2022ko ekainaren 3an, EHAAren 107. zenbakian, Lurralde Plangintza, Etxebizitza eta Garraioetako sailburuaren Agindua argitaratu zen, zeinaren bidez oinarri arautzaileak ezartzen baitira eta deialdia egiten baita Euskal Autonomia Erkidegoko udalei dirulaguntzak emateko 2022ko ekitaldirako, udal-informazio geografikoa hobetzeko eta Euskadiko datu espazialen azpiegituran integratzeko geoEuskadi geoatariaren bidez.

Eskabideak aurkezteko epea 2022ko uztailaren 5ean amaitu zen, hala baitago ezarrita dirulaguntzak ematea arautzen duen Aginduaren 6.1 artikuluan. Epe horretan, 30 eskabide jaso dira Lurralde Plangintzaren eta Hiri Agendaren Zuzendaritza honetan, eta ebazpen honen I. eranskinean daude denak adierazita.

Deialdia egiteko Aginduaren 8.1 artikuluan xedatutakoaren arabera, Balorazio Epaimahaia 2021eko uztailaren 8an eratu zen, jasotako eskabideak aztertu eta egiaztatzeko, kontuan hartuta 9. artikuluan xedatutakoa (esleipenerako irizpideak eta gehieneko puntuazioa).

Agindu horren 17. artikuluan aurreikusitakoaren arabera, guztira 200.0000 euro bideratuko dira dirulaguntzak emateko. Bestalde, 15. artikuluak zehazten duenez, diruz lagunduko da laguntza teknikoa kontratatzeagatik sortutako gastuen % 75, proiektu bakoitzerako 12.000 euroko gehieneko muga jarrita, aurrekontu-kreditua amaitu arte; eta BEZa edota bestelako zergak ezin izango dira diruz lagundu.

Epaimahaiak, proposamenak aztertu eta egiaztatu ostean, eta horren ondorioz, 2022ko uztailaren 18an, 8.3 artikuluan xedatutakoari jarraituz, Sailburuordetza honetan aurkeztu zuen esleipenerako proposamena, non adierazten baitu zein diren diruz laguntzea proposatu diren eskabideak, honakoak ere adierazita: udala, diruz lagundu daitekeen proiektua, lortutako puntuazioa eta dirulaguntzaren zenbateko proposatua.

Deialdia egiteko Aginduaren 10. artikuluan xedatutakoa betez eta horretarako eratutako Balorazio Epaimahaiak egin duen proposamena ikusita, honako hau