Segurtasun Saila

• Aukeraezintasuna: Debekatuta daukate hauteskundeetan aurkeztea, beren kargu edo funtzioengatik, hautesleengan eragina izan dezaketen pertsonek edo hautagaiaren legezko gaitasungabetzea sortu dezaketenak. Aukeraezintasuna hautagaitzak aurkezten direnetik botoa emateko egunera arte gerta daiteke. Aukeraezin ez izateko, nahikoa da aukeraezintasuna sortzen duen arrazoia amaitzearekin. 2011ko hauteskundeen kasuan, horretarako legezko epea martxoaren 29tik apirilaren 18ra bitartekoa izango da.
• Bat-bateko aukeraezintasuna: Aurrekoa bezala definitzen da. Hautagaitzak izendatu eta botoa emateko egunera bitarteko aldian ematen da, hau da, 2011ko apirilaren 26tik maiatzaren 22ra arte.
  Edonola ere, hautagaiaren aukeraezintasuna, eskumena duten Eskualdeko Hauteskude Batzordeek aitortu behar dute.

• Bateraezintasuna: Hauteskundeetako kargu bat beste kargu batzuekin, funtzio edo jarduera publiko edo pribatuekin aldi berean garatu ezin direnean. Behin hauteskundeak eginda, hauteskunde karguaren edo kargu publiko edo pribatuaren artean aukeratu behar du (HAOLOren 178.3 artikulua).

• Bat-bateko bateraezintasuna: Hauteskundeen ostean gertatzen da, epai irmoaren bidez legez kanpokotzat jo diren alderdi, federazio edo koalizioek aurkeztutako kideekin. Salbuespena: hautetsiak borondatez eta zalantzarik gabe ilegalizazioa ondorioztatu zuten arrazoiak ukatzea (HAOLO 6.4 artikulua).
  Edozein kasutan, kargu-hautatuaren bateraezintasuna aitortzea hauei dagokie: Lurralde Historikoetako Batzar Nagusiei, Ganbera horretako kideen kasuan, edo Udalbatzari, Zinegotzi karguen kasuan.

2011KO UDAL HAUTESKUNDEETAKO LEGE ERREGIMENA

• HAOLO
  • 6.4 eta 178.2 e) eta 3 artikuluak, hauteskunde horietako bat-bateko bateraezintasunaren aplikazioari buruzkoak.
  • 178.1, 2, 3, 4 eta 5 artikuluak, tokiko hauteskundeetarako aplikatu ahal diren bateraezintasun arrazoiak.

2011KO BATZAR NAGUSIETARAKO HAUTESKUNDEETAKO LEGE ERREGIMENA:

• Martxoaren 27ko 1/1987 Legea, Batzar Nagusietako hauteskundeei buruzkoa: 5.2 b) artikulua, hauteskunde hauetarako arrazoi espezifikoak.
• HAOLO: 6.4 eta 209 artikuluak, foru hauteskundeetako bat-bateko bateraezintasunaren aplikazioari buruzkoak.