Ekarpen farmazeutikoa
Non arautzen da ekarpen farmazeutiko berria?
Sendagaien eta osasun-produktuen bermeei eta erabilera arrazionalari buruzko Legearen testu bateginaren (uztailaren 24ko 1/2015 Legegintzako Errege Dekretua) 
102. artikuluan, erabiltzaileen eta onuradunen ekarpena farmazia-prestazio anbulatorioan.
Nola kalkulatzen da erabiltzaile bakoitzarentzako ekarpen farmazeutikoa?
Farmazia-ekarpena azken zerga-ekitaldiko PFEZaren aitorpenaren arabera kalkulatzen da.
|
Aktiboak |
Pentsiodunak |
Pentsiodunaren gehieneko ekarpena |
|
|---|---|---|---|
|
Errenta < 18.000 € urtean |
% 40 (OTI 003) |
% 10 (OTI 002) |
8,23 € hilean |
|
Errenta ≥ 18.000 € < 100.000 € urtean |
% 50 (OTI 004) |
% 10 (OTI 002) |
18,52 € hilean |
|
Errenta ≥ 100.000 € urtean |
% 60 (OTI 005) |
% 60 (OTI 005) |
61,75 € hilean |
Zer OTI kode daude eta zer ekarpen farmazeutiko dagokie?
- OTI 001 kodea, farmazia-salbuespena duten erabiltzaileentzat.
- OTI 002 kodea, % 10eko ekarpen murriztua duten erabiltzaileentzat.
- OTI 003 kodea, % 40ko ekarpena duten erabiltzaileentzat.
- OTI 004 kodea, % 50eko ekarpena duten erabiltzaileentzat.
- OTI 005 kodea, % 60ko ekarpena duten erabiltzaileentzat.
- OTI 006 kodea % 30eko ekarpena duten erabiltzaileentzat (MUFACE, ISFAS, MUGEJU).
Zer erabiltzaile daude ekarpen farmazeutikoa (OTI 001) ordaintzetik salbuetsita?
- a) Sindrome toxikoa eta desgaitasuna dutenak, araudi espezifikoan jasotako kasuetan.
- b) Gizarteratze-errentak jasotzen dituzten pertsonak.
- c) Kotizazio gabeko pentsioak jasotzen dituzten pertsonak.
- d) Langabezia-sorospena jasotzeko eskubidea galdu duten langabeak, egoera horretan dauden bitartean.
- e) Lan-istripuen eta lanbide-gaixotasunen ondoriozko tratamenduak dituzten pertsonak.
- f) Bizitzeko gutxieneko diru-sarreraren onuradunak.
- g) % 33 edo gehiagoko desgaitasun-maila aitortua duten adingabeak.
- h) Gizarte Segurantzaren prestazio ekonomikoa jasotzen duten pertsonak, familia-harrera iraunkorreko erregimenean edo adopzio-helburuko zaintzan ardurapeko seme-alaba edo adingabeagatik.
- i) Gizarte Segurantzako pentsiodunek, baldin eta urteko errenta 5.635 eurotik beherakoa bada, Pertsona Fisikoen Errentaren gaineko Zergaren aitorpeneko likidazio-oinarri orokorraren eta aurrezkiaren laukitxoan kontsignatuta, eta, aitorpena aurkeztu beharrik ez badute, 11.200 eurotik beherako urteko errenta jasotzen badute.
Zein da erabiltzaile pentsiodun batek ordaindu behar duen gehieneko ekarpena?
- 8,23 €/ hileko, urtean 18.000 eurotik beherako errenta dutenentzat.
- 18,52 €/ hileko, urtean 18.000 eta 100.000 euro arteko errentak dituztenentzat.
- 61,75 €/ hileko, errenta handiagoetarako.
Zein da MUFACE, MUGEJU edo ISFASeko (OTI 006) erabiltzaile batek ordaindu behar duen ekarpen farmazeutikoa?
MUFACE (Estatuko Funtzionario Zibilen Mutua Orokorra), ISFAS (Indar Armatuen Gizarte Institutua) edo MUGEJU (Justiziako Mutua Orokorra) erabiltzaileen ekarpena %30 da edozein egoeratan, ekarpen-mugarik gabe.
Esleitu zaion ekarpen farmazeutikoarekin ados ez badago, nora jo behar du pazienteak?
Gizarte Segurantzaren Institutu Nazionalera (GSIN) jo behar du bere intzidentzia bere gizarte- eta lan-egoerari buruzkoa bada, edo Lanbidera, diru-sarrerak bermatzeko errentaren (DSBE) jasotzailea dela adierazten bada.
Azken aldaketako data:
