Balantze teknikoa
Boto-kontaketa LHHBn
CERAren boto-kontaketa egiteko barra-kode bidezko irakurketa-ekipoak eman zitzaizkien hiru hauteskunde-batzordeei eta honela banatu ziren: Araba - irakurgailu 1, Gipuzkoa - 4 irakurgailu, Bizkaia - 4 irakurgailu.
Irakurgailu horien erabilerak boto-emaileen datuak sisteman sartzea erraztu zuen, era horretan prozesuan egon zitezkeen giza erroreak albo batera utzita. 2009. urtearekiko egindako hobekuntzek eragina izan zuten eta hauteskunde-batzordeen zorion-adierazpenak jaso ziren.
Atzerrian bizi direnen botoa (CERA) zenbatu ondoren, boto-kontaketa orokorra egin zen. Hauteskunde-mahai batzuetan beharrezko zuzenketak egin ziren, betiere egoki zen LHHBren jarraibideei jarraituz. Egindako aldaketen kopurua oso txikia izan zen (gutxi gorabehera, 4 Araban, 21 Bizkaian eta 14 Gipuzkoan). Aldaketen arrazoi nagusiak hauek izan ziren:
- Mahaietako datuen trukaketa (A mahaiko datuak B mahaian eta alderantziz)
- Aurkaratutako botoak
- Balioen botoa gaizki grabatuta edo bidalita.
