Segurtasun Saila

Hauteskunde-legeria eta Araudi aplikagarria

HAUTESKUNDE-LEGERIA APLIKAGARRIA

Hauteskunde Orokorretan indarrean dagoen honako lege-testua aplikatuko da:

• Hauteskunde Araubide Orokorrari buruzko Estatuko Lege organikoa, 1985eko ekainaren 19koa, 1985eko ekainaren 20an argitaratua eta honako datetan argitaratu diren BOEetan jasotako aldaketekin: 1986ko urtarrilaren 20koa, 1987ko apirilaren 3koa, 1991ko martxoaren 14koa, 1991ko martxoaren 16koa, 1992ko azaroaren 3koa, 1994 martxoaren 31koa, 1995eko martxoaren 24koa, 1995eko azaroaren 24koa, 1997ko maiatzaren 31koa, 1998ko ekainaren 16koa, 1999ko apirilaren 22koa, 2002ko ekainaren 28koa, 2003ko martxoaren 11koa, 2003ko azaroaren 29koa, 2007ko martxoaren 23koa 3/2007 Lege Organikoari buruz, 2007ko urriaren 9koa, 2010eko azaroaren 5ekoa, 2011ko urtarrilaren 29koa, eta 2011ko ekainaren 16ko azken erreforma, HAOLOren 160. artikulua aldatzen duena. (Paragrafo hau guztia Hauteskunde Batzorde Zentralari lotuta dago. HAOLOren pdf-ari, hain zuzen)
  Zehazki, hauteskunde hauetan aplikagarri diren artikuluak aipatu den Estatuko Lege Organiko horren I. eta II. Tituluetan daude.

GAI ERANGURATSUENETAN APLIKATU DAITEZKEEN ARAUEN AIPAMENA

• Hauteskunde-elkartea. Hauteskunde hauetan honakoak dira indarreko: ekainaren 19ko Hauteskunde Araubide Orokorrari buruzko 5/1985 Lege Organikoaren 44.1 c), 46.8 eta 169 artikuluak.
• Hauteskunde-koalizioen eraketa. HAOLOren 45 eta 169. artikuluak eta HBZren 1/2010 Aginduan, irailaren 9koan, ezarritakoa eta hauteskunde koalizioek lortutako botoen zenbaketa metodoaren arabera (HBZren 29-09-2011 Erabakia).
• Alderdi politiko bat sortzeko , honako manuan adierazitakoa hartu behar da kontuan: Alderdi Politikoei buruzko ekainaren 27ko 6/2002 Legearen I. eta II. Kapituluak (154. zenbakidun ekainaren 28ko BOE).
• Hauteskunde Araubide Orokorrari buruzko Lege Organikoak (HAOLO) eraldaketa esanguratsuak izan ditu 2011n; horren ondorioz, 2011ko azaroaren 20ko hauteskundeetan honako aldaketak egongo dira, prozedurari dagokionez:
  • Publizitate kanpaina instituzionalak: Esan beharra dago EAEko Publizitate eta Komunikazioari buruzko abenduaren 23ko 6/2010 Lege berriaren 2. artikuluak ezartzen duenez, EAEko Administrazio Orokorrak, Eusko Legebiltzarrak, Foru Administrazioek nahiz Tokiko Administrazioek eta horien mende dauden erakunde eta sozietate publikoek jarraitu beharreko ildoak finkatzen dituela; 11.2. artikuluan, esaterako, debekatu egiten die aginte publikoei hauteskundeen deialdia egin eta hauteskundeak egiten diren arte, publizitate edo komunikazio kanpaina instituzionalak egitea, hauteskundeetako legeriak baimentzen dituenak izan ezik, eta interes publikoa babestu edo zerbitzu publikoak modu egokian gauzatzeko ezinbestekoak izan daitezkeenak kenduta; hori guztia HAOLOren 50.2 artikuluan ezarritakoarekin bat etorriz.
    Ildo beretik, 2011n eraldatu den HAOLOren 50.3. artikuluak debekatu egiten die botere publikoei aipatutako hauteskunde-aldi horretan obra edo zerbitzu publikoen inaugurazio-ekitaldiak egitea; horrek ez du esan nahi, ordea, obra edo zerbitzu horiek funtzionatzen hasi ezin direnik. Horren helburua da, hauteskunde-kanpainak dirauen artean Gobernuak erdietsi dituen lorpenak sustatzeko kanpaina instituzionalik ez egitea, praktika egokia ez delako, zergadun guztien diruarekin exekutatu baitira.
  • Hauteskunde hauetan aurkeztu nahi duten, baina 2008ko Hauteskunde Orokorretan ordezkaririk lortu ez zuten hautagai-zerrendak: 169.3 artikulua aldatu da, eta horren ondorioz, hautagai-zerrenda horiek aurkezten diren hauteskunde-barrutian inskribatutako hautesleen %0,1en sinadurak jaso behar dituzte. HBZren 7/2011 Jarraibidea, irailaren 15ekoa , sinadurak egiaztatzeko prozedurari buruzkoa.
  • Haustesle-errolda: 39.1.artikuluak ezartzen duenez, hauteskunde bakoitzerako indarrean dagoen errolda hauteskunde-deialdia baino 2 hilabete lehenago itxiko da (hauteskunde hauetan 2011-07-01ean itxiko da indarrean dagoen hautesle-errolda). Eta 39.3. artikuluak ezartzen duenez, errolda zuzentzeko epea indarrean dagoen bitartean hautesleek ezingo dute erreklamaziorik egin barruti batetik bestera egoitza aldatzeagatik, baldin eta aldaketa hori deialdia baino 2 hilabete lehenago gertatzen bada. Neurri horien bidez, hauteskundeak direla-eta gertatu ohi diren iruzurrezko erroldatzeak saihestu nahi dira. Horrez gain, irregulartasun horiek gerta ez daitezen, 39.4. artikuluak baliabide berri bat gehitu du; horren bidez, dagokion aurkaratzea aurkeztu ahalko da Hauteskunde Erroldako bulegoaren Ordezkaritzan, baldin eta errolda itxi aurreko 6 hilabeteetan justifikatu gabeko hazkunde esanguratsuak gertatu badira hauteskunde-barruti horretako biztanleen artean. Aipatu Ordezkaritzek emandako ebazpenen aurrean, 40.1 artikuluak Administrazioarekiko Auzibidean aurkeztu beharreko berariazko errekurtso bat gehitu du, erroldako egintzak berrikusiko dituena.
  • Bozketa egiteko modua: 86.3 artikuluak hautesleei beraiei botoa hautestontzian sartzeko aukera ematen die, eta ez Mahaiko Presidenteari, orain arte bezala. Era berean, 87.2 artikuluak ikusmen-urritasuna duten pertsonek Braille bidez botoa emateko prozedura arautzen du hauteskunde hauetan. Hala ere, pertsona horiek botoa eman ahalko dute, bai Hauteskunde-mahaian bertan konfiantzazko pertsona baten laguntzaz, bai posta bidez.
  • Hauteskunde gastuak (murrizketa): Egun bizi dugun krisi ekonomikoaren ondorioz, zenbait murrizketa aplikatu dira hautagaien hauteskunde-gastuetan. Beraz, 53.4. artikuluari jarraiki, batetik debekatu egin da hauteskunde deialditik kanpaina hasi arteko tartean publizitatea eta propaganda egitea. Bestetik, 55.3 artikuluaren arabera, murriztu egin da espazio komertzialetan publizitatea jartzeak eragindako hauteskunde-gastuen gehieneko muga. Era berean, 2011ko hauteskundeetan aurkeztuko diren hautagai-zerrenden gastua %15 gutxitu da, eta blokeatu egin dira 2011ko ekitaldian, botoengatik, eserlekuengatik eta mailing-engatik ematen ziren diru-laguntzen zenbatekoak , HAOLOren Lehenengo Xedapen Iragankorraren arabera.
  • Hautagai-zerrendak legez kanpo uztea: 44.4. artikuluak indar politikoetara hedatu du legez kanpo utzitako alderdi politiko baten jardueraren oinordeko diren hautagai-zerrendak aurkezteko debekua. Bestalde, 49.5 c) artikuluaren arabera, ustez legez kanpokoak diren hautagai-zerrendei aurka egin ahal zaie hauteskunde kanpainan; horrela, kanpainako azken egunera arte luzatu da Auzitegi Konstituzionalak babes errekurtsoa ebazteko epea.
  
  Era berean, 108.4 Bis artikuluan aurreikusten denez, bozketa egiten den unetik hautetsiak izendatzen diren arte, Gobernuak kargu horien kautelazko indargabetzea eskatu dezake Auzitegi Goreneko Sala Bereziaren aurrean, baldin eta kargu horiek ordezkatzen dituzten alderdi, federazio edo koalizioen aurka legez kanpo uzteko prozedura edota epaia betearaztearen inguruko gertakari bat abiaraziko bada hurrengo 15 egunetan.
  
  Horren osagarri gisa, gerora sortutako bateraezintasun-arrazoi berri bat ere gehitu da; kasu hori, geroago epai irmo bidez legez kanpo daudela berretsi den alderdi, federazio edo koalizioek aurkeztutako hautagai-zerrendetako hautetsiei aplikatuko zaie, legez kanpo uzteko arrazoiei berariaz eta borondatez uko egiten ez badie behintzat.
  • Senaturako boto-txartela (eredu berria): 171.2 eta 172.3 artikuluak erreformatu dira, Senaturako hauteskundeetan baliogabeko botoen eta boto zurien portzentajea handia zelako, Kongresurakoetan baino askoz handiagoa. Horregatik, boto-txartelaren tamaina txikitu da, eta bertan hautagaiak baino ez dira agertuko, ez ordezkoak; horrez gain, argibide zehatzak jarri dira barruti bakoitzean eman daitekeen gehienezko boto kopuruari buruz. Boto-txartelaren eredu berria eta ezaugarri teknikoak irailaren 28ko INT 2609/2011 Aginduan zehaztu dira.
  • Hauteskundeetako aurre-kanpaina (2011ko irailaren 28tik azaroaren 3ra): HAOLOren 53. artikulua aldatu da; horren arabera, hautagai-zerrendei debekatu egiten zaie kartelen bidez, merkataritza-euskarrien bidez eta komunikabideetan hauteskunde propagandako ekitaldiak egitea. Ekitaldi horiek ezin dira justifikatu adierazpen askatasunerako eskubide konstituzionala erabiltzea dela argudiatuz.
  • Mahaikideen zozketari eta EHBk ukatutako desenkusei dagokienez: 26.2. artikuluak dioenaren arabera, 70 urtera arte luzatu da Mahaiko kide izan ahal izateko adina; zentzu horretan, ukoa aurkeztu ahalko bada ere, uko hori behar bezala arrazoitu beharko da, labur-labur, 27.3. artikuluan ezarritakoari jarraiki.
  • Aldi baterako (hauteskunde garaian) atzerrian egongo diren herritarren bozketari dagokionez, abenduaren 7ko 1621/2007 Errege Dekretua aipatu behar da. Horren bidez arautzen da herritar horientzako bozketa prozedura espezifikoa (299. zenbakidun BOE, abenduaren 14koa).
  • Boto baliogabea: 2011ko HAOLOren 96.2 artikuluaren erreformaren ondorioz, boto baliogabeen kasuak azaltzen dira. Horrela, Kongresurako hauteskundeen kasuan, boto-txartelean ageri diren hautagaien izenak aldatu, gehitu edo ezabatu egiten badira, edota nahitara eta borondatez, txarteletan beste edozein aldaketa egiten bada, boto baliogabea izango da.
    Aldiz, ez da baliogabea izango hautagairen baten izena seinalatuta agertzen den txartela (marka, marra, azpimarra, gurutze, puntu edo dena delakoaren bidez). Auzitegi Konstituzionalak uztailaren 14an emandako 124/2011 Epaiak ezartzen duenez (Oinarri Juridikoak, 3, 4 eta 5), boto-txartelean ageri den hautagai baten izenari egindako markak, botoaren zentzua argi eta garbi badago behintzat, ez du baliogabetasunik sortzen, baliotasuna baizik. Aurrekoarekin bat etorriz, Hauteskunde Batzorde Zentralak baliozkotzat jo zituen hautagai jakin baten izena markatuta edo ezabatuta duten boto-txartelak (HBZren Akordioa, 2011-11-16koa).
  • Atzerrian modu egonkorrean bizi diren egoiliarren eskatutako botoa: 75. artikulu berriak boto-prozedura arautzen du; izan ere, prozedura horri esker, atzerrian bizi diren egoiliarrek Kontsulatuan jarritako hautestontzian eman ahal izango dute botoa hauteskunde kanpainaren azken hiru egunetan. Nolanahi ere, Kontsulatura joaterik ez dutenek botoa posta bidez emateko aukera izango dute.
  • Urritasunen bat duten pertsonen parte hartzea azaroaren 20ko hauteskundeetan, ikusmen urritasuna duten pertsonei botoa errazteko moduak egikarituz (Abenduaren 7ko 1612/2007 Errege Dekretua) eta gorrek edota entzuteko ezintasunen bat dutenek hauteskunde Mahaietako kide izateko duten eskubidea aintzatetsi eta zeinu bidezko hizkuntza dakien interprete bat ahalbideratuz (Martxoaren 25eko 422/2011 Errege Dekretua).

2011KO AZAROKO HAUTESKUNDEETAN APLIKATZEKO HAUTESKUNDE BATZORDE ZENTRALAREN JARRAIBIDE ETA ERABAKIAK

• Hauteskunde-elkarteak: Gai honi buruz HBZk emandako akordioen laburpena eta HBZren 7/2011 Jarraibidea, irailaren 15ekoa , sinadurak egiaztatzeko prozedurari buruzkoa.
• Ahaldunak: Ahaldunak izendatzeko behar den dokumentazioari buruzko kontsulta (HBZren Akordioa, 2011-11-16koa).
• Udalak: Kontsulta: boto-txartelak, kartelak eta hauteskunde-materiala biltegiratzea eta banatzea Udalen eskumena ote den (HBZren 2011-10-27 Erabakia)
• Kanpaina instituzionalak eta inaugurazioak: Autopista baten inaugurazioa dela-eta, komunikabide batean Sustapen Ministerioak txertatutako iragarkiari buruzko salaketa (HBZren Akordioa, 2011-11-16koa). Bertan behera utzi dira atzerrian bizi diren zenbait espainiar ospetsuri dominak emateko herrialde batzuetan programatuta zeuden ekitaldiak, baliabide publikoak eta Estatuko erakundeak erabiltzen zirelako (HBZren Akordioa, 2011-10-27). HAOLOren 50. artikuluaren interpretazioa, botere publikoek hauteskunde-garaian egindako kanpaina instituzional eta inaugurazio-ekitaldien xede eta mugei buruzkoa: HBZren 2/2011 Jarraibidea, martxoaren 24koa. HBZren Akordioa, 2011-04-07koa, exekuzioan dauden herri-lanetara egiten diren bisitei buruzkoa, Sustapen Ministerioaren lurzoruen salmenta sustatzeko publizitate kanpainei buruzkoa, etab. Hauteskunde garaian egiten diren inaugurazio eta beste jarduerei buruzko Kontsulta : HBZren Akordioa, 11-02-17koa. HBZren 2011-10-4 Akordioaren arabera, hauteskunde garaian inaugurazio ekitaldiak eta propaganda instituzionala debekatzen dituen martxoaren 24ko 2/2011 Jarraibidea aplikagarria da lurralde nazionaletik kanpo ere, atzerrian bizi diren egoiliarrei dagokienez. Errioxako PHBren Akordioaren aurkako errekurtsoa, "Adarraga" kiroldegiko instalazioen Ateak Zabalik jardunaldiari buruzkoa, eta Herri Lanetako Kontseilariak Logroñoko trenbidea lurperatzeko obrak direla-eta egindako bisitari buruzkoa (HBZren 2011-20-11ko Akordioa).
• Hautagai-zerrendak:
  • Behar den dokumentazioa: HBZren 2000-01-20 Jarraibidea. Hautagai-zerrendak aurkezteko dokumentazioari buruzko kontsulta HBZri (HBZren 2011-10-27 Erabakia). Hautagai-zerrendak onartzeari buruzko kontsulta (2011-10-27 Erabakia). Senaturako hautagai titular baten ukoari buruzko kontsulta (HBZren 2011-10-27 Erabakia).
  • Hauteskunde hauetan aurkeztu nahi duten, baina 2008ko Hauteskunde Orokorretan ordezkaririk lortu ez zuten hautagai-zerrendek behar dituzten abalak: HBZren 7/2011 Jarraibidea, irailaren 15ekoa, sinadurak egiaztatzeko prozedurari buruzkoa.
    HBZren 2011-11-04 Erabakia Auzitegi Konstituzionalak emandako ebazpenen ondorioei buruzkoa , hautagai-zerrendek aurkeztutako abalak zuzentzeari dagokionez.
    HBZren 2011-10-11ko eta 2011-10-27ko Akordioak, honakoari buruzkoak:
    • Zuzentzeko modukoa dela ebatzi da hautagai-zerrenda batek abalik ez izatea (Auzitegi Konstituzionalaren 2011-11-02ko epaiak baliogabetutako Akordioa, 11. eta 12. oinarri juridikoak)
    • Sinadura pleguen aurkezpena pdf formatuan.
    • Abalen baliozkotasuna k, hauteskunde-deialdia egin aurretik jasotakoak.
    HBZren 2011-09-29ko Akordioak, honako gaiei buruzkoak:
    • hautagai-zerrenda aurkezteko abalak jasotzea koalizioa eratu aurretik.
    • 7/2011 Jarraibidearen 3.4 atalaren interpretazioa.
    • hautagai-zerrendak abalatzeko sinadurak kaleetan, plazetan eta espazio publikoetan biltzeko aukera.
    HBZren 2011-10-4ko Akordioa, abalatzeko sinadurak sinadura elektronikoaren ziurtagiriaz balioztatzeari buruzkoa.
• Hautagai-zerrendak aldarrikatzearen aurkako errekurtsoa jartzeko epeen zenbaketa: HBZren Akordioa, 2011 -11-03koa HBZren 2011-11-03 Akordioa.
• Haustesle-errolda: Hauteskunde-erroldan gertaturiko aldaketei dagokienez hautagaien edota alderdi politikoen ordezkariek aurkeztu ditzaketen erreklamazio administratiboak, HAOLOren 38. eta 39. artikuluen arabera. HBZren martxoaren 24ko 1/2011 Jarraibidea. Hautagaiei erroldaren kopiak ematea eta posta bidezko botoa emateko dokumentazioa igortzea: Abenduaren 17ko 4/2009 Jarraibidea, Hautesle Erroldaren Bulegoak gai honi buruz dituen jarduerei buruzkoa. Zentsu-ziurtagiri espezifikoak: Apirilaren 12ko 7/2007 Jarraibidea, HAOLOren 85.1 artikuluan aurreikusitako zentsu-ziurtagiri espezifikoei buruzkoa. 1992ko irailaren 25eko Jarraibidea, 1992ko urtarrilaren 1eko hauteskunde-zentsua berrikusterakoan egon litezkeen akatsak zuzentzeari buruzkoa.
• Hauteskunde-koalizioak: Hauteskunde-koalizioen eraketa: HBZren 1/2010 Jarraibidea, irailaren 9koa eta honetarako behar den dokumentazioari buruz: hauteskunde-koalizio bat osatzea (HBZren 2011-04-07ko Akordioa).
• Telebistako eztabaidak: Ezquerra Republicana de Catalunya alderdiaren errekurtsoa, azaroaren 9ko eztabaidara I zquierda Unida gonbidatu izanaren aurka jarritakoa (HBZren Akordioa, 2011 -11-10ekoa). CIUk jarritako errekustroa, azaroaren 7ko "aurrez aurreko" eztabaidari buruz (HBZren Akordioa, 2011 -11-10ekoa). Azaroaren 7ko "aurrez aurreko" eztabaidaren ostean egindako saioen aurkako errekurtsoa (HBZren Akordioa, 2011-11-10ekoa). Azaroaren 7ko "aurrez aurreko" eztabaidaren harira, konpentsazio neurriak hartzeko eskaera (HBZren Akordioa, 2011-11-10ekoa). Azaroaren 7ko "aurrez aurreko" eztabaida bertan behera uzteko eskaera (HBZren Akordioa, 2011 -11-10ekoa).
• Hauteskundeetan bildu eta manifestatzeko eskubidea: Hauteskundeetako ekitaldi publikoetarako esleituta ez dauden plaza edo toki publikoetan manifestazioak egiteko baimenari buruzko kontsulta (AHBZren kordioa, 2011-11-10ekoa). Hauteskunde kanpainako ekitaldiak egiteko Udalen aldetik plaza publikoak erreserbatzearen ondorioei buruzko kontsulta ( HBZren Akordioa, 2011-11-10ekoa). HBZren 2011-10-06 Erabakia 2011ko aurreko hauteskundeetako hausnarketa egunean eta bozketa egunean egindako elkarretaratzeei buruzkoa, honakoaren arabera Estatuko Abokatuaren 2011-08-15 Txostena eta Auzitegi Gorenaren 2011-05-20 Autoa. HBZren 2011-05-19ko Akordioa, hausnarketa eta bozketa egunerako partikularrek sustaturiko kontzentrazio, elkarganatze eta manifestazioei buruzkoa.
• Zenbaketa orokorra: Hauteskunde Batzorde Zentralari boto baliogabeen inguruan egindako kontsulta, hautagai-zerrendako ordezkari batek ere ez zuenean protestarik egin Mahaiko zenbaketa egiteko unean (HBZren Akordioa, 2011 -06-16koa).
• Genero berdintasuna: HBZren Akordioa, 2011ko irailaren 15ekoa, Senaturako ordezkoen zerrendetan gizonak eta emakumeak modu orekatuan agertzeari buruzkoa.
• Kontu-hartzaileak: 2007ko martxoaren 22ko 2/2007 Jarraibidea, Hauteskunde Araubide Orokorraren Lege Organikoak 78. artikuluan aurreikusitako hautagai-zerrendetako kontu-hartzaileak izendatzeko prozedurari buruzkoa.
• Hauteskunde Batzorde Zentrala (barne-funtzionamendua): HBZren 7/2011 Ebazpena, irailaren 15ekoa , bere akordioak eta boto partikularrak jakinarazi eta argitaratzeari buruzkoa.
• Hauteskunde-batzordeak: 11/2007 Jarraibidea , HAOLOren 21. artikuluan aurreikusitako hauteskunde batzordeetako erabakien kontrako errekurtsoak tramitatzeko prozedurari buruzkoa.
• Titulartasun pribatuko eta publikoko komunikabideak: HAOLOn komunikabide pribatuetan hauteskundeei buruz ematen den informazioari buruz ezarritakoa interpretatu eta aplikatzeari buruzko kontsulta. (HBZren Akordioa, 2011ko maiatzaren 10ekoa). HAOLOren 66. artikuluaren interpretazioa, komunikabideek hauteskunde garaian aniztasun, berdintasun, proportzionaltasun eta neutraltasun printzipioak zaintzeari buruzkoa. HBZren 1/2011 Jarraibidea, martxoaren 24koa. HBZren Akordioa 2011 -04-07koa, titulartasun publikoko telebista-kate autonomikoetan programatu beharreko elkarrizketak banatzeko irizpideari buruzkoa. 1999ko irailaren 13ko Jarraibidea, Hauteskunde Araubide Orokorraren Lege Organikoaren 66. artikulua garatzen duena, hauteskunde garaian komunikabideek egindako ekintzen kontrako errekurtsoen prozedurari buruzkoa. PPk HBPren Akordioaren aurka jarritako errekurtsoa, RTVAren informazio-politikari buruzkoa (HBZren Akordioa, 2011 -11-16koa). UPyDren errekurtsoa, RTVEren informazio saioen aurka jarritakoa (HBZren Akordioa, 2011 -11-16koa).
• Hauteskunde-mahaiak: Mahaiak eratzeko ordutegia (HBZren 1509/2011 Erabakia). Mahaiko kideak izendatzea hautesle nahikorik ez dagoen udalerrietan. Mahaiko kideren batek Facebook-en, Twitter-en edo beste baliabide teknologiko batzuen bidez -telefonoa, mugikorra, etab- emaitzak ezagutarazteari buruzko kontsulta. Interneteko sare sozialetako jarduera dela-eta, Mahaiko kideei, Kontu-hartzaileei eta ahaldunei ezartzen zaizkien mugei buruzko kontsulta (HBZren Akordioak, 2001-05-19koak). Mahaiko kide ez izateko desenkusa justifikatuak: HBZren 6/2011 Jarraibidea.
• Mahaiko kidea: Gorrek edota entzuteko ezintasunen bat dutenek hauteskunde Mahaietako kide izateko duten eskubidea, HBZri zeinu bidezko hizkuntza dakien interprete bat eskatuta (HBZren 2011-06-30 Erabakia).
• Boto-txartelak eta gutun-azalak: Honakoari buruz Hauteskunde-mahaietan material hori entregatzeko prozedura (HBZren 2011-10-11ko Akordioa).
• Senaturako boto-txartelak: Senaturako boto-txarteletan hautagai-zerrendek izango duten ordena, 2008an ordezkaritza lortu zuten alderdiek koalizioa osatu ondoren, bakoitza bere aldetik aurkeztea erabakitzen badute (HBZren Akordioa, 2011-10-27koa). Senaturako boto-txarteletan hautagai-zerrendek izango duten ordena , Senaturako beste hauteskunde batzuetara aurkeztu gabeko hauteskunde Elkarteak eta hautagai-zerrendak baldin badira (HBZren Akordioa, 2011-10-27koa).
• Itsuak: 2011ko hauteskunde Orokor hauetan itsuak ezin dira hauteskunde Mahaietako kide izan, gai hau aurreikusten duen araudirik ez dagoelako (HBZren 2011-11-01 Erabakia).
• Hauteskundeetako aurre-kanpaina: HBZren 3/2011 Jarraibidea, martxoaren 24koa, HAOLOren 53. artikuluko debekuaren interpretazioari buruzkoa. Horrez gain, Jarraibidearen osagarri dira 2011-04-7ko HBZren Akordioak: hautagai-zerrenda edo hauteskunde programa aurkezteko hautagaien argazkiak hedabideetan agertzeko baimenari buruzkoak, edo hauteskundeetako mitinak iragartzeko edo kanpainako ekitaldietara joateko ibilgailu partikular batean argazkiak errotulatzeari buruzkoak.
• Hauteskundeetako propaganda:
• Propaganda bidalketak: Hauteskundeetako propaganda postan gordailutzeko epea luzatzea (HBZren Akordioak 2011-11-03 eta 2011-11-10ekoak ).
• Hauteskunde-iragarkietarako doako tarteak: Titulartasun publikoko komunikabideetan doako propaganda tarteak banatzea, hauteskundeetara aurkeztuko diren erakunde politikoen artean (HBZren Akordioa, 2011-10-27koa). Komunikabide publikoetako banaketa irizpideei buruzko kontsulta, RTVEren lurralde deskonexioak egiten direnean (HBZren Akordioa, 2011-11-03koa). Herritarren Foroari esleitutako tarteei buruzko kontsulta (HBZren Akordioa, 2011-11-03koa). Por un mundo más justo alderdiak banaketa horren aurka jarritako errekurtsoa (HBZren Akordioa, 2011 -11-03koa). EQUOren errekurtsoa, aipatu banaketaren aurka jarritakoa (HBZren 2011-11-03 Erabakia). PACMAren errekurtsoa, aipatu banaketaren aurka jarritakoa (HBZren Akordioa, 2001-11-03koa).
• RTVE Korporazioak hauteskunde orokorretarako duen informazio estalduraren plana (HBZren Akordioa, 2011-10-27koa). BNGk plan horren aurka jarritako errekurtsoa (HBZren Akordioa, 2011-11-03koa) Izquierda Unidak plan horren aurka jarritako Errekurtsoa (HBZren Akordia, 2011-11-10ekoa eta HBZren Akordioa, 2011-11-03koa). Coalición Canarias-Nueva Canarias-ek plan horren aurka jarritako Errekurtsoa (HBZren Akordioa, 2011-11-03koa). UpyDren errekurtsoa, plan horren aurka jarritakoa (HBZren Akordioak 2011-11-10ekoa, 2011-11-10ekoa eta 2011-11-10ekoa y HBZren 2011-11-03 Akordioa). Titulartasun publikoko komunikabideetan emititzeko doako propaganda-saioak eta HBPetan eskumenak ordezkaritzak HBZren irailaren 29ko 9/2011 jarraibidean finkatu dira.
• Teknologia berrien erabilera: Apirilaren 12ko 4/2007 Jarraibidea, informazio eta komunikazio elektronikoko teknologia berriak hauteskundeetarako propaganda-tresna gisa erabiltzeari buruzkoa. 2004ko urtarrilaren 20ko Jarraibidea , hauteskunde-erroldako datuak internet bidez kontsultatzeari buruzkoa. Eztabaida politikoa web gunetik emateko HBZren baimenari buruzko kontsulta (HBZren Akordioa, 2011-11-03koa).
• Bozketa:
  • Mahaikide izendatu dituzten gaueko txandako langileen eskubideak (HBZren Akordioa, 2011-11-03koa).
  • Posta bidezko botoa: Epea berriz luzatzeari buruzko ezezkoa (HBZren Akordioa, 2011 -11-16koa). Posta bidezko botoaren dokumentazioa aurkezteko epea luzatzea, Mahaira bidaltzeko (HBZren Akordioa, 2011-10-27koa). 1992ko otsailaren 10eko Jarraibidea eta 1993ko apirilaren 26koa, gaixorik edo ezinduta egonik, Hauteskundeetako Araubide Orokorreko Lege Organikoaren 72. artikuluak aipatzen duen dokumentazioa beren kabuz eskatu ezin duten pertsonei buruzkoa.
  • Modu iraunkorrean atzerrian bizi diren egoiliarren botoa: Kontsulatuko Bulegoek hauteskundeetako dokumentazioa AEHEn inskribatutako hautesleek adierazitakoa ez den beste helbide batera bidaltzeko aukera (HBZren Akordioa, 2011 -11-16koa). Hatagai-zerrendek OCEk AEHEren kopia -boto eskaera agertzen dena- emateko duten eskubideari buruzkoak (HBZren 2011-5-5eko Akordioa).
    
    HEBPOri boto eskaera faxez bidaltzeak duen baliozkotasunari buruz (HBZren 2011-10-4ko Akordioa). Gainera, HBZren Akordio horretan baliozkotzat jotzen dira HEBPOn postaz jasotako eskaerak, nahiz eta familia-taldeek edo antzekoek gutun-azal berean bilduta bidali eskaerak.
    
    Kontsulatuko bulegoetan hautagai-zerrenden Ordezkariak izendatzeko epeari buruz (azaroaren 12a baino lehen), eta Ordezkari kopuruaren muga (HBZren 2011-04-28 eta 2011-05-17ko Akordioak)
    
    OCEek AEHEren bozkatzeko dokumentazioa azaroaren 18an bertan bidaltzeko aukerari buruz, botoa entregatzeko epea egun horretan bertan amaitzen baita, Hautes Erroldako Bulegoa (OCE) ixten denean (HBZren 2011-05-12ko Akordioa).
    
    Atzerrian bizi diren AEHEko hautesleen boto gutun-azalak, PHBetara zuzenean postaz bidalitakoak, PHBetan zenbatzeari buruz (HBZren 2011-05-22ko Akordioa).
    Honakoari buruz: Kontsulatura botoa bidaltzea posta bidez, ziurtatuaren ordez (HBZren 2011-10-11ko Akordioa) eta honakoari buruz: Kontsulatuko hautestontzietan botoa uzteari buruzko hainbat gai (HBZren 2011-10-11ko Akordioa).
    

ALDIZKARI OFIZIALETARAKO LOTURAK INDARREKO HAUTESKUNDE ARAUDIAREN GAINEAN ETA BESTE INFORMAZIO INTERESGARRI BATZUK 2011KO HAUTESKUNDEEI BURUZ

• BOE
  • Hautagai-zerrendak
    • Aldarrikatutakoak: BOE, 257 zk, 2011-10-25ekoa eta BOE, 267 zk, 2011-11-05ekoa.
    • Aurkeztutakoak: BOE, 252 zk, 2011-10-19koa.
  • Hauteskunde-errolda eta boto-eskubidea duten biztanleak:
    • Martxoaren 25eko EHA/642/2011 Agindua, hauteskunde-errolda hilero eguneratzeko arau teknikoak jasotzen dituena (BOE, 73 zk, martxoaren 26koa).
    • Martxoaren 28ko 423/2011 Errege Dekretua, Hauteskunde-errolda hilero eguneratu eta bertan inskribatzeko behar diren datuak arautzeari buruzko otsailaren 2ko 157/1996 Errege Dekretua aldatzen duena: (BOE, 73 zk, martxoaren 26koa).
    • Abenduaren 7ko 1612/2010 Errege Dekretua, 2010-01-01ean, udal errolda berrikustearen ondorioz geratzen diren populazioari buruzko zifrak ofizialtzat hartzen dituena. (BOE, 311 zk, 2010-12-23koa).
    • Otsailaren 6ko 102/2009 Dekretua, abenduaren 26ko 1799/2003 Dekretua aldatzen duena. Horren bidez, hauteskunde-zerrenden eta hauteskunde-erroldaren kopien edukia arautzen da. (BOE, 33 zk, 2009ko otsailaren 7koa).
  • Hauteskunde deialdia
    • Irailaren 26ko 1329/2011 Errege Dekretua, Diputatuen Kongresua eta Senatua deuseztatu eta hauteskundeak deitzeari buruzkoa (BOE, 232 zk, irailaren 27koa).
  • Posta: posta zerbitzuak hauteskunde Orokorretan
    • Presidentziaren 2915/2011 Agindua, urriaren 28koa, posta zerbitzu unibertsala ematen duenari Hauteskunde Orokorretan zerbitzu publikoa emateko betebeharrak ezartzen dizkiona. Akatsen zuzenketa
  • Probintzietako Hauteskunde Batzordeak
    • Hauteskunde Batzorde horietarako izendatu diren batzordekide ez judizialak HBZren 2011-11-08 ebazpenez argitaratu dira (270. BOE, azaroaren 9koa). Batzorde horietarako izendatu diren batzordekide judizialak hemen agertzen dira: Botere Judizialaren Kontseilu Nagusiko Batzorde Iraunkorraren 2011eko irailaren 20ko Erabakia.
• 2011ko azaroaren 20ko hauteskundeetan erabili beharreko boto-txartelak (Senaturako eredu berria), gutun-azalak, hauteskunde-inprimakiak, hautestontziak eta kabinak.
• Boto-txartelaren eredu berria eta ezaugarri teknikoak irailaren 28ko INT 2609/2011 Aginduan zehaztu dira.
• Minusbaliotasuna duten pertsonak
  • Martxoaren 25eko 422/2011 Errege Dekretua, minusbaliotasuna duten pertsonek politikan eta hauteskunde-prozesuetan parte hartzeko oinarrizko baldintzei buruzko Araudia onartzen duena (BOE, 76 zk, martxoaren 30ekoa).
  • Abenduaren 7ko 1612/2007 Errege Dekretua, ikusmen urritasuna duten pertsonentzako botoa errazten duen prozedura arautzen duena (294. BOE, 2007ko abendukoa).
• Emaitza ofizialak:
  • BOE, 297 zk, 2011-12-10ekoa.
• Hauteskundeetarako diru-laguntzak
  • EHA 2608/2011 Agindua, irailaren 29koa. Horren bitartez eguneratu dira 2011n diren hauteskunde orokorrak helburu duten jardueren gastuetarako diru-laguntzen zenbatekoak.
• Konstituzio Auzitegia
  • Urriaren 20ko Akordioa, Auzitegiko erregistroan hauteskundeetako babes-errekurtsoa aurkezteko ezohiko datak eta ordutegiak ezartzen dituena.

• BOPV
• Agindua, 2011ko irailaren 27koa, Enplegu eta Gizarte Gaietako sailburuarena, 2011ko azaroaren 20an egingo diren Gorte Nagusietarako hauteskundeetan langileek, beren ordainsariak jasota, parte hartu ahal izateko arauak ematen dituena.
• Abenduaren 23ko 6/2010 Legea, EAEko Publizitate eta Komunikazio Instituzionalari buruzkoa (EHAA, 251 zk, 2010-12-31koa).
• LURRALDE HISTORIKOAREN ALDIZKARI OFIZIALAK
• Araba/Álava
  • Vitoria-Gasteiz eta Amurrioko Hauteskunde Batzordeek hauteskunde-kanpainako ekitaldiak doan egiteko lokal ofizialen eta toki publikoen zerrenda argitaratuko dute. Goian adierazitakoari buruz Vitoria-Gasteizko Hauteskunde Batzordeak egindako akats zuzenketa.
  • Kongresurako eta Senaturako hauteskundeetarako atal, mahai eta lekuen zerrenda argitaratzea. (ALHAO, 116zk, 2011-10-03koa).
• Bizkaia
  • Bilbao, Balmaseda, Durango eta Gernika-Lumoko Hauteskunde Batzordeek hauteskunde-kanpainako ekitaldiak doan egiteko lokal ofizialen eta toki publikoen zerrenda argitaratuko dute.
  • Kongresurako eta Senaturako hauteskundeetarako atal, mahai eta lekuen zerrenda argitaratzea. (BAO, 189zk, 2011-10-03koa).
• Gipuzkoa
  • Azpeitia, Bergara, Donostia-San Sebastián eta Tolosako Hauteskunde Batzordeek hauteskunde-kanpainako ekitaldiak doan egiteko lokal ofizialen eta toki publikoen zerrenda argitaratuko dute.
  • Kongresurako eta Senaturako hauteskundeetarako atal, mahai eta lekuen zerrenda argitaratzea. (GAO, 188zk, 2011-10-03koa).