Arautegia
InprimatuEBAZPENA, 2023ko maiatzaren 10ekoa, Lanbide-Euskal Enplegu Zerbitzuaren Enplegurako Lanbide Heziketako zuzendariarena, zeinen bidez argitara ematen baita Euskal Autonomia Erkidegoko langabeei zuzendutako kontratazio-konpromisoko prestakuntza-ekintzak egiteko laguntzen 2022. urterako deialdiaren babesean emandako dirulaguntzen erakunde onuradunen zerrenda. Deialdia, hain zuzen, Euskal Autonomia Erkidegoan Enplegurako Lanbide Heziketa arautzen duen maiatzaren 31ko 82/2016 Dekretuaren esparruan sartzen da.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Lanbide-Euskal Enplegu Zerbitzua; Lan eta Enplegu Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 98
- Hurrenkera-zk.: 2450
- Xedapen-zk.: ---
- Xedapen-data: 2023/05/10
- Argitaratze-data: 2023/05/25
Gaikako eremua
- Gaia: Gizarte gaiak eta emplegua; Administrazioaren antolamendua; Hezkuntza
- Azpigaia: Lana eta enplegua; Gobernua eta herri administrazioa
Testu legala
Dirulaguntza publikoak ematean nahitaezkoa den publikotasun-printzipioa betetze aldera, Euskal Autonomia Erkidegoko langabeei zuzendutako kontratazio-konpromisoko prestakuntza-ekintzak egiteko laguntzen 2022. urterako dirulaguntza-deialdiak (Euskal Autonomia Erkidegoan Enplegurako Lanbide Heziketa arautzen duen maiatzaren 31ko 82/2016 Dekretuaren esparruan sartzen dena) 7.4 artikuluan ezartzen du Lanbide-Euskal Enplegu Zerbitzuko Lanbide Heziketako zuzendariaren ebazpen bidez argitaratuko dela Euskal Herriko Agintaritzaren Aldizkarian deialdi horren babesean emandako laguntzen onuradun izan diren erakundeen zerrenda, jasotako zenbatekoak eta EGFek finantzaketan parte hartzen duela adierazita. Lanbide-Euskal Enplegu Zerbitzuko Administrazio Kontseiluak erabaki bidez onartu zuen deialdi hori, 2021eko abenduaren 13an egindako bilkuran.
Hori dela-eta, honako hau
Lehenengoa. Euskal Herriko Agintaritzaren Aldizkarian argitaratzea Euskal Autonomia Erkidegoko langabeei zuzendutako kontratazio-konpromisoko prestakuntza-ekintzak egiteko laguntzen 2022. urterako dirulaguntzen erakunde onuradunen zerrenda, eta bertan ondo zehaztea espediente-zenbakia, erakunde onuradunaren izena eta emandako dirulaguntzaren zenbatekoa, ebazpen honen I. eranskinean jasotakoaren arabera.
Bigarrena. Berariaz jasotzea Lanbide-Euskal Enplegu Zerbitzuak eta Europako Gizarte Funtsak elkarrekin batera finantzatzen dutela, Euskal Autonomia Erkidegoko 2014-2020 aldirako EGFren Programa Eragilearen esparruan, eta bereziki REACT-UE ardatzaren barruan, Europar Batasunak COVID-19 pandemiari emandako erantzun gisa, edo 2021-2027 aldirako Euskal Autonomia Erkidegoko EGF Plus Programa Eragilearen esparruan. Gazte hautagarrien kasuan, 2014-2020 Gazte Enplegurako Programa Operatiboaren esparruan.
Vitoria-Gasteiz, 2023ko maiatzaren 10a.
Lanbide-Euskal Enplegu Zerbitzuaren Enplegurako Lanbide Heziketako zuzendaria,
JUAN CARLOS IBARROLA SÁENZ DE UGARTE.
(Ikus .PDF)
