EAEko udalerriren bateko hauteskunde-erroldan inskribaturik egotea beharrezkoa al da Eusko Legebiltzarrerako hauteskundeetan aurkeztu ahal izateko
a. Bai; EAEko hauteslea izatea beharrezkoa da Eusko Legebiltzarrean hautatua izan ahal izateko. b. Ez, EAEtik kanpoko udalerriren bateko hauteskunde-erroldan erregistraturik egotea nahikoa da. c. Ez, euskal herritarraren izaera politikoa edukitzea aski da; hau da, EAEko udalerriren bateko bizilaguna izatea. Hautagai-zerrendako kideek, zer eskakizun bete behar dituzte Eusko Legebiltzarrerako hauteskundeetan aurkezteko?
a. Adinez nagusia izatea eta espainiar herritartasuna edukitzea. b. Adinez nagusia izatea, espainiar herritartasuna edukitzea eta EAEko udalerriren batean bizitzea. c. Adinez nagusia izatea, espainiar herritartasuna edukitzea, EAEko udalerriren batean bizitzea eta eskubide zibil eta politiko guztiak erabiltzeko moduan egotea (adibidez: hautatua izateko eskubideaz gabetzeko zigorrik ez edukitzea edo hautagaia izateko ezgaituta ez egotea). Zenbat ordezko behar dira Eusko Legebiltzarrerako hauteskundeetan hautagai-zerrenda bat osatzeko?
a. Ez da behar kopuru zehatz bat, aski da izangai-zerrenda bakoitzak aurkeztutakoa. b. Gehienez 10. c. 3tik 5era bitartekoak. Nork aurkez ditzake hautagai-zerrendak hauteskunde hauetan?
a. Alderdi politikoez gain, edozein sindikatuk edo erakunde patronalek. b. Barne Ministerioaren erregistroan inskribaturiko alderdi politikoek, federazioek zein koalizioek eta hauteskunde-taldeek soilik. c. Alderdi politikoek, Barne Ministerioaren erregistroan ageri ez diren arren. Zer baldintza bete behar dituzte hauteskunde-koalizioek hauteskunde hauetan parte hartzeko? Eta noiz eta zer organoren aurrean aurkeztu behar dituzte?.
a. Aurkeztu nahi duten barrutiaren Lurralde Historikoko Hauteskunde Batzordera joan eta hauteskundeetan parte hartu nahi dutela adierazi baino ez dute egin behar. Deialdia egin osteko bost eguneko epea dute. b. Aldez aurretik ez dute izapiderik egin behar; baina koalizioak hiru hauteskunde-barrutietan aurkeztu behar badu, deialdiaren osteko hamar egun baino lehen, idatziz jakinarazi behar dio Autonomia Erkidegoko Hauteskunde Batzordeari. c. Koalizioa egin nahi duten alderdiek parte hartu behar duten Lurralde Historikoko Hauteskunde Batzordeari jakinarazi behar diote; hartarako, koalizio-ituna idatziz aurkeztu behar dute deialdiaren osteko hamar egun baino lehenago. Koalizioak Lurralde Historiko batean baino gehiagotan hautagai-zerrendak aurkezten baditu, jakinarazpen hori Autonomia Erkidegoko Hauteskunde Batzordeari egingo dio. Zenbat sinadura behar ditu hauteskunde-talde batek hauteskunde hauetan aurkeztu ahal izateko? Zer epe du sinadurak biltzeko? Nork baliozkotzen ditu sinadurak?
a. Gutxienez Lurralde Historiko bakoitzean erroldatutako hautesleen % 1en sinadurak beharko dira. Hautesle bakoitzak hauteskunde-talde bakar baten alde egin dezake. Epea hauteskundeak deitzen direnetik hautagai-zerrendak aurkezteko azken eguna artekoa da (abuztuaren 28tik irailaren 17ra). Notario batek edo udal idazkariak emandako atxikimendu-dokumentuaren bidez baliozkotuko dira. b. Gutxienez Lurralde Historiko bakoitzean erroldatutako hautesleen % 2ren sinadurak beharko dira. Hautesle bakoitzak hauteskunde-talde bakar baten alde egin dezake. Epea hauteskundeak deitu aurretik hautagai-zerrendak aurkezteko epea amaitu aurretiko eguna artekoa da. Eskualdeko Hauteskunde Batzordeek emandako atxikimendu-dokumentuaren bidez baliozkotuko dira. c. Gutxienez Lurralde Historiko bakoitzean erroldatutako hautesleen % 0,5en sinadurak beharko dira. Hautesle bakoitzak hauteskunde-talde bakar baten alde egin dezake. Epea hauteskundeak deitu ondoko egunetik hautagai-zerrendak aurkezteko lehen eguna artekoa da. Autonomia Erkidegoko Hauteskunde Batzordeak emandako atxikimendu-dokumentuaren bidez baliozkotuko dira. Zein da hautagai-zerrendak aurkezteko epea eta zein Hauteskunde Batzorderen aurrean aurkezten dira?
a. Aldizkari ofizialean deialdia argitaratzen denetik hamargarren egunetik hogeigarren egunera bitartean, biak barne. Hautagai-zerrendak Eskualdeko Hauteskunde Batzorde bakoitzaren aurrean aurkeztuko dira. b. Aldizkari ofizialean deialdia argitaratzen denetik hamabosgarren egunetik hogeigarren egunera bitartean, biak barne. Hautagai-zerrendak Lurralde Historikoko Hauteskunde Batzorde bakoitzaren aurrean aurkeztuko dira. c. Aldizkari ofizialean deialdia argitaratzen denetik hamazazpigarren egunetik hogeita hirugarren egunera bitartean, biak barne. Hautagai-zerrendak Autonomia Erkidegoko Hauteskunde Batzordearen aurrean aurkeztuko dira. Non argitaratzen dira aurkeztutako hautagai-zerrendak? Zer epe dago?
a. Lurralde Historikoko aldizkari ofizialetan; hautagai-zerrendak aurkezteko epea amaitu ondoko hirugarren egunean. b. Estatuko Aldizkari Ofizialean eta hautagai-zerrendak aurkezteko epea amaitu ondoko lehen egunean. c. Euskal Herriko Agintaritzaren Aldizkarian eta hautagai-zerrendak aurkezteko epea amaitu ondoko bigarren egunean. Emakumeen zer ehuneko egon behar da hauteskunde hauetarako hautagai-zerrendetan? Ehuneko horri atxiki behar al zaio hautagai-zerrendako ordezkoetan?
a. Hautagai-zerrendan % 50 gutxienez emakumeak izango dira, eta proportzio horri atxikiko zaio zerrenda osoan eta 6 izeneko tarte bakoitzean. Ordezkoek 25. titularrarekin batera 6 izeneko tarte bat osatzen dutela jotzen da; horrenbestez, aurreko tarteetan bezala aplikatu behar da % 50eko kuota. b. Hautagai-zerrendak emakume eta gizonen osaera orekatua izango du; horrela bada, sexu bakoitzaren kideak gutxienez % 40 izango dira zerrenda osoan. Ordezkoetan ere emakume eta gizonen osaera orekatua egon behar da. c. Hautagai-zerrenda osatzeko garaian kremailera-sistema erabiliko da; hau da, lehendabizi emakume bat eta gero gizonezko bat zerrenda bukatu arte. Ordezkoetan sistema bera erabiliko da. Nork kontrolatzen du Bizkaian aurkeztutako hautagai bat Araban ere aurkezten ez dela?
a. Hauteskunde Batzorde Zentralak Lurralde Historikoko hiru Hauteskunde Batzordeek igorritako hautagai-zerrenden dokumentazioaren bidez. b. Autonomia Erkidegoko Hauteskunde Batzordeak Lurralde Historikoko hiru Hauteskunde Batzordeek igorritako hautagai-zerrenden dokumentazioaren bidez. c. Lurralde Historikoko hiru Hauteskunde Batzordeek, horretarako egindako bileraren bidez. Zein dira aurkeztutako hautagai-zerrendan zuzendu ezin daitezkeen kontuak? Zein da konpon daitezkeen kontuak zuzentzeko epea?
a. Zerrendaren ordezkariak hautagai-zerrendan atzemandako irregulartasun guztiak zuzen ditzake 48 orduko epean, aurkeztutako hautagai-zerrendak aldizkari ofizialean aurkezten direnetik aurrera zenbatuta. b. Zerrendaren ordezkariak hautagai-zerrendan ikusitako irregulartasun guztiak zuzen ditzake, hautagai-zerrenda legezko epean ez aurkeztea eta zerrendaren hurrenkera eta osaera aldatzea izan ezik, aldaketa hautagai-zerrendako kidearen ukoagatik edo heriotzagatik izan bada kenduta; zuzentzeko 48 orduko epea egongo da, aurkeztutako hautagai-zerrendak aldizkari ofizialean argitaratzen denetik aurrera zenbatuta. c.Hautagai-zerrendaren ordezkariak bertan ikusitako irregulartasun guztiak zuzen ditzake, hura legezko epearen barruan ez aurkeztea izan ezik. Zuzentzeko 48 orduko epea egongo da, aurkeztutako hautagai-zerrendak aldizkari ofizialean argitaratzen direnetik aurrera zenbatuta. Eusko Legebiltzarrerako 2009ko hauteskundeetan aldarrikatutako eta aulkirik lortu ez zuten hautagai-zerrendek abalak aurkeztu behar al dituzte Eusko Legebiltzarrerako hurrengo hauteskundeetan parte hartu ahal izateko?
a. Bai, hautagai-zerrendak aurkeztu nahi duen Lurralde Historikoan erroldaturiko hautesleen % 0,5ek sinatu behar dute gutxienez. b. Bai, hautagai-zerrendak aurkeztu nahi duen Lurralde Historikoan erroldaturiko hautesleen % 0,2k sinatu behar dute gutxienez. c. Ez da beharrezko abalik edo sinadurarik aurkeztea, Eusko Legebiltzarrerako Hauteskundeei buruzko Legeak ez baitu horrelakorik eskatzen. 
