Uren ekainaren 23ko 1/2006 Legearen VIII. kapituluan, uraren kanona sortzen eta arautzen da, Euskal Autonomia Erkidegoko tributu propio gisa.

Azaroaren 4ko 181/2008 Dekretuaren bidez, Uraren Kanonaren Araubide Ekonomiko-finantzarioaren Erregelamendua onartzen da.

Azaroaren 2ko 229/2021 Dekretuaren bidez, Uraren Kanonaren Erregelamendu berria onartzen da, eta, xedapen indargabetzaile bakarrean, azaroaren 4ko 181/2008 Dekretuaren indargabetzea ezartzen da.

Dekretu horren azken xedapenetako lehenari jarraikiz, Uraren Euskal Agentziako zuzendari nagusiari ahalmena ematen zaio dekretu horretan aipatzen diren ereduak onartzeko. Eredu horiek Euskal Herriko Agintaritzaren aldizkarian argitaratu beharko dira.

Azken xedapenetako lehenak ematen dizkidan ahalmenei jarraikiz, honako hau

Lehenengoa. F.A.-0008 eredua.

Ebazpen honen I. eranskinean agertzen den F.A.-0008 eredua («Uraren aprobetxamenduak, Hasierako adierazpena») onartzen da.

Bigarrena. F.A.-0009 eredua.

Ebazpen honen II. eranskinean agertzen den F.A.-0009 eredua («Erakunde hornitzaileentzako hasierako adierazpena») onartzen da.

Hirugarrena. F.A.-0010 eredua.

Ebazpen honen III. eranskinean agertzen den F.A.-0010 eredua («Salbuespenen eta hobarien eskaera») onartzen da.

Laugarrena. F.A.-0011 eredua.

Ebazpen honen IV. eranskinean agertzen den F.A.-0011 eredua («Zenbatespen objektiboko sistema ezartzeko eskaera») onartzen da.

Bosgarrena. F.A.-0012 eredua.

Ebazpen honen V. eranskinean agertzen den F.A.-0012 eredua («Uraren aprobetxamenduak. Autolikidazioa») onartzen da.

Seigarrena. F.A.-0013 eredua.

Ebazpen honen VI. eranskinean agertzen den F.A.-0013 eredua («Erakunde hornitzaileentzako autolikidazioa») onartzen da.

Zazpigarrena. F.A.-0014 eredua.

Ebazpen honen VII. eranskinean agertzen den F.A.-0014 eredua («Emandako bolumenen informazio-eredua») onartzen da.

Zortzigarrena. F.A.-0015 eredua.

Ebazpen honen VIII. eranskinean agertzen den F.A.-0015 eredua («Emandako hobari edo salbuespen baten indarraldia berritzeko erantzukizunpeko adierazpena») onartzen da.

Bederatzigarrena. Honako hauek indargabetzen dira: Uraren Euskal Agentziako zuzendari nagusiaren 2009ko otsailaren 2ko Ebazpena, uraren kanona kudeatzeko ereduak onartzen dituena, eta Uraren Euskal Agentziako zuzendari nagusiaren 2009ko azaroaren 26ko Ebazpena.

Hamargarrena. Ereduak jendearen eskura egongo dira Uraren Euskal Agentziaren edozein bulegotan, eta Uraren Kanonaren Erregelamendua onartzen duen azaroaren 2ko 229/2021 Dekretuak ezarritako aldietan aurkeztu ahal izango dira.

Halaber, www.uragentzia.eus webgunearen bitartez edo Eusko Jaurlaritzaren egoitza elektronikoan egongo dira eskuragarri ereduak.

Ebazpen hau 2022ko urtarrilaren 1ean jarriko da indarrean.

Vitoria-Gasteiz, 2021eko abenduaren 13a.

Zuzendari nagusia,

ANTONIO AIZ SALAZAR.

(Ikus .PDF)