Arautegia
InprimatuEBAZPENA, 2024ko azaroaren 19koa, Enplegu Publikoko zuzendariarena, zeinaren bidez Gobernantza, Administrazio Digital eta Autogobernuko sailburuari igortzen baitzaio, lan-kontratuak egiteko, Euskal Autonomia Erkidegoko Administrazioko Lan Kontratudunen Kolektiboentzako Hitzarmenean lan-kontratudunentzat gordetako lanpostuetan enplegua finkatzeko zenbait prozesu berezitan eta enplegu publikoa finkatzeko salbuespenezko zenbait prozesutan hautatutako pertsonen zerrenda.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Gobernantza, Administrazio Digital eta Autogobernuaren Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 232
- Hurrenkera-zk.: 5458
- Xedapen-zk.: ---
- Xedapen-data: 2024/11/19
- Argitaratze-data: 2024/11/28
Gaikako eremua
- Gaia: Administrazioaren antolamendua
- Azpigaia: Gobernua eta Administrazio Publikoa; Funtzio publikoa
Testu legala
Gobernantza Publiko eta Autogobernuko sailburuaren 2022ko irailaren 8ko Aginduaren bidez, Euskal Autonomia Erkidegoko Administrazioko Lan Kontratudunen Kolektiboentzako Hitzarmenean lan-kontratudunentzat gordetako lanpostuetan enplegua finkatzeko prozesu bereziak eta enplegu publikoa finkatzeko salbuespenezko prozesuak arautzen dituzten oinarri orokorrak onartu ziren.
Gobernantza Publiko eta Autogobernuko sailburuaren 2022ko azaroaren 17ko Aginduaren bidez, deialdia egin zen Euskal Autonomia Erkidegoko Administrazioko Lan Kontratudunen Kolektiboentzako Hitzarmenean lan-kontratudunentzat gordetako lanpostuetan enplegu publikoa finkatzeko prozesu hauek egiteko besteak beste:
Laborategiko teknikaria. Enplegua finkatzeko salbuespenezko prozesua.
Laborategiko laguntzailea. Enplegua finkatzeko salbuespenezko prozesua.
Peritu Judiziala. Enplegua finkatzeko prozesu berezia.
Peritu Judiziala. Enplegua finkatzeko salbuespenezko prozesua.
IVAPeko zuzendariaren 2024ko irailaren 26ko Ebazpenaren bidez, prozesu horietan hautatutako pertsonen eta esleitu behar diren lanpostuen behin betiko zerrendak argitaratu ziren, eta, era berean, hogei eguneko epea eman zen prozesu horietan eskatutako baldintzak eta balioetsitako merezimenduak betetzen direla egiaztatzeko agiriak aurkezteko.
Ebazpen honen eranskinetan agertzen diren pertsona hautatu guztiek eskatu zaien dokumentazioa ezarritako epearen barruan aurkeztu dutenez, oinarri orokorren 16. apartatua betez, Gobernantza, Administrazio Digital eta Autogobernuko sailburuari igorri behar zaio Euskal Autonomia Erkidegoko Administrazio Orokorraren eta haren organismo autonomoen zerbitzurako lan-kontratuak formalizatu behar dituzten pertsonen zerrenda.
Horrenbestez, hau
Lehenengoa. Gobernantza, Administrazio Digital eta Autogobernuko sailburuari zerrenda hau helaraztea, Euskal Autonomia Erkidegoko Administrazio Orokorraren eta haren organismo autonomoen zerbitzuko lan-kontratuak egiteko: Euskal Autonomia Erkidegoko Administrazioko lan-kontratudunen kolektiboen hitzarmeneko lan-kontratudunentzat gorde ziren enplegua finkatzeko prozesu berezietan eta salbuespenezko prozesuetan Gobernantza Publiko eta Autogobernuko sailburuaren 2022ko azaroaren 17ko Aginduaren bidez antolatuetan hautatutako izangaien zerrenda. Hona hemen prozesuok, zerrendatuta eta haietako bakoitzari dagokion eranskina adierazita:
(Ikus .PDF)
Bigarrena. Hautatutako pertsonek 2024ko abenduaren 5ean sinatu behar dute dagokien lan-kontratua.
Ezarritako egunean lan-kontratua sinatzen ez duenak galdu egingo ditu ezinbesteko kasuetan izan ezik Euskal Autonomia Erkidegoko Administrazio Orokorreko eta haren organismo autonomoetako lan-kontratudun finko izateko eskubide guztiak, deialditik eratorriak.
Ebazpen honen aurka, interesdunek gora jotzeko errekurtsoa aurkez diezaiokete Enplegu Publikoko sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.
Vitoria-Gasteiz, 2024ko azaroaren 19a.
Enplegu Publikoko zuzendaria,
NEKANE COBOS SALINAS.
(Ikus .PDF)
(Ikus .PDF)
(Ikus .PDF)
(Ikus .PDF)
