Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren bidez, Osakidetza Ente Publikoan oinarrizko destinoak betetzeko lekualdatze-lehiaketa ireki eta iraunkorraren prozeduraren oinarriak onartu ziren eta 2019ko abenduaren 24ko EHAAko 244. zenbakian argitaratu ziren.

2019ko azaroaren 27ko Erabakiaren 10.1 oinarriarekin bat etorriz, Osakidetza-Euskal osasun zerbitzuko Zuzendaritza Nagusiak lekualdatze-lehiaketa kalifikatuko duen epaimahaia izendatuko du Ebazpenaren bidez, eta epaimahai hori denboraldi jakin baterako izendatzea aurreikusi ahal izango da, hurrengo esleipen-prozesuetan baremazio- eta balorazio-zereginak egin ahal izateko.

Osakidetza-Euskal osasun zerbitzuko zuzendari nagusiaren urtarrilaren 26ko 112/2021 Ebazpenaren bidez, zenbait alderdi ezarri ziren Osakidetza-Euskal osasun zerbitzuko lekualdatze-lehiaketa ireki eta iraunkorreko epaimahaietako kideak izendatzeko, eta zehaztu zen epaimahai batek bilduko dituela Diplomadun sanitarioak lanbide-taldean integratutako kategoria guztiak, partzialki aldatutakoa Osakidetza-Euskal osasun zerbitzuaren zuzendari nagusiaren uztailaren 8ko 922/2021 Ebazpenaren bidez.

Aipatutako Ebazpenaren atal ebazleko bigarren apartatutak ezartzen ditu Osakidetza-Euskal osasun zerbitzuko lekualdatze-lehiaketa ireki eta iraunkorraren epaimahaietako epaimahaiburuak, epaimahaikideak eta idazkariak izendatzeko zozketa arautuko duten arauak. Epaimahaikide gisa parte hartzeko zozketa publikoa egin behar da epaimahaikideen artean, dagokion Ebazpenean jasotako arauen arabera.

Osakidetza-Euskal osasun zerbitzuko zuzendari nagusiaren uztailaren 3ko 1314/2023 Ebazpenaren bidez, zenbait irizpide ezarri ziren Osakidetza-Euskal osasun zerbitzuko Lekualdatze-lehiaketa ireki eta iraunkorreko epaimahaiak berritzeko eta epaimahaietako kideak izendatzeko.

Aipatutako 2019ko azaroaren 27ko Erabakiaren 10.1 oinarriarekin bat etorriz, irailaren 29ko 1889/2023 Ebazpena eman zen, Osakidetza-Euskal osasun zerbitzuko zuzendari nagusiarena, zeinaren bidez izendatzen baitzen lekualdatze-lehiaketa ireki eta iraunkorreko epaimahai kalifikatzailea Diplomadun sanitarioen lanbide-talderako, Osakidetza-Euskal osasun zerbitzuko zerbitzu sanitarioetako erakundeetako destinoetarako (2023., 2024. eta 2025. urteetan argitaratuko diren Kudeaketako Langileen kategoria guztietako destinoak eskaintzeko zikloetan).

Osakidetza-Euskal osasun zerbitzuko zuzendari nagusiaren urtarrilaren 19ko 108/2024 Ebazpenaren bidez, irailaren 29ko 1889/2023 Ebazpena aldatu zen, eta hau ebatzi zen: «izendapenaren iraupena 2023an eta 2024an argitaratutako lehiaketa ireki eta iraunkorreko destino-eskaintzaren zikloak amaitu arte luzatzea».

Irailaren 29ko 1889/2023 Ebazpenarekin batera doan eranskinean, epaimahai kalifikatzailea osatzen duten kideen zerrenda agertzen da. Zehazki, honako hauek izendatzen dira:

Laugarren epaimahaikidea:

Titularra: José María Quijada Gutiérrez.

Ordezkoa: Miren Koldobike Querejeta Pinzolas.

2023ko uztailaren 17an zozketa egin zen, epaimahaikideak izendatzeko pertsonen zerrenda osatzeko asmoz. Zozketa horretan, Miren Elixabete Querejeta Zabalo izendatu zen epaimahaikide titularraren lehenengo ordezko.

Irailaren 29ko 1889/2023 Ebazpena eman ondoren, José María Quijada Gutiérrez jaunak ez ditu betetzen epaimahai kalifikatzailean parte hartzeko legezko baldintzak, eta, beraz, ordeztu egin behar da.

Beraz, bidezkoa da José María Guijada Gutiérrez jauna Diplomatu sanitarioen lanbide-taldeko lekualdatze-lehiaketa ireki eta iraunkorreko epaimahaiko laugarren epaimahaikide titular izendatu izana baliogabetzea, eta bere garaian ordezko izendatutako pertsona epaimahaiko laugarren epaimahaikide titular izendatzea, eta, ondorioz, bere garaian ordezko izendatutako pertsona laugarren epaimahaikidearen ordezko izendatzea.

Horiek guztiak horrela, eta indarrean dagoen legedian pertsonaleko gaietan aitortuta ditudan eskumenez baliatuta, honakoa