Nork izendatzen ditu hautagai-zerrendak? Noiz?
a. Lurralde Historikoko Hauteskunde Batzordeek. Izendapena egiteko deialdiaren osteko hogeita zazpigarren eguna arteko epea dago. b. Eskualdeko Hauteskunde Batzordeek. Izendapena egiteko deialdiaren osteko hogeita seigarren eguna arteko epea dago. c. Autonomia Erkidegoko Hauteskunde Batzordeak. Izendapena egiteko deialdiaren osteko hogeita bosgarren eguna arteko epea dago. Non argitaratzen dira izendatutako hautagai-zerrendak? Noiz?
a. Lurralde Historikoetako Aldizkari Ofizialetan, deialdiaren osteko hogeita zortzigarren egunean. b. Estatuko Aldizkari Ofizialean, deialdiaren osteko hogeita bederatzigarren egunean. c. Euskal Herriko Agintaritzaren Aldizkarian, hautagai-zerrendak izendatu osteko egunean. Zein dira hautagai-zerrenda bat ez izendatzeko arrazoiak?
a. Hautagai-zerrendaren ordezkariak legezko epean zuzendu gabeko edozein irregulartasun. b. Hiru arrazoi daude hauteskunde-legearen arabera: - Hautagai-zerrenda epez kanpo aurkeztea, - Eskatutako legezko hautagai kopurua ez izatea, - Legeak hautagai-zerrenda aurkezteko eskatutako baldintzaren bat ez betetzea. (Esate baterako: ordezkaria izendatzea, kideek hautagai-zerrenda onartzea, hautagai-zerrendaren ikurra eta izena baliozkoa izatea). c. Hauteskunde Batzordeak hautagai-zerrenda guztiak izendatu behar ditu, zerrendako 25 hautagai ez daudenean izan ezik. Hautagai-zerrenda bat izendatutakoan, kide batek horri uko egin al diezaioke? Horrela bada, nork beteko luke hutsunea?
a. Hauteskunde-kanpaina hasi aurretik uko egin diezaioke. Ukoa Euskal Herriko Agintaritzaren Aldizkarian argitaratuko da, eta zuzenean idatziz aurkeztu beharko da Lurralde Historikoko Hauteskunde Batzordearen aurrean, hautagai-zerrendaren ordezkariaren baimenaz edo berarekin batera. Horrela gertatuz gero, plaza huts hori hautagai-zerrendako hurrengo kideak edo ordezkoak beteko du, beti dagoen hurrenkeraren arabera. b. Gogoeta-egunaren aurretik arrazoiak emanez eta idatziz baino ezin zaio uko egin, Lurralde Historikoko Hauteskunde Batzordeari jakinarazi ondoren. Horrela gertatuz gero, plaza huts hori hautagai-zerrendako hurrengo kideak edo ordezkoak beteko du, beti dagoen hurrenkeraren arabera. c. Ezin zaio hautagai-zerrendako kidea izateari uko egin Hauteskunde Batzordeak izendatu ondoren. Hautagai-zerrenda batek, izendatua izan ondoren eta bozketa-eguna baino lehenago, atzera egin eta beste zerrenda baten aldeko botoa eska al dezake?
a. Egin daiteke aldez aurretik Lurralde Historikoko Hauteskunde Batzordeari erabakiaren berri ematen bazaio, betiere horren arrazoiak adierazita. b. Egin daiteke, baldin eta aldez aurretik Lurralde Historikoko Hauteskunde Batzordeari jakinarazten bazaio. Nolanahi ere, debekatuta dago beste hautagai-zerrenda baten aldeko botoa eskatzea. c. Egin daiteke, nolanahi ere indarreko hauteskunde-legeak 2.000 eurotik gorako isunaz zigortzen du, lege-iruzurra eta eskubide-abusua dela iritzita. Zer gertatzen da izendatutako hautagai-zerrendako kideren bat hiltzen bada? Boto-txartelak aldatu behar al dira?
a. Hautagai-zerrendako hurrengo ordezkoak ordezkatuko du, betiere agertzen den hurrenkeraren arabera. Boto-txartelak zuzendu egin beharko dituzte, horietatik hautagai zenaren izena kenduta. b. Hautagai-zerrendako lehen ordezkoak ordezkatuko du. Eginda dauden boto-txartelak baztertuko dira, eta osaera berriarekin berriro egin beharko dira. c. Hautagai-zerrendako hurrengo ordezkoak ordezkatuko du, betiere agertzen den hurrenkeraren arabera. Boto-txartelak, egin ondoren, ez dira inola ere aldatuko, zendu den hautagairik azalduta ere. Hautagaiak izendatutakoan, izendapenaren aurkako errekurtsorik aurkez daiteke? Eta zer epe dago aurkezteko?
a. Ezin da errekurtsorik aurkeztu. Hauteskundeei buruzko Legeak hauteskundeetako auzien errekurtsoa arautzen du hauteskunde-emaitzak aurkaratzeko eta hautetsiak izendatzearen aurka. b. Lurralde Historikoko Hauteskunde Batzordeek izendapenaz hartutako erabakiaren aurkako errekurtsoa aurkez daiteke administrazioarekiko auzietako epaitegiaren aurrean, 2 eguneko epearen barruan, izendatutako hautagai-zerrendak aldizkari ofizialean argitaratzen direnetik aurrera zenbatuta. c. Konstituzio Auzitegiaren aurrean baino ezin da hauteskundeetako babes-errekurtsoa aurkeztu 2 eguneko epean, izendatutako hautagai-zerrendak aldizkari ofizialean argitaratzen direnetik aurrera zenbatuta. Hautagai-zerrenda baten izendapenaren aurkako errekurtso judiziala ebazten duen lehen auzialdiko epaiaren aurka, ba al dago beste errekurtso bat aurkezterik? Eta zer epe dago aurkezteko?
a. Konstituzio Auzitegiaren aurrean hauteskundeetako babes-errekurtsoa aurkez daiteke bi eguneko epearen barruan, administrazioarekiko auzietako epaitegiaren epaia jakinarazten denetik aurrera zenbatuta. b. Ezin da errekurtsorik aurkeztu administrazioarekiko auzietako epaitegiaren aurka; irmoa da. c. Euskal Autonomia Erkidegoko Auzitegi Nagusiaren aurrean errekurtsoa aurkez daiteke bi eguneko epearen barruan, administrazioarekiko auzietako epaitegiaren epaia jakinarazten denetik aurrera zenbatuta. Hautagai-zerrenda baten izendapenaren aurka errekurtsoa aurkeztuz gero, hautagai-zerrenda guztien boto-txartelak egiteari uzten al zaio errekurtsoa ebatzi arte? Edo aurkaratutako hautagai-zerrendaren boto-txartelak egiteari bakarrik uzten zaio?
a. Ez zaio boto-txartelak egiteari inoiz uzten; izan ere, azkenean auzitegiek hautagai-zerrendaren bat baliogabetzen badute, horri emandako botoa baliogabetzat joko du mahaiak. b. Aurka egindako hautagai-zerrendaren boto-txartelak egiteari baino ez zaio uzten. Hautagai-zerrenda baliozkoa izanez gero, horren boto-txartelak egiten hasiko da. c. Hautagai-zerrenda guztien boto-txartelak egitea eteten da hautagai-zerrenda baten aurka egin den barrutian. Auzitegiek aurkaratze horretaz ebazten dutenean, behin betiko izendatutako hautagai-zerrenden boto-txartelak egingo dira, posta bidezko botoa emateko epeak luzatuta. 
