EGITEN IKASI - ZUZENDARITZA-TALDEAK

EGITURA

1. Taldeak eta saioak

• Prestakuntza- eta ekintza-taldeak osatu dira, zenbait antolakuntza-unitatez eratuak; ahal izanez gero, 25 laguneko taldeak osatu dira. Talde handiagoak edo txikiagoak onartu dira, antolakuntza-unitateen osaera dela-eta hala komeni izan denean. Taldeetan, antolakuntza-unitateetako zuzendariek, lurralde-ordezkariek eta zerbitzu- eta arlo-arduradunek parte hartuko dute.
• Talde bakoitzaren prestakuntza-ekintzaren egitura: 8-10 hamar saio egingo dira talde guztiarekin, eta 2-4 saio osagarri gehiago, antolakuntza-unitate bakoitzarekin, haien lana eta etorkizuneko planak finkatzeko; guztira, aurrez aurreko 50 prestakuntza-ordu.

2. Bideratzaileak

• Bideratzaile batek zuzentzen ditu: prestakuntza-, koordinazio-, aholkularitza-, laguntza- eta jarraipen-lanak egingo ditu.

3. Saioen garapena. Saioetan jarduera hauek egiten dira:

• Agindutako lanak taldean berrikusi.
• Kudeaketa Publiko Aurreratuaren Ereduaren barruko oinarrizko jarduerekin zerikusia duten kontzeptu berriak azaldu.
• Talde txikietan (antolaketa-unitate bakoitzaren barruan) ariketak egin.
• Talde osoarekin ariketak egin.
• Saioen artean egin beharreko lanen mandatua zehaztu.

4. Dokumentazio lagungarria eta laguntza-plataforma

• Saio bakoitzean, dokumentazio lagungarria, materialak eta eredu egokituak banatzen dira, antolaketa-unitate bakoitzak errazago egin ditzan lan espezifikoak (“entregatzekoak”).
• Plataforma informatiko bat jarri da (Aurrerabide Txokoa), edukiak jaisteko, bideratzaileak zalantzak argitzeko eta parte-hartzaileen zerrenda erakusteko.

5. Saioen arteko lana

• Parte-hartzaileek prestakuntza- eta ekintza-jardueretan egindako aurrerapenen berri emango diete antolaketa-unitateko gainerako kideei.
• Era berean, arduradunek hobekien deritzoten moduan, antolaketa-unitateko gainerako kideekin lan egingo dute, eskatzen zaien dokumentazio espezifikoa ("entregatzekoak") prestatzeko.

6. Parte-hartzea eta konpromisoak

• Aurrez planifikatutako saioetan parte hartzeko eta lan-dokumentazioa osatzeko prest egoteko konpromisoa izango dute parte hartzen duten zuzendari eta zerbitzu-arduradunek, eta antolaketa-unitateko gainerako kideek parte hartzea bultzatuko dute.

7. Kudeaketa aurreraturako plan finkatuak dituzten antolaketa-unitateak

• Baldin eta antolaketa-unitateek kudeaketa aurreraturako planak abian jarri eta finkatu badituzte eta oinarrizko elementuen ezarpena gainditu badute Herritarrak Hartzeko eta Administrazioa Berritzeko eta Hobetzeko Zuzendaritzaren ustez, prestakuntza- eta ekintza-prozesu bat hitzartuko da haiekin, Ereduko beste elementu batzuk gauzatzeko.

EDUKIAK

2014-2016 DEIALDIETAKO DATUAK

• 103 zuzendaritza, erakunde autonomo, ordezkaritza.
• 685 zuzendari, ordezkari, zerbitzu-arduradun eta arlo-arduradun ari dira prozesuan zuzenean parte hartzen.
• 1.000 lagunetik gora zeharka parte hartzen ari dira.
• Eusko Jaurlaritzako sail guztiak parte hartzen ari dira dagoeneko, neurri batean edo bestean.

% parte-hartzaileak

Parte-hartzaileek betetako inkestak

Parte-hartzaileek diotena

EGITEN IKASI - PRESTAKUNTZA OSAGARRIA GAINERAKOENTZAT

EGITURA 

1. Taldeak eta saioak.

• Prestakuntza- eta ekintza-taldeak osatu dira, zenbait antolakuntza-unitatez eratuak; ahal izanez gero, 25 laguneko taldeak osatu dira.
• Talde txikiagoak onartu dira, 10 lagunetik gorakoak, baldin eta antolakuntza-unitate bakarrekoak baziren, eskainitako modulu batzuetarako hala komeni izan denean (prozesuak).
• Talde bakoitzaren prestakuntza eta ekintzaren egitura: 2-3 saio, talde osoarekin. 

2. Bideratzaileak.

• Saioak bideratzaile batek zuzentzen ditu: prestakuntza-, koordinazio-, aholkularitza-, laguntza- eta jarraipen-lanak egingo ditu.
• Saioetako batzuk Aurrerabide proiektuan lan egiten duten DACIMAko langileek eman dituzte. 

3. Saioen garapena. Saioetan jarduera hauek egiten dira:

• Moduluarekin erlazionatutako kontzeptuen azalpena 

4. Dokumentazio lagungarria eta laguntza-plataforma.

• Saio bakoitzean dokumentazio lagungarria, materialak eta eredu egokituak banatzen dira, pertsona edo pertsona-taldeak errazago egin ditzan lan espezifikoak (“entregatzekoak”).
• Plataforma informatiko bat jarri da (Aurrerabide Txokoa), edukiak jaisteko, bideratzaileak zalantzak argitzeko eta parte-hartzaileen zerrenda erakusteko. 

5. Saioen arteko lana.

• Beharrezkoa da prestakuntza hasi baino lehen agindutako dokumentu pratikoa lantzea eta jarduera batean lan egitea. 

6. Parte-hartzea eta konpromisoak.

• Parte hartzeak eskatzen du, batetik, zuzendaritza-taldeen Egiten Ikasi proiektuan parte hartu zutenek tutoretza-konpromisoa hartzea, eta, bestetik, parte-hartzaileek lan-dokumentazioa egitea.

EDUKIAK

Modulu bakoitzak eduki espezifiko bereiziak izango ditu.

2015-2016KO DATUAK

2015eko amaieran, proiektu pilotu bat egin zen prestakuntza osagarriko moduluak ematea aztertzeko; 89 lagunek parte hartu zuten. 

2016. urtean (urria-abendua) modulu hauek egiten ari dira (partaidetza ere erakusten da):