Segurtasun Saila

• Informazio bilketa 2009ko otsailaren 5a eta 16a bitartean egin zen -biak barne- galdesorta egituratu eta itxia erabiliz, Euskal Autonomia Erkidegoko (EAEko) hiru lurraldeetarako lagin adierazgarri bati etxean egindako banakako elkarrizketen bidez.
• Lagina , 18 urte edo gehiagoko biztanleriari zuzendua, honela banatu zen: 714 pertsona Araban, 1.484 Bizkaian eta 1.134 Gipuzkoan, beraz, 3.332 pertsona elkarrizketatu ziren guztira. Gizabanakoen hautaketa prozedura polietapiko eta estratifikatuaren bidez egin zen, ausazko ibilbideak erabiliz -153 laginketa abiapunturekin (1) -, ondoren pertsonak sexuaren, adinaren eta lan egoeraren araberako kuoten bidez aukeratuz. Emaitzak hiru lurraldeetako biztanleria zentsuaren eta 2008ko Hauteskunde Orokorretako boto oroimenaren arabera haztatu dira.
• Ikerketaren diseinua eta emaitzen azterketa Prospekzio Soziologikoen Kabineteari dagozkio soilik. Bestalde, informazio bilketa Lurra eraikina, Txingurri pasealekua 28-30, 2, 20017 Donostia helbidean dagoen Ikertalde enpresak egin zuen.
• 3.322 pertsonako lagin honi dagokion lagin errorearen estimazioa, erabat ausazkoak diren laginketei egozgarria, +%3,7 Arabarako, +%2,6 Bizkaiarako eta +%3,0 Gipuzkoarako da, %95,5eko konfiantza mailarako, p=q=0,5 izanik.
• Inkesten %55,3 telefono bidez kontrolatu dira eta %7,6 berriz, etxean bertan. Horrez gain, jasotako galdetegi guztietan kontrol informatiko egokiak egin dira - logika, koherentzia eta heinari buruzkoak-.
• Datuen fidagarritasuna eta baliotasuna bermatua dago, bai Euskal Autonomia Erkidegorako (EAErako), baita lurralde bakoitzerako ere, lagin adierazgarri egokia erabiliz eta inkestaren azken emaitzen eta argitaratutako beste kanpo erreferentzia objektibo batzuen arteko desberdintasunen ebaluazioa eginez, azken hau beti ere, datu alderagarriak dauden kasuetan. Zehatzago, ondoko aldagaiei buruz ari gara: batetik 2005eko Eusko Legebiltzarrerako Hauteskundeetako botoaren banaketa erreala eta bestetik adina, sexua, ikasketa maila, lan egoera eta euskararen ezagutza mailari buruzko datu ofizialak.

(1) Hasiera puntu fisiko zehatza ausaz lortu zen hauteskunde sekzio bakoitzeko kale "zatien" multzoen artean (azterketarako unitate geografiko txikiena), Eustatek egindako kale izendegien arabera.