Hizkuntzan murgiltzeko egonaldi-programa Lehen Hezkuntzako 6. mailako ikasleak eta Bigarren Hezkuntzako 2. mailako ikasleak dituzten ikastetxe publikoentzat zuzenduta dago.

Programa honen helburua da ikasgelaz bestelako komunikazio-egoeretan ingelesa erabiltzen laguntzea eta, beraz, ohiko komunikazio-harremanetan ingelesa erabiltzeko aukera berriak sortzea. Programa hori ingelesean murgiltzeko egonaldiak dira, barnetegi-erregimenean eta 5 eguneko iraupenarekin (Lehen Hezkuntzako 6. mailako ikasleak eta Bigarren Hezkuntzako 2. mailako ikasleak).

2024-2025 ikasturtea

Deialdia

• Plazak eskaintzen dituen ebazpena

Xedea eta onuradunak

Ikastetxe publikoetan matrikulatutako Lehen Hezkuntzako 6. mailako ikasleentzako 1.775 plaza eta DBH-ko 2. mailako ikasleentzako 1.775 plaza deitzea, ingelesez murgiltzeko egonaldietan parte hartzeko.

• Jarduerak irauten duen bitartean, parte hartzen duten ikasleek istripu-asegurua eta erantzukizun zibileko asegurua izango dute.
• Lurralde historiko bakoitzaren matrikula-kopurua hartuko da kontuan ikastetxe-kopurua lurraldeka banatzeko.
• Jarduera 2024ko abendua eta 2025eko maiatza bitartean gauzatuko da, I. eranskineko egutegiaren arabera, eta barnetegi-erregimenean egingo da, astegunetan, astelehenetik ostiralera.
• Ingeles hizkuntza ikasteko jardueren programak II. eranskinean jaso diren orientabide orokorrak bete beharko ditu.

Ezaugarriak

• Parte hartu nahi duten ikastetxeek Lehen Hezkuntzako 6. mailako eta DBH-ko 2. mailako gelak osorik aurkeztu beharko dituzte.
• Ikastetxe bakoitzak ikasle parte-hartzaileei lagunduko dieten irakasleak izendatu beharko ditu, Hezkuntzako sailburuordearen ikasturte-hasierako ebazpenean ezarritako ratioari jarraituz. Irakasle laguntzaileek, ahal den neurrian, murgiltze-programa garatzeko ingelesaren ezagutza-maila egokia izango dute.
• Irakasle laguntzaileek taldeak jardueran egoki parte hartzen duela zaindu behar dute.

Epe-mugak

• Eskaera: 2024/09/24 - 2024/10/18 (biak barne).
• Justifikazioa: Barnetegia amaitu eta hamabost egun igaro aurretik.

• Eskabideak / Kontsultak:

• Ebazpena

  • Ebazpena, plazak ematen dituena  (argitaratze-data: 2024-11-11)
    

    * Egonaldien egutegia alda daiteke Eusko Jaurlaritzako Hezkuntza Sailetik kanpoko arrazoiengatik