Liburutegi Zerbitzua

Euskal Autonomi Elkartearen Lurraldea Antolatzeko Batzordearen egitekoak, osakera eta iharduketaerregimena ezartzen dituen urriaren 2ko 263/ 1990 Dekretuko 6. atalean, Batzorde horren Osoko Bilkuraren osakera finkatzen da. Euskal Autonomi Elkartearen Administrazioko Sailak sortu, ezabatu eta aldatu eta horien egitekoak eta ihardun-arloak finkatzen dituen urriaren 2ko 525/ 1991 Dekretuaren eraginez eta Hirigintza eta Etxebizitza Sailaren egitura organikoa ezartzen duen abenduaren 10eko 681/1991 Dekretuaren eraginez, ezinbestekoa da Euskal Autonomi Elkartearen Lurraldea Antolatzeko Batzordearen Osoko Bilkuraren osakera aipatutako Dekretuetatik eratorritako administrazio-egitura berrietara egokitzea. Horien indarrez, Hirigintza eta Etxebizitza Sailburuak proposatuta eta Jaurlaritzaren Kontseiluak 1992ko urriaren 13an egindako bileran aztertu eta onartu ondoren, honako hauXEDATU DUT:Atal bakarra: Euskal Autonomi Elkartearen Lurraldea Antolatzeko Batzordearen egitekoak, osakera eta iharduketa-erregimena ezartzen dituen urriaren 2ko 263/ 1990 Dekretuko 6. atalaren 1. idazatia aldatu egiten da, orain azaltzen den beste idazkera honekin ordezkatuta: «Euskal Autonomi Elkarteko Lurraldea Antolatzeko Batzordearen osoko Bilkura, honako era honetan osatuko da: Lehendakaria: Hirigintza eta Etxebizitza Sailburua. Lehendakariordea: Hirigintza eta Lurralde Antolaketa Sailburuordea. Bokalak: a) Etxebizitza eta Arkitektura Sailburuordea edo bere Sailordetzako Zuzendari bat, ordezkotzarako izendatuta. b) Hirigintza eta Etxebizitza Saileko Lurralde Antolaketa Zuzendaria eta Hirigintza Zuzendaria. c) Ondoren aipatzen diren Sailetako ordezkari bana, baina Sailburuorde edo Zuzendari kargua izan behar dute: Industria eta Energia Saila, Hezkuntza, Unibertsitate eta Ikerketa Saila, Osasun Saila, Kultura Saila, Ekonomia, Plangintza eta Ingurugiro Saila, Garraio eta Herrilan Saila, Nekazaritza eta Arrantza Saila eta Merkataritza, Kontsumo eta Turismo Saila. d) Lurralde Historiko bakoitzeko Hirigintza eta Etxebizitzako Lurralde Ordezkariak. e) Foru Aldundi bakoitzeko bi ordezkari. f) Estatuko Administrazioaren ordezkari bat. g) Euskal Autonomi Elkartean indarrik gehien duten Udal Elkarteen hiru ordezkari, bana Lurralde Historiko bakoitzetik». AZKEN XEDAPENA Euskal Herriko Agintaritzaren Aldizkarian argitaratzen den egunaren biharamunean jarriko da indarrean Dekretu hau. Vitoria-Gasteiz, 1992ko urriak 13. Lehendakaria, JOSE.ANTONIO ARDANZA GARRO. Hirigintza eta Etxebizitza Sailburua, JOSE ANTONIO MATURANA PLAZA