xedatutakoaren arabera, boletoen bidezko jokoak ustiatzeko baimenak emateko orduan, ongintza edo sorospide xede izan eta irabaziasmorikez duten erakunde, bazkun edo elkarteen eskaerak hartuko dira kontuan bereziki, baldin eta zuzenean baimena duen bazkunak eta Dekretu honetan ezarritako arauetan zehazten den eran kudeatzen badute ustiaketa. 2.- Aurreko zenbakian aipatutako elkarteek aurkezturiko eskaerek tratu berezia izanen dute, baldin eta boletoen bidezko jokoen ustiaketan lehiaketa publikora eurekin batera aurkezten diren merkatal elkarteek bezalako maila profesional eta teknikoa erakusten badute. 8. atala.- 1.- Aurreko atalean aipatutako erakundeek ondoren jasotzen diren betekizunak bete beharko dituzte Dekretu honetan aipatzen den jokoaren esleipenerako lehiaketa publikoan parte hartu ahal izateko: a) Elkarteen arloan eskudunak izan daitezen Herri-Administrazioen menpe dauden errolda ofizialetan, gutxienez lehiaketaren deialdia egiten duen Agindua argitaratu baino urtebete lehenagotik izenemanda egotea. b) Zuzendaritza Batzordeetako edo Batzorde Araupetzaileetako kideak ezingo dira izan joko enpresen titularrak, dena dela joko mota, eta ezta elkarte edo kooperatiba erako joko enpresetako bazkide edo partehartzaile ere. Ezingo dute ezta Jokoa Arautzeko azaroaren 8ko 4/1991 Legearen 19. ataleko 4 eta 5 zenbakietan jasotako kasuetan egon. c) Erakunde horiek zuzenean kudeatu beharko dute baimenaren ustiaketa, enpresa adituetatik eska dezaketen laguntza teknikoaren eta joko arloko Administrazio aginpidedunak ezar ditzan kontrolen kaltetan gabe. 2.- Erakunde horiek boletoen bidezko jokoaren esleipendun izango balira, urtero kontuen ikuskaritza aurkeztu beharko diote Joko eta Ikuskizun Zuzendaritzari, jokoaren ustiaketan lortutako irabazi guztiak beren estatutuetan jasotako helburuetarako erabili direla egiaztatzeko. 3.- Lehiaketa erabakitzeko esleipen ebazpenean jarraipen eta kontrol mahai bat eratu dadila finka daiteke; gehienez lau kidek osatuko lukete, Administraziokoak bi eta beste bi boletoen bidezko jokoaren kudeaketarako baimenaren erakundekoak, lehendakari Joko eta Ikuskizun zuzendaria edo horren ordezkaria izango litzatekeelarik. Mahaia sei hilabetero bilduko da, Jokoa Arautzeko azaroaren 8ko 4/1991 Legearen 5.2 atalean aurrikusitako ondorioetarako. 9. atala.- Boletoen bidezko jokoaren esleipenerako lehiaketa publikora aurkezten direnek deialdiko oinarriarauetanezarritako agirisorta aurkeztu beharko dute eta beti ere aurreko ataletan ezarritako eskakizunak betetzen direla egiaztatzeko izango dira agiriok. 10. atala.- 1.- Dekretu honetan jasotzen den boletoen bidezko jokorako baimenaren esleipendunak hogei milioi pezetako fidantza ezarriko du Euskal Autonomi Elkarteko Administrazio Orokorraren alde Euskal Autonomi Elkarteko Diruzaintza Nagusian. 2.- Baimena ematen denetik hilabeteko epean ezarri beharko da fidantza hori. Aipatu epe horretan berme hori ez emateak jokorako baimena indarrik gabe utziko du. 3.- Fidantza eskudirutan edo Banketxe, Aurrezki Kutxa, Aseguruetxe, Kreditu Kooperatiba edo Elkarrenganako Bermedun Sozietateetan jarritako abalen bidez gauzatu daiteke. Fidantzak bere hortan iraungo du oso-osorik baimena indarrean dagoen bitartean, joko arloko administrazio mailan ezarritako arauak beteko ez balira eratorriko liratekeen isunak derrigorrez ordaintzeko erabiliko litzatekeelako. 4.- Fidantza gutxituz gero, baimenaren titularrak hilabeteko epea du derrigorrezko zenbatekora iritsi arte osatzeko. Hori egiten ez badu, baimena kenduko zaio. 11. atala.- 1.- Boletoak saltegi publikoetan eta hartarako bereziki prestatutako tokietan saldu ahal izango dira. 2.- Jokoaren kudeaketa eta ustiaketarako baimena eskuratu eta gero, horren titularrak Joko eta Ikuskizun Zuzendaritzari emango dio saltokien berri, ondorengo hauek adieraziz: a) Pertsona fisikoen kasuan, Izen-abizenak, helbidea eta nortasun agiri nazionala. b) Zuzenbidezko pertsonen kasuan, izena, helbidea, identifikazio fiskaleko zenbakia, eta ordezkariaren izenabizenak eta helbidea. c) Izen komertziala, izanez gero, eta saltokiaren helbidea. d) Saltoki jakinarazlea boletoz hornitzen duen banatzaile baimendunaren Izen-abizenak, halakorik bada. 3.- Saltokietan aurreko atalean aipatutako adierazpenaren aldakia, Joko eta Ikuskizun Zuzendaritzaren zigilu eta guzti, izan beharko da jokalarien eskuragarri, eta baita jokoari buruzko azalpenak ematen dituen orria ere. 4.- Saltokiei buruzko datuetan izan dadin edozein aldaketa aldez aurretik adierazi beharko da. 12. atala.- 1.- Debekatuta dago Dekretu honetan aipatzen diren boletoak adinez txikikoei saltzea. 2.- Era berean, galerazita dago boletoak Eskola, Ikastetxe eta Ikastegietan saltzea. 3.- Guztiz debekatuta dago boletoak kalean zehar eta baimena duten saltegietatik kanpo saltzea. 13. atala.- Boletoen bidezko jokoari dagokion tasa fiskala indarrean dagoen araudi fiskalak agintzen duena izango da. 14. atala.- 1.- Boletoak banatzeko lanerako Joko eta Ikuskizun Zuzendaritzaren baimena beharko da. 2.- Dekretu honek arautzen duen jokorako baimenaren titularrak Zuzendaritza horri bere banatzaileen zerrenda emango dio, horien Izen-abizenak eta helbidea, eta lanerako beharrezko giza baliabideak eta baliabide materialak ere adieraziz. Horiez gain, Nortasun Agiri Nazionalaren aldakia edo izena, zuzenbidezko pertsonen kasuan. Enpresa ustiatzaileak ere eska dezake baimena boletoak banatzeko lanetarako. 3.- Joko eta Ikuskizun Zuzendaritzak erabakiko du baimen hori eman ala ez, egin beharreko egiaztapenak egin ondoren eta aurkeztutako datuak egiazkoak diren eta enpresa egokia den kontuan hartuz. 4.- Banatzaileen zerrendan egin dadin edozein aldaketa egiteko Joko eta Ikuskizun Zuzendaritzari emango zaio aldez aurretik horren berri, horretarako baimena eman dezan. 5.- Jokoaren erakunde ustiatzaileak saldutako eta entregatutako boletoen eta emandako sarien erregistro informatikoa izan beharko du, eta bertan jasotako datuen berri hilabetero eman beharko dio Joko eta Ikuskizun Zuzendaritzari. 15. atala.- 1.- Sarietarako portzentaia, edozein joko dela ere, ehuneko berrogeikoa izanen da gutxienez, lote bakoitzeko boleto guztiak zenbatuta. 2.- Lote bakoitzeko boletoen gutxieneko kopurua bostehun milakoa izanen da, eta boletoen lote bakoitza zirkulazioan jartzeko Joko eta Ikuskizun Zuzendaritzaren berarizko baimena beharko da. 3.- Dekretu honek araututako jokoa kudeatu eta ustiatzeko baimena eskuratu duen erakundeak, boleto lote bakoitzeko baimen eskaerarekin batera beste agiri bat bidali beharko du, zirkulazioan jartzeko asmoa duen loteko boletoen kopurua, banatuko diren sarien portzentaia eta kopuruaren arabera izango dituzten zenbakiak adieraziz. Eskabidea aurkezten den unetik hilabeteko epean Joko eta Ikuskizun Zuzendaritzak berarizko ebazpenik ematen ez badu, lote horren banaketa eta salmentarako baimena eman dela ulertuko da. 4.- Ezin izango da boleto lotea zirkulaziotik erretiratu boleto guztiak saldu gabe, lote horri dagozkion sari guztiak banatu izana egiaztatzen ez bada behintzat. 16. atala.- 1.- Jokoaren esleipena egindakoan eta ondoren urtean behin publizitate kanpaina informatiboa egiteko, Dekretu honek araututako jokoaren ustiaketarako baimendutako erakundeak publizitate ihardunerako beharrezko baimena eskatu ahal izango dio aurrez Joko eta Ikuskizun Zuzendaritzari. 2.- Erakunde horrek, eskabidearekin batera, egindako publizitateko aurrekontratuaren aldakia, kanpainaren ezaugarriak azaltzeko txostena, zernolako publizitatea egingo den, zein komunikabidetan azalduko den eta iragarkien formatoa aurkeztu beharko ditu. 3.- Aurkeztutako agirisorta aztertu eta hurrengo atalean jasota datozen baldintzak bete direla egiaztatu ondoren, Joko eta Ikuskizun Zuzendaritzak, ondo baderitzo, publizitate ihardunerako baimena emango du. 4.- Publizitate kanpainak hamabost eguneko iraupena izango du gehienez. 5.- Boletoak saltzeko baimendutako saltegietan jokoaren errotulu adierazgarria jartzeko baimena ematen da, beti ere errotulu hori dirdiratsua ez bada eta gehienez 100 x 100 cm-ko neurriduna bada, joko mota eta nondik norako nagusiak adierazi beharko dutelarik. Kasuan kasuko Udal Ordenantzek diotena errespetatuz jarriko da. 17. atala.- 1.- Egunkarietan edo aldizkarietan eginiko publizitatea asti eta ikuskizunen sekzioetan ezarriko da, eta ez lauki berezitan, gainontzeko jolasbideak bezala informazio ondorio soiletarako bada. 2.- Dekretu honen 16.1 atalean ezarritakoaren arabera telebistan edo irratian egingo diren publizitate kanpainak ezin izango dira goizeko 8:00etatik gaueko 21:30etara bitartean egin. 18. atala.- 1.- Ezingo dira boletoen bidezko jokoaren ustiaketarako baimendutako enpresen titular, bazkide edo partehartzaile izan edonolako joko enpresen titular direnak eta ezta enpresa horiek osatzen dituzten elkarteetan ehuneko berrogeita hamarretik gorako akzio edo partizipazioak izan ditzaten pertsona fisiko edo zuzenbidezkoak ere. 2.- Aurreko zenbakian ezarritako muga horrek beste kasu baten ere jokatzen du, norbere izenean baina hirugarren baten onurarako jokatzen duen bitartekariaren kasuan hain zuzen. Horrelakoetan, eta adierazitako mugaren ondorioetarako, akzio edo partizipazioak hirugarrenarenak direla ulertuko da. GEHIGARRIZKO XEDAPENAK Lehenengoa.- Boletoen bidezko jokoaren berezitasunak kontuan hartuta, joko horren ustiaketa eta kudeaketarako Euskal Autonomi Elkarte mailan baimen bakar bat emango da. Bigarrena.- Aurreko azpiatalean ezarritako plangintzarako epea hamar urtekoa izango da. INDARGABETZE XEDAPENA Indargabe gelditzen da azaroaren 5eko 345/1985 Dekretua eta Dekretu honetan ezarritakoaren aurka doan maila bereko edo apalagoko arau oro. AZKEN XEDAPENAK Lehenengoa.- Eusko Jaurlaritzako Herrizaingo sailburuak du Dekretu honen garapenean eman beharreko xedapenak emateko aginpidea. Bigarrena.- Dekretu honek Euskal Herriko Agintaritzaren Aldizkarian argitara dadin egunaren biharamunean hartuko du indarra. Vitoria-Gasteizen, 1994ko uztailak 19. Lehendakaria, JOSÉ ANTONIO ARDANZA GARRO. Herrizaingo sailburua, JUAN MARÍA ATUTXA MENDIOLA.Euskal Herriko Autonomi Elkartean Jokoa arautzeko azaroaren 8ko 4/1991 Legeak, 11, 19 eta horiekin bat datozen gainontzeko ataletan, jokokasinotarako baimendun izateko enpresek eta kasinotan jar daitezkeen jokoek bete beharreko baldintzak ezarri zituen. Bestalde, aipatu Lege horretako xedapenak betez, azaroaren 23ko 304/1993 Dekretua onartu zen, eta bertan finkatu ziren Euskal Autonomi Elkartean jarri ahal izango diren jokokasinoen kopurua, baimenak esleitzeko irizpideak eta izaera horretako enpresen titularitatean dauden mugak eta horietan izan daitekeen partaidetza. Behar beharrezko egiten da, hortaz, alde batetik enpresei eskatzen zaizkien baldintzak eta bestetik Herrizaingo sailburuaren Aginduz deituko den lehiaketa publikoa antolatzeko prozedura formala, araudiz garatzea. Ondorioz, Herrizaingo sailburuaren proposamenez, Euskal Joko Batzordeak txostena egin ondoren eta Jaurlaritzaren Kontseiluak 1994ko uztailaren 28an egindako bilkuran aztertu eta onartu eta gero, hauxeXEDATU DUT: 1. atala.1.Euskal Herriko Autonomi Elkartean Jokoa arautzeko azaroaren 8ko 4/1991 Legez eta azaroaren 23ko 304/1993 Dekretuz ohartemandakoarekin bat etorriz, kasinotarako baimenak dituzten enpresek bete beharreko baldintzak eta kasinoak jarri eta irekitzeko baimenak emateko prozedura arautzea da Dekretu honen xedea. 2.- Jokokasinoen ustiakuntza iharduna Jaurlaritzaren Kontseiluak ezarritako plangintzaren esparruan burutuko da eta administrazio baimena beharko du, Herrizaingo sailburuaren Aginduz egin dadin lehiaketa publikorako deia egin ondoren. 2. atala.1.Jokokasinotarako lehiaketa publikoan parte hartzea nahi izateaz gain kasinoak jarri eta irekitzeko baimena lortzea nahi dutenek ondorengo azpiatalean eskatzen diren baldintzak bete beharko dituzte. 2.- Zuzenbidezko pertsonen kasuan: a) Indarrean dauden arauekin bat etorriz, merkatal elkarte edo kooperatiba eratu beharko dute, gutxienez berrehun milioi pezetako kapitalaz ustiatu nahi duten kasinoaren aforoa laurehun eta berrogeita hamar lagunetik gorakoa ez den kasuan, eta laurehun milioi pezetako kapitalaz aforoak kopuru hori gainditzen duenean. Zenbateko horrek guztiz ordainduta egon beharko du eta izendun akzio edo partizipazioetan, eta horien kopurua ez da murriztuko baimenak indarrean dirauen artean eta eskualdatzeko aurrez Joko eta Ikuskizun Zuzendaritzaren baimena beharko da. b) Joko arloan aginpidedun den administrazio-arekiko harremanetarako Euskal Autonomi Elkartean izan beharko dute bizilekua. c) Xede sozial bakartzat jokokasinoen ustiakuntza ihardunak burutzea izan beharko dute. Halere, xede sozialtzat izan dezakete, baita ere, Jokoa arautzeko azaroaren 8ko 4/1991 Legearen 11. atalean aipatzen diren joko eta zerbitzu osagarrien titularitatea. d) Atzerriko kapitalaren partaidetzari dagokionez, atzerritarrek Estatu espainiarrean egin ditzaketen inbertsioei buruzko Estatu mailako arauek diotena bete beharko dute. e) Bazkide edo partaideetako inor ez da Jokoa arautzeko azaroaren 8ko 4/1991 Legearen 19. ataleko 4 eta 5 zenbakietan ezarritako inhabilitazio kasuetan egongo. 3.- Aurreko idazatian aipatzen den merkatal elkartea edo kooperatiba, gainera, kasinoa jartzeko baimena ematen duen erabakiaren jakinarazpen egunetik kontatzen hasi eta hogeita hamar eguneko gehienezko epean ere eratu ahal izango da. 4.- Pertsona fisikoek aurreko idazatiko b) eta e) puntuetan ezarritakoa bete beharko dute. 5.- Kasinoenpresetako partaidetza mugei dagokienez, Euskal Autonomi Elkartean jokokasinoak jartzea eratzen duen azaroaren 23ko 304/1993 Dekretuaren 3. atalean xedatutakoa bete beharko da. 3. atala.1.Jokokasinoak jartzeko baimen eskaera Joko eta Ikuskizun zuzendariari zuzenduko zaio, beti ere aurrez deialdia egin bada, eta Herri-Administrazioen Lege Jaurbideari eta Guztientzako Administrazio Ihardunbideari buruzko Legearen 38. atalean jasotako bideetakoren baten aurkeztu beharko da. Eskaerak aurkezteko epea deialdia egiten duen Aginduan finkatzen dena izango da, eta inola ere ez da hilabetetik beherakoa eta ezta hiru hilabetetik gorakoa ere izango. 2.- Eskabidean honako hauek agertu beharko dira: a) Eskabidea aurkezten duenaren Izen-abizenak, nazionalitatea, helbidea eta nortasun agiri nazionalaren edo pasaportearen zenbakia, eta baita enpresa edo erakundearekiko duen harremana. b) Pertsona fisiko eskegilearen Izen-abizenak, nazionalitatea, helbidea eta nortasun agiri nazionalaren edo pasaportearen zenbakia. c) Zuzenbidezko pertsonen kasuan, merkatal elkarte edo kooperatibaren izena eta helbidea eta kapital sozialaren zenbatekoa. d) Elkartea osatzen duten edo osatuko duten bazkide edo partaideen zerrenda, nortasun agiri nazionalaren edo pasaportearen zenbakia eta bakoitzak elkartean duen partaidetza adieraziz. Bazkideen zerrendan zuzenbidezko pertsonarik balego, bazkide edo partaide bakoitzaren inguruan azpiatal honetan eskatzen diren datuak aurkeztuko dira. e) Merkatal elkarte edo kooperatibaren administratzaile, zuzendari, kudeatzaile edo ahaldunen zerrenda, bakoitzaren nortasun agiri nazionalaren edo pasaportearen zenbaki eta guzti. f) Kasinoa jarri nahi den areto edo establezimenduaren izen komertziala eta kokapen geografikoa, dituen azalera, aforoa eta ezaugarri orokorrak azalduz. g) Jokokasinoa irekitzeko gehien jota aurrikusitako data. h) Zein jokotarako baimena lortu nahi den, Jokoa arautzeko azaroaren 8ko 4/1991 Legearen 11.1 atalean ezarritakoaren arabera. 3.- Eskaera ondorengo agiriekin batera aurkeztuko da: a) Merkatal elkartearen eraketa agiriaren edo estatutuen aldakia edo eskribauaren egiaztagiria, eta Merkatal Erroldan izenemanda egotearen egiaztagiria. Elkartea eratzeke badago, eraketa agiriaren eta estatutuen proiektuak aurkeztuko dira. b) Eskegilearen ordezkaritza ahalordearen ziurtagiria, legezko edo estatutuetako ordezkari legez ez diharduenean. c) Pertsona fisiko eskegilearen edo elkarteetako bazkide edo partaideen aitorpena, Jokoa arautzeko azaroaren 8ko 4/1991 Legearen 19. ataleko 4 eta 5 zenbakietan jasotako inhabilitazio kasuetan ez daudela esanez. Aitorpen hori Joko eta Ikuskizun Zuzendaritzan eskuragarri dagoen idatzi ereduari jarraituz egin beharko da. d) Administrazio aginpidedunak luzatutako aurrekin penalen egiaztagiria, aurreko azpiataleko b), d) eta e) puntuetan zerrendaratutako pertsonei buruzkoa. Horrez gain, bizi den herrialdeko agintaritza aginpidedunak luzatutako agiri baliokidea ere aurkeztuko da, Kanpo Arazoetarako Ministeritzako zerbitzu ofizialean itzulita. e) Bai pertsona fisiko eskegileei eta bai eskaera aurkezten duten zuzenbidezko pertsonei dagokienez, bazkide edo partaideek beste kasino edo jokoenpresa batzutan izan dezaten partaidetzaren aitorpen zehatza. f) Jabego Erroldaren Egiaztagiria, jokokasinoa jartzeko asmoa dagoeneko eraikin edo aretoari buruzkoa, edo eraikuntza hori erabilgarri dela behar bezala ziurta dezaten agiriak. g) Kasinoan lan egingo duten langileen zerrenda, bakoitzaren maila eta lanpostua adieraziz. h) Alde batetik Jokokasinoaren antolaketa eta iharduerak eta bestetik jendeari eskaini nahi zaizkion zerbitzu osagarriak azaltzeko txostena. Txosten horretan, batez ere, kasinoko bezeroei sartzen uzteko jarritako kontrol sistemak eta teknologiaren azalpen zehatza egingo da, baina baita jokoaren nondik-norakoak kontrolatzeko sistema eta teknologiarena ere, langileen aukeraketa eta trebakuntza, jokomaterialaren fidagarritasuna eta aldian-aldiko ikuskapenak eta kontularitza eta kutxa sistemak ere zehaztuz. i) Jokokasinoaren plano eta proiektuak, horien ezaugarri tekniko guztiak mugatuz, lan osagarri eta egokitze lan guztiak barne, beti ere teknikari aginpidedunak idatzita eta kasuan kasuko lanbide elkargoaren ikusonetsiaz. j) Azterlan ekonomikofinantzieroa, gutxienez honako hauek jasoz: inbertsioaren azterketa, kapital soziala osatzen duten ekarpenen zehaztasuna eta banaketa, diruiturrien azalpena, eta ustiaketa eta errentagarritasunaren aldeko aurrikuspenak. k) Aretoan jarri beharreko segurtasun neurrien zerrenda; horien artean derrigorrez azaldu beharko dira suteen aurkako babes neurriak, indarrean automatikoki sartzen den argindarraren sorrera autonomoa, segurtasunaren zaindariak eta dirukutxak. l) Elkartean eta elkarteko kideen berme bai pertsonalak eta bai finantzieroak sendotzeko egokitzat jo ditzaten gainontzeko agiri guztiak. 4. atala.Eskeidatziakjaso ondoren, Joko eta Ikuskizun Zuzendaritzak eragindako Udalei txostena eskatuko die, hirigintza aldetik instalazio hori egokia den argitzeko. Txosten hori hogeita hamar eguneko epean eman beharko da, eta aldekoa dela ulertuko da epe hori igarota horren berri izaten ez bada. 5. atala.1.Arauzko txostenak egin ondoren, eta espedientearen erabaki zuzenagoa emateko eskegileengandik jaso beharreko agiri guztiak jaso ondoren, eskabideak aurkezteko epea amaitu eta bi hilabetetik lau hilabetera bitarteko epean, Joko eta Ikuskizun zuzendariak Erabakia hartuko du lehiaketa esleituz edo esleitzeke utziz. Azken erabaki hori hartuko du, eskegileetatik batek ere ez baditu betetzen eskatutako baldintzak edo deialdiko oinarrietan ezarritako bermeak. 2.- Lehiaketa esleitzeko irizpideei dagokienez, azaroaren 23ko 304/1993 Dekretuaren 5. atalean ezarritakoez gain, honako hauek izango dira: a) Kasinoko bezeroei sartzen uzteko eta jokoaren gorabeherak jarraitzeko jarritako kontrol sistemak eta teknologia. b) Langileen aukeraketa eta trebakuntzaren hobekuntza. c) Jokomaterialaren kalitatea eta aldian-aldiko ikuskapenak. d) Kontularitza eta kutxa sistema. e) Ustiaketa eta errentagarritasun aldeko aurrikuspenak. f) Instalazioen segurtasuna bermatzeko gizabaliabideak eta baliabide materialak. 6. atala.1.Kasinoa jartzeko baimena ematen duen erabakiak honako zehaztasun hauek izanen ditu gutxienez: a) Esleipendunaren Izen-abizenak pertsona fisikoa bada, edo izena, helbidea, kapital soziala eta elkarte titularrean dagoen atzerriko partaidetza, zuzenbidezko pertsona bada. b) Kasinoaren izen komertziala, kokapena eta aforoa. c) Onarpena, edo zerbitzu osagarrietan, segurtasun neurrietan edo organo agintedunak egokitzat jo dezan beste edozertan egin beharreko aldaketak. d) Berez kasinokoak izaten diren baimendutako jokoak, «C» motako makinen aretoetakoak, Bingo Aretoetakoak eta Joko Aretoetakoak barne. e) Kasinoa irekitzeko gehien jota aurrikusitako data, aurrez kasinoa irekitzeko baimena eskatu beharra dagoela adieraziz. f) Elkartea eratu gabe badago, hogeita hamar eguneko gehienezko epean eratu beharra izango da, lehiaketa publikorako deialdia egin dezan Aginduan eskatzen den agirisorta Joko eta Ikuskizun Zuzendaritzara helaraziz. 2.- Beti ere pertsona edo erakunde esleipendunak, esleipen erabakiaren jakinarazpenetik hamabost eguneko epearen barruan, jakinarazi zaizkion aldaketekin ados dagoela azaldu beharko du; edo bestela, lehen zuen baimena lortzeko eskubidea galdu egingo du. 3.- Galdu egingo du baita ere baimena lortzeko eskubidea atal honetako 1 azpiatalean ezarritako epean elkartea eratzen ez badu. 7. atala.1.Kasinoa jartzeko baimena hamar urterako emango da. Epe hori beste hainbeste luzatu ahal izango da luzatzeko unean indarrean dauden arauetan ezarritakoa betetzen bada. 2.- Baimena errebokatzeko eta iraungitzeko arrazoiak Jokoa arautzeko azaroaren 8ko 4/1991 Legean eta hori garatzeko arauetan ezarritakoak izango dira. 8. atala.1.Kasinoa jartzeko baimenean ezarritako epearen barruan, titularrak kasinoa irekitzeko baimena eskatuko dio Joko eta Ikuskizun Zuzendaritzari. Bigarren baimen hori beti egongo da kasinoa jartzeko baimenarekin lotuta. Esleipendunak eskatuta, Joko eta Ikuskizun Zuzendaritzak luza dezake kasinoa irekitzeko epea, hiru hilabeteko gehienezko eperako, bere iritziz, hori egiteko arrazoiak daudenean. Adierazitako epe horretan esleipendunak kasinoa irekitzeko baimena eskatzen ez badu, kasinoa jartzeko baimena iraungita gelditu dela ulertuko da. Kasu horretan, Administrazioak lehiaketan parte hartu zuen beste enpresaren bati esleitu ahal izango dio, horretarako baldintzak betetzen baditu. 2.- Kasinoa irekitzeko baimen eskaerarekin batera honako agiri hauek aurkeztu beharko dira: a) Merkatal elkartearen eraketa agiriaren edo estatutuen aldakia edo eskribauaren egiaztagiria, eta Merkatal Erroldan izenemanda egotearen egiaztagiria, lehenago aurkeztu ez badira. b) Kasinoa kokatzen deneko udalerriaren arabera aginpideduna den Udalaren egiaztagiria, areto edo establezimenduak irekitzeko beharrezko lizentziak badituela ziurtatzekoa. c) Euskal Autonomi Elkarteko Diruzaintza Nagusian, eta Eusko Jaurlaritzako Herrizaingo Sailaren eskuragarri, berrogeita hamar milioi pezetako fidantza -aforoa laurehun eta berrogeita hamar lagunetik gorakoa ez denean, edo ehun milioi pezetakoa -aforoa zenbateko hori baino handiagoa denean-, ezarri izanaren ziurtagiria. Fidantza eskudirutan edo Banketxean jarritako abalen bidez edo norbere kauzioko poliza bidez gauzatu daiteke eta bere hortan iraungo du oso-osorik baimena indarrean dagoen bitartean, joko arloko administrazio mailan ezarritako arauak beteko ez balira eratorriko liratekeen isunak derrigorrez ordaintzeko erabiliko litzatekeelarik. d) Erakunde esleipenduna eta bertako langileak gizarte segurantzako sisteman alta emanda daudela egiaztatzen duen ziurtagiria, eta elkarteak luzatutako lan hitzarmenen aldakiak. e) Joko bakoitzeko apostuen gutxieneko eta gehieneko muga eta jarri nahi den «C» motako makinen kopurua. f) Joko materialaren enpresa hornitzaileen zerrenda. 3.- Lehiaketa publikorako deia egiteko Aginduan aurreko azpiatalean jasota ez datozen beste zenbait agiri aurkeztea ere eskatu ahal izango da. 4.- Aurreko azpiataletan aipatzen diren eskeidatzia eta agirisorta jaso ondoren, Joko eta Ikuskizun Zuzendaritzak ikuskapena egiteko agindua emango du, kasinoajartzeko baimena emateko erabakian ezarritako baldintzak eta legezko gainontzeko betebeharrak betetzen diren egiaztatzeko, horren agiria jasoz. 5.- Ikuskapen agiria eta dagozkion txostenak ikusita, Joko eta Ikuskizun zuzendariak kasinoa irekitzeko baimena ematea edo ukatzea erabaki dezake; baimena ukatzea erabakiko du, agirian edo espedienteari erantsitako txostenetan ezarritako baldintzak betetzen ez badira. Kasu horretan, erabakia hartu aurretik hamabost eguneko epea eman beharko zaio esleipendunari antzemandako akatsak zuzentzeko. 6.- Kasinoa irekitzeko baimena eman dezan erabakian honako hauek jasoko dira: a) Esleipendunaren izena edo Izen-abizenak pertsona fisikoa bada. b) Kasinoaren izen komertziala, kokapena eta aforoa. c) Jokoaretoak irekita izateko ordutegia. d) Baimendutako jokoen zerrenda eta horietarako mahai edo osagai kopurua. e) Jarriko den «C» motako makinen gehienezko kopurua eta horiek jartzeko areto berezirik dagoen. f) Apostuen gutxieneko eta gehienezko mugak. 7.- Kasinoa irekitzeko baimena ematen duen erabakian zehaztutako edozein aldaketa egin ahal izateko aurrez Joko eta Ikuskizun zuzendariaren baimena beharko da. ALDIBATERAKO XEDAPENA 1.- Dekretu honek indarra hartzen duenean indarrean dirauten kasinoak jartzeko baimenen titularrak bi urteko gehienezko epean egokitu egin beharko dira Dekretu honetan jasotako kapital sozialari eta fidantzei buruzko xedapenetara, eta bete egin beharko dituzte administrazio baimenen titularrak diren zuzenbidezko pertsonei edo pertsona fisikoei eskatzen zaizkien baldintzak ere. 2.- Aurreko azpiatalean ezarritakoa ez betetzeak baimenaren errebokazioa dakar, dagokion administrazio espedientea ireki ondoren. AZKEN XEDAPENAK Lehenengoa.- Indargabe gelditzen da Dekretu honetan xedatutakoaren aurka doan maila bereko edo apalagoko arau oro. Bigarrena.- Dekretu honek Euskal Herriko Agintaritzaren Aldizkarian argitara dadin egunaren biharamunean hartuko du indarra. Vitoria-Gasteizen, 1994ko uztailak 28. Lehendakaria, JOSÉ ANTONIO ARDANZA GARRO. Herrizaingo sailburua, JUAN MARÍA ATUTXA MENDIOLA.

Gaiarekin lotutako edukiak


Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.

Tag-ak