Osakidetza-Euskal osasun zerbitzuko zuzendari nagusiaren urriaren 21eko 1310/2021 Ebazpenaren bidez, lekualdatze-lehiaketarako deialdia egin zen Administrazioko Teknikari Espezialisten lanbide-taldeko Administrari kategorian (Administrari lanpostu funtzionala) (2021eko azaroaren 8ko EHAA, 221. zk.). Lehiaketa hori Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren eranskinean jasotako oinarrien arabera arautu da.

Osakidetza-Euskal osasun zerbitzuko Giza Baliabideetako zuzendariaren azaroaren 15eko 516/2021 Ebazpenaren bidez, Administrazioko teknikari espezialisten lanbide-taldean, administrari kategoriako lekualdatze-lehiaketa ireki eta iraunkorreko 2021eko azaroko zikloko destinoen eskaintza argitaratu zen.

Osakidetza-Euskal osasun zerbitzuko Giza Baliabideetako zuzendariaren abenduaren 1eko 1000/2022 Ebazpenaren bidez, argitara eman ziren Osakidetza-Euskal osasun zerbitzuko zerbitzu sanitarioetako erakundeetan destinoa duten administrazioko teknikari espezialisten lanbide-taldeko administrari kategoriako lekualdatze-lehiaketa ireki eta iraunkorreko onartutakoen eta baztertutakoen zerrendak, eta behin-behineko destinoak izendatu ziren, 2021eko azaroko zikloan deitutakoak.

Ebazpen honen I. eranskinean Ángel Basauri Fernández jauna, 14. lanpostuan onartutako pertsonen behin-behineko zerrendan ageri da, 34,3020 puntuko puntuazioarekin, eta, horrekin bat etorriz, III. eranskinean agertzen da, destinoen behin-behineko esleipena jasotzen baitu, eta destinoa esleitzen zaio Barakaldo-Sestaoko ESIn, San Eloy-Barakaldo Ospitalean.

Osakidetza-Euskal osasun zerbitzuko zuzendari nagusiaren otsailaren 6ko 158/2023 Ebazpenaren bidez (2023ko otsailaren 20ko EHAA, 35. zk.), Osakidetza-Euskal osasun zerbitzuko zerbitzu sanitarioetako erakundeetan destinoa duten administrazioko teknikari espezialisten lanbide-taldeko administrarien kategorian, 2021eko azaroko zikloan onartutakoen eta baztertutakoen zerrendak argitaratu eta deitutako destinoen behin betiko esleipena egin zen.

Behin betiko esleipenari buruzko ebazpen honetan, Ángel Basauri Fernández jauna baztertutako pertsonen behin betiko zerrendako II. eranskinean agertzen da. II. eranskinean, kanpoan uzteko arrazoitzat jasotzen da «lehiaketan atzera egin izana». Ondorioz, errekurtsogileari ez zitzaion destinorik esleitu lekualdatze-lehiaketaren prozesuaren behin betiko esleipen-fasean. Hori dela eta, ez da agertzen destinoen esleipena jasotzen duen behin betiko esleipenaren ebazpenaren III. eranskinean.

Otsailaren 6ko 158/2023 Ebazpenaren aurka, Ángel Basauri Fernández jaunak gora jotzeko errekurtsoa aurkeztu zuen, uste zuelako ez zela zuzenbidearen araberakoa 2021eko azaroko ziklotik kanpo uztea lekualdatze-lehiaketa ireki eta iraunkorretik.

Aurkeztutako errekurtsoa behar bezala aztertu ondoren, Osakidetza-Euskal osasun zerbitzuko Administrazio Kontseiluak egokitzat jo zuen errekurtsoa baiestea, eta 2023ko maiatzaren 30eko Erabakiaren bidez baietsi zuen, eta Zuzenbidearekin bat ez zetorrela deklaratu zuen Ángel Basauri Fernández, 2021eko azaroko zikloa, lekualdatze-lehiaketa ireki eta iraunkorrekoa. Bertan dagoela deklaratzea eta behin betiko destinoa esleitzea, zuzenbidean dagozkion gainerako ondorioekin.

Horregatik guztiagatik, eta langileen arloan indarrean dagoen legeriak ematen dizkidan ahalmenez baliatuz, hau