Gidak, urratsez urrats
Espainian bizi direnen posta bidezko botoa
Espainiatik posta bidez bozkatu nahi baduzu, hau jakin behar duzu…
- Nork egin dezake?
- Nola eskatu behar da posta bidezko botoa?
- Zer agiri jaso behar dira?
- Nola bozkatzen da?
Nork eman dezake botoa posta bidez?
- Espainian bizi direnen hautesle-erroldan inskribatutako edozein pertsonak eman dezake botoa posta bidez nahi izanez gero.
- Udaletxean, Erroldaren Bulegoaren probintzia-ordezkaritzan edo interneteko helbide hauetan egiazta dezake erroldan inskribatuta dagoela: www.elecciones.eusedo www.ine.es
Nola eskatu behar da posta bidezko botoa?
- Zoaz edozein postetxetara urriaren 12a baino lehen eta eskatu posta bidez bozkatzeko inprimakia.
- Inprimakian adierazi zein helbidetan (bizilekua, lantokia, posta-helbidea) jaso nahi duzun hauteskunde-dokumentazioa.
- Postetxean aurkeztu inprimakia beteta eta erakutsi zeure jatorrizko NANa.
Posta bidezko botoa eskatzen baduzu, ezin izango duzu mahaian botoa eman.
Zer agiri jasoko duzu?
urriaren 15a baino lehen Erroldaren Bulegoak zuk adierazitako helbidera hauek bidaliko dizkizu:
- Bozkatzeko prozedura azaltzeko orria.
- Bozketarako txartel guztiak eta gutun-azala.
- Erroldako inskripzio-ziurtagiria.
- Dagokizun mahaiaren helbidea duen gutun-azala.
Agiriak zeuk jaso behar dituzu
Nola bozkatzen da postaz?
Eman urrats erraz hauek:
- Sartu hautatutako boto-txartela gutun-azalean eta itxi ezazu.
- Sartu gutun-azal hori eta erroldako inskripzio-ziurtagiria mahaiarentzat den gutun-azalaren barruan.
- Bidali dokumentazioa postetxetik doako posta ziurtatu bidez urriaren 18a baino lehen.
Bidalketa ziurtatua egiteko zure izenean edozein pertsona joan daiteke postetxera.